احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، أغسطس 30، 2010

ذرة سكر كنا ..بالحب اتجمعنا

من عمايل ايد .... мαησηα بالظبط الساعة 2:20 م 37 داقوا الشاى وقالولى رأيهم







سالخييييييييييييييييييييييييييييييييير عليكوا كلكم كلكم


وحشتوووووووووووونى جدااااااااا


ووحشنى انى اكون مبسووووووووووطة جدااااااا


انا النهاردة طايرة من الفرحة والله العظيم بجد



****


اولا : كلمة موجهة للاخ اللى موراهوش حاجة غير انه يحسدنا


علشان خاطرى الهى يسعدك يارب بلاش تقرا البوست ده


لو قريت اتمنى تبقى معانا بس ماتحسدناش


انا بجد كنت خايفة اكتب بوست من الحسد بس بردو مش عارفة اخبى فرحتى


احياة عيالك يا خويا تقول

قول اعوذ برب الفلق

الله اكبر عليكوا

ماشاء الله

لا حول ولا قوة الا بالله

وربنا يديم عليكم الحب ف الله


ودايما تبقوا متجمعين ف الخير وللخير


****


ثانيا : ع فكرة اللى مجاش بقه فاته نص عمره اه وربنا


لانه كان يوم رائــــــــــــــع بكل المقاييس


وكل حاجة كانت متسهلة الحمد لله يارب


***


ثالثا : انا ع فكرة مش عارفة اكتب هههههه اه وربنا


اصل اللى جوايا مش هينفع يتوصف اصلا


***


رابعا : البوست ده طويل .. افرحوا هارغى ههههههههه

 ******

ذره سكر


ذرة سكر فى الفنجان
قالت الرحمه من الرحمن
لما بدوب من الحب فى نوره
روحى تشبع اى جعان


