احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، أبريل 28، 2010

وافتكرت ...

من عمايل ايد .... мαησηα بالظبط الساعة 7:30 ص 39 داقوا الشاى وقالولى رأيهم




سنة تانية شاى

المفروض الناس بتحتفل بيوم ميلاد مدونتها

يوم ماتخط فيها اول حرف 

انا لأ انا بحتفل بمدونتى مع اول

يوم حياتى اتغيرت فيه 

وواحد شاى اصلا اتغيرت فيه

كانت مهجورة ومكنتش ليها شهرة

بقت حلوة بيكوا وليكوا
انا كنت زعلانة كان بقالها سنة مفتوحة وبتنش

ههههههههههه

يوم مايجى تعليق يجى بالفارسى هههههههه

وكانوا بيفهموا اللى بكتبوا سبحان الله

سنة غيرت فيها اسمها من لحن الفرح ل واحد شاى 

سنة اتغيرت فيها منونا من حد حزين كئيب فاقد الامل ف الحياة 

لحد شعلة نشاط وحيوية يبث الامل ف قلوب كل اللى يقابلهم

ويدفعه انه يتغير للاحسن

سنة عشت فيها احاسيس جميلة يا عالم هتفضل لاخر العمر 

ولا هتبقى دى اخر واول سنة 

سنة نكدت عليكوا فيها بما فيه الكفاية ههههه 

وضحكت معاكوا فيها بما فيه الكفاية

سنة حيرتكوا فيها اووووووى 

بس حبتونى اوى وانا حبيتكوا اوى 

سنة عرفت  فيها ناس بجد بجد بجد ربنا مايحرمنى منهم

ومش هاقول اسماء علشان الحسد ليس الا

هما عارفين نفسهم كويس

كل سنة وانتوا معايا بتقروا نفس البوست 

ف نفس اليوم وتفتكروا 

كل سنة وانا بحبكم ف الله اكتر من اللى قبلها 

كل سنة واحنا دايما متجمعين ف الخير  وعلى الخير

كل سنة وانتوا مظبطين دماغكوا با حلى واحد شاى 




خلص ابريل :)

وجه مايو :) 




لــــــــــــــسة ..  بردو   لـــــــــــسة .. 






البوست بكتبه قبل ميعاده بيومين 

لانى باذن الله هاكون مسافرة 

الله اعلم هاكون عايشة ولا ميتة 

لو مت ادعولى بان ربنا يغفرلى ذنوبى 

اللى محدش يعرفها غيرى 

واى حد يعرفنى مايزعلش عليا 

كل مايفتكرنى يبقى يدعيلى وبس انا اكيد هاكون كويسة 

ده انا عند اللى خلقنى ارحم منى ومنكم عليا 

سلام بقه 


هتوحشونى اوى على فكرة اه والله 




لنبدأ بالنهاية ...

من عمايل ايد .... мαησηα بالظبط الساعة 2:18 ص 2 داقوا الشاى وقالولى رأيهم



عاشقان في الليل.

خائفان

كدمعتين

في عينيْ طفل

مثقوب القلب

وردته مجروحة.

معطفه على كتفيها

ذراعها حول عنقه

يرتعشان

بردًا و عتمة

مثل ورقتيْ شجرة

شبه عارية.

يحبُّها

و تحبُّهُ

لكنَّهُما

عندَ نهايةِ الشارعِ الطويلِ

سيفترقان.

انظروا إلى الرسالةِ التي

يسطعُ

طرفُها الشاحبُ

من حقيبةِ يدِها،

انظروا إلى المصابيح التي تنطفئُ

إثرَ خطواتِهِما

سربَ نجومٍ

تتساقطُ أجنحتُهُ.

سيمضي

وحيدًا

بدموعِها الساخنةِ

على خدِّهِ

و ستختفي هي

عندَ المفرقِ

متكئةً

على ظلِّها

و حنانِ كلماتِهِ الأخيرة:

"صَحِبَتْكِ الملائكةُ يا حبيبتي".

