احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، أبريل 10، 2011

مــــــــــنــــــــــى

من عمايل ايد .... мαησηα بالظبط الساعة 5:23 ص




صباحكم سكر جميعا .. 

اولا احب اشكر كل اللى دعا ليا ف الفترة اللى فاتت 

عارفة كان فيه كتير متابعين 

بعتذر انى وجعتلكم قلبكم بس كان غصب عنى 


ثانيا ده شكر خاص جداااا 

لــــ "  تيمو  "  اللى دايما بيبقى 

أسف ع الازعاج  

:) 

ميرسى بجد ليك انت عارف ليه ؛ )

الهى يخليلك فريدة قلبك يارب 


وشكر خاص بردو لــــ " رامى

اللى ع طول فاتح

  بابى 

لينا

ربنا يخليلك ملاكك وحاضر انا بسمع الكلام اهو 



وكمان الجميلة الرقيقة منمن 


" كلمات من حياتى "

ميرسى اوى اوى وانتى بردو عارفة ليه  ؛ )


وكمان الجميلة جدااا قلبا وقالبا 


وحشتينى اوى ع فكرة





( ملحوظة مهمة : الصورة دى بخط يدى كنت بحاول احب اسمى )



أمَّا أَنا ’ فأقولُ لاسْمي: دَعْكَ منِّي

وابتعدْ عنِّي

 فإني ضقتُ منذ نطقتُ

واُتَّسَعَتْ صفاتُك !

 خذ صفاتِكَ وامتحنْ غيري ...

حملتُك حين كنا قادرَينْ على

عبور النهر مُتَّحدين

(( أَنت أنا  ))

 ولم

أَخْتَرْكَ يا ظلِّي السلوقيَّ الوفيَّ’

 اُختارك الآباء كي يتفاءلوا بالبحث عن معنى.

ولم يتساءلوا عمَّا سيحدُثُ للمُسَمَّى عندما

يقسو عليه الاسمُ

 أَو يُمْلي عليه كلامَهُ فيصير تابعَهُ...

فأين أَنا ؟

وأَين حكايتي الصُّغْرَى وأوجاعي الصغيرةُ ؟

وينظر قارئ

في اسمي

 فيبدي رأيه فيه: أُحبُّ مسيحَهُ الحافي

 وأما شِعْرهُ الذاتيُّ في وَصْفِ الضباب, فلا !...

 ويسألني: لماذا كنت ترمقني بطَرْفٍ ساخرٍ .

 فأقول : كنت أحاور اُسمي: هل أَنا صِفَةٌ؟

فيسألني: وما شأني أنا ؟

أمَّا أَنا  فأقول لاسمي: أَعْطِني ما ضاع من حُرِّيَّتي !


                                                                                   للــرائع "  محمود درويش "


   ♥♥♥♥  ــــــــ  ♥♥♥♥



سألونى الناس عنك يا حبيبى 

قولت لهم هو  سيدى  ينطقنى منى العمر 

فأكون له  احلى  مافى العمر 


                                                                منى درويش

   الاحد : 10  / ابريل / 2011                            
                                                                            




*****







لسه بدعيلك ربنا يفرح قلبك

قد انا مابحبك





****



ممكن محدش يعمل كومينتات ع البوستات النكد اللى فاتت 

وش بيتحايل عليكم ويقول بليييز بلييييييييز



                                    
                            

16 داقوا الشاى وقالولى رأيهم:

ابراهيم رزق يقول...

حمد الله على السلامة
و كل الشكر لمن وقفوا بجانبك

و اسمك من اجمل الاسماء فهو منتهى كل عاشق و اكبر امانى البشر

خالص تحياتى

فراشة يقول...

حبيبتي السكر صباحك ومساكي مسكر

طيب أقول ايه انايعني

مش هو مفيش شكر بين الاصحاب الاخوات :)

انا معملتش حاجه اصلا

كفايه بس اشوفك مبسوطه وفرحانه

( كني بتحاولي تحبي اسمك )
انا كمان بحاول :)
وكنت زمان بعيط لبابا عشان أغيره وموافقش

عشان كدا بحب اسم منمن اهو يغير شويه من معنى الاسم D:

الصوره حلوة انا عمري ما كتبت اسمي بخط حلو مع ان خطي تقريبا حلو

I wish happy day 4 you

أنا - الريس يقول...

عجبتني كلمة " بحاول أحب اسمي "
أنا كنت متعقد من بسام وانا صغير
لأني كنت بكره عدو كابتن ماجد
ثم دلعوني بسكوته وده غاظني
بس حبيته لما كبرت لأن شعرت إنني مميز
شوية مغرور صح ونرجسي

المهم اهم حاجة المزاج .. وتحياتي للكاتب محمود .. ربنا يخلوه لكم :)

تحياتي الرئاسية العميقة

sony2000 يقول...

والله كنت قلقانه عليكي

وخيفه عليكي

وكنت بحاول اوصلك بس انا مش عرفه
قفله الفيس وهنا

يارب كل حاجه تكون كويسه عندك
وحشاني جدااااا وعوزا ارغي معاكي قريب

لو في وسيله اتصال ياريت تبلغيني

وربي يطمني عليكي

Remas يقول...

