.jpg)
سالخير عليكم نفر نفر
يارب تكونوا كلكم بخير يارب
هاكلمكم النهاردة عن
لـــــــــــــــــسه
فاكرينها
الكلمة اللى كنت كل شوية احطها ف اخر البوست ف اخر كل شهر السنة الماضية
هاشرحهالكم بقه علشان بس الفضول مايعملش فيكم حاجة
انا كنت كل شهر بحاسب نفسى كده واشوفنى ايه
اللى لسه ماعملتوش والمفروض كنت اعمله
او كنت مستنياه يحصل وماحصلش
المهم نقول ليكم عندى 12 لسه
لـــ 1 ــــــسه
بتعب من الجيوب الانفية ورافضة تماما اروح لدكتور لانه
انا مابحبش الكشف وبخاف من الحقنة
لـــ 2 ـــــسه
بكره الشتا وبحسها كئيبة يمكن لان كل محاولاتى ف انى اتدفى بتبؤ بالفشل
لـــــ 3 ـــــسه
بردو اصحابى بيعاملونى ع انى كائن تملى ( جاى من تملى معاك )
هابقى اشرحلكم النوعية دى من البشر ف بوست تانى
لــــــ 4 ـــسه
بعشق الربيع وبحس فيه بانعاشه بتحيينى من تانى
لـــــ 5 ــسه
فاكرة ان فيه ناس طيبين ومحترمين وملايكة
لـــــ 6 ـــسه
بكره الغربة اللى بحسها وانا وسط بلدى
لـــــ 7 ـــسه
بكره شهر يوليو بحسه ملئ بالملل
لــــــ 8 ــــسه
مش لقيتك مع انى تعبت من كتر مابدور عليك :(
لــــــ 9 ــسه
بكتئب من الخريف
لـــــ 10 ــــسه
مش قادرة ابطل انام متأخر واصحى بدرى زى البنى ادمين
لـــــ 11 ــسه
متشائمة
لـــ 12 ــسه
انت لسه ماجيتش :((
♥♥♥♥♥♥♥♥♥♥♥♥♥
وخلصت 2010 وانا لسه زى ما انا
غريبة مش فاهمانى ولا لاقيانى اصلا
وجت 2011
وجه يناير
وخلص يناير
وجه فبراير
وخلص فبراير
وجه مارس
ولسه ماخلصش مارس
بس انا لـــــــسه
وبسال نفسى كمان سؤال
اشــــــــــمعنى انــــــــا ؟؟؟
:((
20 داقوا الشاى وقالولى رأيهم:
ولسة رغم كل لسة من ال 12 لسة
لسة قلبك جميل وفي لون الورد
لسة احساسك حلو
لسة بتعرفي تحبي
لسة طيبة
لسة عنيكي حلوة وبتشوف كل حاجة حلوة
لسة كلامك دافي وطلتك على حبايبك زي الشمس بتدفي
لسة انتي انتي
وكفاية انك تكوني انتي علشان تبقي كل حاجة حلوة
لسة منونة
ولسة بحبك
كل اللسه ممكن نعديها ونتكلم ونتناقش فيها
إلا اللسه بتاعت شهر يوليو ، ده اغلى الشهور عندي رغم الحر بس برضو حلو هههه
وفعلا الأيام بتمر وبتجري مننا دون ان نلحق نحقق ما نحلم بيه
وهكذا هي طبيعة الدنيا لا تعطي للفرد كل ما يرجو
ولكن الرضا والمثابره مفتاح تحقيق الآمال
فطالما هما متواجدان فلا يأس
تقبلي تحياتي وطيب أمنياتي
منوناااااااا
لسه فيه امل
لسه الجايات كتير
لسه الشمس بتطلع فى كل يوم
لسه احلى يوم فى حياتنا مش جه
لسه احلى فرحه مش زارتك
ولسه الجاى احلى
ولسه الرائع لم يأت بعد
زهــــــراء
انا كمان يجي 500 لسة ...
كنت فكراكي بتحبي الشتا والمطر ... انا ببقى فيه بردانة بس احتمال الشتا الجاي احس بالدفى ان شاء الله.
انا بحس في الربيع بالحر والرمل والدنيا صفرا ممكن البس نظارة خضرا عشان الاقيها بقت زرقا :d>
في الخريف بحس ان كل شئ هادي وبرد بحب الاحساس ده ...بس فيه شئ لسة ناقصني ... بكره انك لسة مش جنبي ومش ماسك ايديا!!!
