احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، مارس 10، 2011

لـــــسه ..

من عمايل ايد .... мαησηα بالظبط الساعة 5:30 م






سالخير عليكم نفر نفر 

يارب تكونوا كلكم بخير يارب 

هاكلمكم النهاردة عن 

لـــــــــــــــــسه

فاكرينها 

الكلمة اللى كنت كل شوية احطها ف اخر البوست ف اخر كل شهر السنة الماضية 

هاشرحهالكم بقه علشان بس الفضول مايعملش فيكم حاجة 

انا كنت كل شهر بحاسب نفسى كده واشوفنى ايه

اللى لسه ماعملتوش والمفروض كنت اعمله 

او كنت مستنياه يحصل وماحصلش 

المهم نقول ليكم عندى 12 لسه 

لـــ  1  ــــــسه 

 بتعب من الجيوب الانفية ورافضة تماما اروح لدكتور لانه 

انا مابحبش الكشف وبخاف من الحقنة 

لـــ 2  ـــــسه

 بكره الشتا وبحسها كئيبة يمكن لان كل محاولاتى ف انى اتدفى بتبؤ بالفشل 

لـــــ 3  ـــــسه 

بردو اصحابى بيعاملونى ع انى كائن تملى ( جاى من تملى معاك ) 

هابقى اشرحلكم النوعية دى من البشر ف بوست تانى 

لــــــ 4 ـــسه 

بعشق الربيع وبحس فيه بانعاشه بتحيينى من تانى 

لـــــ 5 ــسه 

فاكرة ان فيه ناس طيبين ومحترمين وملايكة 

لـــــ 6 ـــسه 

بكره الغربة اللى بحسها وانا وسط بلدى 

لـــــ 7 ـــسه 

بكره شهر يوليو بحسه ملئ بالملل 

لــــــ 8 ــــسه 

مش لقيتك مع انى تعبت من كتر مابدور عليك  :(

لــــــ 9 ــسه 

بكتئب من الخريف 

لـــــ 10 ــــسه 

مش قادرة ابطل انام متأخر واصحى بدرى زى البنى ادمين 

لـــــ 11 ــسه 

متشائمة 

لـــ 12 ــسه 

انت لسه ماجيتش  :(( 


♥♥♥♥♥♥♥♥♥♥♥♥♥


وخلصت 2010 وانا لسه زى ما انا 

غريبة مش فاهمانى ولا لاقيانى اصلا 

وجت 2011 

وجه يناير 

وخلص يناير 

وجه فبراير

وخلص فبراير 

وجه مارس 


ولسه ماخلصش مارس 

بس انا لـــــــسه 

وبسال نفسى كمان سؤال 

اشــــــــــمعنى انــــــــا ؟؟؟

:(( 







20 داقوا الشاى وقالولى رأيهم:

Baskouta يقول...

ولسة رغم كل لسة من ال 12 لسة
لسة قلبك جميل وفي لون الورد
لسة احساسك حلو
لسة بتعرفي تحبي
لسة طيبة
لسة عنيكي حلوة وبتشوف كل حاجة حلوة
لسة كلامك دافي وطلتك على حبايبك زي الشمس بتدفي
لسة انتي انتي
وكفاية انك تكوني انتي علشان تبقي كل حاجة حلوة
لسة منونة
ولسة بحبك

ahmed_k يقول...

كل اللسه ممكن نعديها ونتكلم ونتناقش فيها
إلا اللسه بتاعت شهر يوليو ، ده اغلى الشهور عندي رغم الحر بس برضو حلو هههه

وفعلا الأيام بتمر وبتجري مننا دون ان نلحق نحقق ما نحلم بيه
وهكذا هي طبيعة الدنيا لا تعطي للفرد كل ما يرجو
ولكن الرضا والمثابره مفتاح تحقيق الآمال
فطالما هما متواجدان فلا يأس

تقبلي تحياتي وطيب أمنياتي

لــــ زهــــــراء ــــولا يقول...

منوناااااااا
لسه فيه امل
لسه الجايات كتير
لسه الشمس بتطلع فى كل يوم
لسه احلى يوم فى حياتنا مش جه
لسه احلى فرحه مش زارتك

ولسه الجاى احلى

ولسه الرائع لم يأت بعد

زهــــــراء

لــــ زهــــــراء ــــولا يقول...

انا كمان يجي 500 لسة ...
كنت فكراكي بتحبي الشتا والمطر ... انا ببقى فيه بردانة بس احتمال الشتا الجاي احس بالدفى ان شاء الله.

انا بحس في الربيع بالحر والرمل والدنيا صفرا ممكن البس نظارة خضرا عشان الاقيها بقت زرقا :d>

في الخريف بحس ان كل شئ هادي وبرد بحب الاحساس ده ...بس فيه شئ لسة ناقصني ... بكره انك لسة مش جنبي ومش ماسك ايديا!!!


بموووت في يويو

لازم تتعالجي يا منمن من الجيوب الانفية عشان خاطر ربنا دي صعبة جدااااااااااااا


لولا ياحبيبتي

غير معرف يقول...

حلو أوي

ما بتحبيش الشتا

ولا شهر يوليو

ولا الخريف

طب ما كدا السنه خلصت

فاضل فيها ايه؟

اقبلي الحاجات على ما هي عليه

وتعايشي معاها

أمكن كان بها ما أمكنش تجاهليها واسقطيها من حساباتك

فراشة يقول...

