احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، يوليو 04، 2010

كل 29 سنة وانا طيوبة ..

من عمايل ايد .... мαησηα بالظبط الساعة 12:04 ص




سالخيييييييييييييييير عليكوا كلاتكم نفر نفر

يارب كلكم تكونوا بخير وف احسن حال

منذ دقائق قفلت الــ 28 سنة بالتمام والكمال

والهم والغم والفرح والحب والخير

بكل حاجة حلوة وكل حاجة وحشة

وبدأت عامى الـــ 29

بدأته بصفحة جديدة

ف كل حاجة ف حياتى ان شاء الله

من اسبوع او اربع ايام لقيت الفيسبوك باعتلى

مش عارفة ايه كده بيفكرنى بعيد ميلادى

 وبيقولى اتمنى امنية بخصوص شوية كوارث ع مستوى العالم

 من ضمنهم كان مرض السرطان اخترته لانى حسيته ابشعهم

 الباقيين كانوا بخصوص مجاعات و حاجات من دى

 انا لقيتنى بختاره والمفروض انى هابعت للناس اصحابى

 واطلب منهم يتبرعوا بدولار لكل سنة من عمرى

 يعنى 29 دولار ههههههه

 طبعا اخدت فيه النصيب من اللى

 اتبعتلهم الرسالة ههههههههههههههه

 بس احب اقولكم انا ماكنتش

 اعرف ان الموضوع فيه تبرع وبتاع

 انا قلت اللى توصله الرسالة يحاول يدعى

 او لو قدر يعمل حاجة

 من اللى ف رسالتى يتفضل يعملها

 اعتبرتها تذكير للناس بالمرض اللعين ده

  لانها ماوصلتش غير لـ 29 بس من اصحابى :(
 
  كان نص رسالتى الاتى :

" النهاردة عيد ميلادى بقه عندى 29 سنة

والله اعلم هاقدر اعيش 29 سنة  تانى ولا لأ

يمكن اموت فجاة او يمكن يجيلى المرض ده

المرض اللى بيخطف الحبايب من وسط الحبايب

بيخطف عمرك وبيخطف حلمك وبيخطفك

انت نفسك من دنيا حتى لو كنت كارهها

 اهو كنت عايشها

بتمنى ف يوم ميلادى

 ان ربنا يمحى المرض ده من الوجود

وبدعو كل واحد قادر ع انه يقدم حاجة تمنع

 او تساعد ف مهاجمة المرض ده مهاجمة مببيدة

يتقدم ويساعد

وبتمنى من كل دكتور انه يكون

رؤوف بالمريض اللى يقع تحت ايده

ويحاول يفهمه انه مرض زيه

زى اى مرض تانى لو نفسيتك تعبت واستسلمت له

هيلتهمك لكن لو قاومته مش هيقدر عليك

بتمنى من اهل المريض ماييأسوش

ويبدأو يتعاملوا مع مريضهم ع انه

ميت فاضل كام يوم ويفارقهم

لا شجعوه انه يتعالج ويقاوم بكل قوته وقوتكم

بحبكم للشخص ده وع قد

ما انتوا عايزينه وسطكم خلوه يقاوم

ويارب يارب ماحد يصاب بيه ابداااااا

لا عدو ولا حبيب

يارب اللهم اميييييييين

خلصت رسالتى وامنيتى ف يوم ميلادى


---------------------

ده بوست يوم ميلادى السنةاللى فاتت

نفس امنياتى اللى تخصنى هى

هى مش هاقعد كل سنة اكررها بقه

ههههههههههههه



--------  حصاد الــ  28  -------

الحمد لله بفضل ربنا

ماخسرتش حد من الناس اللى عرفتهم

كسبت كتيييييييييييييييير

ناس بجد عشقت وجودهم ف حياتى

اتغيرت الحمد لله زى ماطلبت من ربنا

بقيت اقوى بقيت بكتب شعر هههههه

اه وربنا والمفاجاة انى بكتب قصص قصيرة

هانشرها قريبا وهتقروها هتقروها هههههه

" سمعاك ياللى بتقول منونا وقصيرة ازاى يعنى "

عارفة انى رغاية بس بجد هى قصص قصيرة

وبعدين انتوا اللى قعدتكوا حلوة اوى

بتخلوا الواحد نفسه تتفتح للكلام

ههههههههههههههه

سيبت الشغل وتفرغت باخد هدنة وبابنى نفسى من جديد

بس واخدة ف اعتبارى خبراتى من الشغل ف الحياة

الوقت اللى هاقعده من غير شغل

هاستغله استغلال كويس باذن الله

مش هاقول انا هاعمل ايه انا هاعمل ع طول

وربنا يقدرنى ويقوينى يارب

------  كلمتين وبس  -------

بابا حبيبى وماما حبيبتى


تعيشوا وتفتكروا اليوم الحلو اللى انا جيت فيه ده  :)