عارفين كلنا كنا عاملين زى ذرة السكر


قلبك يشوفنا يشبع


ناس بتحبك لله مش عايزين منك اى حاجة


ولا مطلوب منهم يقولوا انهم متجمعين


علشان بيعملوا حاجة لله وبس


سيماهم ع وجوهم زى ما سبحانه وتعالى قال


ياربى لا تفرق ابدا من اجتمع ع حبك


ياربى الصحبة الحلوة دى كلها


جمعتها انت بامرك انت ف دنيا فانية


ف ياربى


جمعنا يوم القيامة تحت ظل عرشك


يارب اللهم اميييييييييين

***

انا هاقول شـــــــــــــكرااااا

ليكم كلكم للى انا اتكلمت معاهم وشوفتهم 

واللى انا مش عرفتهم ولا اتكلمت معاهم 

انتوا كتبتوا ف عمرى يوم من اجمل ايام عمرى اللى 

انا كنت بحلم اعيشه وافرح وانبسط فيه


مبسوطة اوى انى اكلت عيش وملح مع ناس غاليين عندى اوى اوى


كان نفسى اكتب لكل الناس كلام حلو ف بونبونايات صغنونة


بس مش لحقت الوقت سرقنى اصل هى كده الاوقات الحلوة بتجرى


بس ملحوقة هابعتلهم هنا كل حد بونبوناية ع زوقى


****


ميرسى اوى للناس اللى كتبتلى بجد


انا انبسطت اوى بكلامكم


وانا مروحة ف المترو ما اقدرتش امسك نفسى وفتحت


الورقة الكبيرة وقعدت قراتها


وفتحت الكشكول وقرات وبعد ماخلصت عيطت لدرجة انى


لميت عليا الناس ف المترو


كنت راكبة عربية السيدات كلهم افتكرونى كنت مرتبطة وفركشت


لانهم شافونى قريت ورق وبعدين عيطت فافتكروها جوابات باين ولا ايه ؟


هلكونى من الضحك وهما بيطبطوا عليا واليكم المواساة اللى انا اخدتها


- ماتزعليش نفسك يا بنتى هو هيلاقى زيك فين 

- ياختى بلا نيلة عليكوا مستعجلين ع الهم والنيلة 

- هما كلهم كده الرجالة بكرة يجيلك سيد سيده

- والنبى يا ختى دى انتى حلوة وقمر انا ارتحتلك 
( معرفش ليه قالتلى كده الست دى

ههههههههههههه وانا بعيط وتعبت بقه منهم 

وواحدة نزلت معايا من المترو وصلتنى 

بس شوية وهديت بقه 

انا نكدية انا عارفانى كل الضحك اللى ضحكته رجعت عيطته 

مع نفسى وانا مروحة 

***

انا بعتذر علشان ماسلمتش عليكوا وانا مروحة 

لانى كنت ع وشك فتح غاااااااااارة وقلبى كان بيدق

لولا ان سونى كانت مروحة معايا انا كنت اغمن عليا ف الشارع 


*** 

بس بقه نوزع البونبونات 



داليا .. وش الخير .. الاصالة والجدعنة فيكى 

خالد .. بابايا .. ياراجل يا طيب ربنا يكتر من امثالك 

فاتيما .. بونبونايتك خليتنى عيطت اوى 

 انتى هدية ربى من السما ليا 

ريــــــــم .. يا ارق ماما ف الدنيا كلها بحبك يا بونبونايتى 
انتى عارفة انى لو اتكلمت مش هوفيكى حقك 
بس والله العظيم مجرد وجودك معايا ف مكان واحد بيطمنى اوى



خيخة .. كنتى قمر ومنورة يا حبيبتى وكنتى وحشانى اوووى 
خدى بالك ع نفسك اوى 



كيـــــــــــارتى .. قرينى يا زوواوى اختى ف الرضاعة هههههه
 انتى اختنا التالتة  :) 

كيكى .. ع فكرة يعنى انا بحبك اوى وبحب شقاوتك اوى 
ولما شوفتك حبيبتك زيادة 
ميرسى ع احلى ورقة اسكتش ف حياتى  :)



سونى .. يا نور عيونى انتى جميلة خالص خالص 
بجد ومبسوطة انك كنتى مسك الختام
ياحبيبتى .. مبسوطة انك شبهى اوى 



روشااا .. حفيدة عرابى الجميلة الرقيقة البريئة الهادية 
انتى عثولة اوى وانا بحبك جدااا 



بيطرية ومش بايدها .. عليا النعمة انا بمووت فيكى
انتى بجد ملاك ومش بايدك 
ده انتى احلى ملاك ع الارض انا شوفته 
بحبك اوى 

دعاء مواجهات .. انا كنت دايما اسمع عنك كل خير .. 
وكان نفسى اشوفك انتى بجد حد عسول خالص
وجدعة اووى ع فكرة اه والله رغم اننا تقريبا ما اتكلمناش

واندا .. عسوووووووولة اوى ورقيقة خالص 
ودمااغ جدا لا حد تتمنى تبقى زيه كده 
انا مبسوووطة اوى اوى انى عرفتك ورغينا مع بعض شويتين 
مش تقلقى بخصوص اى حاجة ف موضوع بنك الدم
كله ف امان .



كركبة دماغ .. يانهار اسووووووح ايه يابنتى الجمال ده 
البنت دى يا جماعة ادب واخلاق 
وجمال الله يحميكى يا روحى الله يحميكى
عارفة انا بجد بجد مبسووووطة اوى انى شوفتك 
واقسم بالله كان ف بالى اوى ادخل اقولك تعالى 
ف المدونة عندك بس قلت ما اعرفش ظروفها ايه 
وخفت تتضايقى انك مش هتعرفى تيجى 
بس بجد احلى مفاجأة والله 
وع فكرة يا جماعة مافيهاش اى كركبة اساسا 
انا بحبك اوى ع فكرة ولو عوزتى اى حاجة انا تحت امرك 




ايناس نهر الحب .. عسولة خالص ورقيقة جدا الله اكبر عليكى حبيبتى 
مبسوطة اوى انى اتكلمت معاكى وانى كنت جنبك ف الفطار 
وسورى ع صراحتى وراى الفظيع ف اكل اللحمة بره البيت ههههههههه
سلميلى ع ماما وقوليلها تدعيلى وع اختك الجميلة كمان



