احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، سبتمبر 27، 2009

يارب يكون لى فيكى نصيب

من عمايل ايد .... мαησηα بالظبط الساعة 12:38 ص 2 داقوا الشاى وقالولى رأيهم


يارب يكون لى فيكى نصيب

واعيش العمر فى عينيكى 


واكون ليكى دفا وحبيب يحققلك امانيكى
واريح قلبك الغالى واطمن قلبى على حالى

واشيل منك ومنى الخوف

من الفرقه من التعذيب
يارب يكون لى فيكى نصيب

جميله الدنيا ان القلب يلاقى قلب يتمناه
يحققله امانى العمر

ويبقى لجرحه هو دواه

يا عمرى وكل ايامى
يا معنى لحبى وغرامى


يا شمس فى عمرى مش هتغيب

يارب يكون لى فيكى نصيب








السبت، سبتمبر 19، 2009

كل سنة وانتوا طيبين وف الكحك غرقانيين

من عمايل ايد .... мαησηα بالظبط الساعة 1:33 ص 10 داقوا الشاى وقالولى رأيهم





خلاص خلص رمضان

وماشى وسايبنا بجد الواحد زعلان اوى

كان فرصة جميلة اوى كل يوم واحنا واقفين

 بين ايدين ربنا وبندعى وواثقين ان ربنا هيستجيب

لاننا ف اللحظة دى احب خلق الله اليه

كنت مبسوطة اوى انى بعمل حاجة حلوة لربنا

 اللى مغرقنى ف نعمه ومش عارفة اشكره عليها ازاى

حاولت اصوم رمضان السنة دى بجد

والحمد لله يعنى اقدر اقول انه فعلا

احلى واحسن من رمضان اللى  فات

حاجات كتير اوى حصلت ف رمضان ده فرحتنى

من ضمنها اول يوم رمضان هلال اتصل بيا يقولى

 كل سنة وانت طيبة يا طنط منى

كنت طايرة من الفرحة بيه

كمان حفظت جزء من القرأن الكريم لا بأس به

الحمد والشكر ليك يارب

الجمال ان سماء كانت بتسمعلى كل يوم

ههههههه وكانت اشطر منى

  لانها سبقانى بمراحل

وكانت بتديلى هدية لو سمعت صح

كانت بتدينى حضن جامد اوى وتلات بوسات

هههههههههههه

ربنا مايحرمنى منها ابداااا يارب

كمان انبسطت اوى انى اقمت ليلة القدر

ودعيت لكل الناس اللى بحبهم ونفسى بجد

ربنا يكرمهم مانسيتش حد السنة دى الحمد لله

واول مرة ف حياتى ابكى وانا بقرأ القران كانت ف رمضان ده

واول مرة ابكى وانا ساجدة وبطلب من ربنا انه يقبل توبتى عن ذنوبى

واحس انى خايفة اوى اوى من عذاب القبر وعذاب يوم القيامة

الحمد لله  .. ربنا يارب يعيد علينا الايام دى

 تانى بالخير والبركة والصحة والسعادة يارب

ويتقبل دعائنا طول الشهر الكريم

ويتقبل صيامنا ويرزقنا رضاه

 وعفوه ورحمته يوم الحساب

كل سنة وانتوا طيبين وف الكحك غرقانين 

ويصبر يارب كل المتغربين ويرجعهم لاهلهم بالسلامة

ويفرحهم ويهون غربتهم يارب اللهم اميييييييييييييييين




الجمعة، سبتمبر 18، 2009

من حـــقنا نحـــــــــلم ..

من عمايل ايد .... мαησηα بالظبط الساعة 12:28 ص 2 داقوا الشاى وقالولى رأيهم



من حقنا نحلم ولو كده و  كده  

ونشوف الدنيا حلوة

 مع انها مش كده 

نفرح حبة ثوانى

 واصرخ واقول بحبك 

وتقولى قولها تانى

 قولها تانى قولها تااااااااانى 

نعسان ده ولا ساكت

 وسايب بردان ده ولا ده  دور وداير 

وده احلى ولا..

 الكل حاير 

..من حقنا 

نحلم بس وخلاص

 ونقوم الصبح عادى نقابل  نفس الناس 

من حقنا نحلم نحلم حتى فى سكات

 ونشوف حاجات حاجات مثلا ..

مثلا .. الناس سعيدة وشاطرة مش بليدة

 وقريبة و بعيدة بتحضن بعضها 

مثلا.. مثلا.. مافيش جراح 

والخلقة بقت براح 

وانا لو تعبت ارتاح فى حضن قلبها

 ..مثلا 

مثلا ..الكون جميل والنيل بقه الف ميل

وطن مالهوش مثيل فى الدنيا كلها 

من حقنا نحلم ولو كده و كده

 ونشوف الدنيا حلوة

 مع انها مش كده 

الأحد، سبتمبر 13، 2009

ياترى ايه اللى هيحصل ؟!!

من عمايل ايد .... мαησηα بالظبط الساعة 11:39 م 4 داقوا الشاى وقالولى رأيهم




أنتظرك بفرحتي

كباقة لعبّاد الشمس

في مزهرية

لكن..

فراشة الوقت
على وشك أن تطير




لا تكن آخر الواصلين

أحدهم سيجيء

سيجيء ويذهب بي

بعد أن يخلع باب

انتظاري لك




احلام مستغانمى

كلمات قطف سيفك بهجتها

السبت، سبتمبر 12، 2009

ملل .. ملل .. ملل ..

من عمايل ايد .... мαησηα بالظبط الساعة 12:24 ص 3 داقوا الشاى وقالولى رأيهم


عندي حالة ملل
بفقد بيها الأمل

مش عارفة أنا عايزة إيه

مش عارفة أنا رايحة فين

محتاجة أشوف حاجة تسعد قلبي الحزين
عندي حالة ملل

نفسي أرجع لنفسي وأنده على الأحلام
وأملك كل اللي نفسي يوصلني م الأيام

إحساسي باللي جاي إحساس مليان أمل
بس اللي أنا عايشاااااااااااااااااه
دلوقتي أكيد ملل
 

ೋ واحــد شـاى ♨ Template by Ipietoon Blogger Template | Gift Idea