انا اسفة انى لحد دلوقتى مش قادرة

اتنازل عن اى حاجة ف دماغى

علشان انتوا تفرحوا بيا وتطمنوا عليا

صدقونى انا وسطكم ف امان

عن اما اكون مع واحد وخلاص

انا اسفة انى مش قادرة اتجوز وخلاص

واجيب ف عيال تملى البيت هيصة وتقرفكم ف عشيتكم  :)

بس والله والله والله لتفرحوا بيا وراسكم مرفوعة

وتتباهوا بجوز بنتكم باذن الله

والست اللى قالتلك يا امى

" هى بنتك فاكرة نفسها صغيرة دى فاتها القطر "

- مش عارفة انتى مش طالعة لى ليه كنتى قوليلها قطر يلمك -

 بكرة تقوليلها اهى بنتى وجوزها وعيالها

اهى صبرت ونالت

 " مش عايزة ادعى عليها الولية دى هههههههه

اهى صاحبة عيال بردو وبعدين

 لو دعيت عليها ربنا هياخدها

وهى عايشة اصلا بتكفر ذنوب جوزها

هههههههه اسكت يا لسانى "

سامحونى وبعدين ادينى مونساكم

والله بكرة تفتقدونى اشبعوا منى

 يمكن اتجوز ف السنغال ولا حاجة

وماتشوفوش وشى تانى ههههههه

==============

محمد اخويا :

حبيبى انا وتاج راسى ياللى مالك زى ف الدونيا كلها

اختك جدعة اوى وهتفضل طول عمرك فخور بيها اوى

انا بحبك اوى ربنا مايحرمنيش منك ابدا

===========

سمو الاميرة الجميلة سارة

اميرة قلبى انا بحبك اوى

مش عارفة اقولك ايه ع وقفتك جنبى

ومش عارفة بجد من غيرك انا كنت عملت ايه ف الدونيا

ربنا يخليكى ليا ومايحرمنيش منك ابدااااااااا


===================

اصحابى

بحبكم بجد كلكم

بحب دلعكم ليا بحب احساسى انى انا الصغنونة

الدلوعة الرقيقة البنوتة اللى كل يوم

تيجى تعيطلكوا من حاجة الدونيا زعلتها فيها

بحب اوى عيالكم وخناقتكم

مع اجوازكم ع مين اللى هيكلمنى الاول

ويلحق يقولى كل سنة وانتى طيبة يا منمن

بحب صحوبيتى ليكم

بحب جنانكم وبحب انكم مستحملينى اوى

وانا مطلعة عينكم

بحب تسمياتكم ليا ع موبايلتكم

انا بجد من غيركم ولا حاجة

ربنا مايحرمنى منكم ابدااااااا

تسمياتى ع موبايلات اصحابى هنزل بيه بوست

اينعم كنت مصدومة بس ضحكت بجد ضحك عليهم

يلا ربنا يسامحهم يارب

=============================

اصحابى المدونيين


مش هينفع اقول اسامى لانى هانسى اكيد اسم

انا بجد بجد ممتنة ليكم جدااااااااااااا

غيرتونى علمتونى نورتونى خليتوا

 عندى امــل ف كل حاجة حلوة

خليتونى قوية اوى خلتونى طيبة اوى

خليتونى جدعة اوى خليتونى جميلة اوى

ايوووووووووون

حليتونى لانكم بجد بجد جوايا ف قلبى كلكم

انا اتعلمت من كل حد اهتم بالبوست ده وقراه

حاجة جديدة

شكلتونى  ولونتونى بلون الفرحة

انا لو قعدت اشكركم من هنا لحد 29 سنة كمان مش هيكفى

انا بحبكم اوى وبدعيلكم كلكم بجد مش بنسى حد

نفسى ربنا يحققلكم كلكم كل اللى بتتمنوه

======================

نصفى الذى سينصفنى ع العالم : 



" سأظلُّ أحلم دائما بذلك الفجر الأزرق الشفيف

وأنت نائمٌ على الأريكة

 وأنا افتح النوافذ

 وأصغي للأذان وأقترب منك

 وأصغىِ لصوت أنفاسك

 وأغفرُ من أجلك للعالم كلَّ ذنوبه

 ***

 أيها البعيد كذكرى الطفولة..

 القريب كأنفاسي وأفكاري ..