رودى .. انا كنت دايما بسمع عنك وطلعتى 
زى ماكنت متوقعة جدعة وعسولة خالص 
انا اتشرفت بيكى جدااا 




ساجى .. كنت بردو بسمع عنك كتير اوووووووى 
وكان نفسى اشوفك جداااا 
عجبتنى اوى شخصيتك كلها ع بعضها اتمنيت اكون زيك 
ربى يحميكى يارب 




محمد بوكيه ورد .. اخويا الجدع خالص الزوق جداااا 
انا انبسطت وكنت مطمنة وانت معايا اوى 
تقدر تقول انتعاشتى ف اليوم ده كانت بسبب وجودك فيه :)
ميرسى اوى لكل حاجة حلوة بتعملهالى




محمود الدوح .. محمود يا عثل مش اول مرة نتقابل 
والله كان ليك وحشة كبيرة خالص 
ميرسى اوى اوى ع بونبونايتك ليا 
انا بجد مبسوطة اوى اننا اكلنا عيش وملح مع بعض
عايزة اقولك انك شبه ابن خالتى اوى 
باينك هتطلع قريبى هههههه




رامي .. اخويا العزيز ..
انا هاقولك بس الله عليك
الله ع زوقك واخلاقك وطيبتك واهتمامك بجد 
وكله كووووووووم والشوكولاته كوم تانى خالص 
ههههههه 
الله يخليك بجد مش عارفة اقولك ايه ولا اعملك ايه يوفيك حقك بجد 
سعدت بوجودك ف يوم من اجمل ايام عمرى





مصطفى ابوزيد.. ايه الاخلاق دى والزوق ده والطيابة دى 
زى ما انت زى ما انا توقعتك والله 
كان نفسى تكمل معانا اليوم بجد 
مبسوطة كتير اوى انى شوفتك




وليدالدوغرى .. التوكيل الرسمى لجدعنة 
ميرسى اوى اوى ع الماية واللبان 
والتصوير بجد تعبت يومها اوى بس
جزاك الله كل خير عن تعبك ده



محمد كمال .. كيموووووووو بعلو حسى اهو ههههه
ميرسى يا قائدنا الهمام بجد انا بعزك جدا يا محمد
زى اخويا بالظبط وسعدت جدااا
بوجودك ف اليوم الجميل ده ولو انك جاى متأخر هه 



احمد سكر .. زوق اخلاق هدوء طوووووووول هههههههه
وفطن فطن الوحيد اللى عرفنى ع طول 
بجد كنت سعيدة اوى بوجودك ف اليوم الحلو ده وكان نفسى 
نتكلم بس انت كنت شايفنى كنت متلغبطة ونفسى اتكلم مع كله 
كانت النتيجة جملة وياريتها بتكمل مع اى حد 
لكن اكيد لنا لقاءات اخرى نرغى فيها باذن الله 
ميرسى اوى ع وجودك ف اليوم الحلو اوى ده 



كريم .. شاب مش فقرى خاالص .. وبطل تقول تعبان دى 
مش هنعرف نجوزك الواد زى الفل يا جدعان الله اكبر عليه 
هو بس بيدلع علينا شويتين تلاتة 
مبسوطة اوى انى شوفتك وقعدت معاك كتييير 
واسفة انى ماكنتش مستقرة ف مكان علشان نتكلم كويس جملتين ع بعض 
ميرسى اوى ع وجودك ف اليوم الجميل ده يا كرملة



سامح .. اللى دوخنى المشكلة انى كنت مركزة ف القميص ومن بدررررى
من قبل مانتكلم وانا عمالة اقول لكيارا اختى القميص ده مش غريب عليا 
مين ده ؟ هههههههههههه 
لا بس شكلك ف الصور مش زى الطبيعة .. الطبيعى يكسب :)
سعدت بيك بجد واتشرفت بمعرفتك يا راجل يا طيب 



ضياء... من اول ماروحت وانا بدور عليك 
بس انت اتاخرت :)
ياربى ع طيبتك واخلاقك وزوقك ياربى الله يحميك بجد 
بيوتيفول مايند حقيقى يعنى 
ميرسى اوى انك كنت موجود ف اليوم الجميل ده 



