احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، مارس 06، 2011

يوم ميلاد ست الحلوين ..

من عمايل ايد .... мαησηα بالظبط الساعة 5:55 ص




بسكوتى كل سنة وانتى بسكوتى وجميلة ورقيقة كده يارب

كل سنة وانتى ف قلبى زى ما انتى يا بسكوتى

عارفة انتى لما تكونى بتحبى حد لدرجة
انك مش عارفة تقوليله ايه اهو انا دلوقتى ف هذا المأزق
مش عارفة اقولك ايه ولا ايه

بس عارفة بجد انك من اجمل هدايا ربنا ليا السنة دى

ويارب اكون انا كمان من هدايا ربنا ليكى السنة دى ههههههههه

اكيد انا كده يعنى بس انتى عارفانى متواضعة زيادة عن اللزوم ههههههههه

يارب يارب السنة دى تكون جاية وجايبة ف ايدها كل حاجة حلوة ليكى يا حلوة

واللى مشيت تكون اخدت ف شنطتها البينك الشيك
كل حاجة وحشة ف عمرك يارب اللهم امييييييييين

كل سنة وانتى كل سنين عمرك بينك وشيك



9 داقوا الشاى وقالولى رأيهم:

MR.PRESIDENT يقول...

اللهم أمين
لمن كتب له البوست
ومن تحبين من أهل البسيطة .
ربنا يسعد الجميع

sony2000 يقول...

كل سنه وهي طيبه
كل سنه وانتي طيوبه
كل سنه وكل مصر بخير ياااااااااااارب

Baskouta يقول...

انا اللي مش عارفة اقول حاجة
بس بجد بحبك
ربنا يخليكي ليا يا منونة
متحرمش من اهتمامك ابدااااا

فاتيما يقول...

قلب الملاييييييييكة

والله
قلب الملايكة


انا شهادتى مجروحة
بس برضو
عندك الف حق

♥♥♥♥♥♥♥♥♥

وانا عارفة قصدك
ساعات الكلام بيكون قليل
والصمت بلاغة

كل سنة وانتوا طيبييييين يا عيال
ويا بنات تحديداً

عشان التدوين عرفنى على بنات
ولا ارق واجمل واطيب ف الدنيا

ربنا يديم الود ما بيننا
والمحبة اللى بجد

♥♥♥♥♥♥♥♥♥

واصلا بينى وبينك
بسكوتة اصلااااا
بتحبك جدااااااا
وبتعتبرك اجمل ما ف التدوين
(وانا معاك يا حاج)
ودايما تقولى منونا منونا منونا
وربنا يا حبيبتى
يفرح قلبك زى ما بتفرحيها بصداقتك
وسؤالك عليها

♥♥♥♥♥♥♥♥♥

انا قولتلك انها عملت حادثة؟؟؟
بس الحمدلله
ربنا سلم
لكن بقت بسكوتة مفشفشة
معلش
الحمدلله
قدر ولطف

♥♥♥♥♥♥♥♥♥

بوسات وحضوناااااااااات
قد نجوم السما

يا قلب الملايكة

mena يقول...

كل سنه وهى طيبة عقبال 1000000سنة وكل سنه وانت جميلة ورقيقه زى ما انتى يا منمونه

мαησηα يقول...

بسام ..

يارب اللهم اميييييييين يا بسام تسلملى يارب

====

سونى

وانتى طيبة يا سونى تسلمى ياقمر


====

мαησηα يقول...

بسكوتى المبسكتة

ماتقوليش حاجة كفاية بجد انى قدرت

افرحك ف يوم مفترج زى ده ياست الحلوين

ولا يحرمنيش ربنا منك يا بسكوتى الجميلة

мαησηα يقول...

فاتيما

وطنى ووطن القلوب الخضرا

انا مش بعرف ارد ع كلامك ع فكرة بجد

يارب مايحرمنى منك وانتى علشان بتحبينى شايفانى حلوة اوى كده

يارب اللهم امين ومش نفترق ابدا ابدااااااا

اها عرفت انا انها بتحبينى زى منا بحبها وبموت فيها كمان

وعرفت موضوع الحادثة وزعلت منها علشان مش قالتلى :(

كان نفسى يبقى يوم حلو يكمل للاخر بقه

يلا خير

الحمد لله انها بخير وزى الفل

كل سنة وانتى وولادك التلاتة طيبين يارب يا تيما


انا عايزة بوسات وحضونات قد ما انا بحبك لانى عارفة انه حبك ليا اكبر من نجوم السما اللى مايعرف عددها غير ربنا

мαησηα يقول...

منونة ..

وانتى اطيب واجمل يا حبيبة قلبى

يارب يخليكى ليا يارب

 

ೋ واحــد شـاى ♨ Template by Ipietoon Blogger Template | Gift Idea