 أحبك .. أ ح ب ك

 **  كان نفسى تكون معايا النهاردة  **

 عارف من زمان اوى من يوم

 مابقيت بنوتة بتحلم بنصها الحلو

 وانا نفسى ابقى زى بقيت البنات

 معايا شخص واحد ليا انا بس

 احسه فرحان بيا انا بس

 بيحبنى ويحسنى ويفهمنى ويسامحنى

 اسمع يومها منهالكلمتين دول

" كل سنة وانتى طيبة وحبيبتى و معايا كل دنيتى "

لا ويقولى كمان بحبك جداااا :)

مش عايزة هدية كفاية ان ربنا هدانى بيك

وان الدنيا كلها حلوة بوجودك فيها

بس معلش بقه يمكن السنة الجاية تبقى موجود

============


خالد  .. همس الاحباب

احمد .. ابو حميد

وليد .. هى وظروفها

مصطفى ريان .. يوميات شاب ثائر

محمد الغرباوى .. رحلة البحث

محمد كمال ..  احلى صوت من مصر

 عسقول .. مش عارفة مدونتك

فاتيما .. روح قلب ماما

نوران ..  مش خيخة ومش اى كلام خالص

بسمة .. بكرة يبقى عندها مدونة  :)


انا لو قلت شكرا هابقى عبيطة اوى

مش هتكفيكم كلمة شكرا

بس هاقولكم ع قد الفرحة اللى فرحتوهالى امبارح

ع قد منا كنت سعيدة وراجعة معنوياتى مرتفعة

ع قد منا بحبكم يارب ربنا يسعدكم ويهنيكم

انا اصلا مش عارفة اقولكم ايه غير بجد

كان من احلى ايام حياتى

ختمت بيكم 28 سنة من عمرى وكان ختامهم مسك

وبدات بيكم عمر جديد معرفش قد ايه ؟

بس هيبقى حلو اووووووى

لانكم وش الخير ووش السعد ع اى حد تعرفوه

انا بحبكم جداااااا ربنا مايحرمنى منكم ابداااااا

-------------------------------

اخر كلامى

لا مش هترتاحوا منى ههههه

النهاردة يعنى بس

لــــ "  ربنا "


مش لانه اخر حاجة افتكرتها لا

انا حبيت اعدد نعمه عليا وافكر نفسى بيها

النهاردة يارب اكتشفت ان انا المفروض ما ازعلش خالص

النهاردة انا مش لوحدى خالص انا معايا ناس كتير اوى

بتحبنى من قلبها مش عايزين منى غير بس الحب ف الله

بجد النهاردة انا عرفت قد ايه انت بتحبنى

الف حمد وشكر ليك يارب

-------------------

يلا بقه كفاية رغى

كل واحد يروح يجيبلى شوكولاته

وكانزاية ويجى يقولى كل سنة وانتى طيبة يا منمن




61 داقوا الشاى وقالولى رأيهم:

الحب الجميل يقول...

كل سنه وانتى طيبه يامنمونه وعقبال مية سنه ياجميل

ويارب يبعد عنك اى شر وسوء ومرض

مبسوطه انك سعيده... ربنا يكرمك خير يامنمن

كل سنه وانتى طيوبه ياقمر المدونات وعقبال ماتكملى مية سنه

والسنه الجايه نكون فرحنين بيكى والسنه اللى وراها شايلين النونهاااات

كل سنه وانتى طيبه يا حبيبتى

دمتى بخير وحب

كيــــــــــــارا يقول...

ربنا يرزقك طاعته

اللهم امين

كيــــــــــــارا يقول...

كوووووووووووول سنة وانتى طيبة يااطيب منى عرفتها في حياتي

بجد انا بفتخر انك في حياتي بحبك اوي وكان نفسي اعملك حاجه تليق بمكانتك في قلبي

ربنا يسعدك ياحبيبتي ويجمعك في الحلال باللي يستاهلك علي كتاب الله وسنة نبيه :)

ومش تهتمي بكلام حد :)

رحــــيـل يقول...

كل سنة وانتى عسسل وسكر وحاجات حلوه كتير
والسنة الجاية ياااااااارب تلاقي حبيبك معاكي :)
على فكرة انا كمان كنت كل عيد ميلاد بقول كده ههههه
ربنا يرزقك الزوج الصالح يارب اللى يحبك ويموت فيييييييييييكى وتكونى انتى احلى هدية ليه فى حياته

MR.PRESIDENT يقول...

ودي هيديتك معلش ملقتش الا بالفانيليا

http://www.up.3roosksa.com/uploads/images/3roosksa-ffecb602a6.jpg

MR.PRESIDENT يقول...

كل سنة وانتي طيبة .. كل سنة وانت في طاعة لربنا .. كل سنة وانتي في سعادة .. كل سنة ونصك الحلو مالي الدنيا .. كل سنة وعيالك يجوا وتفضلوا بس يلا بس يا بت ، كل سنة والسنة دا احلي من كل سنة فاتت ، كل سنة وانتي بصحة وسعادة انتي واحبابك .. كل سنة والوالد والوالدة سعدا بيكي ، كل عام وانتي بخير
ويلا حالا بالا غنوا لابو الفصاد عيد ميلاده الليله أسعد الأعياد فليحيا أبو الفصاد .

