احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، مايو 27، 2010

نبأ هااااااام .. لمن يهمه الامر

من عمايل ايد .... мαησηα بالظبط الساعة 11:37 م 28 داقوا الشاى وقالولى رأيهم


عاااااااااااااااااااااااااااااااااااااااااااااااااااااااااااااااااااااااااااااااااااااااااااااا

استكمالا لسلسلة النق اللى مابتخلصش

احب اقولكم ان الكمبيوتر بتاعى اتحرق

عااااااااااااااااااااااااااااااااااااااااااااااااااااااااااااااااااااااااااا

وشغالة بكمبيوتر ابو جهل 

عاااااااااااااااااااااااااااااااااااااااااااااااا

يلا اهى حمارتك العارجة تغنيك عن سؤال اللئيم 

وحيث انى مش بعرف اشتغل عليه 

لانه خنيق 

وكل شوية يقولى الصفحة مش هتفتح بقه

 الا لما تستبى برنامج معرفش ايه

وانا اقوله الله لا يسيئك 

حمل يا حبيبى الله يهديك مافيش اصلا مساحة

 اعمل كليك بالماوس تقولى ستبى هباب

عاااااااااااااااااااااااااااااااااااااااااااااااااااااااااااااااااااااااااااااااا

سامحونى لو قصرت 

انا كمان مرهقة وتعبانة شوية

 شكلى هاعمل اللوز وارتاح بدل التعب

 اللى انا فيه كل شوية ده 

ادعولى 


الـــــيك ...

من عمايل ايد .... мαησηα بالظبط الساعة 4:50 ص 21 داقوا الشاى وقالولى رأيهم





إليك يا من لن يكتمل عالمى الا بك 

إليك يا " نصفى "  الذى سينصفنى به الله على الدنيا .. 

إليك يا " طعم الحياة "

مع خـــــــــالص عشقى



========

من كتاب 

زوجى  .. مازال حبيبى

حسيته اوى فنقلته يارب اكون وفقت ف اختيارى


الأربعاء، مايو 26، 2010

ســــــــتــــــــــة ...

من عمايل ايد .... мαησηα بالظبط الساعة 12:20 ص 28 داقوا الشاى وقالولى رأيهم


انا جـــــــــــــــه

وحشتكوا انا عارفة معلش والله كنت مشغولة كنت بحاول اكون موجودة

يلا خييييييييييير

اولا : بشكر بجد كل حد اهتم وتقدم بتهنئة ف تعليق او اتصال او تفضل  بالحضور

فى حفل توقيع كتاب زوجى مازال حبيبى

ربنا يكرمكم بجد ويفرحكم زى مافرحتوها وفرحتونى

وان شاء الله فيه حفلتين ف كايرو والمنصورة باذن الله هنستناكم تنورونا

ولما يتحدد الميعاد اكيد هابلغكم 

ثانيا : بعتذر جدااااااا جداااااااااا للجميلة " الحب الجميل "

صاحبة مدونة  مجرد انسانة

لانى بجد بقيت بايخة جداااااااا واتاخرت ف انى اجاوب ع  التاج

بس غصب عنى والله كانت ظروف شوية  شغلانى 

المهم نيجى بقه للتاج 



انا اول مرة فى حياتى احس ان رقم 6 ده رقم كبيييييير ومش قليل كده 

لا ده ليه مكانه مش قليلة وسط الارقام 

ولا كنت اعرف انه صعب اوى كده مع انى كنت دايما 

وانا صغنونة بتلغبط فيه هو وال 2 

ورغم انه كان رقم اساسى ف نتيجة الـــــ 7 سنين خدمة 

ف كلية تجارة بتاعتى هههههه 

( حدانا بكاليوريوس التجارة بــ 7 سنين ايه ف اعتراااااااااض  )

