احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، ديسمبر 27، 2008

كل حاجة حلوة عمرها قصير ..

من عمايل ايد .... мαησηα بالظبط الساعة 12:36 ص 0 داقوا الشاى وقالولى رأيهم

السبت، ديسمبر 13، 2008

تعاندى ..

من عمايل ايد .... мαησηα بالظبط الساعة 12:46 ص 0 داقوا الشاى وقالولى رأيهم

الثلاثاء، ديسمبر 02، 2008

عادي..

من عمايل ايد .... мαησηα بالظبط الساعة 3:44 م 0 داقوا الشاى وقالولى رأيهم



عادي نفترق عادي ننجرح عادي نتنسي عادي
الألم عادي والندم عادي والعذاب عادي
أي حاجة كل حاجة مش غريبه
عــــادي


حتى اللي كنت دايبة في هواه وبقول في بعده ما فيش حياة

خدت الحكاية وقتها وكل شي راح وأنتهى

وبقيت أشوفه زي أي شخص عادي وأقل من عادي


الألم عادي والندم عادي والعذاب عادي


ما بقتش أخاف من الذكريات ده اللي جاي ينسي اللي فات


بعدو الحبايب قربو ما بقاش في شي أستغربه

وبعيش بقلبي حزن فرح جرح... عــــادي
وبقى كل شي عــــــادي
الألم عادي والندم عادي والعذاب عادي
عــااااااادي


اصالة نصرى


*********

كان نفسى يكون اسمى فرح 


يمكن كان الفرح عدى عليا وافتكرنى 

انما للاسف اسمى منى 


وبقيت حتى الاحلام تعدى عليا ومش تفتكرنى 

لانى منى 


امل بعيد المنال 


الثلاثاء، نوفمبر 18، 2008

عبد الرحمن ..

من عمايل ايد .... мαησηα بالظبط الساعة 12:01 ص 0 داقوا الشاى وقالولى رأيهم


احساس صعب اوى لما تلاقى حد عزيز عليك

بيروح منك ومش هيرجع تانى


ولا هتشوفه تانى ولا هتجيبله الشوكولاه اللى بيحبها تانى

احساس صعب لما تكون عايش سنتين بحالهم

خايف من لحظة فراق بلا رجعة فراق عند ارحم الراحمين

احساس صعب اوى اوى وانت شايف حتة منك

بتتعذب كل لحظة وانت ولا قادر تريحه ولا قادر تبعد عنه

احساس صعب لما فجأة وبدون اى مقدمات تشوف

ابنك املك فى الدنيا .. حلمك اللى

يوم مااتولد اتمنيت تشوفه عريس

فجأة وبدون اى مقدمات تلاقيه بيصارع

العن مرض فى الوجود

هتجيب منين صبر على فراقه ..

النهاردة 18/11/2008 الساعة 9.15 مساء

اتوفى بودى ( عبد الرحمن ) 3 سنين و11 شهر

كنا بنحضرله حفلة يوم ميلاده للسنة الرابعه ابن اختى ايمان

اجمل طفل انا شفته فى الدنيا واجمل حلم لامه وابوه

اتوفى بالمرض اللعين السرطان

بعد صراع مرير مع المرض

سنتين ماسك فى الدنيا ياحبيبى ومش راضى يفارقها

نفسه يعيش زى بقيت الاطفال

نفسه يلعب بالكورة والعجلة مع مايا

نفسه ياكل كشرى بالشطة زى اخته


مش قادر ولا نافع ولا عارف

وكانت النهاية

الفراق

انا لله وانا اليه راجعون

انا مش بطلب عزاء من حد

كل اللى بطلبه منكم تدعوا لمامته ايمان ان ربنا يصبرها

ع الايام اللى جاية

بالله عليكم تدعولها ان ربنا يصبرها

ويباركلها فى بنتها ويجعلها عوض عن اللى راح

انا حاسة ان دعايا لوحده مش كفاية نفسى

بجد طوب الارض يدعيلها

يمكن تقدر تنساه ويمكن تقدر تقوم من المصاب ده

وقولوا حسبى الله ونعم الوكيل فى اللى اتسببوا

فى ان اطفالنا يروحوا مننا فى غمضة عين


انا لله وانا اليه راجعون

وحسبنا الله ونعم الوكيل




الخميس، أكتوبر 16، 2008

قضاء وقدر ..