ربنا يوفقك ويكرمك ويرزق بفارس الأحلام . ويارب ارضي عنها قادر ياكريم

reem يقول...

كل سنة وانتى طيبة يا احلى واجمل بنوتة في الدنيا كلها

كل سنة وانتى ماليه الدنيا علينا بهجة وفرح وطيبة

كدا يا منونا ترحى كايرو ومش تقولى ؟؟

انا زعلانة خااااالص
بس علشان عيد ميلادك يا توتة مسمحاكى ومش بعرف ازعل خالص

بس بجد كنت نفسي اوى اشوفك

ووحشتينى موووووووووت

كل سنة وانتى طيبة ياروح قلب مامى ربنا يخليكى ليا يارب

والسنةالجاية يا قلبي تكونى في بيتك واجى لك واعمل حماة عليه واقوله خلى بالك من بنوتى الحلوة

بحبك يا منونا

حَـبآيـۃْ.بـטּـدۉڷ يقول...

منوووونه .. كل مية سنه وانتي طيبة ..

وانتي مبسوطه وفرحانه ومتهنيه

ربنا يخليلك كل حبايبك .. وكل الناس اللي بيحبوكي وبتحبيهم ..

ومين الست بتاعت القطر وانا اجي اكولها دي .. :D

خليكي كده وكبري دماغك من الناس دي .. انتي وهبتي نفسك للتدوين وبس .. :)

ربنا يحققلك امنيتك .. ويشفي كل مرض .. ويبعده عن كل الناس ..

هديتك هحاول اوصلهالك قريب .. اصلي لسه بدور عليها .. :D:D

يلا الحقي استمتعي انهردة يوومك .. :)

هيبقى ليكي معامله خاصه اكيد .. :):)

مصري جدا يقول...

كل تسعه وعشرين سنه وانتي طيبه وعقبال ألفين وتسعميت تسعه وعشرين سنه

Ramy يقول...

الأول كل سنة وانتى طيبة انا لسة قاعد على النت من شوية

هأقرا بقى البوست بقى وارد فى كومنت تانى (:(:(:

أبو حميد يقول...

كل سنة وإنت طيبة وبخير وسعادة
وكان يوم حلو بوجودك يافندم وإن شاء الله نتجمع دايما فى الخير

Ramy يقول...

اختى العزيزة

كل سنة وانتى بخير اة تانى و تالت كمان (:
(:

بوست جميل بس لية بتاع السنة اللى فاتت (:

مكتبتيش ليه جديد(:

على فكرة انا كمان ابتديت اكتب قصص قصيرة برضة بس قصيرة بجد (:(:

وربنا يخليكى لمامتك واخواتك و يخليهم ليكى ويفرحوا بيكى

ومش هأنسى الشكولاتة (:

ربنا يحفظك دايما و يوفقك فى حياتك واختياراتك

(:

richardCatheart يقول...

للللللللللللللللللللللللللللللللللولى

لازم زعروطته عيد الميلاد ههههههههههههه


كل سنه وانت طيبه وعثل وزى ماانت كده

يارب قلبك مايتغيرش ويفضل حبوب لكل الناس وتفضلى قويه وميه ميه

ويارب يجمعك بنصك الحلو علشان افرح فيكى بقى وماتبقيش كده طائر مغرد على طول
وتجيبى دسته عيال يبقى اشقيه زيك وانت انن وتفضلى طول النهار تعبى شرايط سوبراااااااااااااااانوووووووووووووو

ربنا يحبب فيكى خلقه ديما يارب
انا حبتك زى ما انت كده
خمس وردات حمر
خمسه علشان الحسود
وحمر علشان الاهلى
ههههههههههههههههههههه
عقبال ملييييييييييييييون سنه سعيده

قلم رصاص يقول...

يابوووووووووووووووي

ه ه ه ه ههههه هاه هه ه ه ه هااه

انا هبطت ونفسي اتقطع لما وصلت لنهاية البوست ه ه هه هااااه هه

كل سنه وانتي طيبه يامنونا
انا والله مبسوط انك مبسوطه النهاردة
وعقبال 100 سنه تقضيها في سعاده وحب واستقرار واخر مزاج ورضى ربنا عليك يكون لحاف متغطيه بيه من برد الدنيا

حلوة الحته دي انا عارف هههههههه

البوست بجد جميل اوي ومن احسن ماقريت عندك فعلا وحسيت منه انك فرحانه ويمكن سعيدة واتمنى تدوم حالة السعاده عندك

بس مقولتلناش انتي ليه سيبتي الشغل وانتي مديره اد الدنيا حد طايل يبقى مدير اي حاجة في البلد دي عشان يتنطط على مرؤسيه شويه ويسيبها ههههه

دا دليل على انك طيبه

طيبه مييييييين بقى دا انتي تلاقيكي طلعتي البلا الازرق عليهم ل 70 سنه ادام ههههههههههههههههه

دمتي في سعاده
وكل سنه وانتي طيبه

ومفيش كانز
ومفيش شيكولاته
وكمان مفيش 29 دولار

مش تدخل علي انا الحركات دي
ههههههههههههههههههههههههههههه

لا خلاص خلاص حقك محفوظ وبيتحول اول باول لسويسرا

تقبلي مروري وتحيتي

BBB يقول...