كم أنتَ قاسٍ

أيُّها العالم!


سوزان عليوان                                                                                               

الخميس، أبريل 22، 2010

يَا لَيتَنَا لَمْ نَلْتَقِ ...

من عمايل ايد .... мαησηα بالظبط الساعة 8:39 م 24 داقوا الشاى وقالولى رأيهم





يا لَيتنا لَم نَلتَقِ

وبَقيتُ طُولَ العمرِ أبعدَ ما أكونْ

يا لَيتنا لَم نَلتَقِ

مجنونةٌ

وإذا بقلبي مِثلَها مجنونْ

مَن ذا سيُنقذُنا معًا

"روما" وراءَ حريقِها "نِيرونْ"

وأنا وأنتِ كألفِ "نيرونٍ" معًا

في كلِّ شيءٍ نحنُ متَّفقونْ

لو أنَّنا لم نلتَقِ

ما كنتِ أنتِ ولا أنا سأكونْ


عبد العزيز جويدة                                                                                    

                                                                                                                              الرائــــــع دائــــما


عارفة ان ده اللى جواك ماهو محدش فاهمك قدى  :)

لكن هو الله جمعنا

وهو الوحيد اذا اراد سيفرقنا

ـــــــــــ



بفكر اخد قرار حاسم 

ادعولى

مش اللى ف دماغك يا لولى  :)))





مابحبش الراجل النتن اه سورى ف اللفظ بس بجد فى رجاله نتنة اوى 

وانا قرفانة منهم ولذلك حكاية هابقى احكيها قريب بردو 

ولا بحب الراجل التافهة ولا المهزوز اوووووووف 

قرفانة اوى يييييع 

سلام بقه لحسن هاطول  لسانى واعك 






اعتذر وبشدة عن عدم ردى على التعليقات 

لكن حقيقى والله مافى عندى وقت 

بوفى كام وعد كنت وعدتهم وان شاء الله 

هارد قريب جدااااااا 

فاضل وعدين وابقى انا كده لما اموت اموت وانا مستريحة 

ادعولى بقه ربنا يطول ف عمرى لحد ما اوفى وعودى 

ولو مالحقتش يبقى الناس اللى وعدتها تسامحنى 

مافييش حاجة انا .. انا كويسة بس مجرد تخليص ذمة 

محدش ضامن عمره 



الاثنين، أبريل 19، 2010

للاسف ..

من عمايل ايد .... мαησηα بالظبط الساعة 12:44 ص 28 داقوا الشاى وقالولى رأيهم



كُلُّ ما حلمتُ به
خذلني
وكأنَّ قدميَّ الصغيرتينِ
.مخلوقتانِ للانزلاقِ


سوزان عليوان 

السبت، أبريل 17، 2010

شوية حـــــــاجــــــــات كــده ..

من عمايل ايد .... мαησηα بالظبط الساعة 12:38 ص 22 داقوا الشاى وقالولى رأيهم



 
أبغيك تقطف لي حلم تطّاوله وأتناوله

ونصير ملجأ للوفا ونعيش واقعنا شعار


لي حلم أطمن عليك أشل عبء المرحله وياك

وأتنافس على نيل الصداره والوقار


ملّيت من عرس الألم

والدرب ضيّع أوّله

ف الليل ياكلني الوله،

والصبح يحرقني انتظار

كلام لقيته تحت الصورة دى !!