الا انى بردو ماكنتش اعرف انه مهم جداااااا وكبير جدااااااااا كده 

عمرى ماحسيت بده كله الا لما جالى التاج ده 

يانهار اسوووووح ال 6 اسرار عن نفسى وانا لو كنت اعرفهم كان ده بقه حالى 

المهم من يوم ماجالى وانا  بافكر فيهم ومش عارفاهم نوهائى

واخيراااااااااااااااااا هجاوب 

ونقول اولا : من وين جالى التاج ؟؟ 

جالى من ست النساء " الحب الجميل

ثانيا : تحدث عن سته اسرار قد لايكتشفها من يقابلك للمره الاولى ؟

ونقول نمبر وان : انا شخص عصبى جدااااااااا هادى جداااااااااا 

ايوووووووووون 

اى حد يشوفنى لاول وهلة يفتكر بقه انى ملااااااااااك

فاضلى حبة ويطلعلى جناحين 

انما بس تحصل هفوة تنرفزنى اتحوووووول انا بقه

ابقى  حد عصبى وبيزعق اوى 

بس ما البث ان اهدى واروق بمجرد ما حد قريب منى يقولى  اهدى يا منى 

اهدى انا  عاملة زى ما اكون عاملة مفتاح اون واوف ههههههه اه والله 

يلا ربنا يصبركوا عليا 

نمبر تووووو : بخـــــــيلة .. احم احم 

ايووووون بخيلة او بمعنى اصح حريصة جداااااااااا 

مش بحب اصرف الفلوس الا فى حاجة تستحق تتصرف فيها 

مثلااااااااا انا باشحن خطين تليفونى كل شهر كل خط بعشرة جنية مصرى ههههههه 

خلصوا ف يوم خلصوا ف اخر الشهر مش هاشحن الا لما اقبض تانى 

ماينفعش اصرف ف خروجة 100 جنيه مدام ينفع استمتع باقل من كده 

من الاخر بحسبها صح اعيشها صح 

هههههههه ومع ذلك دائما مفلسة ازاى معرفش عااااااااااااااا

نمبر ثرى : بحب اللحمة الضانى والكوارع والفسيخ والرنجة 

ايوووووووووووون عمر ماحد يتخيل اول مايشوفنى 

انى باكل الاكلات دى والله العظيم 

ومش كل البنات بتقول انها بتاكل الاكلات دى 

وكانها اكلات للرجال فقط هههههههه 

نمبر فووور : مابعرفش احل مشاكل حد 

عاااااااااااااااااااااااااااااااا انا هاروح لامى مع اول مشكلة هتقابل جوزى 

عاااااااااااااااااااااااااااااااااااااااااااااااااااااااا 

مع انى والله امثل دور اسامة منير ف حياة كل اللى يعرفونى 

ويقعدوا يعينى يحكولى ويحكولى وممكن ابان مش مهتمة او مش مركزة او 

بسمع من هنا واطلع من هنا " بشاور ع ودنى " 