عاااااااااااااادل ..  ايه الزوق ده يا ابنى والاخلاق دى والهدوء ده
لا بجد بجد انا مبسوطة خالص انى شوفتك 
ورغينا مع بعض مش كتير بس احسن من مافيش 
ميرسى يا عادل ع وجودك ف اليوم الجميل ده 

مصطفى ريان .. كالعادة الطيبة متجسدة فيك 
مش اول لقاء انت عارف راى فيك يا مصطفى 
بس هاقول تانى مصطفى تحسه اخوك كده واحد 
من بيتك مش غريب عليك خالص 
الله يوفقك يارب ويكرمك ف كل حياتك يا رب 




احمد الصباغ .. ياخاااااااال كنت منور والله العظيم 
وللاسف انا مش شفتك غير ف الاخر وقت الفطار ف الزحمة 
بس اكيد هنتقابل تانى ونتكلم اكتر ان شاء الله

ميرسى يا خال ع وجودك ف اليوم الجميل ده .




شفقة واحسان .. كانوا من اخر الوافدين الى المستشفى 
نجومى انا بحبكم خاالص بجد وانبسطت اوى ان المرة دى 
كلمتكم واتشرفت بيكم اوى 
شفقة بدات اصدق احسان بيك ف انك طيبة خااااالص ومضحية
ومش مفترية خالص ع الراجل ههههههههههه 
الله يسعدكم ويهنيكم يارب واشوفكم دايما بخير 


نور الدين .. شايفاك من بدرى وف حد سالنى قالى هو ده نور 
بس انا مش فاكرة مين والله قولتلهم لا انا معرفش ده ولا عمرى شوفت نور :)
ف سورى بقه لو ضيعت منك فرصة التعرف ع حد 
سعدت جدا بمعرفتك ولو اننا تقريبا ما اتكلمناش كلمتين ع بعض 
لكن ملحوقة ف اللقاءات الجاية ان شاء الله

****
كلمة خاصة لاستاذ شيرين الكردى ..
يا استاذى انا كنت شايفاك من بدرى اوى 
بس انكسفت اكلم حضرتك لان تقريبا انا عمرى ماعملت 
حتى كومينت عند حضرتك ع الفيسبوك 
بس كنت فرحانة اوى انى شوفتك حقيقة كده قدامى 
ميرسى اوى اوى ع بونبونية حضرتك 
رفعت من روحى المعنوية جداااا 
سعدت ان كان ليا الشرف وتعرفت عليك 
وان شاء الله اللقاء الجاى مش هانكسف بقه 

***

يارب ما اكون نسيت حد ولو نسيت سامحونى 
العدد فعلا كان ماشاء الله كبير وحلو اوى 
وانا الزهايمر عامل معايا احلى شغل 

***
شـــــــــــكر خاص جدا لكل من :

الحب الجميل .. حبيبتى يا قمرة انتى انا اسفة انى دوختك معايا 
وانك اتصلتى كتير علشان توصلى ليا ميرسى ع تعبك يا حبيبتى 
ويارب اكون استاهل التعب ده يارب 
انا انبسطت اوى اوى انى سمعت صوتك 
وبجد كنتى موجودة بروحك ودعواتك معانا
ميرسى ع وجودك المعنوى الجميل ف اليوم ده 
انا بحبك جدااااا

محمود فاوى .. رئيس جمهورية نفسه 
مبسوطة اوى انك كنت موجودك بصوتك وروحك
ودعواتك معانا يا محمود 
حقيقى اليوم كان ناقصك بجد
بس ملحوقة ف لقاءت تانية ان شاء الله


غادة محسن .. الكتكوتة الجميلة اللى انا وهى ف طنطا
ومش عارفين نشوف بعض :(
انا بجد سعيدة اوى انى كلمتك يا دودى
انتى جميلة خالص وعسولة اوى اوى 
الله يحميكى ويوفقك ويارب بقه نشوف بعض