منونتي

مش عارفه ليه دمعت لما قريت البوست دا ... هو انتي كنت زعلانه وانتي بتكتبيه ؟؟

1- ألف سلامه مين مش بيحب الدكاتره
بس انا بحب الحقن :) باين اتعودت عليها :)) بقول للدكتور اكتبلي حقن بدل الدوا
3- مستنيه الشرح
5- انا كمان لسه

ربنا يسعدك يا منونتي والله دعيتلك كتير النهارده والدنيا مطر :)

سارة درويش يقول...

أقولك يا ستي اشمعنى انتِ :

علشان مامتك ست طيبة ، وبتدعيلك من قلبها فربنا مش عايز يورطك وشايلك حاجة حلوة أوي ، فلازم تصبري علشان تاخديها .. كل حاجة في وقتها بتبقى حلوة .

كتير كنت بقارن بين وضعي ووضع ناس تانية واقول اشمعنى انا واشتهي حياتهم وراحة بالهم .. بس لما ببص على النتيجة والميزة اللي ربنا عوضني بيها بحس اني بقول الحمد لله اني ما كنتش زي أي حد

بحبك يا منونتي :*

мαησηα يقول...

بسكوتى الجميلة

ولسه انا مش عارفة

احبك زى ماتستحقى انى احبك يا بسكوتى

لانك بجد بجد بجد كتير عليا اوووووى

الحمد لله انك ف حياتىيا بسكوتى

:* :*:*:*:*:*

мαησηα يقول...

احمد ..

هههههههههه

طيب يابختك بتحب الشهر ده انا مش بحبه لانى اتولدت فيه :(

وبعدين دايما بتحصل فيه مصيبة سودة ههههه

اه والله السنين عدت كده ولسه الواحد زى ماهو :(

يابختك بتفاؤلك ده الله اكبر عليك

لحسن احسدك

نورتنى ويارب يكون الشاى عجبك عندنا ا فندم

мαησηα يقول...

زهراء ..

صح لسه الرائع لم يات بعد

وياخوفى الواحد يمو ت قبل مايشوفه

مرورك بيسعدنى جدااااا

мαησηα يقول...

لولا ..

ههههه لا يا حبيبتى مش بحبه اصلى بتحول لكائن اسمه تنبل بعيد عنك وببقى مكسحة من البررد

ههههه والله انتى سكر انا بحب ف الربيع بقيته اللى بيبقى الجو فيه حلو ده معتدل كده ولا حر ولا برد

الخريف كئيب بيجيلى اكتئاب فيه

ههههه علشان اتولدتى فيه لازم يبقى حلو يا لولا :) سرطانية اصيلة انتى


:(( حاااضر عااااااااا

انتى حبى :*

мαησηα يقول...

ابيه هانى ..

لا فاضل الربيع يا ابيه :)

امممم مش بعرف اعمل كده يا ابيه للاسف

مابعرفش اتعايش وبتعب من التفكير ف

فشلى ف التعايش :(

نورتينى يا ابيه :)

мαησηα يقول...

منمنتى ..

اه كنت مش مبسوطة مع انى ع الفيسبوك كنت باينة مزأططة انتى بتحسينى يا منمن دى مش اول مرة تقولى الحكاية دى وتطلع صح

انتى شكلك بتحبينى هههههه

الله يسلم عمرك يا حبى :) سلامتك حبيبتى من الشكشكة

حاضر هاقولك ف بوست يعنى ايه كائن تملى :)

اممم هيجى هيجى ان شاء الله

ويسعدك انتى كمان يا منمنتى الجميلة وانا دعيتلك ف الفجر :) يجعلها دعواتى من نصيبك يارب

بحبيكى انا

فراشة يقول...

ههههههه انتي لسه متعرفيش
دا انا بحبك من زمااااااااااااان

عسل يا منمن شفتي بقى بحس انا بالناس اللي بحبهم بس

ربنا يديم علينا المحبه ويارب يكتبلك كل خير وحب وسعاده وهنا يارب

kisses 4 you

sony2000 يقول...

نونو حبيبي
تصدقي اني عندي نفس ذات اللسه؟
وخدي دي عندك
ال...مش عرفه رقم كام
لسا مخلصناش من الكلام القديم بتاع الفتئه الطائفيه والجو دا بعد اللي شفناه في التحرير كلنا

وكملي
لسا يامصر مااتغيرتيش
مش عوزا تمشي لوحدك بدال ماحد يمشيكي:(

وواحدا قبل ماانسي
لسا مش هنزل اشوفك
وحشاني انتي وكيارا بجد
عياااااااط من هنا لبكرا الصبح:(((((((

мαησηα يقول...

سمو الاميرة اختى :)

اممممممم ده اكيد طبعا

عندك حق :)

الحمد لله الف حمد وشكر

انا بحبك اكتر يا سموى

мαησηα يقول...

منمنتى ..

:* :*:*:*:* :*
<3

мαησηα يقول...

سونى ..

ولسه حاجات كتير يا سونى

والله غصب عنى يا سونى انا شرحتلك

ظروفى قبل كده

دعواتك يا قمر

ahmed_k يقول...

إلا عجبني الشاي عندكم
ده عجبني جدا
بس المره الجايه زودي السكر شويه
بلاش بخل هههههه

мαησηα يقول...

احمد ..

السكر غالى يا احمد :)))

 

ೋ واحــد شـاى ♨ Template by Ipietoon Blogger Template | Gift Idea