احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، ديسمبر 27، 2010

الى مــــاسة قلب التدوين .. ..

من عمايل ايد .... мαησηα بالظبط الساعة 10:59 ص 17 داقوا الشاى وقالولى رأيهم




انا عارفة ان الكلام ده متأخر اوى

وانه المفروض كان يبقى بدرى عن كده

بس كل شئ باوانه 

طيب انتى بقه عارفة ان انتى الوحيدة 

اللى  قرات مدونتها من الالف الى الياء ..

اه عارفة صحيح منا قولتلك  :)

*****

طيب عارفة انى   من اول مرة كلمتك

فيها حسيتك دخلتى قلبى خبط لزق كده ايووووووون 

طيب عارفة ان الحاجة الوحيدة 

اللى مفرحانى بوجودى ف طنطا هى انتى 

*****

طيب عارفة انا ببقى قد ايه مطمنة

وانتى موجودة ف اى مكان  بنكون سوا فيه

وانى بتعلم منك كتير اووووووووووى 

*****

طيب عارفة انا قد ايه بزعل لما بلاقيكى متضايقة او تعبانة 

طيب كمان عارفة انك بجد بجد

من  اهم حسنات 2010  وبعتبر بجد 

انى كسبت كتير اوى لما  عرفتك 

*****

طيب عارفة انا بحب ضحكتك قد ايه ؟ 

طيب اما انتى عارفة مش بتضحكيها ليه ؟ 


*****


طيب بصى عارفة ان بجد اللى سماكى

صدق ف تسميتك بجد 

عارفة ليه ؟ 

اصل  انتى عاملة زى الماسة بالظبط 

صلبة وقوية اوى 

ايون لمعلوماتك الماس بيقطع الحديد 

انا اصلى كنت علمى هههههه 

بتقدرى تقاومى اى خدوش  ناتجة 

من تعاملات بنى ادمين مابيقدروش اللى بيتعاملوا معاهم

وكمان انتى  رقيقة اوى زى شكل  الماسة بالظبط 

والاهم بقه انك بجد غالية اوى اوى اوى 

ومحدش يقدر تبقى ف قلبه الا البنى ادم اللى يقدر 

قيمتك ويعرف قد ايه الجوهرة اللى ف قلبه  دى اصيلة  وغالية


*****

عارفة انا قد ايه فخورة بانك متبنيانى  روحيا

ورغم ان فرق السن بينا مش كبير الا انك فعلا قادرة تحتوينى اوى 

وقادرة تفهمينى اوى

عارفة ان ادق اسرارى مش مع مخلوق غيرك 

 عارفة ان خوفك عليا ده بخلينى طايرة ف السما 

عارفة انك طول الوقت فاهمة احساسى بالظبط 
ساعات بتبقى فاهمانى اكتر منى 


*****


ممكن تكونى عارفة كل ده لكن اكيد 

مش عارفة انا بحبك قد ايه 

واكيد مش عارفة انا فخورة قد ايه بانك مامتى الصغنونة 

واكيد مش عارفة انك اغلى هدية هدانى بيها ربنا السنة دى 


حبيت اختم بيكى السنة 

ليكون ختامها مسك


*****

ومن موقعى هذا احب اهديكى يا مامتى 

 اغنية 

كايدة العزال انا من يومى 

ايوة اه 

:))

لا بجد دوسى



*****

شكر خاص جداااااااااا

للعزيز شريف باشا 

لانه  هو اللى جمعنى بمامتى 

ميرسى يا شريف من هنا لحد حداكم 



ملحوظة  انا والله حاولت ارد ع تعليقات 

البوست اللى فات بس التعليقات رافضة تتنشر 

مش عارفة ليه

:(( 



السبت، ديسمبر 25، 2010

:)

من عمايل ايد .... мαησηα بالظبط الساعة 6:38 م 12 داقوا الشاى وقالولى رأيهم


من غير كلام


****
اذا كنت فقط انسان 

ياريت تحط الصورة ف مدونتك 

لعل وعسى  نقدر ننتصر ع وباء النميمة 

اللى بمنتهى البساطة بيخسرنا اعز الناس 

وبيقتل جوانا اى مشاعر حلوة بينا وبين بعض 

***
تعالوا نبدأ سنة جديدة نضيفة 



الأربعاء، ديسمبر 22، 2010

بـــــــــــــوح ...