كل سنه وانتى طيبه يا منونه
وان شاء الله السنه تحققى كال ما تتمنى
وربنا يديم عليكى الصحه والعافيه والسعاده ويرزقك راحه البال وابن الحلال اللى يستاهلك مش اى حد
موتنى م الضحك ع الست اللى عايشه عشان تكفر ذنوب جوزها مت ضحك
ان شاء الله اقدر احضر توقيع كتاب ساره فى المنصوره
وياريت لو نشوفك فى تجمع راس البر
وبالنسبه ليوم خيخه يا فندم احنا المفروض نشكرك لان الحظ اسعدنا بالتعرف عليكى بجد كان يوم مميز جدا ومن احلى الايام فعلا ويارب دايما على خير متجمعيين

ريحانة الاسلام يقول...

كــــــــــــــل سنة وانتى طيبة يا منوووووووون
مع انى تقريبا اول مرة ااجى هنا بس صراحة البوست عجبنى اوى وبجد رهيب
..وعجبونى اوى الكلمتين وبس..
لسببين
لان كلامك حلو اوى ومنطقى وبيحصل
وصدقينى كل شئ مكتوب ..^_^
السبب التانى لان اسم البلوج بتاعتى كلمتين وبس..^_^
...
اتشرفت جدا بالمرور على البلوج بتاعتك يا منون وانشاء الله مش هتكون اخر زيارة
شكلى هستوطن البلوج..هههههههههه
دمتى متألقة 

فاتيما يقول...

اولاااااااااااا
قبل كل حاجة
وحشتينىىىىىىىىى




ثانياااااااا

انتى كنتى منورة يوم التبرع
بجد كنتى اجمل حاجة فيه
و ميرسى على قلقك و حبك و كل حاجة حلوة منك ..بجد




ثالثاااااااااا

كل سنة و انتى طيبة يا منونتى يا قمورتى
و إيه يعنى 29 ..انتى زى ما بيقول الاخ دا تمااااااام
http://www.youtube.com/watch?v=hULNcLm7Pr8



رابعااااااااااا

ايه كم الرقة و الحب اللى جواكى للناس دا رغم كل الالم اللى احيانا بتعيشيه ؟؟
تعرفى انتى دلوقتى شبه دى بالمللى
http://img.wallpaperstock.net:81/white-rose-wallpapers_5642_1152x864.jpg
ف رقتها و جمالها




خامساااااااااا
ربنا يخليكى لينا و تفضلى دايما منورة القلوب كلها و يخليلك كل احبابك يا حبيبتى و كل حد كتبتى اسمه او منكتبش و لسه جاي ف علم الغيب عشان يسعد ايامك يا رب و يوقلك زى ما بنقولك احنا
http://www.glitter-graphics.com/graphics/568929


سادساااااااااا
عشان ميبقاش نفسك ف حاجة
اتفضلى يا ستى
http://www.carrefour.com.eg/arabic/..%5Cimages%5Cpromotions%5Citems%5CL352_09.jpg
و ببلاش اهو


بوسات
و حضونات
يا منونتى
يا قمورتى
رغم انف الحاكديييييييين

بحبك قوى

Ana keda يقول...

كل سنة وانتى طيبة يا منونة يا حبيبتى
والسنة الجاية كده يا رب محققة كل الى انتى عاوزاه
بالونسبة للست الرخمة خلى الى يقول يقول محدش هيعيش غيرك يا بنتى وكبرى دماغك وادلعى واتشرطى ده حقك واوعى تتنازلى عنه
بحبك كتير
وهفضل احبك لحد ما تبقى عجوزة وبعصاية
عبد الرحمن بعاتلك بوسة كبيرة
وبيقولك كل سنة وانتى طيبة يا خالتو

نـــوارة يقول...

واخيررررررررا خلصت البوست ههههههههههههههههههه

رغاية رغاية يعني :]

كل سنة وانتي طيبة وسنة سعيدة عليكي ياقمر

ربنا يجعل ايامك كلها سعادة وفرح

حلم بيعافر يقول...