بموووت في يويو
لازم تتعالجي يا منمن من الجيوب الانفية عشان خاطر ربنا دي صعبة جدااااااااااااا
لولا ياحبيبتي
حلو أوي
ما بتحبيش الشتا
ولا شهر يوليو
ولا الخريف
طب ما كدا السنه خلصت
فاضل فيها ايه؟
اقبلي الحاجات على ما هي عليه
وتعايشي معاها
أمكن كان بها ما أمكنش تجاهليها واسقطيها من حساباتك
منونتي
مش عارفه ليه دمعت لما قريت البوست دا ... هو انتي كنت زعلانه وانتي بتكتبيه ؟؟
1- ألف سلامه مين مش بيحب الدكاتره
بس انا بحب الحقن :) باين اتعودت عليها :)) بقول للدكتور اكتبلي حقن بدل الدوا
3- مستنيه الشرح
5- انا كمان لسه
ربنا يسعدك يا منونتي والله دعيتلك كتير النهارده والدنيا مطر :)
أقولك يا ستي اشمعنى انتِ :
علشان مامتك ست طيبة ، وبتدعيلك من قلبها فربنا مش عايز يورطك وشايلك حاجة حلوة أوي ، فلازم تصبري علشان تاخديها .. كل حاجة في وقتها بتبقى حلوة .
كتير كنت بقارن بين وضعي ووضع ناس تانية واقول اشمعنى انا واشتهي حياتهم وراحة بالهم .. بس لما ببص على النتيجة والميزة اللي ربنا عوضني بيها بحس اني بقول الحمد لله اني ما كنتش زي أي حد
بحبك يا منونتي :*
بسكوتى الجميلة
ولسه انا مش عارفة
احبك زى ماتستحقى انى احبك يا بسكوتى
لانك بجد بجد بجد كتير عليا اوووووى
الحمد لله انك ف حياتىيا بسكوتى
:* :*:*:*:*:*
احمد ..
هههههههههه
طيب يابختك بتحب الشهر ده انا مش بحبه لانى اتولدت فيه :(
وبعدين دايما بتحصل فيه مصيبة سودة ههههه
اه والله السنين عدت كده ولسه الواحد زى ماهو :(
يابختك بتفاؤلك ده الله اكبر عليك
لحسن احسدك
نورتنى ويارب يكون الشاى عجبك عندنا ا فندم
زهراء ..
صح لسه الرائع لم يات بعد
وياخوفى الواحد يمو ت قبل مايشوفه
مرورك بيسعدنى جدااااا
لولا ..
ههههه لا يا حبيبتى مش بحبه اصلى بتحول لكائن اسمه تنبل بعيد عنك وببقى مكسحة من البررد
ههههه والله انتى سكر انا بحب ف الربيع بقيته اللى بيبقى الجو فيه حلو ده معتدل كده ولا حر ولا برد
الخريف كئيب بيجيلى اكتئاب فيه
ههههه علشان اتولدتى فيه لازم يبقى حلو يا لولا :) سرطانية اصيلة انتى
:(( حاااضر عااااااااا
انتى حبى :*
ابيه هانى ..
لا فاضل الربيع يا ابيه :)
امممم مش بعرف اعمل كده يا ابيه للاسف
مابعرفش اتعايش وبتعب من التفكير ف
فشلى ف التعايش :(
نورتينى يا ابيه :)
منمنتى ..
اه كنت مش مبسوطة مع انى ع الفيسبوك كنت باينة مزأططة انتى بتحسينى يا منمن دى مش اول مرة تقولى الحكاية دى وتطلع صح
انتى شكلك بتحبينى هههههه
الله يسلم عمرك يا حبى :) سلامتك حبيبتى من الشكشكة
حاضر هاقولك ف بوست يعنى ايه كائن تملى :)
اممم هيجى هيجى ان شاء الله
ويسعدك انتى كمان يا منمنتى الجميلة وانا دعيتلك ف الفجر :) يجعلها دعواتى من نصيبك يارب
بحبيكى انا
ههههههه انتي لسه متعرفيش
دا انا بحبك من زمااااااااااااان
عسل يا منمن شفتي بقى بحس انا بالناس اللي بحبهم بس
ربنا يديم علينا المحبه ويارب يكتبلك كل خير وحب وسعاده وهنا يارب
kisses 4 you
نونو حبيبي
تصدقي اني عندي نفس ذات اللسه؟
وخدي دي عندك
ال...مش عرفه رقم كام
لسا مخلصناش من الكلام القديم بتاع الفتئه الطائفيه والجو دا بعد اللي شفناه في التحرير كلنا
وكملي
لسا يامصر مااتغيرتيش
مش عوزا تمشي لوحدك بدال ماحد يمشيكي:(
وواحدا قبل ماانسي
لسا مش هنزل اشوفك
وحشاني انتي وكيارا بجد
عياااااااط من هنا لبكرا الصبح:(((((((
سمو الاميرة اختى :)
اممممممم ده اكيد طبعا
عندك حق :)
الحمد لله الف حمد وشكر
انا بحبك اكتر يا سموى
منمنتى ..
:* :*:*:*:* :*
<3
سونى ..
ولسه حاجات كتير يا سونى
والله غصب عنى يا سونى انا شرحتلك
ظروفى قبل كده
دعواتك يا قمر
إلا عجبني الشاي عندكم
ده عجبني جدا
بس المره الجايه زودي السكر شويه
بلاش بخل هههههه
احمد ..
السكر غالى يا احمد :)))
إرسال تعليق