وكان اللقاء ..

واسبوع قبلها مابنامش .. تفكير مابيبطلش فى دماغى

وتساؤل بيلح جوايا يعنى ايه اول ماتشوفيه هترتاحى

يعنى ايه اول ماتشوفيه هتحسى

انك ده اللى كنتى هتموتى من الفضول وتعرفيه

ياترى اسمه ايه .. ياترى شكله ايه .. ياترى والالاف من ياترى

وكان اللقاء ..

وزى اى اتنين قعدنا واتكلمنا .. وبعد مرور ساعة

حسيت انى مرتاحة .. ارتياح غريب ..

.. وساعتها بس ادركت معنى كلمة سكينة

ان روحك تسكن وتهدى وترتاح ..

وساعتها ادركت ان لازم قبل الرحمة يكون فى مودة

وقبل المودة لازم يكون فى سكينة ..

سبحانك يارب ..


***

احاسيس بنوتة مخطوبة