احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، مارس 03، 2010

معلش مافيش نصيب ..

من عمايل ايد .... мαησηα بالظبط الساعة 1:36 ص




معلش معلش مافيش نصيب .. خير يابنتى

كل تاخيرة وفيها خيرة  

اول ماعرفت الجملة دى كنت ف الاعدادية

وجبت مجموع قطران مايدخلنيش ثانوى

وطبعا السبب انى كنت نازلة من العراق واختلاف

بقه ف التعليم وكمان كانوا فاكرين ف البيت ان هما اللى هيقدروا

ينتصروا على الدروس الخصوصية

كنت داخلة الامتحانات ابيض ياورد

ولا كتاب خارجى واحد يوحد ربنا

ولا حتى مدرس بيشرح ف الفصل ده

غير الاضطهاد اللى مكنتش فاهمة سببه

الا وهو ان كل مدرس يدخل يلطش فيا

 لانه فاكرنى باخد درس عند المدرس المنافس ليه ف مادته

يعنى ابيض ياورد + نفسية محطمة

ومع ذلك والله جبت 163 درجة من 280 هههههه انجااااااز

وكانت النتيجة ان بابا اصر انى لازم ادخل ثانوى عام

ايه دبلوم وايه تمريض والحاجات دى

ولازم كنت اعيد السنة منزلى مع الدروس بقه

وكانت سنة تاخير ف الدراسة والحمد لله من يوميها مااتقدمتش هههههههه

جابتنى ورا ف كل حاجة

ثانوية عامة كنت داخلة انااكبر من اصحابى الجداد

والقدام بقيت اصغر منهم رقصت على السلم زى مابيقولوا

دى كانت اول مرة اسمع فيها معلش مافيش نصيب .. خير

كل تاخيرة وفيها خيرة

وخلصت ثانوى ودخلت كلية والحمد لله قعدت فيها 7 سنين

7 سنين كل سنة اسمع الجملة الكريهة على نفسى

معلش مافيش نصيب .. خير .. كل تاخيرة وفيها خيرة

السنة اللى اتاخرتها زى ماتكون اخرتنى ف كل حاجة

اشتغلت ولسه بشتغل

اصحابى كلهم انا دلوقتى بربى ولادهم

حاجة صعبة لما تلاقى نفسك متاخر ف كل حاجة

نجاح .. وشغل .. وحب .. وجواز .. والله اعلم الخلفة كمان

اكيد هتاخر بردو سنة او اكتر ماهى كل مرة التاخيرة بتزيد

ومابشوفش خيرة ابداااااااااا

وبردو بسمع وهافضل اسمع الجملة دى معلش مافيش نصيب ..

خير كل تأخيرة وفيها خيرة 


ايه الخير ف انى اتاخرت كل ده .. سبحان الله

يمكن ربنا يرزقنى بزوج صالح او اولاد صالحين بقه

علشان بجد انا زهقت زهقت من كتر التاخير

انا عارفة ان ناس كتير هتقولى حرام اللى بتقوليه ده

بس بجد محدش حاسس بالمر اللى انا حاساه ف حياتى

محدش حاسس با احساس انك

ع طول مش عارف انت ظالم ولا مظلوم

ولا انت ايه بالظبط

طيب مين عمل فيا كده .. ولا انا عملت ف نفسى كده

والله ماكنت مقصرة ف حاجة خالص

سواء مذاكرة او .. او .. او ..

مش معترضة على حكم ربنا ..

 بس عايزة اعرف اخرة ده كله ايه ؟

نفسى احلم بحاجة واحسبها وتطلع مظبوط

ليه دايما واقعة من قعر قفة الفرحة

تعبت بجد تعبت

نفسى بقه ابقى ام وخايفة مايحصلش

وبجد ساعتها مش عارفة ممكن اعمل ايه
 


 استغفر الله العظيم من كل ذنب عظيم


27 داقوا الشاى وقالولى رأيهم:

P A S H A يقول...

مساء الفل
:))

Aиgel يقول...

السلام عليكم ورحمة الله وبركاته

معلش يا جميل
كل تأخيرة وفيها خيرة ;)
والله أنا قلتها بالصدفة سبحان الله لاقيتك شباعنة من الكلمة دي
أنتي شبهي أو أنا اللي شبهك في حاجات كتير أوي
الدراسة و ... و... و.... إلخ
بس هنقول إيه الحمد لله على كل حال
وكل تأخيرة وفيها خيرة بجد
ربنا شايل لنا خير كبير أوي بس اصبري
أنا عارفه وحاسه بيكي والله في كل كل كل كل أمور حياتك دي
بس بردو الحمد لله على كل حال اللهم لا اعتراض على قضاؤك

وإن شاء الله هتبقي أم جميلة وطيبة وزي العسل وبسرعة إن شاء الله عاجلا وليس آجلاً

(: اضحكي للدنيا

بحبك في الله يا منونتي

sony2000 يقول...