من عمايل ايد .... мαησηα بالظبط الساعة 10:08 ص 5 داقوا الشاى وقالولى رأيهم



أبدعوا في اختراع كل الوسائل التي تؤدي الى الحب !

وعجزوا عن اختراع .... الحب !!

ونجحوا في صناعة كل سبل وطريق اللقاء!

وفشلوا في صناعة النصيب !

فلا أحد ينجح مهما أوتي من علم
 
 
في صناعة .... النصيب !

لهذا لم يأخذك مني.. 

حين أخذك ..

سوى النصيب !

******

أنت الشيء الوحيد الذي

لايستطيع ( google) ان يبحث عنه ويأتي به !!


****

يا أنت / تأخرت كثيييرا !

فوجهي في المرآة .. ماعاد يشبهني !

فهل مازال وجهك في المرآة .. يشبهك ؟


***

شهرزاد الخليج 







السبت، ديسمبر 11، 2010

حديقة المر

من عمايل ايد .... мαησηα بالظبط الساعة 5:03 م 23 داقوا الشاى وقالولى رأيهم






دعنى وشانى .. 

لست بحاجة الى مرارك
فحياتى حديقة مر مثمرة .. 

اجنى منها المرار مايكفينى ابد الدهر


منى درويش


الجمعة، ديسمبر 10، 2010

الى وطـــــن القلوب الخضراء .. مع خالص حبى

من عمايل ايد .... мαησηα بالظبط الساعة 1:02 م 12 داقوا الشاى وقالولى رأيهم
الى فاتيما الغالية

بصى بقه الكلام ده انا كنت هاقولهولك ف التليفون النهاردة
لو  كنتى رحتى البؤجة  

بس بما انك ماروحتيش وانا مش هاعرف اوصلك غير هنا 
وانا لزمن وحتمن ولابد اقوله  
ف هاقولهولك ف  بوست واحنا قاعدين سوا سوا 
انا وانت وبس يا جميل ف بلوجر 


انا دلوقتى مش هاحقد عليهم ههههه 
اصل  انا كنت بزعل انهم بيشوفوكى وانا تؤ 
الغيرة بتاكل قلبى كده يا اوختى بعيد عنك 

 نيجى بقه للكلام المفيد 
شوفى يا ستى زى اليومين دول انا كنت بقالى سنة
بقرألك  وعمالة  اقول لنفسى  هو لسه مجاش الاوان 
علشان تعلقى بقه عند فاتيما وتقوليلها انك بتحبيها اوى
وانك حساها شبهك اوى  وانك راسمالها ف خيالك  صورة  
حلوة اوى ومتاكدة انها هتطلع احلى  

كنت غيرانة اوى لما لقيتك نزلتى بوست الامنيات
  لراس السنة  كل واحد حسب برجه  كنت هاكتبلك
ساعتها كومينت اقولك فيه انا منونا  مواليد 4 يوليو 
قوليلى بقه بتتمنيلى ايه ف راس السنة 
بس قولت طيب هى هتعرفك ازاى يا هبلة
علشان تتمنالك وانتى بس بتقرى وساكتة 

عارفة كنتى بالنسبة لى  حب من طرف واحد :)))
انا بحبك جدا وبدعيلك ع طول وانتى مش عارفانى خالص 

عارفة عمرى ف حياتى ما صاحبت حد وكنت بغير عليه 
من اللى حواليه الا انتى و مامتى ريم  
حتى اللى كنت بحبه عادى يعنى كنت بغير عليه بس 
مش زى غيرتى عليكى   بغير اوى وانتى بتدلعى  
اى حد من حبايبنا  لدرجة انى بحطه ف دماغى  :)))
اه وربنا  واروح مدونتها وافضل ادرس الشخصية 
عن بعد  واسال عنها واشوف ايه النظام .. 
لا ده انا فظيعة ربنا مايوريكى يا اوختى  
ولو انك شوفتى اهو خلاص واللى كان كان 

عارفة انا كنت كتير اوى مش بعرف اعلق عندك 
كتير اوى بلاقيكى كتبتينى ف سطور 
ف ناس بحسها شبهى بس انتى وصلتى لدرجة التطابق
معايا لدرجة انى قلت لماما انا هابقى فاتيما رقم اتنين 
ف مجتمع التدوين 