كل سنة وانت طيبة

انا ناقصنى روحك المتفائلة الحلوة دى والله

انا مش بحسد انا بقر بس

الانسان هو اللى بيدى لحياته الطعم اللى هو عايزه

كل سنة وانت طيبة

P A S H A يقول...

كل سنة وانت طيبة وعقبال مليون سنة

:)

أخوكي / شريف

ليس فقيرا من يحب يقول...

انتى حلوة اوى اوى اوى يا منونه

كل سنه وانتى بالف سعاده وصحه وراحه بال

ربنا يسعد قلبك ويفرحك يارب

ويرزقك بنصك التانى اللى يسعدك وتملى الدنيا رانيات صغيرين ايييه ؟ عندك مانع
هههههههههههههههههههههههههه

انتى رقيقه اوى يابت انتى وبجد بحببببببببببك
هديتك على الفيس ابقى خديها

اموووووووووووووووووووووووووووووووواه

سمع هوص (Abo 3li) يقول...

كل سنة وانتي طيووووووووووووووووووووبة يا منوووووووووووووووووووووووووووووووووووووووووووووووووووووووونة....

فين الهدية؟

Alaa Salim - علاء سالم يقول...

السلام عليكم

كل سنه وانتي طيبة وبكل خير
ويارب كل سنه في عمرك تكون أحسن من اللي قبلها

sony2000 يقول...

بجد بجد
كان نفسي اكون معاكي
بس ربنا عالم بحالي وبتعبي دلوقتي
يارب يارب
يحقلقلك كل امانيكي يارب
اللهم امين
بدعليك اهو وانا توعبان وانتي عرفه لما الواحد بيدعي وهو توعبان ايه اللي بيحصل:))

gmr14 يقول...

Happy Birthday 2 u
وشكرا عالشاي

نسر الشرق يقول...

رغم انى ما بشربش الشاى بس قلت دى حفلة عيد ميلاد يعنى المفروض فى تورته وحاجة ساقعة بس بما انى مجبتش هدية فنبقى خالصين
على العموم كل 29 سنة وانتى طيبه
بس ايه الصراحة اللى انتى فيها دى
احنا كان عندنا دكتور ايام الجامعة كاب بيقول ان احسن 10 سنين فى عمر البنت من
19 : 20 سنة

E73 يقول...

بسم الله الرحمن الرحيم
السلام عليكم ورحمة الله وبركاته

يااااااااااااه عليا يا منون دانا طلعت وحشة قويييييييييييييييي

أنا لسة قارية البوست دا حالا بعد مارجعت من الحفلة

كان نفسي أقولك كل سنة وانتي طيبة بجد

ان شاء الله تتعوض في عيد ميلادك الجاي

بس بجد كل سنة وانتي طيبة وربنا يعافيكي من اي سوء

ويرزقك فارسك صاحب الحصان الأبيض الفارس الهمام

وربنا يخيب ظن أي حد يظن سوء ويرد كيد أعاديكي في نحرهم

وربنا يخليكي لكل اللي بتحبيهم ويخليهم ليكي ويجمعكم على الخير دائما يا رب

ومنتظرين كتبك بفارغ الصبر

"وابقي تعالي اعملي الحفلة في بوكس أند بنز برضه"D:

كل سنة وانتي طيبة
كل سنة وانتي سعيدة
كل سنة وانتي على الطريق المستقيم
كل سنة وانتي بصحة وعافية

(ست* جنى* الحسن) يقول...

سلامو عليكو..
كل سنة وانتى طيبة وعقبال100 سنة
انى احبك فى الله

ذو الوجه المبتسم يقول...

كل سنة وانتى طيبة

مع ان عنوان البوست كل 29 سنة وانتى طيبة

يبقي اقول 29 مرة كل سنة وانتى طيبة ووزعيها انتى برحتك هههههههههه

على فكرة ياريت نسخة من الكتاب .. ببلاش طبعا هههه

تقبلى تحياتى

мαησηα يقول...

الحب الجميل ..

كل سنة وانتى اجمل حب يا حبيبتى

تسلميلى يا حبيبتى بجد ربنا العالم انا بحبك قد ايه ؟

لا بلااااااش الدعوة دى لانك هتفضلى تدعيها كتييير

انا يا اوختى مش وش جواز

وانتى اطيب واجمل ومعايا هنا اهوووون منورة قلبى

دمتى اختى وحبيبتى

мαησηα يقول...

كيارتى ..

يارب اللهم اميييييييين

وانتى اطيب يا كيارتى واجمل واحن اخت ف الدونيا

الفخر و الشرف ليا انا حبيبتى :*

اللى يليق بيا بجد انك بتحبينى من كل قلبك ربنا يخليكى ليا يارب

بلاااااش الدعوة دى ههههه

دى دعوة ممنوعة من الصرف بالنسبة لى هههههه

حاضر مش هاهتم بكلام حد

мαησηα يقول...