انما والله انا بجد ببقى شايلة همهم اوى

وقاعدة افكر لدرجة انى فعلا بسرح افكر ف حل 

ومع ذلك مابعرفش احل اى مشكلة مهما كانت بسيطة او معقدة 

تعالوا بقه اول ما تخلص المشكلة تلاقى مخى اشتغل

والحلول طلعت حلاوة هههههههههههه 

ماتعرفوش هى زرجنة وخلاص مخى غاوى


يحرجنى مع الناس ولا ايه معرفش ؟؟ 

نمبر فايف : زعلى وحش وحش وحش  تلاتة وحش 

لو زعلت من حد انا بعزه جدااااااااا

بيبقى صعب عليا جداااااااااا ع قد غلاوته انى اصالحه 

بس بضعف قدام سما وهلال :) مابقدرش ازعل منهم 

والمشكلة بقه انى لما بزعل من حد تلاقينى نسيت كل حاجة حلوة عملها معايا 

القلب الاسود بيطلع بردو بزورار اوف واون 

نمبر ستة : اخيرااااااااااااااااا 

انا حد ملول بحب التغيير والتجديد والابتكار 

مابحبش النمطية ولو مليت من حاجة بهملها وبكرهها 

وبسيبها بقه وابعد عنها

علشان كده كل يوم والتانى تلاقونى بغير المدونة 

مابقدرش اقعد كده بستايل حبة كتار 

ولا صورة ولا ستيتس مابجدرش يا ولاد عااااااااااا 

زغروووووووووووووتة بقه خلصت التاج هييييييييييه 

انا بحب التاجات جدااااااااا بس التاج ده باينه توبنى هههههه 

مابعرفش اتكلم عن نفسى توااضعى يمنعنى هههههههههه 

عايزة اقول ان لما وصلت للسطر ده اكتشفت شوية اسرار تانيين ممكن يعملوا 

مدونة لوحدهم وانا اللى كنت فاكرة نفسى خاوية من الاسرار اتارينى 

بيييييييييييير  يلا بقه حصل خير 

المفروض بقه اباصيه لــــ 6 من المدونيين واروح اسيبلهم خبر ف مدونتاهم 

ويارب محدش يتضايق انى بعتله التاج


 اظن ليكم مطلق الحرية ف الاعتذار عن التاج 

ونقول 

1 /  شريف باشا مدونة هجايص 

2  /  وليد دوغرى مدونة هى وظروفها 

3  /  سامى  مدونة بابى 



6  /   ام بيدو مدونة تعبت بجد 

بالشفاااااااااا ان شاء الله 


انا اخترتكم انتوا لانكم اكتر ناس واخدة عليها 

وكمان علشان كسلاااااااااااانين عايزة انشطكم بصراحة 

اللى مش عايز يجاوب براحته واللى هيجاوب 

يدبس فيه  لــ 6 تانيين  وش شرير اووووى


تصبحوا ع خير بقه طولت عليكوا معلش 





الأحد، مايو 16، 2010

زوجى مازال حبيبى .. + تحديث مهم

من عمايل ايد .... мαησηα بالظبط الساعة 1:54 ص 36 داقوا الشاى وقالولى رأيهم





ســـــــــــــــــــــــــــــــارة

اختى وحبيبتى وصاحبتى وكفاءة

" بوست سارة يا وليد علشان تهدى النفوس اوى هههههههه

جميل اوى لما تلاقى حد بيعرف يترجم احلامك ف سطور

جميل اوى لما تلاقى حد بيعرف يفهمك ويعرف انت عايز تعمل ايه بالظبط

او نفسك ف ايه بالظبط

اختى بقه بتعمل معايا كده

اول ما اتولدت كنت انا ف كايرو وهى ف بغداد

ايون اختى بنت رافدين ونيل

يعنى قمة المجد هههههههه

احنا التلاتة كده اولاد رافدين ونيل
علشان كده احنا مالناش زى
:))