النهاردة الصبح جالى تليفون من رقم غريب


وانا قاعدة مع ماما بقول لماما


 ايه ده رقم غريب اوى


قالتلى ردى يابنتى يكون حد عايزك من اصحابك


 اللى بره


رديت لقيت واحد صوته عمرى ماسمعته


قلت سلامو عليكو لقيته بيقول ايوة يا منى


وانا متنحة وبقول ميييييين ؟؟


قالى انا جوزك نورت الاراضى المصرية من ساعة


وبعدييييييييييييييييييييييييييييييين




الخط قطع


صحيت من النوم بقه اقول لماما


ماتعرفيش يا اوختى طيب كان اسمه ايه ؟؟


هههههههههه


ماما تقولى هو مين ؟؟ قلتلها جوزى ههههههههه


كنت بحلم يا ابو على مش مركز معايا


 انت خااااااالص ههههههههههههههه


بس نستنتج من ده ايه ؟؟


انا انا قربت اتخطب وحد هيكون بيسافر بره


وبيجى على شهر ابريل ده يبقى بيشتغل ايه ده


يا اخواتى ؟؟


وكمان نستنتج انه شخصية ذات دم خفيف


 وبيحب يعمل مفاجات وانا نفسى فى ده يا حزومبل


بس صوته مش زى ما انا توقعته


ومش عارفة هو حلو ولا وحش هو صوت وخلاص


الصحيان من النوم ده رخم اوووووووى



 بيجى ف اوقات غير مناسبة خالص يا ساتر 






  بابا بيقولى انتى مش محتاجة تتكلمى انتى عينك بتقول كل حاجة


  ماما بتقولى انتى عنيدة اووووى يا منى يا ربى عليكى


بحب اسمع ماما وهى بتحكيلى وانا صغنونة ببقى


مبسوطة بشقاوتى ولماضتى


 اصحابى بيقولولى انا حنينة اوى بس انا بحس انى جامدة


وبقسى على الناس اوى



  انا معقدة ايوووووووون لما بحب حد اوى بخاف لحسن يجراله حاجة

ويموت بخاف من الموت ليخطف منى حبايبى فبقسى عليهم وببعد عنهم

وبكرهم فيا بكل وسيلة ممكنة ..  عذرا لو لقيتونى بكرهكم فيا

ده علشان انا بحبكم جداااااااا

انا مش عارفة اتخلص من العقدة دى والمشكلة انى بحاول انساها

بلاقينى بتصرف من غير ما احس

انا اسفة لو كنت اتصرفت تصرفات خلت حد يكرهنى من غير

 مايكون عملى حاجة او اذانى



 من صغرى وانا مابعملش غير اللى انا شايفاه مريحنى وكنت بتعاقب


وكنت بتحمل العقاب وما اقولكمش بقه انا كنت بتعاقب عقاب وربنا ما فى


طفل شافه ههههههههههههههه اصلى انا من صغرى عنيدة وماحدش


بيعرف يمشى عليا كلمة


==============================

بفرح لما الاقى الناس بتقولى ربنا يبارك فيكى

اول يقولولى انا نفسى بنتى تبقى زيك

بحس ساعتها انى جميلة جداااااااااا وببقى فخورة اوى ان امى ربيتنى

 

كده وطلعتنى كده وان طريقتها ف تربيتنا مش غلط

وبقولها فلان بيقولى كذا وفلانة بتقولى كذا علشان افرحها


 انا نفسى اطلع ماما تحج .. اممممم مش عارفة ازاى وامتى ؟؟

بس بعون الله هيحصل


 نفسى جوزى يحبنى جدااااااااااااااااااااااااااااااااااااا

اه انا عايزاه يبقى مجنون بيا

عارفة انه ممكن يخوننى وعارفة انه هيكدب عليا

 مش مهم بس ف الاخر يرجعلى

ده اذا ما افتكرهوش رب كريم فجاتنا كده واحنا بناكل اثر تناول وجبة

مسممة ههههههههههههه
ماهو اصل انا مش  هاسيبه هاحط السم ف الاكل لينا احنا الا تنين علشان ابقى وراه

ف جهنم بردو واتفرج عليه وهو يتعذب بردو معايا هههههههههههه
شريرة انا ؟؟؟ اه انا شريرة او تقدروا تقولوا كائن

