احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، مارس 01، 2009

اضحك لدنيا تسخسخلك .. اه وربنا

من عمايل ايد .... мαησηα بالظبط الساعة 6:58 م


اول ما عملت المدونة دى سمتها لحن الفرح
وشافت النور يوم 1 يناير 2009

سميتها كده لانى حبيت اكبس الدنيا واغيظها
واقولها مدمتى مش عايزانى افرح فانا

هاعمل لحن للفرح لنفسى

كنت بكتب ومحدش بيعلق ولا بيدخل عادى
كل الزيارات دى انا اللى زرتها لنفسى هههههههههههه

ولو كنت علقت عند حد كان بيجى يبص ومايعلقش

بس كنت بنبسط


قلت ع الاقل اسجل فيها كل اللى بيحصلى وليه ذكريات حلوة

اكيد هيجى يوم واتجوز وابقى اشارك جوزى ذكرياتى دى

حصلت حاجة مش هاقول عليها غير لما تكمل

ان شاء الله

بس عرفت انى مش هاحتفل بعيد ميلادها بس
لأ هاحتفل بيوم ميلاد تانى اكيد هيبقى عزيز عليا

وبما انى لقيتنى بكلم نفسى فسميتها مع نفسى

وكلى تفاءل ان اكيد حد هيعلقلى عليها فى يوم

وكلى تفاءل انها هتبقى مدونة بنت ناس فى يوم من الايام

يلا خيييييييييييييييير

اعتبرت ده انجاز فى حد ذاته حققته فى 2009
وهو انتصارى على همومى واحزانى

والنظرة التشاؤمية الغبية اللى كانت مسيطرة عليا

والحمد لله فعلا لما بتضحك للدنيا بتسخسخلك ههههههههههه





4 داقوا الشاى وقالولى رأيهم:

Mehmet يقول...

ماتستعجليش

كله باوانه

يعني مدونتك يدوبك شهرين

وزي ما قلتلك كله باوانه

وحدوووووووووووه

Manona يقول...

لا انا بدون من زماااااااااااان

بس النت فصل عندى فترة جامدة وبالتالى

المدونة اتقفلت فرجعت عملت واحدة تانى

والنت فصل بردو

لحد بقه ماستقريت على دى

علشان كده فى تدوينات كتير بتواريخ

قديمة بس ياسيدى

وعموما انا مش مستعجلة

خاااااااااااالص

انا ورايا ايه ادينى قاعدة

نورتنى واسعدنى تعليقك

Mehmet يقول...

النت فصل معاكي مرتين

مرتين

احب اقولك ان انتي متراقبه علي فكره

كلام ف سرك: من الناس اياهم

Manona يقول...

يا حلولللللللللللللللللللىىىىىىى

تفتكر !! لا ما اعتقدش انى مهمة كده

علشان يحطونى فى دماغهم

ربك يسترها

 

ೋ واحــد شـاى ♨ Template by Ipietoon Blogger Template | Gift Idea