كان نفسى اشوفها اوى  اول ما اتولدت بس لحقتها

بعد ماكملت سنة ومن يومها ما افترقناش

كل يوم بشوفها بتكبر بحسها بنتى

وبفرح بيها اوى وبفخر بنجاحها اوى

انا حاسة انى استنفذت اصلا كل طاقة الفرح والقلق فيها هى ومحمد

متهيألى مش هاحس الاحاسيس دى مع ولادى

المهم كان نفسى اوى تكون بنت واخويا كان نفسه تطلع ولد

لما كبرت وشاف خناقنا ع اللبس والحاجات حمد ربنا انها طلعت بنت

ههههههههه لا مش بس علشان كده

حمدنا ربنا كلنا انه رزقنا با احلى بونبوناية ف بيتنا

اها هى بونبوناية بيتنا العزيز

وسارة بقه كانت طول عمرها سارة

شاطورة من يومها ومن يومها وهى بتكتب كانت بتقعد تعمل مجلات

شبه بتاعة ميكى وماجد وباسم

ودايما ترسم ومالية اوضتنا بصور حلوة اوى

كان ومازال حلمها حبيبتى يبقى عندها مؤسسة للنشر

وتعمل جريدة كمان باسمها

وباذن الله ربنا هيحققلها طموحها ده

مش بس علشان هى قلبها ابيض اوى زى الحليب صافى

لا علشان هى تستاهل ده واكتر من ده

كان نفسها

تدخل اعلام وجابت مجموعها بس دادى مارضيش بقه

قالك لع ماعنديش بنات تبات بره

ياعمنا م العيلة كلها ف كايرو

يقولك لع مافيش بنات تبات بره حضنى

وكانت الحكاية بقه دخلت اداب اعلام

قسم صحافة والحمد لله اوشكت ع التخرج باذن الله

وبدات مشاكل القلق الاسرى اللى كلنا مرضى بيه

وخايفين ومرعوبين عليها من

الناس وان حد ياذيها والبلاوى اللى بنسمع عنها

بيبهدلوا فيها الصحفيين

بس رجعنا هدينا كده وروقنا

والحمد لله ثقتنا ف ان ربنا بيحفظها

وان الحمد لله عمرنا ما اذينا حد

بيطمنا عليها وبيسترها معاها

وكمان بركة دعوة ماما

كل يوم الصبح واحنا خارجين تستودعنا عند ربنا

وهو خير الحافظين

و

لانها بجد حد بيحب شغله اوى

حد بيراقب ربنا اوى ف تصرفاتها وحد بيحب الخير للناس

ربنا كرمها وحقق جزء من حلمها الكبير

زوجى مازال حبيبى

و ده بقه حكاية

انا واختى رغايين مع بعضنا بالليل نقعد ن لوك لوك

وكتييييييير اوى بنبقى مستشار

عاطفى او مستشار اى حاجة لاصحابنا

ومنهم اللى طبعا تزوجوا وخلفوا كمان

وكتيييير بنسمع عن مشاكل الناس

توصلنا واحنا بنقعد نجيب ف سيرة الناس بالليل ان

التفكير بعقل شوية وبهدوء ممكن يحل اى مشكلة

وتوصلنا ان اصل كل المشاكل ناتج من ان البيت

اللى اتربوا فيه طرفى المشكلة فيه حاجة مش مظبوطة

مش لا سمح الله حاجة وحشة لأ بس فيه خلل

والخلل بيعمل مشكلة صغيرة تكبر مع الوقت

كنا بنقعد نحلل المشاكل ونحلها

وكنا نقعد نقول انا لما اتجوز هاعمل كذا

بصراحة هى كانت بتجيب افكار لووووووز هههههه

وبعدين قالت انا هاعمل الافكار دى مدونة اهو ننفع بيها الناس

مع ان انا لو مكانها كنت سيبت الدونيا تولع ولا كنت طلعت فكرة واحدة

كنت حوشتهم لجوزى هههههههه

لسه بقه الواحد هيقعد يفكر ف افكار جديدة يبسط بيها جوزوا

هههههههههههه

المهم الحمد لله المدونة بقت كتاب

والكتاب عايزله حفلة توقيع

والحفلة مش هتبقى حفلة غير

بوجود اغلى ناس واحلاهم

واغلى ناس مش هيعرفوا كل ده الا اذا كلنا

قلنا لبعض يعنى مش هاقعد انادى لوحدى انا

هى اختى لو حدى ولا اختكم انتوا كمان الله بقه




المهم من الاخر

مستنينكم باذن الله تعالى

يوم الاربعاء الموافق

19 - 5 - 2010

ف كافيه روستيك - شارع الفاتح برج احمد جمعه - بجوار سوق الجملة


طنطا - الغربية - مصر 

من الساعة 3 ف عز الضهر منك لله ياللى كنت السبب

الى الساعة 6 لما الجو يطرى هنمشى :)))

على فكرة سوق الجملة ده هو الموقف يعنى اللى هيجى باذن الله

هينزل ف سوق الجملة ده الموقف

هيلاقى الكافيه ف وشه اول مابخرج من موقف الجملة


اللى هيتنزلوا من الاتوبيس فيه باذن الله...

ويوصل بالسلامة هيلاقينا مستنين باذن الله

اللى عايز رقم تليفون يبعت ف تعليق 

انا معاكو لاخر لحظة هنا اخر تواجد ليا 

هيكون بكرة الساعة 1 ظهرا 







تاكدو ان فرحتها مش هتكمل غير بوجودكم معاها

ولما تشترى كتاب ربنا هيقعدهولك ف عيالك اه وربنا

التليفونات بقه للاستعلام هابقى اقولكم عليها ف السكرته

مش ناقصين بقه معاكسات


كلمتين لـــ سارة

الف مليون مبروك يا حبيبتى

انتى عارفانى لما بكون بحب حد اوى مابعرفش اتكلم

ولا احكى ف حبه واقول شعر بس انتى عارفة كمان

انا بحبك قد ايه وعارفة فرحتى بيكى انتى قد ايه

وعارفة كويس اوى انى فخورة بيكى قد ايه

وعارفة لو بقتيش احسن من كده كمان هاعمل فيكى ايه

بحبك جداااااااااا
وانتى عارفة الكلمة دى لما بقولها

مابتطلعش غير للغالى يا غالية الغاليين

يا غزالى وبونبوناية عمرى

========= التحذير اياه :) =========

مافيش داعى افكركم ب الدعوة اياها

انتوا عرفتوا خاتمة الكلام لما بكون بتكلم عن حد عزيز عليا

ودى اختى هه

ياللى ناسى وماشى من غير ماتقول ربنا يخليكوا لبعض

بسم الله ماشاء الله

بيتك هيولع بكرة الصبح ع فكرة هههههه



الجمعة، مايو 14، 2010

يوم ميلاد اجمل البنات ...