من عمايل ايد .... мαησηα بالظبط الساعة 12:25 ص 0 داقوا الشاى وقالولى رأيهم


النهاردة كنت راكبة فى ميكروباص

وكان صادف ان راكب معايا دكتور الهى ربنا ينتقم منه بجد

عمال يتمنظر من ساعة ماركب

الميكروباص وكان الدنيا مافيهاش غيره دكتور

كل ده واستحملته منه وساكتة وانا هاتشل

اللى بجد خلانى خلاص نفسى اقوم اديله بالبوكس

فى وشه اقلبله عينه الخضرا دى زرقا

المهم شويتين وجاله تليفون طبعا على

الموبايل ماهو محدش شايل موبايل غيره

البيه كان بيتكلم مع دكتور تانى

نص المكالمة بالظبط

احنا هنعمل العملية للراجل ده

بكرة ( عمليه بتر على فكرة )

التانى بيقوله ماينفعش ده عنده السكر

ومش متظبط ماينفعش يتعمله العملية بكرة

يقوم يقوله ايه انا مش فاضيلكم انا مستشفى مش عارف ايه

وقال اسمها بس علشان مايبقاش اعلان مش هاقول

بعتتلى ومش هينفع اتاخر عليهم

بص احنا هنعملها وهيموت لانها مش المفروض تتعمل وهنقول قضاء وقدر

اقسم بالله العلى العظيم ده اتقال بالنص كده مش عايزة


اقولكم انا والناس كنا عايزين نعمل فيه ايه

عن نفسى كنت عايزة احطه تحت المكيروباص وادوس عليه لحد

ما اهرسه يعنى البيه هيدمر بكرة عيله بحالها

بكره البيه الدكتور هيقتل نفس

وعادى بعدها كلم الدكتورة فلانة والدكتورة علانة

وهزار وضحك ولا على باله انه بكره هيتسبب فى الم كام شخص عادى بقه وايه يعنى

لا وال ايه بعد شوية جاله تليفون تانى من واحد تانى

دكتور بردو على اساس انه وزير الصحة

بيساله يكتب دوا لفلان ايه مريض تانى

كان دكتور اكبر منه استاذه على حد قوله كتبله دوا

معين فبيقوله بص ده غلط اصرفله

كذا وكذا ولو مات هنعمل ايه بقه هيبقى قضاء وقدر

ويعنى جت على دى ماهومن امبارح المفروض كان يتعلقله

جلوكوز ومحدش علقله حاجة شكله ليه عمر وهيعيش

انا عايزة افهم ده جنسه ايه ؟؟

ده بنى ادم استحالة وهى خلاص بقت حياتنا كده سهلة اوووى عليهم

ياربى انا لو هاموت مش داخلة مستشفيات ولا رايحة لدكاترة

ماهو انا لو ربنا كاتبلى اعيش هاعيش

لكن اموت ويبقى السبب قضاء وقدر لا معلش





الاثنين، أكتوبر 06، 2008

احبك بقدر ما فى العين ...

من عمايل ايد .... мαησηα بالظبط الساعة 12:38 ص 0 داقوا الشاى وقالولى رأيهم

الأربعاء، أكتوبر 01، 2008

اوقات ..

من عمايل ايد .... мαησηα بالظبط الساعة 12:50 ص 0 داقوا الشاى وقالولى رأيهم


السبت، يوليو 05، 2008

طــــــال حنينى ليك ..

من عمايل ايد .... мαησηα بالظبط الساعة 12:39 ص 0 داقوا الشاى وقالولى رأيهم

الجمعة، يوليو 04، 2008

نص عمرى ..

من عمايل ايد .... мαησηα بالظبط الساعة 1:55 ص 0 داقوا الشاى وقالولى رأيهم

النهاردة عيد ميلادى

بقه عندى 27 سنة

والله اعلم هاعيش تانى 27 سنة ولا لأ

احساس غبى بان عمرى بيجرى منى

وماعملتش فيه اى حاجة كنت بحلم بيها

واعتقد انى مش هاعمل مش

بمزاجى بس انا بحبط بسرعة

والدنيا شكلها فاضيالى انا لوحدى

ههههههههههه

احلى حاجة بحبها فيا انى لسه قادرة اضحك

اينعم هى مش من قلبى بس ادينى بضحك

يلا بقه كل سنة وانا طيبة






 

ೋ واحــد شـاى ♨ Template by Ipietoon Blogger Template | Gift Idea