احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، مارس 21، 2011

I L♥VE M♥M ..

من عمايل ايد .... мαησηα بالظبط الساعة 6:27 م





 سالخير عليكم 

النهاردة يوم الام 

انا عارفة انه الام المفروض يبقالها العمر كله عيد 

واننا نعترف بفضلها علينا طول العمر 

وعارفة ان اى ام ف الدنيا مهما اتكلمنا عنها 

عمرنا ما هنوفيها حقها 

بس خلونا نقول اليوم ده يوم مختلف 

تعالوا نعملها حاجة تفرحها اوى 

او بلاش نزعلها النهاردة 

بلاش نتعبها النهاردة 

بلاش نخليها تشوف او تسمع حاجة تضايقها خالص 

اللى يقدر ياخد مامته يخرجها خروجة حلوة  يعملها 

اللى يقدر يعملها حاجة نفسها فيها اوى يعملها لها النهاردة 

اللى مزعل مامته يعتذرلها 

واللى  مخاصمها يصالحها

واللى بعيد عنها يفتكرها ويكلمها ويقولها تدعيله 

دى دعوة الام من القلب للرب ع طول 

تعالوا نجدد عهدنا ووعدنا قدام ربنا 

باننا نعمل كل اللى يقدرنا عليه ربنا معاها 

واننا نفرحها ونحافظ على ابتسامة قلبها 

طول ما احنا عايشين

كل يوم وكل الامهات طيبين وبخير وفرحانين بولادهم 

ويارب يبارك لنا ف عمر كل امهاتنا يارب 

ويرزقنا رضاهم عنا يارب اللهم امين 



♥♥♥♥♥♥♥♥♥♥



امـــــــ ♥  ـــــــــــى  .. 

ام منى حبيبتى الجميلة 

ياللى عمرى ماشوفت ف طيبتك وقلبك وصبرك 

ربنا يباركلى ف عمرك وف صحتك ويخليكى ليا انا واخواتى 

باللى  نورك دايما منور بصريتنا وقولبنا 

ودعوتك هى الحمى لينا من كل شر 

ربنا يقدرنى ويقوينى واقدر اسعدك وافرح قلبك 

واحققلك كل اللى بتتمنيه وتحلمى بيه يارب اللهم امين

 امى كلمة بحبك شوية عليكى اووووووى 

انا بعيش بيكى وليكى يا ست الكل 



♥♥♥♥♥♥♥♥♥♥







♥   مـــامـــــــتى  ريـــــــــــم     

.. 

كل سنة وانتى حبيبتى وطيبة وجميلة 

وجنبى ومنورة قلبى 

كل سنة وانتى مامتى ريم

وانا بنوتك منونا 

مامتى انا بحبك جداااااااااااااا 

ربنا يخليكى ليا يا عيون بنوتك



♥♥♥♥♥♥♥♥♥♥





مـــــامــــــة    فـــاتــــــيما    يوســــــــــف 


كل سنة وانتى طيبة يا ست الكل 

كل سنة وانتى بحضنك الدافى لمنا حواليكى 

كل سنة وانتى جميلة واحلى  

مامة يوسف 

كل سنة وانتى مامتى 

ومامة بسكوتة

ومامة عادل

ومامة كل المدونين والمدونات 

كل سنة وانتى قلبك وحبك واســــــــع 

ومليان حب وخير للكل يا ست الكل 

فاتيما انا بموت فيكى بجد


بقولك ايه  ماتخليش بسكوتة تيجى هنا
هتاكلنى علشان قلت انك مامتى هههههه




كـــــــــــــــل يوم وكل امهاتنا بـــــخــــــــــــير






بالنسبة لامهات الشهداء 


انا كنت فكرت باننا نتصل بيهم او نروح نزورهم ونجيب هدايا بس 


خفت الحكاية دى تالمهم اكتر ماتفرحهم فرجعت ف كلامى 


لكن اللى شايف انه يقدر يعمل حاجة زى كده يعملها يكون ليه جزيل الشكر 


ولو حد جرب ومافيش ام منهم اتضايقت او زعلت يقول 


علشان نتصل بيهم ع الاقل



ونفرحهم 


















14 داقوا الشاى وقالولى رأيهم:

Mohamed Gabriel يقول...

كل عيد ام وكل ام ف كل حتة بخير
وربنا يصبر ام الشهيد ويسكن الشهيد فسيح جناتة ويشفعلها ف الجنة

Remas يقول...