عارفة  اول ما شافونى المدونين قبل ما اشوفك
قالولى انتى شبهه فاتيما اوى 
انا بصراحة  استغربت ساعتها اوى 
حتى هما استغربوا لرد فعلى 
استغربت ان ف حد شبهك ف  كل  حاجة
حتى شكلك  وع فكرة طلعنا فعلا فينا شبه من بعض 

انا كنت رسمالك صورة ملاك  حد مالوش شبه 
ولا زى  ماصدقتش نفسى بعد ما سلمتى عليا
  وحضنتينى عارفة كنتى وحشانى اوى 

الصدمة التانية كانت لما لقيتك بتطلعى القرنفل
من شنطتك لان انا ماكنتش اعرف انك كمان 
بتحبى القرنفل زى وشايلاه معاكى ع طول 

عارفة انا الدكتور منع عنى القرنفل بسبب حساسية
الصدر ومع ذلك كل ماتوحشينى بروح افتح العلبة
ف المطبخ واشمها وبتعب بس لانى بشوفك 
ف ريحته بعمل الحركة دى  كتير 

بحسك زى الرنفل بتسيبى  مكانك ريحة حلوة اوى 
ف اى مكان تروحيه وكمان بحسك  بتتحطى ع الوجع تبنجيه
  زى مابنحطه تحت ضرسنا لما يوجعنا 
انتى بتعملى كده يا فاتيما  بتبنجينا كلنا 

عارفة انا ليه بقولك انتى وطن القلوب الخضراء 
عارفة مين هما اصحاب القلوب الخضراء

أصحاب القلوب الخضراء
قلوبهم بلون الأشجار
أحلامهم بنقاء الماء
وخيالهم باتساع السماء
لديهم القدرة على التسامح بلا حدود
ويتمتعون بقدرة الاغتسال بماء الأماني
وقدرة الحلم والانغماس فيه إلى آخر قطراته

أصحاب القلوب الخضراء
يقتربون من الأرواح التي تمر في حياتهم حد الالتصاق
يتعلقون بالتفاصيل والبقايا كثيراً
يرافقهم حسن النية بالآخرين دائماً
يتفننون بالتماس الأعذار للغير
ولا يعرف الظن السيء إليهم طريقاً

أصحاب القلوب الخضراء
يتمسكون بالبدايات بإصرار
ويرفضون النهايات برعب
ولا يستوعبون واقع الفراق سريعاً
يتحايلون على الواقع بالحلم
يتحايلون على الحلم بالوهم
ولهم على خارطة الأحلام مساحات شاسعة
أصحاب القلوب الخضراء
لا يعترفون بالخيانة
ولا يذيقون سواهم مرارة الغدر
يبدؤون بنقاء
وينتهون بوفاء
يسرق الحنين منهم جزءاً كبيراً من العمر
يخلصون لحكاياتهم حتى الموت
وللأمس في أعماقهم معزة خاصة
أصحاب القلوب الخضراء
يمارسون دور حَمام السلام
ينشرون الحب على الأرض
يهمسون في بناء مدن الفرح
يسارعون لترميم انكسار القلوب
يتحدثون بصوت النقاء والحب والحلم
يشعرونك بأنهم قد اخترعوا البياض على الأرض

أصحاب القلوب الخضراء
حين يحبون يحبون بعنف
وحين يخلصون يخلصون بعنف
وحين يصدَمون يصدَمون بعنف
وحين ينكسرون ينكسرون بعنف
وحين يذبلون يذبلون بعنف
وحين يبكون يبكون بعنف
وقبل أن يرعبنا المساء
اذا كنت ممن يحيط يهم أصحاب القلوب الخضراء
فالتصق بهم جداً
فهم عملة نادرة في زمن القلوب الملونة