بصي شوفي كلامي وقولي اللي عوذاه
ليا وحده قربتي ذيك كدا كل حاجه متأخره عندها الدرجات والحب والجواذ وخلافه
بس هي كانت مشيه بمبدا وعسي ان تكرهو شيء وهو خير لكم وعسي ان تحبو شيء وهو شر لكم
الحمد لله دلوقتي تعالي شوفي حالها
شغلها محدش يقدر يستغني عنها والجواذ كلهم بيحسدوها علي جوذها واولادها والحمد لله منفوقين
عرفه ليه
سابتها علي ربنا
انتي كمان سبيها عليه ومتخلكيش كتير فالحاله دي
تقبلي مروري وتحياتي

غير معرف يقول...

معلش افيش نصيب ... خير يابنتى كل تاخيرة وفيها خيرة
هههههههههههه

هقول جديد حاضر

احساس الظلم اكييد صعب اوووى
بس انا حاسة ان الموضوع ده محدش ظلمك فيه او اقصد محدش له دخل فى ظلمك ده قدر

واقولك زى ما قال عمنا احمد مكى
ارضى يا بن ادم باللى اتكتب عليك وباقى الاغنية مش فكراها

انتى دلوقتى خلصتى كلية ايه وبتشتغلى ايه

غير معرف يقول...

ايه يا حبيبتى هونيها على نفسك شويه مش كدا

قولى الحمد لله انتى احسن من غيرك بكتير

وصلى واقرى سورة يس وسورة الواقع

وصلى ركعتين لله واطلبى منه اللى نفسك فيه

هتلاقيه جمبك وبيحققلك كل حاجه خير ان شاء الله

ربنا يفرحنى بيكى ويسعدك دنيا واخره اللهم اميييييين

Unknown يقول...

بصي يا منونة
من ناحية التأخير فمصر كلها متأخرة
غلط قوي انك تفضلي تفكري في الحكاية دي لانك مش هتلاقي حل
انا زيك اتأخرت في الكلية تلات سنين زيادة
وكانت حالتي النفسية مش زفت بقي لا انا كنت ضايع اصلا وحاس ان خلاص الدنيا باظت بالنسبة لي
بس انا قلت لنفسي لو فضلت ابكي علي اللي فت ده هضيع اللي جاي
خت موقف وقلت ابدأمن دلوقتي وألحق اللي باقي قبل ما يروح هو كمان
بجد سيبيها علي ربنا ومتفكريش كتير

بس كل تأخيرة وفيها خيرة
علي فكرة انا مؤمن بالكلمة دي قوي
ههههههههه
حاسس ان الخيرة جايه جايه
انما امتي مش عارف واديني عايش ومستنيها
يلا سلام

غير معرف يقول...

[ وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ]
صدق الله العظيم.
تخيلى بقى لما انتى تصبرى وتقولى انا لله وانا اليه راجعون وربنا والملائكه يبقو راضين عنك

الدنيا دى فانيه وكل واحد بيأخد نصيبه
ماحدش هيقولك كده حرام لان انتى مش معترضه على حكم ربنا انتى مستغربه
وفى ناس كتير حاسه باللى جواكى علشان بتمر بيه واحيانآ بتمر بأصعب منه
وان شاء الله ربنا هتلاقيه كارمك بحاجه احلى مليون مره من اللى انتى عايزاها

[ إنما يوفّى الصابرون أجرهم بغير حساب ]
صدق الله العظيم.


فما بعد الضيق إلا الفرج
وما بعد العسر إلا اليسر
[ فإن مع العسر يسراً * إن مع العسر يسرا ]

[ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا *يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ]

صدق الله العظيم.

ربنا يفك كربك ويرزقك ويكرمك باللى تتمنيه ان شاء الله

мαησηα يقول...

شريف باشا .. ممساء النووووووووور

мαησηα يقول...

بونبونايتى .. هههههه

تاااااااااااانى هههههههه

ربنا يسمع منك يا بونبونايتى ادعيلى

وع فكرة انتى اللى شبهى لانى انا اختك

الكبيرة هههههه

ليس فقيرا من يحب يقول...

حبيبتى

ربنا يسعد قلبك ويفرج كربك

ويرزقك الزوج الصالح والذريه الصالحه

اللى تقر عينك عاجلا غير اجل ياااااااارب

اللهم امين

كله خير والله ياحبيبتى

ربنا يسعد قلبك

قيس بن الملووووح يقول...
أزال أحد مشرفي المدونة هذا التعليق.
Kiara يقول...