وكمان 
قطتى مارووووووو .. ايه الجمال ده كله 
يا حبيبتى انتى سكررررر خالص وانا بمووت فيكى بجد 
الله يسعدك ويهنيكى وع فكرة دعواتك استجابت ف ساعتها
بس مش اللى بخصوص اللاب الدعوة اللى قلتلك بلاشها دى 
بس خليها ف سرك بقه  :)
ركزى بقه ف دعوة اللاب توب الهى يسترك شكلك منك لربنا كده باب مفتوح 
ههههههههههههههههههه 
انا روحت لقيت الخبر اليقين لا فيكى حاجة لله بجد 


حنان الشافعى .. حنونة الجميلة بصى باين من صوتك انك جدعة اوى 
وعسولة كمان بجد ربنا يحميكى حبيبتى
اول ماشوفت كريم قعدت ادور اقول 
حنان جت اكيد بس مش لاقيتك بقه :(
بس انبسطت بجد انى سمعت صوتك واتكلمت معاكى يا سكر 
  ****
ملحوظة مهمة اه والله
 انا حاولت اكتب الاسماء بحسب ترتيب لقائى بيهم 
يعنى حسب ما انا شوفتهم وسلمت عليهم
والاتصالات بردو حسب ماتمت خلال اليوم 
طبعا الالقاب محفوظة والمقامات محفوظة كمان
****

انا لو عشت عمرى كله اقولكم شكرا مش هيكفيكم
انا مبسوطة اوى اوى انى عملت حاجة كويسة ف حياتى
ومبسوطة انى اكلت معاكم عيش وملح 
بصوا انا بجد بحبكم اوى كلكم ع بعضكم كده 
ربنا يخليكم ليا ومايحرمنيش منكم ابدا ويرزقكم الخير والسعد والهنا 
ف كل حياتكم وطول حياتكم يارب اللهم امييييييين

****

عارفين اليوم كان حلو ليه ؟
لان كلنا كنا جايين وف النية اننا نعمل حاجة تفرح ربنا 
فربنا فرحنا اوى 
متخيلين قد ايه ربنا كان مبسوط بينا وبتجمعنا ده 
علشان كمان كلنا كانت قلوبنا صافية ومحدش شايل من حد 

كل سنة وانتوا اهل الخير 
كل سنة وانتوا طيبين زى ما انتوا كده 
كل سنة وانا وسطيكم وانتوا مدفينى بحبكم الجميل ده 
كل سنة والخير كله على ايديكم

****
تفاصيل اليوم كله  بالمللى عند 
هدية ربى من السما 
فاتيما 
وذكرياتهم عن اليوم هنا 

قوس قزح 


خالد همس الاحباب


كيارا عالم مولان


سونى 2000


كريم شاب فقرى 


واحلى واندا 


واحلى كركبة دماغ 


احلى خواطر شابة


خلقنا الله احرار 




بيطرية ومش بايدها
واخيرااا اتحقق



***

سلام يا احلى ذرة سكر بيتحلى حياتى 

انا نسيت اقولكم انى فخورة انى منكم 



الخميس، أغسطس 26، 2010

:((..

من عمايل ايد .... мαησηα بالظبط الساعة 1:24 ص 17 داقوا الشاى وقالولى رأيهم






حين أدخلتني مدرسة حبك 

أسعدك كثيراً إتقاني لفن التلاشي فيك

والآن ..

تلومني لرسوبي مراراً 

في محاولة استيعاب فنون نسيانك؟!!!

