احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الثلاثاء، مارس 30، 2010

!!!!!؟؟؟؟

من عمايل ايد .... мαησηα بالظبط الساعة 3:21 م 28 داقوا الشاى وقالولى رأيهم


مكــــــركــــــبة نفــــــــســـــياً


 : ((  


-----------------------

خلص مارس .... 


----------------------

لـــــــسة ..... 



الجمعة، مارس 26، 2010

امنية ..

من عمايل ايد .... мαησηα بالظبط الساعة 12:40 ص 20 داقوا الشاى وقالولى رأيهم



ليت الزمن يمشي
على الكيف وألقاك..
وليت اللقاء
مــا يـنـتــهــي يوم أشوفك

مش كلامى ومش عارفة كلام مين 

بس عجبنى 

.
.

الأربعاء، مارس 24، 2010

بـــــحـــــر الـــحيــــاة ...

من عمايل ايد .... мαησηα بالظبط الساعة 5:31 م 25 داقوا الشاى وقالولى رأيهم







" اعااااااااااااااااااااااااااااااااااااااااااااااااااااااااااااااا 


الصور مش راضية تتحط


اعاااااااااااااااااااااااااااااااااااااااااااااااااا












لو ينسى الواحد احزانه هيشوف الورد والوانه

لو نفتح للدنيا قلوبنا هتدق الاحلام على بابنا

دى ساعات الدنيا بتوعدنا ونقرب منها وتبعدنا

حبها من قلبك حبها هتحبك 



اضحك للدنيا

الفرحة هتيجى فى غمضت عين




ياسلااااااااااام عليا وانا رايقة ياسلام 

:))

 

الأحد، مارس 21، 2010

كوكتيل ..

من عمايل ايد .... мαησηα بالظبط الساعة 9:00 م 30 داقوا الشاى وقالولى رأيهم


انا جـــــــــــــــــــــــــــــــه 
 
 ايون والله جـــــــــه ههههههههه 

عايزة اكتب ستة بوستات 

شارعنا , فاطمة , تانت ام ايمن , ايمان , خلاصة سنة تدوينية واخيرا عنى انا

لذلك هاكتب بوست سابع مختلف خااااااالص ههههه 

 


___________________





اليك وحدك ..

احبــــــــــــــــــــــك جدا وجدا وجدا 

وجدا وجدا وجدا 

ولو خيرونى !! 

لقررت حبك للمرة الثانية 

ايون انها رسالة الى زوجى العزيز 




    "  :))  لسه هيجى علشان محدش يتفزلك ويقولى انتى اتجوزتى امتى "







لــــــــــــــــــــــــســـــــــــــة ... 


لسه دى مالهاش علاقة بـ " لسة اللى فوق "

:)





بس خلاص خلص البوست 

اقعدوا بالعافية 




الخميس، مارس 18، 2010

افراااااااااااااح 2010...

من عمايل ايد .... мαησηα بالظبط الساعة 8:46 م 25 داقوا الشاى وقالولى رأيهم

سالخير عليكوا .. 

البوست ده طويل .. بس مش ممل 

معايا شوية افراح علشان تفرحوا معايا 

لان الفرح مش هيبقالوا طعم غير بيكوا 

امبارح بعد الساعة 12 يعنى ف اول ساعات النهاردة 

قلت اما احطلكم بوست انى مبسوطة ده 

وصحيت من النوم متفائلة كده ومجددة املى ف ربنا واملى ف ان الدنيا اكيد هتحلو 

المهم بقه روحت الشغل لقيت خبر بجد كنت مستنياه من كتيييييييير اوى 

لقيت رغدة وهى من اعز اصحابى اتخطبت 

ايون احنا كده شلة خبيثة هههههه بنخبى لحد ماالموضوع يتم 

فرحت جدااااااااااااااااااااااااااااااا جدااااااااااااااااااااااا 

بجد انا بقالى سنتين بدعيلها ربنا يكرمها بالزوج الصالح والحمد لله اخيرااااااااااا هاطمن عليها 