غيووووووووورجداااااااا


 لما بكون مريضة مابحبش حد يخدمنى ف مرة كنت تعبانة جدااااااا

وماما متذنبة جنبى طول اليوم صعبت عليا ف الاخر على بالليل قولتلها

قومى نامى بقه انا بقيت كويسة تقولى طيب ادخلك الحمام قلتلها لأ انا

كويسة ومش عايزة ادخل الحمام انا هنام خلاص اهو يدوب دخلت وانا

جرى ع الحمام قبل ما اوصل كنت دريييييييييييييييييييييب على الارض

وشى كله ازرق وورم لانى وقعت على وشى وكنت ف غيبوبة يوم بحاله

ماما يا عينى زعلت اوى بس انا مابحبش احس انى بقيت عالة مابحبش

اضايق حد بيا

انا حتى لو متضايقة ما بقولش ماتفتكروش انى لما بحط بوست متضايق


انا بكون متضايقة تؤ انا بكون خلصت خلاص مود الاستضايقة ده


ههههههه اه وربنا .. ماعلينا منونا بقه هتقولوا ايه


اصحابى وماما لما بتكلم معاهم عن حياتى مع جوزى كما اتخيلها وحد

يفاجئنى بتصرف خنيق من احد ازواجهم بقولهم طيب وايه يجبرك على

كده ما تسيبيه يقولولى اصلك مش مجربة ولسه على البر 

ماما بقه بتحط ايدها على قلبها وتقولى يا خووووووفى هلاقيكى

راجعالى من اول يوم هههههه

لما بروح اكشف بقه الدكتور يقولها بنتك دى صبوووووووورة
بتستغرب اوى


 انا محدش بيسمعنى وانا بقول اه ابدااااااااااا

حتى لما الدكتور بيكشف

ويقولى قولى اه بعملها لكن مابقولهاش اصل محدش هيحسها غيرى

ف هاقولها ليه ؟؟




 دى شوية حاجات عنى ..

مش عارفة ليه حبيت احكيها مع انها تعتبر من اسرارى مع نفسى

بس انتوا مش اغراب بقه

تصبحوا على حقايق كانت احلام امبارح ..










 

الاثنين، أبريل 12، 2010

قلوب الناس ..

من عمايل ايد .... мαησηα بالظبط الساعة 9:56 م 28 داقوا الشاى وقالولى رأيهم



ماعدش الحب بيصالح نفوس الناس

ماعدش العشق بيولع قلوب الناس 

ماعدش الشوق بيطلع من دفا الاحساس

نجيب دنيا غير الدنيا

ولا نجيب للدنيا ناس




=========

قلوب الناس 

على حسين 



الخميس، أبريل 08، 2010

.................

من عمايل ايد .... мαησηα بالظبط الساعة 8:31 م 20 داقوا الشاى وقالولى رأيهم


مازلت احلم باللقــــــــــــاء 

وانه باذن الله لقريب




الأحد، أبريل 04، 2010

زوجــــــــة احــــــمد ...

من عمايل ايد .... мαησηα بالظبط الساعة 11:22 م 35 داقوا الشاى وقالولى رأيهم




انا  يعنى

هههههههه 

انا جييييييييييييييييييييييييييييييييييت 

بس بردو ان شاء الله هابقى انا 

امممممم

اخينا اللى بيقول يا دى احمد اللى واكل دماغك ده 

اصل والله بردو انا لقيت الكتاب ده داخل عليا 

وانا قاعدة افكر انا جوزى هيبقى مين ؟؟ 

ههههههههههههه 

هى رسايل كده بتيجى من ربنا سبحان الله 

علشان انا بنت حلال ونيتى خير وطيبة 

واشارك ف الاثاث ههههههههههه 

مش فاهمين طيب براحة ..اصبر يا بو على اصبر هاقول اهو  :)