===========

سارة درويش

مشاعر مرهقة 

السبت، أغسطس 14، 2010

احلى يوم للخير ف شهر الخير + تحديث باسماء الادوية المطلوبة

من عمايل ايد .... мαησηα بالظبط الساعة 12:19 م 3 داقوا الشاى وقالولى رأيهم



سالخيييييييييير عليكوا 

مش عارفة اقول ايه بجد  السنة دى كل 

حاجة نفسى فيها  تقريبا اتحققت 

شكلى هاموت بقه ولا ايه ؟؟ 

كل سنة وانتوا طيبين وبخير 

وش الخير 

داليا  - مدونة قوس قزح 

كل سنة بتنظم يوم خيرى ف رمضان 

فى مستشفى ابو الريش للاطفال 

الحقيقة كان بقالى سنتين بسمع عن اليوم ده

احلى كلام لكن للاسف ماشرفنيش انى احضره ولا مرة 

السنة انا ناوياها من زمان انى احضره 

وربنا هيقدرنى واجى باذن الله 

وربنا يارب مايقطعلك عادة ابدا يا وش الخير 

وجزاكى الله كل خير عنا ويجعله ف ميزان حسناتك يارب 

اللهم امين 

ده كوبى وبست من البوست اللى عند وش الخير 


تحديث
اسماء الادوية
المطلوبة
اولا : فيجام--امينو جلووبين ivig--ال 5 جرام ب 1170
ثانيا : وان الفا نقط سعر ة 186 جنية
ثالثا: مينارين اسبراى ب 115 جنية
رابعا: بنتازا ب168 جنية
خامسا: تينام
سادسا: كولشسين المستورد
سابعا بالميكورت-كالسيمات-ريميكاد حقن-الواحدة ب 3000 جنية


كل عام و انتم بخير
و رمضان كريم

يوم الخير فى رمضان اللى بنعمله باشوفه من احلى ايام المدونين فى السنة كلها
يمكن لان جو رمضان بيخلى كل واحد فينا مش محتاج تشجيع علشان يعمل الخير
او لان ربنا بيحب الاطفال فبيسر لعدد كبير منا انه يشارك فى اليوم ده
مش عارفة بالظبط ايه السبب اللى بيخلى اليوم ده رغم صيامنا و تعبنا ..يوم من احلى ايام السنة


فى دعاء سمعته من ناس فى المستشفى بيرن دايما فى ودانى ..ربنا ما يقطع لكم عادة
و علشان منقطعش العادة الجميلة دى
بيشرفنى ادعوكم ليوم خيرى فى رمضان نزور فيه الاطفال فى مستشفى ابو الريش
و نتجمع سوا على فطار ..حتى لو كان بيتاخر علينا او طعمه مش حلو اوى .. بس بيكون جميل بوجودنا سوا
يوم السبت 28 اغسطس


المرة دى التبرع هيكون مش محدد
يعنى كل واحد و قدرته
دوا - لبس - فلوس - لعب
و هنضيف اسماء بعض الادوية اللى المستشفى بتحتاجها دايما و فيها نقص عندهم
بخصوص نوعية الهدوم: الناس دي غلابة. يفضل بس أغلب اللبس يكون مشترك يعني ممكن للنوعين... لو مقاس كبير هيشمره و لو صغير هيلاقوا مليون حد يدوه له، لو صيفى هيلبسوا عليه حاجة يبقى شتوى ولو شتوى هيلبسوه على اللحم و يشمروا كمه
، ببساطة يعني ... و الله ما هتفرق معاهم

بخصوص الالعاب : ممكن الوان و كراسات رسم .. ممكن شطرنج أو سلم وتعبان أو دومينو .. دبدوب ممكن للأطفال وعروسة للبنات .. لعبة بتتزق زي العجل أو القطر ... ممكن لعبة المزرعة ... ممكن الصلصال للأطفال الكبيرة شوية ...

اما الفطار
فلحد دلوقتى المكان المقترح هو ابو خالد بوسط البلد
بس باب الاقتراحات مفتوح لو حد عنده مكان افضل و يكون قريب من وسط البلد


ده ايميلات الناس المسئولة عن اليوم

و ده ارقام ممكن تبعتوا رسالة عليها او تسالوا على اى شىء خاص باليوم ده
داليا صاحبة مدونة قوس قزح
وده هيكون شغال قبل اللقاء باسبوع فقط
0148693432

خالد صاحب مدونة همس الاحباب
0101345140

اللى يقدر يعمل اعلان فى مدونته و يرفق معاه صورة اليوم يبقى جزاه الله كل خير




وكل سنة وانتوا اهل الخير 




الأربعاء، أغسطس 11، 2010

رمضـــــــــان كـــــــــــــريــــــم

من عمايل ايد .... мαησηα بالظبط الساعة 9:33 م 24 داقوا الشاى وقالولى رأيهم


كل سنة وانتوا طيبين وبخير وف احسن حال يارب 

ربنا يتقبل منا ومنكم صيامنا وقيامنا 

وصالح الاعمال يارب اللهم امين 

رمضان كريم 

*****

اتاخرت اوى ف البوست بتاع رمضان السنة

  دى ومش هاكتب فيه اى حاجة تفرح 

السنة اللى فاتت قعدت احضر فيه اسبوع بحاله 

السنة اصلا نسيت معرفش 

رمضان السنة غريب يمكن شويتين 

هادى ومافيهوش اى احداث وده غريب 

محدش يتريأ  " معرفش بتكتب ازاى دى "