الحمد لله يامنتي ياعلي كل شي

سبي كل شي علي ربنا وادعى الدعاء اللي بعتهولي ولا نستيه ها
نسيتيه

طب ابعتهولك

ها قولي

ابعت

بوووووووووووووووووثه كبيرة وحضن اكبر لارق منمونه في العالم

Tarkieb يقول...

يعني اللي خلصو بدري اخدو ايه... اللي خدته القرعة تاخدو ام الشعور.. ياستي كله في الاخر واحد... على الاقل اتعلمتى الصبر ::::

мαησηα يقول...

نجمة ف السما .. هههههههههههه والله انتى سكر

قولى جديد ..

لا حتة الظلم دى حاجة بينى وبين نفسى

حاجات كده حصلت ظلمتنى

قدر .. اممممممم بصى مش علشان مانظمناش نفسنا من الاول

مش علشان اخدنا قرار غلط وغيرنا بيتحمل عواقبه

نقول قدر ونرميها على الدنيا

اللى حصل انى اتظلمت بايد اعز الناس

ولا دخل للقدر فى اى حاجة

انا دلوقتى خلصت كلية تجارة وبشتغل مديرة حضانة خاصة

والحمد لله شغلى لا يعلى عليه بفضل ربى

لكن مكنش ده هدفى ماعلينا

نورتينى جداااااااااااااا

мαησηα يقول...

حنونتى الجميلة .. تسلمييلى يا حنون حاضر

يارب يحققلى ويحققلك كل اللى بتمنيه يارب اللهم اميييين

мαησηα يقول...

انسان عادى ..

حاضر ..شوف انا فعلا احسن من غيرى

الحمد لله

بس انا مستعجلة عارف حاسة انى هاموت

ومافرحتش خااااااااالص مافرحتش

بس خير اكيد خير

يارب ادينى مستنياها زيك بالظبط

وادينا عايشين على رأيك

سلام

мαησηα يقول...

انسان عادى ..

حاضر ..شوف انا فعلا احسن من غيرى

الحمد لله

بس انا مستعجلة عارف حاسة انى هاموت

ومافرحتش خااااااااالص مافرحتش

بس خير اكيد خير

يارب ادينى مستنياها زيك بالظبط

وادينا عايشين على رأيك

سلام

هيثــم رمضـــان يقول...

أنا مش عاوز أقولك كلام تقليدي لأنك أكيد شبعانه منه لكن المشكله إن إنتي حاطه كل اللي فات قدام عنيكي وعامله منه قيود وحاسه إنها هتفضل مكتفاكي , والحل إنك تتخلصي من القيود دي وتبعدي الأفكار دي عن دماغك وكل اللي عليكي إنك تجتهدي وتعملي اللي عليكي في كل شيء في شغل أو خلافه أما الباقي فهو علي الله بشرط إنك تكوني متوكله علي الله حق توكله يعني بصدق وإخلاص وتكون ثقتك بالله سبحانه وتعالي بلا حدود-أنا عند ظن عبدي بي- ففي كل شيء حكمه لا نعلمها نحن البشر وربما نعلمها مع مرور الأيام وحينها ندرك إننا كنا مخطئين.
بسم الله الرحمن الرحيم
وَلَنَبْلُوَنَّكُمْ بِشَيْءٍ مِنْ الْخَوْفِ وَالْجُوعِ وَنَقْصٍ مِنْ الأَمْوَالِ وَالأَنفُسِ وَالثَّمَرَاتِ وَبَشِّرْ الصَّابِرِينَ " صدق الله العظيم

معلش لو كلامي كان تقيل شويه ولكني قصدت بيه توضيح بعض الأمور لكِ والله المستعان.

اللهم أصلح حالك وأحوال المسلمين وأشرح صدرك ويسر أمرك ويرزقك بالزوج الصالح والذرية الصالحه امين

وعد مني بإذن الله هدعيلك في الحرم بظهر الغيب أنا مسافر بعد أسبوعين إن شاء الله.

تحياتي

мαησηα يقول...

سونى .. تسلميلى يا سونى

والله انا يابنتى مش معترضة

بس بجد نفسى ان ربنا يعوضنى

نفسى بجد ابقى زى قريبتك لكن كل

المؤشرات بتقول انى هافضل كده ف الهم

وعدم راحة البال فتعبت واتخنقت

وجيت افضفضلكم بقه

معلش نكدية ونكدت عليكوا

حاضر مش هخلينى ف الحالة دى كتير

وميرسى بجد لنصيحتك

мαησηα يقول...

