احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، أكتوبر 30، 2010

اعتراف ..

من عمايل ايد .... мαησηα بالظبط الساعة 4:24 م 16 داقوا الشاى وقالولى رأيهم





اكــــــــرهـــــــك

بكل ما أوتيت من

قـــــــــــــــوة !!


منى درويش
30/10/20210




الخميس، أكتوبر 14، 2010

مهم جداااااااااااا ..

من عمايل ايد .... мαησηα بالظبط الساعة 10:14 م 5 داقوا الشاى وقالولى رأيهم






علشان ف ناس ربنا بيجعلها سبب ف تخفيف الم  ناس تانية كتير

وعلشان ف ناس جدعان اوى ربنا يبارك 

ف صحتهم ويرزقهم الرزق الحلال الطيب

زى خالد - ابو همس - صاحب مدونة همس الاحباب

مبيتاخروش  عن عمل الخير والدعوة له

وعلشان احنا  من الناس اللى 

مابتتاخرش ع فعل الخير واللى بنقدر عليه بنعمله

انا جيت بالبوست ده 

البوست ده عبارة عن حالة محتاجة مساعدة

وصلت لاستاذ خالد وطلب مننا نشرها 

ياريت اللى يقدر يعمل حاجة مايتاخرش وده امر

انا مش قلقانة منه لان الخير لسه جوانا الحمد لله كتير 

واللى  يقدر ينشر البوست ده عنده علشان يوصل

لاكبر عدد من الناس لعل وعسى نلاقى 

من ينقذ الحالة ويقدر يقدم لها مساعدة 

****

 احيانا ينتاب المرء منا حالة من العجز عن التفكير او الشعور بالتقصير تجاه الاخرين 
واحيانا اخرى تتقاذفنا امواج الحياة وتجذبنا بعيدا عن شاطىء الحياة ولكن عندما يريد الله لنا خيرا يرسل من ياخذ بايدينا او من يدلنا الى فعل الخير اومساعدة شخص ما وتلك نعمة من الله نحمده ونقدسه عليها فالشكر للاخ الكريم صاحب مدونة طهر فؤادك على دعوته الكريمة لمساعدة شخص مريض يحتاج منا المساعدة والى نص الرسالة 
 فاكر جمعية الامل (فرع سوهاج ) اللى كانت عاملة معرض ملابس لمساعدة مرضى السرطان يارب تكون افتكرتها... المهم جت ليهم حالة بس صعبة شوية ومحتاجة كلنا نتكاتف مع بعض ونساعدها وهكتبلك تفاصيل الحالة ويارب تنشرها ونحاول نساعدها كلنا باللى نقدر علية ان شاء الله وهى على لسان الحالة طبعا ربنا يشفيها ويعافينا جميعا اللهم امين والمسلمين
بتقول :-اسمه بخيت محمود أحمد والذى يعمل بالهيئة العامة للتأمينات الاجتماعية بســوهاج
وبيقول :-
حيث انني مريض بمرض ( السرطان فى الكلى ) وتم اجراء عملية لاستئصال الورم على نفقتي الخاصة بتاريخ 26/11/2009 ثم تم دخولى الى معهد اورام اسيوط بتاريخ 5/12/2009 واوصى الطبيب المعالج بضرورة الاستمرار فى العلاج بدواء (sutent) وذلك لمدة 18 شهرا حتى يتم الشفاء وتبلغ قيمة علبة الدواء 23 الف جنيها ونظرا لارتفاع سعر الدواء عن قدرتي المالية فقد وافقت شركة فايزر للادوية على تخفيض 50% من قيمة الدواء وحيث ان الدواء بعد تخفيض 50% تبلغ قيمته 11.500 الف جنيها .ونظرا لظروفى المالية الصعبة حيث انني اعول اسرة فأرجو من سيادتكم التكرم بالموافقة على مساعدتي لشراء هذا الدواء بصفة مستمرة أو مساهمة اهل الخير ويعتبرهذا الدواء الوحيد فى علاجي الذى تحسنت عليه صحتي حيث اننى فى حاجة الى 6 جرعات حتى اتماثل للشفاء .
وجعلكم الله عونا للمحتاجين
ت/0115428158
العنوان/سوهاج- شارع ابو الحسن البصري خلف شارع 15
الى هنا انتهت الرسالة من صاحب الرسالة وبدا دورنا فى مساعدته كل بقدر استطاعته فمن يريد النشر او التنويه عن الحالة فى مدونته او على موقع الفيس بؤك  فشكرا له وجزاءكم  الله خيرا 
ومن يريد التبرع فيمكنه ارسال حوالة بريدية باسم السيدة / ماجدة بخيت محمد ابراهيم وهى زوجة المريض على مكتب بريد سوهاج الفرعى  بالحميات ورقم التليفون المذكور بعاليه يخص الحالة ايضا .
او من يرغب بارسال حوالة بنكية اوالتبرع نقدا فانا مستعد لاستقبالها وارسالها الى الحالة باليد ،ولاى استفسار يمكنكم الاتصال برقم المريض بعاليه او الاتصال على رقمى 0101345140.
برجاء الاهتمام بالنشر ودعوة الاقارب والاصدقاء من خارج التدوين  للمشاركة بقدر المستطاع .
دعوة خاصة للمدونات الاتية بالمشاركة فى النشر او التنويه 
فاتيما  ام يوسف 
قوس قزح
بت خيخة واى كلام 
د. ستيته 
وكل مدون اومدونة قرا الموضوع ويريد المشاركة 
جزاءكم الله خيرا .
فالدال على الخير كفاعله  