احنا بقه حبايبك اللى ف قلبك 

اصحاب القلوب الخضراء وانتى الوطن

اللى كلنا بننتمى ليه 

ف قلبك بحس ان  كل واحد ليه دولة 

ساكن فيها  ومعاه حبك ليه وهمه وفرحه

دايما فاكرانا ودايما بتطبطى علينا 

ودايما حاسة بينا ودايما مقدرة ظروفنا 

مع اننا ممكن نكون كتير اوى بنقصر ف حقك

  او مش طول الوقت حاسين باللى بيجرى جواكى 

كلنا وقت التوهه بنرجعلك ووقت الازمة 

والضعف بنجيلك جرى علشان تقوينا وتصبرينا 

وتقولى كلامك البلسم 

اللى بينزل ع الجرح يطيب  وع الوجع يسكنه

عارفة ليه لانك الوطن اللى بنتنمى ليه وكلنا فخر بذلك 


الناس اللى قالولى انتى شبه فاتيما 

انا نفسى ابقى ربعها بجد انا عمرى حتى ما هاكون ربعها 

لكن يكفينى شرف بجد ان اى حد بيتكلم 

عنى يقول دى امورة فاتيما وحبيبتها 

كفاية اوى انك شايفانى جميلة كده

  وف عينك امورة 

وصدقينى انا  بقيت بحاول اكون حلوة

علشان ما اخذلكيش ابدا


الحاجة الوحيدة اللى مخليانى  اغفر للسنة الهباب دى كل مساؤها

  انى شوفتك فيها وانى قابلتك مش مرة واحدة تؤ تلاتة

  وياريت بقة لو سمحتى تحطى اسمى 

ف لستة امنيات السنة الجديدة  وانتى عارفة انا عايزة ايه بالظبط 

كل البوست ده علشان اقولك انى بحبك اوى

وانك لؤلؤة بجد اى حد يفخر بوجودك ف قلبه 

واقولك الكلام اللى بقوله اصبر نفسى  بيه 

ان كل مايفارقنى حبيب احسه  كمالتى اقول اكيد 

ان ربنا شايلى حد هيحبنى اكتر 

وهيقدرنى اكتر وهيسقينى بدل العذاب والغلب

اللى شوفته ف حياتى كلها هنا وفرح 

بس بقه كفاية كده 


ملحوظة مهمة جدااااااا .. العياط قدام  الكمبيوتر 

وانتى بتقراى البوست ده  بتخلى حاجات مش ظريفة تنزل من المراخير

  وبتخلى الكيبورد تلزق  والكومينت هيطلع مش ظريف نوهائى 


ملحوظة تانية بحب شكل وشك وانتى حاسة باللى 

حاساه دلوقتى هتقوليلى شوفتينى

ازاى هاقولك اصحاب القلوب الخضرا بيشوفوا يعض  ؛ )

اتمنى انى اكون  خليتك تعيطى ايون

علشان الدموع بتخليكى تطلعى الاه

اللى مكتومة جوة قلبك  دى ومش راضية تخرج 

 

ع فكرة اى حد هيحسدنا بيته هيولع ايييييون  وهيترفد من شغله 

احسن لك تقول ماشاء الله ربنا يديم المحبة

ف الله دى بينكم  وهتلاقى ملك اليمين 

بيقولك ولك مثله وهتطلع مستفيد 

من البوست ده بان ربنا يرزقك بحب فاتيما 

او  لو مافيش  عندك فتيما يبقى

ربنا يرزقك بحب قلب من القلوب الخضراء 

سلام بقه

 

=========

انتوا قريتوا البوست ده ازاى بس ده

كان طالع  حروفه ضاربة خالص 

عوما انا ظبطته

 

فاتيما انا عارفة انك مش هتقدرى تردى 

دلوقتى بس هتلاقينى سايبالك  لينك وبقولك 

افعصى هونا انا عارفة انها وحشتك الكلمة دى 

ومش مطلوب منك كومينت حبيبتى والله 

كل المطلوب انك تبقى قوية اوى 

لانى عرفتك قوية ومش عايزة

2010 تفرح فيكى 

قدامك يومين .. حلو يومين 

تبقى فيهم حلوة والا هانفذ تهديدى هههههه



الثلاثاء، نوفمبر 30، 2010

اعتراف 4 ..

من عمايل ايد .... мαησηα بالظبط الساعة 4:43 م 7 داقوا الشاى وقالولى رأيهم




لم اتمنى ابدا انا اكون الاولى بحياتك
ولكن تمنيت من كل قلبى ان اكون الاخيرة

فالنهاية تكون دائمة ..