منونتي الحلوة
وبنوتي الجمييييييييييييلة
بجد احلى عيد ام مر عليا علشان انتي معايا فيه
اقولك ايه ؟؟ وانا مهما قلت مش هعرف اوصف لك اد ايه انا بحبك
بحس بجد انك بنوتي اللى بكون قلقانة وخايفة عليها وعاوزه طول الوقت اشوفها ادامي

ربنا يخليكي ليا يا احلى بنوتة في الدنيااااااااااا كلهاااااااااا

عارفه الحضن اللى الام حاضناه لبنوتتها في الكارت العسول بتاعك دا ؟؟
انا دلوقتي عاوزه اخدك في حضنى كدا
واقولك ان معرفتك يا قلبي احلى حاجة حصلت لي في حياتي

ذوقك في اختيار كارت فاتيما موفق تماما وجمييييييييل لان فعلا فاتيما فعلا اول ما تشوفيها تحسي انها من كتر حنانها فاتحة ايديها علشان تجري في حضنها

كل سنة وانتى طيبة يا فاتيما يا احن قلب عرفته

منونا

ميرسي يا عيون مامي
ميرسي على البوست دا
وميرسي لانك مع انك بنوتى الحلوة الا انى بحس دايما انك مامتى وخايفة عليا جدااااا
ميرسي على وجودك في حياتي
وجودك اللى مالي حياتي ومحليها


بحبـــــــــــــــــك

لــــ زهــــــراء ــــولا يقول...

كل سنة وكل ام طيبة

لولا

sony2000 يقول...

ربنا يارب يخليكي لينا اماهتنا
يارب
اللهم امين

فاتيما يقول...

يا قلـب الملايكـ♥ــة

كل سنة وماما بألف خير
وانتى مفرحاها ومخلياها راضية عنك دايما

كل سنة وريم بألف خير
وربنا دايم بينكم المحبة والود

كل سنة وانتى حبيبتى
وقلب الملايكة
وبسكوتة متزعلش ولا حاجة
هيا بتحبك فوق الوصف انتى عارفة اكيد

كل سنة وانتى حبيبة قلبى

мαησηα يقول...

محمد جبريل ..

ازيك يا ابنى فينك من زمااااااان

كل سنة وكل امهاتنا بخير وربنا يصبر ام الشهيد يارب يا محمد

мαησηα يقول...

مامتى ريم ..

طيب انا بقه اللى مش عارفة ارد ع كلامك ع فكرة خالص يا مامتى

بس بدعى كل يوم ف الصلاة انه ربنا يخليكى ليا ويحميكى ويبعد عنك كل سوء علشان انا بزعل علشانك

ويبعد عنك البرد الغلس اللى مش بيسيبك خالص ده

ربنا مايحرمنا من بعض ابدااااااا ويخلينا ع طول كده ف قلوب بعض اللهم امين

мαησηα يقول...

لولا ..

وانتى طيبة وبخير وف حضن مامتك يا لولا

мαησηα يقول...

سونى ..

يارب اللهم امييييييين يا سونى

بالنوسبة للفيسبوك

انا عندى تهيس فظيع فيه هتلاقيى فيه مشكلة فعلا بس انا مش عارفاها

انا دورت عليكى مش لقيتك خالص عندى

мαησηα يقول...

فاتيما يا جميلة

ي ا حلى مامة يوسف ف الدنيا

وانتى ومامتك وكل الامهات بخير يا حبيبتى يارب اللهم امين

اها انا عارفة بس بردو هنتخانق ع الامهات هههه دى اتفاقية محدش يجى ع مامة غيره ههههههههه

ربنا يخليكوا لينا ويقدروا ع همومنا يارب اللهم امين

كل سنة وانتى منورة قلبى

قلب الملايكة اللى انت مستوطنة وقعدة ومستربعة كده

:* :*:*:*:*:*

ابراهيم رزق يقول...

كل سنة و امك و امى و كل الامهات بخير

سعيد حدا بكلامك عن امك
و سعيد جدا بكلامك عن فاتيما ربنا يريح بالها يارب

خالص تحياتى

Noha Saleh يقول...

كل سنة ومامتك ومامتى وكل الامهات بخير
كلامك حلو اوى يامنونة
بالنسبة لامهات الشهداء صفحة كلنا خالد سعيد كانت كاتبة ارقامهم وتقريبا ناس كتير كلموهم

мαησηα يقول...

ابراهيم رزق ..

وانت ومامتك بخير وباحسن حال يا ابراهيم

ولا امى ولا فاتيما يكفيهم العمر كله كلام والله علشان يوفيهم حقهم

يارب اللهم اميييين

نورتنى يا فندم

мαησηα يقول...

نهى ..

وانتى طيوبة وجميلة ومامتك بخير ومنورة دنيتك يار نهى يارب اللهم امين

انتى اللى احساسك حلو حاسة بيه حلو

اها الحمد لله طيب يارب نكون هونا عنهم اليوم مش تعبناهم فيه انا بعتلهم مسجات لانى ماقدرتش اتصل خفت لانى اصلا كنت بعيط ولو كلمت حد منهم هافتح ف عياط مش هاسكت

 

ೋ واحــد شـاى ♨ Template by Ipietoon Blogger Template | Gift Idea