بنوتى الحلوة الامورة العسوووووووووووولة
وحشتنى البوستات بتاعتك الحلوة المتفاءلة
ايوا كدا ارجعى نورى الدنيااااااا كلهااااااااا

يارب دايما منورانا ومعانا ومطمنين عليكى على طول على طووووووووول

Unknown يقول...

اقولك حاجه انا بحبك اووووووووووى

ومش هقول اكتر من كده عشان والله هو ده

اللى انا حساه وبس ربنا ما يحرمنا منك

لــــ زهــــــراء ــــولا يقول...

"


سألونى الناس عنك يا حبيبى

قولت لهم هو سيدى ينطقنى منى العمر

فأكون له احلى مافى العمر


منى درويش
"

رااااااائعة ربنا يسعدكم ويفرح قلبكم
لولا

Tamer Moghazy يقول...

صباحك ورد وقرنفل يا منونا :)
انت تستحق اكتر لانك بجد بتهتمي باللي حواليك وانا قولت لك ده قبل كده :)

مبسووووط قوي بالدعوة بتاعت (فريدة قلبي) بس ادعي الاول الاقيها (';')

мαησηα يقول...

ابراهيم رزق ..

الله يسلم عمرك يا ابراهيم

كلكم وقفتوا جنبى بجد باهتمامكم بس

اخواتى دول كان ليهم مواقف معينة

كان لازم اشكرهم شكر خاص عليها

اممممم يمكن يا ابراهيم مش عارفة

مابحسش ليه انه حلو اوى كده :)

نورتنى يا باشا

мαησηα يقول...

منمن الجميلة ...

تسلميلى يا حبيبت ربنا يخليكى ليا

ومش يحرمك منى ابدااااااااا ☺ ☺ ☺


:( لا انا ماحاولتش اطلب الطلب ده

اصلى عارفة انه مش هيرضى

فوفرت ع نفسى مناقشة عقيمة

اها مظبوط خلينا نحور فيه لحد مانغيره هههههههه


تسلميلى يا منمن انا خطى حلو وللاسف احلى حاجة بكتبها هى اسمى شوفتيش الهنا اللى انا فيه

اهو انتى يا منمن ههههههه
تسلميلى حبيبتى وانتى كمان اى ويش هابى داى فور يو يا قمر

мαησηα يقول...

بسام ..

صباحك هنا

هههههههههههههههههههه

ازاى يدلوعك ببسكوتة

وانت ولد واصلا اسمك مايجبش

بسكوتة خالص ع فكرة ؟؟

ههههههه لا ع فكرة فعلا اسمك مميز

انا بحب اسم بسام ده

ع اسم ابن اختى وعايزة اقولك

انه زى السكر بجد مش غرور ولا حاجة

انك تحس انك مميز ده اجمل من انك تحس

بانك ولا حاجة ويبقى عندك عقدة نقص

وانا عن نفسى مش شايفاك مغرور

خالص ع فكرة

اها ع رأيك اهم حاجة المزاج

محمود ده مش اخويا ع فكرة ده محمود

درويش الشاعر الفلسطينى وهو خلاص مش

هينفع ربنا يخليه لانه ودعنا من زمن

الله يرحمه بقه يا بسام

تحياتنا الشعبية يا رياسة ☺

мαησηα يقول...

سونى ..

معلش يا سونى كانت ايام وراحت لحالها وانا عارفة حبيبتى انك كنتى متابعة

انا عملت شكر خاصل للكل ف الاول :)

الحمد لله كله تمام

ربنا يسهل دعواتك ربنا يكرم ونقدر نتقابل

حاليا مافيش غي المدونة يا سونى وسيلة اتصال :)

يارب ميرسى يا قمر

мαησηα يقول...

مامتى ريم ..

تسلميلى يا مامتى يارب عمرك ماتشوفى وحش ابدااااااااا يارب

تسلميلى يا مامتى بلوجر منور باهله وناسه الحلوين يا ست الكل

мαησηα يقول...

منونة الجميلة

يا حبيبتى يارب يخليكى ليا يارب ومايحرمنيش منك ابداااا

تسلميلى حبيبتى يارب
خلتينى عيطت والله يا منون :(
انا اصلى نكدية كده اهون

мαησηα يقول...

لولا ..

تسلميلى يا لولتى

بس يجى وربنا يسعد قلبنا سوا سوا مش

يسعد قلبنا كل واحد ف ناحية ههههههه

بفرح بوجودك يا لولتى :*

мαησηα يقول...

تيمو ..

صباحك اجمل من كل دول يا تيمو

ميرسى يا تيمو ربنا يخليك والله ابداا

انتوا بس اللى بتعزونى زيادة حبتين

اى خدم بدعيهالك ع طول

وبعدين اقصد بيخليهالك دى يعنى يفضل شايلها ليك

يخليها لك ف امان لحد ماتلاقيها باذن الله

وان شاء الله تلاقيها قريب يا تيمو

 

ೋ واحــد شـاى ♨ Template by Ipietoon Blogger Template | Gift Idea