 
منى درويش
 
 
 
 

الاثنين، نوفمبر 22، 2010

الى كركبة المتكركبة القاطنة ف مدونة كركبة دماغ :)

من عمايل ايد .... мαησηα بالظبط الساعة 5:13 م 34 داقوا الشاى وقالولى رأيهم


عندنا بوستة يا فندم المدعوة منونا بعتالك الكارت ده
:)








عــــــــــارفــــــــــة 

انا بحـــــــــــــــــــــــــبـــــــــــــــــــــــــــــك 

وبس 

كان نفسى ابقى واقفة جنبك اوى 

بس انا عارفة ان وراكى قلب ع قد حنيته  ع قد ماهو قوى 

وده مطمنى 

قلب الغالية فاتيما 


ربنا يخليها لينا 

ومايحرمنيش منكم انتوا الاتنين 


*****

ولا خايفة من الحسد  ولا حاجة شوفتوا الجبروت بقه 

اصل انا دعيت ع اللى هيحسدنا ان بيته يولع 

هههههههههههههههه 





بتفتفت ..

من عمايل ايد .... мαησηα بالظبط الساعة 3:42 ص 12 داقوا الشاى وقالولى رأيهم




عارف .. ولو انك مش عارف

  فيه طوبة ف روحي بتتفتفت..

مِتخَيّل روحي بقت فتافيت؟

  مردومة الدنيا عليا عياط بتنقّط جوا ضلوعي صريخ

فـ باوَطِّي الصوت بامسك منْديل وَرَقُه مرطّب 

وأدعك قلبي بْحكَايات النور

  و أفضَل اطبطب “إهدَى.. إهدَى



 
رانيا منصور-  مدونة زهرة زرقاء






الأحد، نوفمبر 21، 2010

اعتراف 3

من عمايل ايد .... мαησηα بالظبط الساعة 8:37 ص 6 داقوا الشاى وقالولى رأيهم




يا قطعة القلب
أعترف باكية
مازلت أحبك
بطيش
و جنون
و مراهقة
و براءة
و فوضى
و همجية ْ


يا قطعة القلب
أحن إليك
إلى وجهك
إلى صوتك
إلى حرفك
إلى جنونك
إلى غيرتك
إلى قصرك
إلى جواريك
إلى سيفك وسيّافك
إلى حكاياتك المسائية


يا قطعة القلب 
شهرزاد الخليج 



الاثنين، نوفمبر 15، 2010

هابى عيييييد ..

من عمايل ايد .... мαησηα بالظبط الساعة 5:00 م 51 داقوا الشاى وقالولى رأيهم


كل سنة وانتوا طيبين وبخيروفى اللحمة غرقانين يارب 

ان شاء الله تنعاد عليكم الايام بالخير والبركة والفرحة يارب 

يارب كل الناس تبقى مبسوطة وفرحانة العيد 

ده ويكون من اجمل الايام ف العمر يارب 

انا مش عارفة اعمل بوست بذمة 

بس بقولكم ان العيد  فرحة ما تكمل إلا بوجودكم

والعيد بهجة ما تحلى إلا بقربكم

كل عام وإنتم بخير

 بحبكم ف الله جدااااااا 

اللى مزعل حد يصالحه

دعواتكم معايا 



الأربعاء، نوفمبر 10، 2010

اعتراف 2 ...

من عمايل ايد .... мαησηα بالظبط الساعة 5:05 م 28 داقوا الشاى وقالولى رأيهم




اعترف لك ...تعبت !!

لم يعد طوق النجاة يعنى لى شيئا....

اصبح الغرق بعيدا عنك

ارحم من النجاة بقربك ...

فلم يمنحنى قربك....

سوى المزيد من الحزن ..

والمزيد من الالم

والمزيد من الانكسار ....

شهرزاد الخليج

*******


 ملحوظة : ولو انها حاجة تخصنى انا بس بردو
الكلمتين دول لا يمتوا بصلة ولا لحبيب ولا زوج استبينا 


******

ملحوظة كمان اهم : دعواتكم واقفة جنبى اوى اوى
فوق ماتتخيلوا 
انا بحبكم اوى
استمروا 
ف الدعاء ليا الله يخليكم






 

ೋ واحــد شـاى ♨ Template by Ipietoon Blogger Template | Gift Idea