من عمايل ايد .... мαησηα بالظبط الساعة 1:49 م 28 داقوا الشاى وقالولى رأيهم






بخخخخخخخ 

انا جيييييييييييت 

انساتى سيداتى سادتى 

بكرة يوم مش عااااااااادى 

خالص مالص 

ايون بكرة يوم بالنسبة لى خاص جدا جدا 

هو بالنسبة لنا كلنا خاص بس انا زيادة حبتين 

لان فيه اتولدت احلى وردتين ف حياتى 

اكتب اسم مين فيكوا الاول بقه

نبدأ بالاكبر  .. ههههه طبعا كل واحدة هتقول التانية اكبر منى

ههههههههههههه حريم بقه ههههههههههه 

ماعلينا

انا هاسيب الكيبورد تكتب وهى اللى هتتحدد هههههههه

النهاردة يوم ميلاد مامتى ريم  &  وفاتيما اختى حبيبتى 

مش هاقول لكل واحدة كلام منفصل 

انتوا الاتنين بجد كنت اتمنى ف يوم من الايام 


انى بس اكون معاكوا ف مكان واحد

ومش لازم نتكلم

عارفين ناس كده بتحبهم وخلاص

مش عايز منهم حتى يكلموك

بس كفاية انك شايفهم بخير وشايفهم مبسوطين

ولو لاقيتهم زعلانين 

ببقى نفسى افتح قلبهم اشيل الزعل ارميه واحطلهم

فرحة وهنا 

ناس انا فخورة انهم ف حياتى

فخورة انى اعرفهم

فخورة اكتر انهم عرفونى وبيكلمونى 

الاتنين بدعيلهم طول الوقت ان ربنا يفرحهم ويخليهم

يملوا حياتنا حب ويعلمونا الاخلاص والوفاء والجدعنة والطيبة 

كل سنة وانتوا من اسعد الناس ف الدنيا

كل سنة وانتوا ف حياتنا كلنا احلى شمعتين منورين قللوبنا

كل سنة وانا بحبكم اكتر منكم

ايووووووون اكتر منكم 

بس بقه خلاص انتوا هتطمعوا ههههههه 

سمع هووووس 

وسمعنى احلى سلاااااااااام 

ويلا حالاااااان بااااااااااااااااااااااااالان 

حيوا اجمل البنات

هيكون عيد ميلادهم الليلة اجمل الاعيااااااااااد 

حيوا اجمل البناااااااااات 


تمتم

اتفضلى كادوهايتك



وريم اتفضلى كادويهايتك



 يارب تعجبكم 

بحبكم انا

احتمال مايشتغلوش هنا الصور

ولذلك انا بعتهولكم ع الميل


ابقوا شيكوا ع الانبوكس اوك

========== تحذير هام ===========

ودينى وايمانى وما اعبد اللى ماهيقول ماشاء الله 
لا حول ولا قوة الا بالله 
ربنا يخليكوا لبعض 
بيتوا هيولع بناء على دعوة  مسبقة منى  ههههههه
ايون 
انا بخاف من الحسد وما عنديش اى استعداد انى 
اخسر اغلى الناس 