زوجة احمد هو كتاب  للرائع احسان عبد القدوس 

اقل مايقال عن الكتاب ده انه تحفة تحفة تحفة 

تحفة غالية لمن يريد حياة زوجية سعيدة 

باختصار هو حياتى كما اتمنى ان احياها بعد الزواج 

تؤ ..تؤ اللمض اللى بيقول ايون احلام بنات بقه وحكاية من حكايات الف ليلة وليلة 

تؤ  يالمض

هى حياة زوجية  فيها مشاكل ومشاكل جامدة مش هوينة مالية ونفسية 

لكن الحلول المقدمة من الكاتب حلول منطقية عقلانية 

متميزة 

الكتاب بيحكى عن سيدة تزوجت من احمد 

هى كانت الحمد لله من اثرياء القوم هو كان شخص عادى لكن 

مافيه من اخلاق وصفات جميلة وطباع حلوة جعلته فتى احلامها 

 وحبها الوحيد 

الجميل ان اللى كاتب الكتاب راجل ف قادر بمنتهى البساطة


 يوصل لاى بنت او زوجة حديثة الزواج تفكير زوجها 

فى كل مرحلة خصوصا انه رجل وعاش كل الاحاسيس دى 

كمان هو واصف حقيقى مشاعر المراة ف كل مشكلة وكل حاجة حلوة هى حست بيها 

الاجمل والاجمل انه عامل الكتاب ده مخصوص لبنته 

او معتبره هدية ليها يعنى من الاخر الراجل ده عامل لكل زوجين خلاصة من اكسير النجاح 

ف الحياة الزوجية اكسير مميز وسليم مية ف المية خصوصا انها نصايح لبنته 

نصيحة من اختكم اى حد ناوى يدخل دنيا


 او


 دخلها ومش حاسس انه مظبط نفسه فيها يقرأ اكتاب ده 

وينوبكم ثواب تدعولى 

وينوبكم ثواب اللى يشتريه يجيبلى نسخة :)) 

بما انى هابقى زوجة احمد ان شاء الله هههههه 

ولانى  مش لاقياه  ف البلد  الفقر دى

بس خلاص .. 

ادعى يا خويا انت وهيا انا بقدم نصايح ببلاش ولا ايه ؟؟ 







الجمعة، أبريل 02، 2010

سيدى اشتقت اليك ...

من عمايل ايد .... мαησηα بالظبط الساعة 10:10 م 14 داقوا الشاى وقالولى رأيهم






رغم انه لا توجد اى وسيلة تواصل بيننا 


الا اننى كل يوم ازداد ثقة فيك 


ويزداد معها حبى لك 


كل يوم ازداد ايمانا بانى لك وانك لى


كل يوم اتلقى من الله رسالة 


بانك الوحيد القادر على حمايتى 


الوحيد القادر على ترويض النمرة بداخلى 


الوحيد  معه الذى احسست انى ملكة 


ملكة بحق 


وحبك تاجى وقلبك هو مملكتى 


سيدى اشتقت اليك 


                                                                  منى درويش







لِماذا أُحِسُّ

بأنَّكِ أقربُ مِني إلَيْ

وأنَّكِ في القلبِ

بَرُّ أمانٍ

ونَهرُ حَنانٍ

يُسافِرُ عَبرَ دُموعِ المآقي

يَصُبُّ حَنانَكِ في مُقلَتَيْ

وأنكِ حُبٌ يَفوقُ احتِمالي

وحُبَّكِ دَومًا كَثيرٌ عَلَيْ

وأنَّ قرارَ هوانا سَيبقى

فلا بِيديكِ ولا بيدَيْ 


عبد العزيز جويدة                                                              




اعتقد ان قصيدة جويدة كملت كلامى 

ادعوا الله ان تقرأها

شكرا لك جعلتنى ايضا شاعرة 



 

ೋ واحــد شـاى ♨ Template by Ipietoon Blogger Template | Gift Idea