احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الثلاثاء، مارس 02، 2010

ملك روحى انا ..

من عمايل ايد .... мαησηα بالظبط الساعة 1:53 م

تم حذف الصورة لان البنت اتحسدت وتعبانة " "



ملك هى روحى انا

ملك اول بنوتة تنور حياتى ف 2010 

ملك هى ثمرة احلى قصة حب بين قلبين 

ربى يحميها ويخليها 

وتنور حياة باباها محمود &  ومامتها دودو 

شفتها النهاردة وبجد وحشتنى اوى اوى

****
ملوكة ياقمرة عارفة انى كان نفسى اسمى بنتى ملك 

وكان نفسى تبقى بردو نتاج قصة حب 

جميلة .. يلا الله اعلم ايه هيحصل ؟؟

****

ملوكة .. انتى عارفة ماما تعبت فيكى 

قد ايه على ما انتى نورتى الدنيا 

لو سمحتى ماتتعبيهاش واسمعى كلامها 

وكونى انتى بنتها وصاحبتها ونور عيونها 

وعوضها عن كل الصبر اللى صبرته ولسه هتصبره
 
****

ملوكة .. عارفة باباكى عمل ايه علشان يخليكى لما تيجى 

ماتحسيش بغدر الدنيا
وتحسى بالامان والدفا واول ماتحتاجى

حاجة يعملهالك على طول 

طبعا حضرتك مش عارفة حاجة 

مش مهم بكرة تعرفى 

خلى بالك منهم .. وذاكرى كويس واحفظى القرأن 

وابقى مثال للادب والاخلاق والحنية 

والطيبة ونضافة القلب 

زى باباكى ومامتك 


ملوكة عارفة لو كبرتى وقلتيلى ياطنط 

انا اسمى خالتو منونا

اياكى تقوليلى ياطنط دى
بس خلصت كلامى معاكى 
*****
باباها جه من بره لقانى شايلاها قالى

انا عارف انى هاجى الاقيكى انتى اللى شايلاها

واول ماهتروحى هتتصلى وتقوليلى 

انا عايزة ملك شوية علشان وحشتنى
وحصل يا ابو ملك هههههههه 

ربنا يخليهالكم يارب ويحميها ويحفظها
ويجعلها من حفظة القرأن الكريم 

ويجعلها قرة اعيونكم يارب اللهم اميييييييييييين
كل اللى يشوفها يقول الله اكبر ماشاء الله 

لاحول ولا قوة الا بالله
علشان البنت اصلا اتحسدت من اول ما اتولدت 

انا بقول اهو وقد اعزر من انذر
.. 
على فكرة البنت دى انا بحبها جداااا 

وكنت مستنياها تيجى بفارغ الصبر 




10 داقوا الشاى وقالولى رأيهم:

P A S H A يقول...

ربنا يبارك فيها يا رب ويحفظها من كل سؤ ويجعلها من الذرية الصالحة ويفرح أهلها بيها . اللهم آمين

تحياتي
:))
سلام

غير معرف يقول...

ربنا يبارك فيها ويخلها ليكى ولبابها ومامتها يارب

Cute Kitty **sookra يقول...

عقبال مااشيل بنوتك ان شاءالله يارب يامنونتى ياسكره انتى

بسم الله ماشاءالله
الله اكبر ربنا يحميها ويحرسها ويبارك فيها ويجعها قره اعينهم يارب

قولى امين يابت

-_- يقول...

ما شاء الله

romansy يقول...

يا احلى خالتو فى الدنيا
ربنا يخليهاك يارب
وتقول يا خالتو وتديها عيديتها
ويخليها باباها
وتكبر وتروح المدرسه
وتنور الدنيا كده زى خالتها

мαησηα يقول...

شريف باشا ..

اللهم اميييييييييييييييييين

تسلم يارب وعقبال ما اشوف ولادك يارب

мαησηα يقول...

حنين .. يارب اللهم امين يا حنونتى

وعقبالك يارب لما اشوفك

احلى ام لاحلى مملاك ف الدنيا يارب

мαησηα يقول...

سكرتى المسكرة ..

امييييييييين يابت هههههههههه

الله يخليكى يا سكرتى

وعقبالك قريبا قدامك 12 شهر بعدها هتدفعى غرامة تاخير هههههههههه

انا عايز اشوف يور بيبى ماليش دحوة

ربنا يسعدك يا سكرة ويتمملك بخير حبيبتى

мαησηα يقول...

شارم .. اول زيارة ليا

يارب يكون الشاى تبعنا عجبك يارب

شرفتنى والله ونورتنى

мαησηα يقول...

ابو حميد .. دايما كده رافع من معنوياتى

ربنا يخليك يارب وعقبال ما اشوف ولادك

وابقى احلى عمتو ف الدنيا

ميرسى على زوقك يا جميل

 

ೋ واحــد شـاى ♨ Template by Ipietoon Blogger Template | Gift Idea