رغدة : بجد انا بموت فيكى يمكن نكون بعدنا شوية لكن اقسم بالله انى بحبك جدااااااا 

وبتمنالك الخير دايما والسعادة والهنا 

عارفة انا بحس انك بنتى اه والله وبحب حنيتك اوى 

رغم انك اسد بس مش عليا هههههههه 

ربنا يارب يتمم فرحتك بالخير وتعيشى وتفرحى

 ويباركلك ف ايهاب ويجعل ايامكم كلها حلوة 

ويملى حياتك فرح على قد الخير اللى ف قلبك

هتوحشينى لما تسافرى اوى 

======================

قبلها صحيح نسيت اقولكم ان زوزو كمان اتخطبت وانكتب كتابها يوم ميلاد ملك 

كان يوم حافل هههههههههههه 

معلش يا زوزو انا نسيت اعملك بوست بس انا وقتها كنت ف  وادى تانى 

ربنا يكرمك ويهنيكى ويوفقك ويسعدك يارب ويملى حياتك فرح على قد الخير اللى ف قلبك 

اللهم امين

هتوحشينى يا زوزو  انتى كمان لما تسافرى 


==================================

تالت خبر حلو .. اختى  سمو الاميرة سارة 


نجحت ياولااااااااااااااااااااااااد اه وربنا 

كنا فاقدين الامل فيها 

الف مليون مبروك يا سارورتى يابنتى يا حبيبتى 

ربنا يارب يفرحنا بيكى دايما ونكون دايما فخورين بيكى وبنجاحك 

قولى امين يابنت 

=========================

حصلت حاجة غريبة جدا 

بعد ما عرفت خبر خطوبة رغدة وهيصتلها وقمت لها بالواجب 

" ايون انا مديرة بس دول بناتى لازم ازغرطلهم وافرحلهم واغنيلهم 

وبتحول لام العروسة ساعتها هههههههههههه 

سالتها اسمه ايه ؟ قالتلى ايهاب 

استغربت الاسم جداااااااااا 

محدش يقولى ليه ؟ هههههههه 

اصل انا ايهاب ده كان بعيد عن دماغى خالص كنت دايما متخيلاها هتتجوز محمد 

محمود مثلا مصطفى 

وده ف الاوقات القليلة اللى كان ممكن اتخيل فيها رغدة عروسة هههههههههههه 

اصل رغدة دى اصلا تحسها راجلنا اوى اشد منى كمان 

زينب كمان جوزها اسمه عبد الحميد 

سرحت كده وقلت ياترى هيبقى جوزى اسمه ايييييييييييييه ؟ 

وساعتها افتكرت كمية العرسان زوى الاسماء العجيبة 

واخرهم السباعى ههههههههه اللى اتقدمولى 

والحمد لله ان ساعتها اتقالت الجملة المشهورة " معلش مافيش نصيب " 

محدش يقول انى هايفة علشان بركز على الاسم بس

ولادى مالهموش ذنب ابوهم يبقى اسمه غريب

وانا يعنى ادلعه ازاى يعنى لو اسمه غريب ومالوش دلع 

الله مش ده حق من حقوقى افرط فيه يعنى ههههههههههه 

هى هيافة بس اعملوا نفسكوا اقتنعتوا 

يوووووووووووه رغيت وخرجت عن الموضوع 

المهم اذ فجاتنننننن كده وانا سرحانة ف حكاية اسم زوجى العزيز 

الاقى رضا وهى دادة عندنا داخلة تجرى عليا وتقولى يا ميس يا ميس

مين دووووووووول ؟؟ 

انا : مين دول ايه ؟ يابنتى انا ناقصة جنانك مش كفاية الاتنين التانيين 

ودول الاتنين داداة التانيين

هاكتبلكم بوست عنهم لما ازود جرعة النكد علشان اضحكوا شوية 

وتعرفوا معاناتى معاهم المهم
   
نكمل 

رضا : (ماسكة ربع جنيه ورق ف ايديها هاوريلكم صورته (

والكلام المكتوب عليه 

اهون اهو 



لقيتها بتسالنى مين دوووول على امانى وسامح 

ههههههههههه 

هى بتهزر طبعا بس كمان لقيتها بتقولى 

ميس منى دى بشرة خيييييير 

قالتلى هيبقى اسمه احمد 

بقولها مين ده قالتلى جوزك ان شاء الله 

استغربت اوى من الفكرة كلها 

ان ليه وانا قاعدة بفكر ف الموضوع ده الاقى الحكاية دى كلها تحصل 

انا اخدت منها الربع جنيه ده ووريتهولهم ف البيت 

كل ده بحسبنى بيتهيألى 

الاغرب بقه بجد انا جيت البيت حبيبت اصور الربع جنيه ده 

فعايزة احطه على حاجة لقيتنى حطيته على كتاب وصورته 

بعد ماصورته بشيل الربع جنيه لقيتنى حاطاه على كتاب اسمه 

ابتسم للدنيا " لـــــــ محمد عفيفى 

ههههههههههههههههههه 

ساعتها قلت صح والله علشان صحيت مبتسمة للدنيا 

ربنا بعتلى رسالة وبيقولى  ماتييأسيش وعافرى مع حلمك 

هتوصلى لحلمك وحلمك هيوصلك 

على فكرة

حلمى 

" ده مش اسم واحد على فكرة هههههههههه 

  حلمى مش بس انى اتجوز علشان الجوزا نفسه لا حلمى ده ليه حكاية تانية 

هاحكيهالكم يوم تانى بقه ههههههههههههههههههه

======================

انا كنت متفائلة جدااااااا ف اول 2010 

والحمد لله ربنا مخيبش ظنى كلها افراح تقرريبا كل شهر فيها فى ع الاقل 

حاجتين يفرحوا 

بس يااااااااااااااااارب تكمل ماتجيش لعندى وتقف 

يووووووووووه  بردو رجعت اتشائم تانى ههههههههه 

انا فقر معلش معلش 

يلا بقه تصبحوا على خييييييييييير  وهنا 




مفاجاة ..