  ===============

الأربعاء، مايو 12، 2010

لا بقه كده كتييييييييير .. عاااااااااااااااااااااااااااااا

من عمايل ايد .... мαησηα بالظبط الساعة 12:12 ص 35 داقوا الشاى وقالولى رأيهم





هو فى ايه هه عااااااااااااااااااااااااااااااا

انا يستحييييييييييل اسكت

اصحى اول امبارح الاقى رصيدى خلصان وتليفونى خربااااان

اخر حاجة افتكرتها ان الساعة 5 الصبح واحدة

افتكرت انها صاحبتى وحبيبتى وكفاءة لما

ابن اختها المبجل حب يدخل الحضانة الاقيها بتكلمنى

الساعة خمسة الفجر ومن رصيدى شوفتوا الجبروت

تقولى عايزة الحقك قبل ماتنزلى

انزل فين يا .......... انتى واخدة بالك الساعة كام احنا الفجر

وسيادتك بتقوليلى ابن اختك مايولع ابن اختك ويولع ام الموبايل ع اللى اخترعه

وعاديكم زى ماتكون لزقت هى ماولعتش ولا ابن اختها

موبايلى انا اللى رصيدى خلص فيه وسكت عن الكلام المباح

عاااااااااااااااااااااااااا

موبايلى ماكملش سنة

عاااااااااااااااااااااااااااااااااااااااااااااااااااااا

عادى اروح الشغل ارجع مغشيا عليا اه وربنا

وتعبانة فجاتن كده دون سابق انذار

الجيوب الهبابية حبكت تلتهب

عاااااااااااااااااااااااااااااا

ابقى كويسة واتخمد اصحى من النوم اجى اسرح شعرى

الاقى المشط بقه نصيييين ف ايدى من قبل ما يلمس شعرى وربنا

انا لقيت حاجة بتطير بحسبها التوكة فطت من شعرى

الاقيه المشط

عااااااااااااااااااااااااااااااااااااااااااااااااااااااااااااا

مشطى حبيبى بعد ما اتعودت عليه

اروح الشغل بجيب لسه شارياه جديد بمبلغ وقدره

قوم ايه ؟؟ الاقى كمشة كلووووور دادة هبابة

بتمسح الارض بيهم وانا داخلة

قوم ايه الاقى الجيب تحول من اللون الموف اللى بعشقه

اللى غلبت على مالقيته ف جيب محترم

الى اللون الابيض المنقط

كل ده يحصلى ف تلات ايام ليه يعنى هه

وكل ده ممكن اسكت عليه لكن اللى لايونكن ومستحيل ابدا يكون

ان نضارتى تتكسر

عااااااااااااااااااااااااااااااااااااا

وانا لابساها حالا اهون

عاااااااااااااااااااااا

نصيييييييييييين اتنين مارخيرها راحت ف ناحية

والعين اليمين ف ناحية والشمال ف ناحية

عاااااااااااااااااااااااااااااااااااااا

ليه بس انا ايه فيا يتحسد

عاااااااااااااااااااااااااااااااااااااااااا

انا اللى مزعلنى انى بكره العدسات ولازم البسهم

لحد مانضارتى التانية تيجى من كايرو

الهى يارب اللى يحسدنى عينه تولع كده

قولوا اميييييييييييييييييين

علشان انا خلاص بجد

تعبت وكده بجد كتييييييييير اوى اوى بقه
 عااااااااااااااااااااااااااا


الاثنين، مايو 10، 2010

مش من حقـــــــــك .. تحديث مهم

من عمايل ايد .... мαησηα بالظبط الساعة 5:53 م 16 داقوا الشاى وقالولى رأيهم







انت ايوة انت ..

ماتبصليش كده لانى مش من حقك

عاجبك هدوئى وطفولتى وبراءة ملامحى .. بس ماتبصليش كده

انا مش من حقك

وانت ايوة انت عايز ليه تقولى كلام حلو وتكتب فيا شعر .. ازاى ؟؟

انا مش من حقك

وانت اللى واقف هناك ايوة انت .. بتستعد تسلم عليا .. وبتسبل بعينيك

فاكر بسلامك ونظرة عيونك هتلمس قلبى .. لا مش هتقدر تلمس قلبى

انا مش من حقك

وانت بتقولى ايه ؟؟

بتقول هتدينى الامان وهتحمينى من غدر الزمان

لا ماتقوليش انا مش من حقك

وانت فاكرنى هاصدق كلامك  المغلف بالحنية وهو كله كدب ف كدب
وانت بتقولى انا مشدودلك وحاسس بيكى

و بتطلب منى اصدقك .. لا مش هاصدقك  

انا مش من حقك

وانت بتدرس كل تفصيلة من تفاصيل حياتى علشان تلاقى ثغرة تدخل لقلبى منها

لا انا مش من حقك

وانت .. ايه بتقول بتغير عليا ؟؟

ليه ؟؟ عايز تحسسنى باجمل احساس ف الدنيا

لا مش هتقدر .. انا مش من حقك

مش من حقك .. لان ده كله حق يملكه انسان واحد

خلقت انا من ضلعه .. هو حقى وانا حقه

روحى هترتاح لما تشوفه .. وساعتها بس

هاحس الامان الحقيقى والهدوء النفسى الحقيقى

ساعتها هتعجبنى اوى غيرته

ومن غير مايقولى بحبك الاقيه بيعمل كل حاجة تخلينى احبه

وساعتها هو بس اللى هيشدنى ليه ومحدش هيقدر ياخدنى منه

لانه بمنتهى البساطة

نصى الحلو .. وفرحة زمانى

وابو اولادى .. وسندى ف اخرتى

 
=================================
يمكن ماتكونش مكتوبة كويس 
معلش انا لسه بقول تاتا ف حكاية الكتابة 
يعنى تقدروا تعتبروها كلام عادى مش نثر ولا شعر
ولا ادب 

