احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، مارس 18، 2011

... تــــــــــــــــــؤ

من عمايل ايد .... мαησηα بالظبط الساعة 6:07 م






كان ممكن اقول نعم لو كنت حسيت فعلا الن التعديلات ف صالح الشعب 

انما هى ف صالح اتنين بس من الاحزاب

يعنى كانك يا بو زيد ماغزيت 

كان ممكن اقول نعم لو كان التليفزيون المصرى
 
ماحطش السم ف العسل

وبقه بكل ما اوتى من قوة بيحاول يخلينا نقول نعم
لكن بقولها ف وش اتخن تخين 

تــــــــــــــــــــــــــــــــــــــــــؤ

  للتعديلات الدستورية 

اللى متفصلة مخصوص للحبايب 

وبطلوا بقه شغل حاورينى يا طيطة ده

واعملوا دستور عدل خلونا نفوق بقه خنقتونا

مرة واحدة بقه فكروا ف البلد دى

حراااااااااااااااااام عليكوا بجد 







9 داقوا الشاى وقالولى رأيهم:

مصري جدا يقول...

المهم أنك تقولي رايك

والأهم بئا

أما تطلع النتيجه هيكون ده رأي الشعب كلنا معاه ووراه بصرف النظر عن رأينا الشخصي

لـــولا وزهـــراء يقول...

منوناااااااا

بصى سواء انتى هتقولى لا وغيرك هيقول نعم المهم اننا يبقى لنا دووووور يبقى لنا رأى
الناس مش غبيه وفاهمين اللى بيحصل بجد


زهـــراء

Tears يقول...

من يومين بس كنت متحمسه اوى زيك كده بس لما اكتشتفت ان استمارات التصويت اصلا بتوزع فى الشارع و مع الناس حتى فى الصعيد و بيكتب فيها نعم و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و ان فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل فقدت حماسى لان كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده

الاستمارات اللى فى الشارع بقالها تلت ايام هنا

http://www.facebook.com/album.php?aid=647424&id=522785413&fbid=10150448781095414

AHMED SAMIR يقول...

من غير تخوين للناس اللي هاتقول نعم
انا كمان هاقول
لا
بس دة علشان انا شايف ان دة الأفضل لمصر
جايز يكونوا هم شايفين ان مصلحة مصر في الموافقة على التعديلات

sony2000 يقول...

وانا كمان بالصعيدي
لاااااااااااااااااااااع

لـــولا وزهـــراء يقول...

مرة واحدة خلونا نتنفس حرية

لولا

ahmed_k يقول...

الحمد لله فينا من سيقول لا
فلو كلنا قلنا نعم حتبقى الديمقراطيه ناقصه
لذلك أنا أحييكي على موقفك ^_^
والأهم من قول نعم أو لا هو المشاركه
والتي كانت مفاجاه للجميع
فلكوني متعود على الذهاب لصناديق الإنتخابات حتى وأنا متأكد أن صوتي سيتم تزويره فمنذ 15 عاما لم أفوت أي إنتخابات أو إستفتاء
إلا أني فوجئت هذه المره بكم المتقدمين للتصويت وأحمد الله أنها لم تكن بكشوف إنتخابيه وإلا إضطررت لللوقوف في صفوف طويله للتصويت
فقمت بالبحث حتى وجدت لجنه لم تزدحم بعد وقمت بالدخول إليها والإدلاء بصوتي ( بنعم طبعا هههه )

فهنيئا لنا شعب مصر هذا اليوم الرائع
ومهما كانت النتيجه نعم أولا فسنتقبل النتيجه بصدر رحب
فرأي الأغلبيه لابد ان يحترم

خالص تحياتي

мαησηα يقول...

ابيه هانى ..

اينعم صح

تمام الكلام

мαησηα يقول...

زهراء ..

صح يا زهرا انا يمكن بس كن منفعلة ف

البوست لانى كنت مشحونة معنويا :)

بس احب اقولك ان فى ناس كتير مش فاهمين للاسف

ردى ده بعد مارحت وشوفت الاستفتاء واللجان والناس

ربنا يعمل اللى فيه الخير لمصر يارب

 

ೋ واحــد شـاى ♨ Template by Ipietoon Blogger Template | Gift Idea