من عمايل ايد .... мαησηα بالظبط الساعة 1:13 ص 10 داقوا الشاى وقالولى رأيهم





مبسووووووووووووطة 




البنت دى يعنى مبسوطة 


هههههههه 

انا قلت اما افرحكم بدل منا منكدة عليكوا 

انا بموت ف المقالب 

تعيشوا وتاخدوا غيرها 

بس بجد بجد انا مبسوطة علشان انتوا بتحبونى وشايلين همى 

انا كمان بحبكم جدااااااااااااااا 

اكتر ما انتوا متخيليين والله العظيم ربى اعلم 

وماتقلقوش عليا انا جامدة اوووووووى 


الاثنين، مارس 15، 2010

!!!!!

من عمايل ايد .... мαησηα بالظبط الساعة 12:03 ص 23 داقوا الشاى وقالولى رأيهم



حــــلــــــمى بيعـــــــــــــافــــــــر

يارب هون الصعب 



الثلاثاء، مارس 09، 2010

أحــَـاسـِـيـــــــــس ٌ . . .

من عمايل ايد .... мαησηα بالظبط الساعة 1:09 ص 17 داقوا الشاى وقالولى رأيهم


أ ُحِــــسُّ بـِشـَـــئ ٍ يـُعــَـــذ ِّبُ ذ َاتـِـــي
و يَـمـْــلأ ُ بالـشـَّـــوْكِ دَرْبَ حَيـَاتـِــــــي

أ ُحـِــسُّ بـِـهِ . . مِـثـْـلَ أنـْيـَــابِ غــُـول ٍ
تـُمـَـزِّقُ لـَحْـمِــي و تـَمْـحـُـو ثـَبَـاتـِــــــي

أ ُحـِـسُّ بـِـهِ فـي كـَئِـيـــبِ اللـيَـالــي
يـُعـَـقـــِّـدُ لــي طـَيـِّــعَ الـمُـشـْـكـِــــلاتِ




عبد الرحمن يوسف

الجمعة، مارس 05، 2010

!!

من عمايل ايد .... мαησηα بالظبط الساعة 9:23 ص 10 داقوا الشاى وقالولى رأيهم

وحدي أنا الغريبةُ .لا أشبهُ أحدًا !!


سوزان عليوان

الأربعاء، مارس 03، 2010

معلش مافيش نصيب ..

من عمايل ايد .... мαησηα بالظبط الساعة 1:36 ص 27 داقوا الشاى وقالولى رأيهم




معلش معلش مافيش نصيب .. خير يابنتى

كل تاخيرة وفيها خيرة  

اول ماعرفت الجملة دى كنت ف الاعدادية

وجبت مجموع قطران مايدخلنيش ثانوى

وطبعا السبب انى كنت نازلة من العراق واختلاف

بقه ف التعليم وكمان كانوا فاكرين ف البيت ان هما اللى هيقدروا

ينتصروا على الدروس الخصوصية

كنت داخلة الامتحانات ابيض ياورد

ولا كتاب خارجى واحد يوحد ربنا

ولا حتى مدرس بيشرح ف الفصل ده

غير الاضطهاد اللى مكنتش فاهمة سببه

الا وهو ان كل مدرس يدخل يلطش فيا

 لانه فاكرنى باخد درس عند المدرس المنافس ليه ف مادته

يعنى ابيض ياورد + نفسية محطمة

ومع ذلك والله جبت 163 درجة من 280 هههههه انجااااااز

وكانت النتيجة ان بابا اصر انى لازم ادخل ثانوى عام

ايه دبلوم وايه تمريض والحاجات دى

ولازم كنت اعيد السنة منزلى مع الدروس بقه

وكانت سنة تاخير ف الدراسة والحمد لله من يوميها مااتقدمتش هههههههه

جابتنى ورا ف كل حاجة

ثانوية عامة كنت داخلة انااكبر من اصحابى الجداد

والقدام بقيت اصغر منهم رقصت على السلم زى مابيقولوا

دى كانت اول مرة اسمع فيها معلش مافيش نصيب .. خير

كل تاخيرة وفيها خيرة

وخلصت ثانوى ودخلت كلية والحمد لله قعدت فيها 7 سنين

7 سنين كل سنة اسمع الجملة الكريهة على نفسى

معلش مافيش نصيب .. خير .. كل تاخيرة وفيها خيرة

السنة اللى اتاخرتها زى ماتكون اخرتنى ف كل حاجة

اشتغلت ولسه بشتغل

اصحابى كلهم انا دلوقتى بربى ولادهم

حاجة صعبة لما تلاقى نفسك متاخر ف كل حاجة

نجاح .. وشغل .. وحب .. وجواز .. والله اعلم الخلفة كمان

اكيد هتاخر بردو سنة او اكتر ماهى كل مرة التاخيرة بتزيد

ومابشوفش خيرة ابداااااااااا

وبردو بسمع وهافضل اسمع الجملة دى معلش مافيش نصيب ..