سمية .. ههههههههه والله انتى سكر

لا احساس الظلم ده واصلنى علشان حصلتلى حاجات انا محكيتهاش

ليكوا بس تقدرى تقولى انه بوست تهيس كل المشاعر

الملغبطة طلعت فيه

حاضر هاسمع كلام عمنا احمد مكى

انا خلصت كلية تجارة وبشتغل مديرة حضانة خاصة

ومش عايزاكى تضربينى بالبوكس

شغلى كويس الحمد لله بس مكنش ده طموحى ف الشغل

انا دخلت كلية تجارة علشان ابقى محاسبة اعمل حسابات محترمة

مش حسابات وادارة فى حاجة انا مش حاباها

شغل الادارة بجد مؤرف خصوصا

لو بتديرى حريم هههههههههههههه

بعيد عنك يا اوختى

بصى من الاخر اشتغلت كده علشان بابا

عايزنى اشتغل كده مش علشان

انا عايزة كده

بس ياسيدتى الجميلة

мαησηα يقول...

حنونتى اجمل حنين ..

حاضر يا حنون ههونها عليا شوية

والحمد لله الف حمد وشكر

تصدقى بالله انا ده مزعلنى اوى

انا من زمان وانا بصلى كل يوم ركعتين

وبطلب ومابتحققش حاجة ..

قالولى ربنا بيحبك عايز

دايما يسمعك وانتى بتدعى

فقلت الحمد لله الف مرة

المشكلة بجد لما تقعدى تشوفى حياتك

كده تلاقى كل الناس بتفرح

كل الناس ف تغيرات حلوة

بتحصل ف عمرهم انا مافيش

اللى ببات فيه بصبح فيه بقالى

سنيييييييييييييين بجد بقالى

سنيييييييييين

من ساعة ماعرفت يعنى ايه فرح

يلا الحمد لله ..

يارب اللهم اميييييييين

انا وانتى وكل بنات المسلمين

ميرسى حنونتى ربنا يخليكى ليا يارب

мαησηα يقول...

انسان عادى .. ههههههههههههههه

على رأيك

ذنبى انى مصرية ولا ايه طيب ؟؟ ههههههه

والله يا ابنى ماتعرفش هو فضا تفكير

هههههه ولا ايه ؟؟

والله غصب عنك يا محمد لما تلاقى كل

الناس بتفرح تقدر تقول مشتاقة

للفرحة

بجد احنا بيتنا وحش اوى ميت فاضى كمان لاننا بعيد عن العيلة محدش بيزورنا

فمافيش جديد بنحس بيه احنا وبس

واحنا خمسة يعنى حتى مش كتير علشان

تحصلنا حاجات كتير ف حياتنا

هههههههههههه طيب ادينا مستنيين

الخيرة اهو لو جتلك ابعتهالى ينوبك

ثواب ف اختك

ميرسى بجد لاهتمامك يامحمد

ربنا يخليك ليا

мαησηα يقول...

مستخلص افندى ..

صدق الله العظيم .. الحمد لله على السراء والضراء يا مصطفى

ان شاء الله يارب اللهم امين ربنا يستجيب منك دعائك ده

ولك مثل مادعوت لى به

ميرسى على اهتمامك يا مصطفى ربنا يكرمك يارب

мαησηα يقول...

ليس فقيرا من يحب .. حبيبة قلبى رنونة

يارب اللهم اميييييييييييييييين

لكى مثل مادعوتى لى به يارب

انا وانتى وكل بنات المسلمين ربنا يفرح قلوبنا يارب

اللهم اميييييييييييييييين

мαησηα يقول...

كيارتى .. هههههههههه

ونعم بالله لا مانسيتهوش يا كيارتى

وهادعيه مع باقى الادعية اللى بدعيها كل يوم

ربنا يخليكى ليا يا كيارا يا دلوعتى

انا معرفش ليه بحسك بنتى والله العظيم سبحان الله

ربنا يديم المعروف والمحبة يارب بينا

мαησηα يقول...

تركيبه .. هههههههههه

تصدق فعلا انا استفدت بانى اتعلمت الصبر

ميرسى على تشجيعك يا تركيبه

мαησηα يقول...

هيثم رمضان ...

صدق الله العظيم .. لا كلامك مش تقيل ولا حاجة

بس انا فعلا الحمد لله عندى ثقة ف ربنا قوية جدااااا

انا بس مستعجلة حاسة انى هاموت ناقصة احلام اه والله

وميرسى بجد على وعدك يارب تفتكر

وميرسى على اهتمامك

نورتى وسورى انى نكدت عليك

 

ೋ واحــد شـاى ♨ Template by Ipietoon Blogger Template | Gift Idea