ايون الشهر بيبان من اوله هههههههههه 

اينعم هو لسه اول يوم بس بردو مختلف 

كان من زمان نفسى يجى  رمضان ف الصيف

بس تكون تيتة عايشة وكل عماتى

واعمامى يجوا يفطروا معانا 

ويبقوا مش مستعجلين وعايزين يروحوا علشان المدارس :(( 

السنة دى حاسة اننا هنقضيه كله لوحدنا :(( 

هيبقى رتيب وممل كباقى الحياة 

يلا بقه وانا كئيبة كده

كل سنة وانتوا طيبين 

******

ادعولى  وادعوا لحبيبة قلبى فاتيما 

وادعوا لكل الناس ان ربنا يفرح قلوبهم

فرحة مايحزنوا بعدها ابداااااااااااااااااا

وسامحونى لو قصرت 

رمضان كريم بقه 

شهر السماح 

لو زعلت حد يسامحنى 

واللى نميت عليه يسامحنى 

انا مابنمش اوى يعنى بس اكيد يعنى نميت زى بقيت الناس 

يلا بقه تصبحوا ع صيام مقبول 

وذنب مغفور 

ودعوات مستجابة 



*****

بحبكم ف الله 




الخميس، أغسطس 05، 2010

الله لو نرضى ..

من عمايل ايد .... мαησηα بالظبط الساعة 12:40 م 18 داقوا الشاى وقالولى رأيهم






الله لو نرضى

ومحدش فينا

يخاصم حد يزعل حد آه يفارق حد

الله لو نرضى

وان ضاقت بينا نحن لبعض

 نحس ببعض آه نخاف على بعض

الله لو نرضى

 ترتاح قلوبنا ويهون عذابنا

 الخوف يسيبنا نرضى بنصيبنا

ونخاف على بعض

الله لو نرضى الله

 لو نرضى باللى جالنا

واللى مقسوم لينا

الله لو نرضى

 باللى عدى واللى جاى علينا

 الله لو نرضى من قلوبنا

 الله يرضى علينا

الله لو نرضى

كلنا وبقلب تايب

نغلب غرورنا فى نفسنا

 نبقى حبايب

 ونقول ما يرضى ربنا

فى حق اللى غايب

 الله لو نرضى

 ترتاح قلوبنا ويهون عذابنا

 الخوف يسيبنا نرضى بنصيبنا

ونخاف على بعض

 الله لو نرضى


*****

على فكرة الســـــــعادة

ياللى بتسأل عن السعادة 

هى الرضــــــــــا 

فكر فيها كده مع نفسك 

هتلاقى ان اللى منغص عيشة كل واحد فينا 

قلة رضاه عن حاله 

علشان كده احنا مش سعداء 

وانا اول اللى مش راضيين :(( 

انا نفسى ابقى راضــــية 





 

الثلاثاء، أغسطس 03، 2010

وبقيت خالتووووووووووووو

من عمايل ايد .... мαησηα بالظبط الساعة 12:25 ص 27 داقوا الشاى وقالولى رأيهم


لوووووووووووووووووولوووووووووووووووى 

ايون انا بقيت خالتو لاحلى بيبى ف الدنيا 

حبيب خالتو بيدوووووووووووووو

ميرو  اللى هى كده 

صاحبة مدونة


رزقها ربنا الحمد لله

بـــــ " عبد الرحمن " حبيبى انا 

ولد زى القمر تبارك الله 

ربنا يجعله قرة عينها وعين باباه 

ويحميه ويبارك فيه ويجعله من حفظة القرأن ويطلع

راجل سكرة علشان يبقى جوز  لبنت اخويا 

ههههههههههههههههههه 

الف مبروووووووك يا مرمر وربنا يتم نفاسك ع خير حبيبتى 

يارب وترجعى تنورينى تانى 

وتنورى بلوجر كله يارب 

وماتعصبيش الواد هو مش ناقص اصلا 

ايه ده امهات اخر زمن 

بس خلاص بقه خلص الخبر الحلو

تصبحوا ع خير 




الاثنين، أغسطس 02، 2010

تتر النهاية ..