خير كل تأخيرة وفيها خيرة 


ايه الخير ف انى اتاخرت كل ده .. سبحان الله

يمكن ربنا يرزقنى بزوج صالح او اولاد صالحين بقه

علشان بجد انا زهقت زهقت من كتر التاخير

انا عارفة ان ناس كتير هتقولى حرام اللى بتقوليه ده

بس بجد محدش حاسس بالمر اللى انا حاساه ف حياتى

محدش حاسس با احساس انك

ع طول مش عارف انت ظالم ولا مظلوم

ولا انت ايه بالظبط

طيب مين عمل فيا كده .. ولا انا عملت ف نفسى كده

والله ماكنت مقصرة ف حاجة خالص

سواء مذاكرة او .. او .. او ..

مش معترضة على حكم ربنا ..

 بس عايزة اعرف اخرة ده كله ايه ؟

نفسى احلم بحاجة واحسبها وتطلع مظبوط

ليه دايما واقعة من قعر قفة الفرحة

تعبت بجد تعبت

نفسى بقه ابقى ام وخايفة مايحصلش

وبجد ساعتها مش عارفة ممكن اعمل ايه
 


 استغفر الله العظيم من كل ذنب عظيم


الثلاثاء، مارس 02، 2010

ملك روحى انا ..

من عمايل ايد .... мαησηα بالظبط الساعة 1:53 م 10 داقوا الشاى وقالولى رأيهم

تم حذف الصورة لان البنت اتحسدت وتعبانة " "



ملك هى روحى انا

ملك اول بنوتة تنور حياتى ف 2010 

ملك هى ثمرة احلى قصة حب بين قلبين 

ربى يحميها ويخليها 

وتنور حياة باباها محمود &  ومامتها دودو 

شفتها النهاردة وبجد وحشتنى اوى اوى

****
ملوكة ياقمرة عارفة انى كان نفسى اسمى بنتى ملك 

وكان نفسى تبقى بردو نتاج قصة حب 

جميلة .. يلا الله اعلم ايه هيحصل ؟؟

****

ملوكة .. انتى عارفة ماما تعبت فيكى 

قد ايه على ما انتى نورتى الدنيا 

لو سمحتى ماتتعبيهاش واسمعى كلامها 

وكونى انتى بنتها وصاحبتها ونور عيونها 

وعوضها عن كل الصبر اللى صبرته ولسه هتصبره
 
****

ملوكة .. عارفة باباكى عمل ايه علشان يخليكى لما تيجى 

ماتحسيش بغدر الدنيا
وتحسى بالامان والدفا واول ماتحتاجى

حاجة يعملهالك على طول 

طبعا حضرتك مش عارفة حاجة 

مش مهم بكرة تعرفى 

خلى بالك منهم .. وذاكرى كويس واحفظى القرأن 

وابقى مثال للادب والاخلاق والحنية 

والطيبة ونضافة القلب 

زى باباكى ومامتك 


ملوكة عارفة لو كبرتى وقلتيلى ياطنط 

انا اسمى خالتو منونا

اياكى تقوليلى ياطنط دى
بس خلصت كلامى معاكى 
*****
باباها جه من بره لقانى شايلاها قالى

انا عارف انى هاجى الاقيكى انتى اللى شايلاها

واول ماهتروحى هتتصلى وتقوليلى 

انا عايزة ملك شوية علشان وحشتنى
وحصل يا ابو ملك هههههههه 

ربنا يخليهالكم يارب ويحميها ويحفظها
ويجعلها من حفظة القرأن الكريم 

ويجعلها قرة اعيونكم يارب اللهم اميييييييييييين
كل اللى يشوفها يقول الله اكبر ماشاء الله 

لاحول ولا قوة الا بالله
علشان البنت اصلا اتحسدت من اول ما اتولدت 

انا بقول اهو وقد اعزر من انذر
.. 
على فكرة البنت دى انا بحبها جداااا 

وكنت مستنياها تيجى بفارغ الصبر 




 

ೋ واحــد شـاى ♨ Template by Ipietoon Blogger Template | Gift Idea