رحيل .. سارورتى

كل سنة وانتى احلى سارة ف الدنيا

يا حبيبتى تسلميلى ميرسى ليكى اوى

وربنا يسمع منك يارب

ربنا يسعدك ويفرح قلبك كمان وكمان

мαησηα يقول...

بسام ..

هههههههههه الله الله بجد

كل دى ليا تسلملى يارب ويخليك ليا ميرسى

انا بجد مش عارفة اقولك ايه ؟

ربنا كرمك يارب

ويسمع منك

ويخليك ليا يارب اللهم اميييييييين

мαησηα يقول...

ريم .. مامتى حبيبتى

وانتى طيبة يا حبيبة بنوتك

معلش حبيبتى انا كنت بحسبك هناك انا كنت عايز اعملها مفاجاة :(

انتى قلبك ابيض يا روحى

وع طول بتسامحى مش عارفة انا مش طالعالك ليه ؟

انتى كمان وحشتينى اوى

هههههههه لا بلاااااااش الدعوة دى علشان مش هتحصل يا مامتى :((

انا بحبك اكتر حبيبتى وربى العالم

мαησηα يقول...

حباية بندول

وانتى اطيب يا روحى

يارب اللهم اميييين يسمع منك ربنا يا حبيبتى

هههههههههههههه انا لو شوفتها هاكلولها بالنيابة عنك

ماتقلقيش حبيبتى :))

ههههههه

تسلميلى حبيبتى وهديتى وصلت كفاية انك نورتينى واهتميتى

ربنا مايحرمنيش من ابدااااااااا

мαησηα يقول...

ابيه هانئ .. دايما هانئ يارب

وانت طيب يا ابيه وبخير دايما يارب اللهم امين

мαησηα يقول...

رامى ..

ههههههههه اوك

وانت طيب وبخير دايما يارامى

ههههه اختصارا بقه

بدل الرغى الكتير انت عارفنى مش رغاية خالص :)

طيب تمام ورينا بقه عايزة اشوووووف مين اشطر :)

ده انت هديتك بجد كانت جميلة جدااااااا

ميرسى عليها تسلملى يارب

мαησηα يقول...

ابو حميد ..

اخى العزيز ..
وانت طيب وبخير يا ابو حميد

يارب اللهم اميييييييين

بالعكس بجد انا مبسوطة انى قعدت معاك المرة دى

واتكلمنا واتحاكينا ياما ياما

ربنا يديم المعروف يارب بينا

мαησηα يقول...

قطتى ..

هههههههههههههه

وانتى طيبة وزى السكر يا حبيبتى

يارب يا قطتى يارب

ههههههههههههه ليه الدعوات دى يا اوختى

ده انا بحبك

ههههههههههههه ميرسى يا حبيبتى

تسلميلى ويخليكى ليا يارب

انا كمان بحبك اوى اوى

وانتى اسعد منى يارب اللهم اميييين

мαησηα يقول...

قلم رصاص ..

هههههههههههههههههه بذمتك ماوحشك رغى يا راجل

وانت طيب وبخير يارب اللهم امين

الله ع الدعوات الله ميرسى بجد

ههههههههه التواضع بقه بينقح عليا

ما انت عارف يا ريس هههههه

ههههههههههههههه الله يسامحك ده انا غلباااااااااااااااااانة والله

هههههههه يا ريسنا يا مظبطنا

мαησηα يقول...

قلم رصاص ..

هههههههههههههههههه بذمتك ماوحشك رغى يا راجل

وانت طيب وبخير يارب اللهم امين

الله ع الدعوات الله ميرسى بجد

ههههههههه التواضع بقه بينقح عليا

ما انت عارف يا ريس هههههه

ههههههههههههههه الله يسامحك ده انا غلباااااااااااااااااانة والله

هههههههه يا ريسنا يا مظبطنا

мαησηα يقول...
أزال المؤلف هذا التعليق.
мαησηα يقول...

رحلة البحث

غرباووووووى

وانت اطيب وبخير يارب

يارب اللهم امييييييييين

ههههههههههههههه اهى كده نفسى اصورها

وابقى اوريلك صورها ههههه

تسلم يارب انا اللى اتشرفت بيك جداااا

وحقيقى من الايام الجميلة فعلا الله يعيده علينا تانى يارب

мαησηα يقول...

ريحانة الاسلام

وانتى طيوبة وبخير يا حبيبتى انا

ههههههههه

انتى نورتينى ويارب يكون الشاى حدانا عجبك يا حبى

انا الشرف ليا حبيبتى والله واسعدنى مرورك

منورانى يا قمر البيت بيتك

وانتى دمتى بكل ود وخير

мαησηα يقول...