المهم الغرض منها 

هى رسالة موجهة لكل انسان بيحاول ياخد 

حاجة مش من حقه 

ولكل انسانة عندها استعداد 

تتجنى على حقوق زوجها سواء " الحالى "

او لو ما اتجوزتش  " المستقبلى "

اتمنى انها تؤدى الغرض وتفوق كل 

نعسان عن الحق 

سلامو عليكو بقه 

================

اه انا اخيراااااااااااااااااا اخيراااااااااااااااااا 

خلصت رد ع التعليقات  ههههههه 

عارفة انها خللت بث معلث بقه 

===============

ادعولى لان المرة دى انا تعبانة اكتر من ا ى مرة

والمشكلة ان الدوا مش جايب نتيجة 

عاااااااااااااااااااااااااااااا


=======  التحديث  ======


نظرا لان كل الناس رأيها انى

قفلت الباب ف وش الناس ومحدش هيقرب لى 

فانا حابة اوضح وجهة نظرى 

بصوا يا جماعة اللى شاف ان كلامى ده قفل الباب ف وشه 

يبقى هو كان جاى يخبط ونيته مش سليمة 

جاى وعايز يتسلى وانا ولله الحمد 

قلتها مرة وبقولها تانى انا

مش بتاعة تسالى يااا لب وكلمتين حلوين

ويفضل يحب لحد مايشبع هو حب

وبعدين يقولى معلش اصل ظروفى

اصل ابويا معترض اصل امى

حلفت ماتدخلنى البيت الا لما اخد مش عارفة مين

انا بجد تعبت من حكاوى البنات

اللى كل يوم بيحكوهالى بشكل مختلف

وتعبت من مناظرهم وانا شايفاهم بيتقطعوا

والبهوات زى ال... ولا بلاش

اللى قال ظروفى معداش شهرين واتجووز

واللى قال اصل امى واصل ابويا

اتجوز اللى ع مزاجه هوه

وهى يا عينى اينعم تستاهل اللى جرالها

بس بردو بتصعب عليا وهى بعد ما بتسيبه بتموت

ليه يعنى مابقاش ف رجالة غيره

انا ماعنديش اى استعداد ابقى واحدة من دول

بصراااحة وبعدين بقه مابحبش انا

اللف والدوران والسهوكة

مرارتى بتتفقع منهم بصراحة
:(
انا كده ومش هاتغير

والله يا جدعان عنوان بيتنا مايتوهش
على راى على الحجار

واللى داخل جد اهلا وسهلا بيه

اللى هيتسلى يبقى يشوف له عتبة تانية

علشان دى احنا راشين عليها ماية وبتزحلق

وبعدين لو حاول رجله هتتكسر

واولا واخيرا

مايهمنيش الناس عايزة  ايه 

المهم عندى ما اخسرش نفسى

وقبلهم ما اخسرش رضا ربنا عليا

بس بقه خلصت انا

:)


  ===========
البوست ده من زمان عندى


اللى خليتنى انزله


بنوتة بحبها جداااااااااا


لقيتها بعتالى امبارح رسالة ع الفيس بوك


قسمتنى نصيين بجد


بجد ربنا يحرق قلبه زى ماحرق قلبى عليها

حتى ماكانش كامل كملته وعكيته


تلاقوا حتى الاسلوب مختلف


انا الحمد لله دلوقتى بكتب احسن من كده

سلام طولت انا عارفة


رغااااااية

بس بتحبونى زى مابحبكم 

:)