الثلاثاء، أكتوبر 12، 2010

لعنتى ..

من عمايل ايد .... мαησηα بالظبط الساعة 12:28 ص 17 داقوا الشاى وقالولى رأيهم





ارجوك لا تقترب !! 

حتى لاتصيبك لعنتى 

فــــأنا فى القرب .. حلم يستحيل تحقيقه 

وفى البعد .. مرض خبيث يصيب القلب ويستحيل الشفاء منه 



**** 

المتواضعة جدااااا 

                                             منى درويش  :)

6  اكتوبر 2010 





الجمعة، أكتوبر 01، 2010

نظـــــــرية ..

من عمايل ايد .... мαησηα بالظبط الساعة 1:47 ص 24 داقوا الشاى وقالولى رأيهم






بهرهما ذلك التشابه المذهل بين شخصهما

فـــ هو يحب كل ماتحبه .. وتكره هى كل مايكرهه

وغاب عنهما تماما
.. 

ان الاقطاب المتشابهة متنافرة
  

فكان الفراق اليما لكلاهما



  منى درويش


1/10/2010  

الخميس





 

ثلاث سبعات ..

من عمايل ايد .... мαησηα بالظبط الساعة 12:33 ص 6 داقوا الشاى وقالولى رأيهم




سالخير عليكووووا

ده تاج جايلى من سارة المشد 
صاحبة مدونة قالت سارة

اللى اصلا كان جايلها من فدوى فريد

صاحبة مدونة حبل غسيل

*******

ونقول بسم الله الرحمن الرحيم

7 حاجات نفسى اعملها : 


1. نفسى ابطل عصبية وتسرع وتردد 
2. نفسى اقاوم النوم 
3-  نفسى اتعلم عنجليزى يعنى الوكلوك بيه وافهمه لما يتقال قدامى 

4 -  نفسى ما اشتريش لبس غامق :(

5-  نفسى ما استلفش ال 9 جنيه بتوع فودافون


6-  نفسى اسامح.

7-  نفسى احب المكرونة




******




7 حاجات مبعرفش اعملها :

1- مبعرفش ارقص ولا عمرى هاعرف

2- مبعرفش ادارى انطباعاتى او ردود افعالى

3-  مبعرفش انام وفيه نور ف اى مكان ف الشقة حتى لو بعيد عنى :(

4- مابعرفش اتمايص واتسهوك

5- مبعرفش اكوى الجلاليب الرجالى

6- مبعرفش اشرب غير ماية ساقعة متلجة صيفا وشتاءا

7- مبعرفش اركز ف اكتر من حاجة ف نفس الوقت .


*******

7 حاجات بقولها كتير :

1- يا ختتتتتتتتى .. بعلو صوتى ف اى مكان وبتطلع اذ فجأتن كده هههههههه

2- بطل استعباط او بطلى هبل وطبعا 
ف ناس بتبقى اول مرة تكلمنى بتتصدم من الكلمة :)


3- يانهااااااااااااااار اسود ومنيل بستين نيلة ع دماغك  :))) 
. حتة واحدة كده


4- غباء مستحكم وربنا .. ههههههه
دايما بقولها للسواقيين ف الشوارع او
البنى ادمين اللى بيخبطونى .


5- ان شاء الله كونداليزا رايز يجيلها ف روكبها قولوا اميييييين
بجامل اى حد عيان :)

6- يخرب بيت سنينك السودة .

7- يا حيوووووووووووان .



بس خلاص  خلصت اللى عليا


حد بعتلى تاجات تانى وانا مش عارفة ؟


 

ೋ واحــد شـاى ♨ Template by Ipietoon Blogger Template | Gift Idea