فاتيما .. يا روح قلب منونتك قمورتك

اولااااااااا .. انتى وحشتينى اوى والله

ثانياااا .. ده كان نورك والله يا حبيبتى بجد بجد مبسوطة

اننا نقينا رز مع بعض هههههههه

ثالثااااااا .. وانتى اطيب واجمل يا روحى انا

ميرسى اوى يا تيما بجد ميرسى اوى يا حبيبتى

ع الكادوهاية الجميلة دى

وعرفتى منين انى بحب السونج ده اوى

رابعاااا .. يا حبيبتى ربنا يخليكى دى هى انتى والله

العظيم مافى حد زيك ف طيبة قلبك وصفاء وحك

خامساااا .. يارب يخليكى ليا انا بجد مش عارفة اقولك يا تيما

انا بجد بموت فيكى

سدساااااا .. ههههههههه ميرسى يا روحى لذيذ وطعم اوى

من ايدك الحلوة

ههههههه

بوسات وحضونات ليكى انتى

رغم عيون الحاكدين

انا بحبك اكتر والله العظيم

мαησηα يقول...

مرمر .. ام بيدو

وانتى اطيب وبخير

يارب اللهم اميييين يا حبيبتى

حاضر انا هاقتلها الست الرخمة دى ههههههه

انا بحبك اكتر وربنا العالم والله يا مرمر

ههههههههه بوسيلى حبيب خالتو

وانتى وهو اطيب وبخير يا حبيبتى

мαησηα يقول...

نوارة .. هههههههههههه

الله يسامحك هههههههه

وانتى طيبة وبخير يا حبيبتى

اللهم امين

ميرسى يا نوارة

мαησηα يقول...

محمد يا تميمى

وانت اطيب يا جميل

هههههههههه الله اكبر احتياطى

هههههههههه

صح يا تميمى وانا ناقصنى المعافرة اللى فيك

وانت طيب وبخير وف احسن حال يارب

мαησηα يقول...

شريف باشا ..

وانت طيب وبخير

الله يخليك

اختك منونا

мαησηα يقول...

رنووووووووون ..

انتى احلى اوى اوى وى يا رنون

يارب اللهم اميييييين وانتى طيبة يا حبيبتى

انا بحبك اكتر ومش ارق منك انا يا حبى

وصلت يا قمرايتى وصلت ميرسى ليكى كتير يا حبيبتى

اموااااااااااهات كتير اوى

мαησηα يقول...

علاء قاسم ..

وعليكم السلام ورحمة الله وبركاته

وانت طيب وبخير يا علاء ميرسى ليك كتير

يارب اللهم اميييييييين

كيــــــــــــارا يقول...

بت انتي هنا وانا عماله ابعت علي الفيس

طمنيني بدل اما اتجنن وامشي منكوشة في الشارع

мαησηα يقول...

ابو على يا سكرررررة ..

وانت طيووووووووووووووووب يا جميل

ههههههههههههه ياراجل

الهدية عندك :)))

мαησηα يقول...

سنسن ..

ولا يهمك يا سنسنتى كانك كنتى موجودة يا حبى

اللهم امين ميرسى يا حبى

سلامتك يا حبيبتى الف مليون سلامة

мαησηα يقول...

سنسن ..

ولا يهمك يا سنسنتى كانك كنتى موجودة يا حبى

اللهم امين ميرسى يا حبى

سلامتك يا حبيبتى الف مليون سلامة

мαησηα يقول...

قمر 14 ..
وانتى طيبة وبخير حبيبتى
العفو ع ايه ؟ الخير كتير

мαησηα يقول...

نسر الشرق ..

وانت طيب يا سيدى وميرسى لكرم اخلاقك

وتنازلتك العظيمة هههههه

ههههههه لا انا مابيهمنيش ياباشا

мαησηα يقول...

ننوستى ..

لا يا حبيبتى ابدااااا خالص

ولا يهمك هديتى انى شفتك يا قمر

ان شاء الله
وانتى طيبة وبخير يا حبيبتى

يارب اللهم امييييييييييين

لا انا انسينى خالص ف موضوع الكتاب ده

ميرسى حبيبتى ليكى ولزوقك نورتينى وكنت مبسوطة بوجودك اوى

мαησηα يقول...

ست جنى ست الحسن والجمال

وعليكو السلام يا حبيبتى

وانتى طيبة وبخير يارب

انا كمان بحبك ف الله جدااااااا

ميرسى ليكى اوى

мαησηα يقول...

ذو الوجه المبتسم ..

وانت طيب ومبتسم ع طول كده :)

وانت طيب وبخير

لا انسسسسى ههههه خلونا نقب ع وجه الدونيا بقه

ميرسى ع مرورك الطيب

 

ೋ واحــد شـاى ♨ Template by Ipietoon Blogger Template | Gift Idea