الجمعة، مايو 07، 2010

بـــحـــــــــبك اوى ...+ تحديث مهم

من عمايل ايد .... мαησηα بالظبط الساعة 2:27 ص 38 داقوا الشاى وقالولى رأيهم







بعد ما خرجت من عندها كنت عاملة زى البيبى اللى محتاج حضن باباه 

كنت حاسة انها هتحبطنى اوى

وبالفعل احبطتنى 

كنت محتاجة ايد تطبطب عليا وتقولى لأ عيب ماتفقديش الثقة ف نفسك 

انتى شاااااطرة جداااااااااا انتى حد كويس وجدير بالمسؤلية

كل الحكاية انك نضيفة اوى ع انك تشتغلى ف المجال ده 

عارف كنت عاملة زى البيبى اللى بيتعلم لسه يمشى 

ومحتاج ايد تسنده 

ورغم انى ياما سندت ناس لقيتنى لوحدى 

ساعتها لقيتنى لوحدى ولوحدى اوى 

عيطت وانا ماشية ف الشارع عيطت 

ولحد ماوصلت الموقف ولحد ماركبت  الاوتوبيس

وكل ده وعينى على موبايلى اومال فين كل الناس اللى المفروض وقت ما احتاجهم الاقيهم ؟؟

فينهم وقت شدتى اناااااااااااااا 

عارف محدش منهم فكر حتى يرنلى اصلهم يوميها ماكنوش محتاجين لى

كان يومهم حلو ومتظبط

مالقيتش غيرك 

كانت بجد احلى مسج وصلتنى مارديتش اتصل بيك

لانى كنت بعيط وكنت عارفة انك هتسيب اللى ف ايدك وتجيلى 

رغم ان اللى بينا مسافات وسفر 

بس كنت عارفة انك مش هتستحمل علياالهوا الطاير 

انا بحسك ابويا واخويا وحبيبى وصاحبى 

شكرا لانك احلى مافى حياتى

انا بحبك اوووووووى

عارف لما بتزعل منى انا بتجنن 

بس ودينى لو اتمرعت فيها انت حر انت عارفنى 

ههههههههههههه 

ماتزعلش منى تانى انا ماليش غيرك ف الدنيا 

انا عارفة انى مستفزة بس والله بيبقى غصب عنى

عارف لما حد بيجى يتقدملى بقعد اشوفه فى ايه منك 

مش لاقية حد شبهك ولا حد زيك 

حتى فرق السن عايزاه يبقى نفس الفرق اللى بينا بس بالموجب ههههههههه

علشان انا بحبك اووووووووى

مش عارفة ليه انا وانت مش لاقين انصافنا الحلوة 

مع اننا لقطة اممممممم حاجة غريبة اوى 

محدش بيحسنى غيرك ولا بيفهمنى غيرك 

ولا بيقدرنى غيرك 

بحس اننا كنا تؤام بس واحد مننا سبق التانى بكام سنة

بحب حنيتك وتفكيرك حتى خناقك بحبه بس ماتزودش العيار 

بحب دخلتك عليا اوى ونقارك فيا 

ربنا مايحرمنيش منك ابداااااااااااااااااااااااااااا

ويخليك ليا تعيش وتفرح ويباركلى ف عمرك 

وافرح بيك مع عروستك وبولادك

يارب اللهم امين
يا احلى واطيب واحن حد ف الدنيا عليا 

يا اخويا يا نور عيونى وفرحة قلبى 

انا بحبك اوووووووووووى 



ودينى وايمانى وما اعبد اللى ماهييدعيلنا 

ويقول ربنا يخليكوا لبعض احلى اخوات ف الدنيا

لاكون داعية عليه يصبح الصبح يلاقى بيته ولع 

ههههههههههههههه

ايوووووووووون 

انا ماليش غير اخويا ف الدنيا دى

قولوا الله اكبر ماشاء الله

ولا حول ولاقوة الا بالله 

وتحسبا لاى ظروف انا دعيت على اللى مادعاش لينا 

مقدماااااااا

شريرة انا ههههههه

===================


فى ناس افتكرت كلامى عن وقفتى جنبهم  عليها تؤ طبعا مش عليكوا


الكلام انا كلامى موجه لنفر معين ههههههههههه 


ايووووووون سوسة على رأى لولى 


===========


البوست ده لاخويا ابن مامتى ودادى 


م/ محمد درويش


اى حد بقه عنده عروسة بنت حلال 


يتصل ههههههههه عايزة افرح بيه قبل ما اقابل وجه كريم 



 

ೋ واحــد شـاى ♨ Template by Ipietoon Blogger Template | Gift Idea