من عمايل ايد .... мαησηα بالظبط الساعة 1:37 م 8 داقوا الشاى وقالولى رأيهم






سالخير عليكوا

اخبار الاكتئاب ايه ؟ ان شاء الله يارب يكون

جاله وباء ومشى من عندكم

النهاردة شايفة الناس سعيدة كده ياهادى يارب

مافيش حاجة اقولها غير انى بقيت قليلة الزوق بشكل

بشع بسبب عدم الرد ع التعليقات

حوشتهم وقلت مش هانشر الا لما ارد ع التعليقات

السابقة لكن واضح انى بقيت كسولة جداااااا

******

نهى صالح هاكتبلك بوست طويل

ماتقلقيش حبيبتى الايام جاية كتير

ولو نفسك تشوفى طويل

قلبى ف الكوبايات القديمة هتلاقى طويل بالهبل

*********

فاتيما ف بوست بخصوصك هينزل يعنى هينزل

وهتخرجى من مود الاكتئاب يعنى هتخرجى ايون

منونتك قمورتك حطتك ف دماغها

هههههههههههه

*********


"ثمة نوعان من الشقاء.

الأول الا تحصل على ما تتمناه.

والثاني أن يأتيك وقد تأخر الوقت

وتغيرت أنت

وتغيرت الامنيات

بعد ان تكون فد شقيت بسببها بضع سنوات

"— أحلام مستغانمي

للاسف كلام مظبوط مية مية


**********

رسالة الى كل حبيب فارق حبيبته علشان

مايسمى بالظروف

نفسى تعرف انه جميل اوى انك تتعب وتلاقى

حد جنبك مقدر تعبك

نفسى تعرف ان شقة حبيبتك ومستواها اللى باباها

معيشها فيه دلوقتى

ما اتولدتش لقت نفسها فيه

نفسى تعرف انك وانت بعيد عنها

بتتعبها اكتر من وانت قريب منها ومحسسها

 انك بتتعب علشانها

وهتوصل علشانها

نفسى تفهم انها علشان بتحبك ممكن اوى

تتنازل عن حاجات كتير انت متخيل ان حياتها

بدونها صعبة

نفسى تفهم ان لما تيجى ف اخر اليوم وتقولها

 كلمة حلوة مش شرط كلمة حب

حتى لو قلتلها شكرا بس صدقنى دى عندها احسن

 من شقة ع النيل وعربية اخر موديل

يارجاله نفسى تفهموا معنى جملة

 " رفقا بالقوارير "


*******


تتر النهاية

دى حتة حلوة اوى من ميسرة صلاح الدين

انا حبيت اقولها لحد معين

ويارب توصله


 " مكنتش فيكى المشكلة

ولا فى الظروف الصعبة

ولا طيش الشباب

المشكلة فيا أنا

أنا والنهايات السعيدة مش صحاب "


*********

ادى كل الحكاية المشكلة مش فيك  ولا ف الظروف انا

 اللى عمرى ما هاصاحب النهايات السعيدة وعلشان كده

انا خلاص وقفت ومش هادخل ف اى حكايات

اوفر ع نفسى التجربة مادمت عارفة اخرتها

 

******






خلص يوليـــــــــو :) 

وبدا اغسطس :) 

وانا لـــــــسه .. 

بردو لــــــــسه .. 

مهمـــا حصل لســـــه :)

*****

بحبكم علشان مستحملنى اوى

بحكبم علشان كل اللى بعمله فيكم ومعاكم ولسه

واقفين جنبى

ربنا مايحرمنى منكم ابدااااااا

*********
 

ೋ واحــد شـاى ♨ Template by Ipietoon Blogger Template | Gift Idea