احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الثلاثاء، ديسمبر 22، 2009

عرفتكوا ازاى .. اول مرة

من عمايل ايد .... мαησηα بالظبط الساعة 1:55 م

سالخييييييييير عليكوا 

ان شاء الله يارب تكونوا بخير وف احسن حال 

انا جييييييييييت اطمنكم عليا بقه انا الحمد لله بقيت كويسة 

حتى اشعار اخر ههههههههه 

الوضع والامن مستتب لسه مافيش جديد 

بقيت كويسة ليه بقه بكلامكم الجميل ووقفتكم معايا

بجد كل حد حط تعليق رفع من روحى المعنوية

وساهم ف خروجى من حالة الاكتئاب

الفظيعة اللى كنت فيها

تسلمولى وربنا مايحرمنيش منكم ابداااااااا ابدااااااااا 

قولوا امييييييييييييين بصوت عالى يا كرملة ههههههه

المهم انا كنت بقالى فترة مش بروح عند حد خالص

كل ما ادخل مدونة لحد منكم لو عرفت ارد برد 

لو معرفتش بخرج وخلاص بس ببقى اطمنت ع المدون 

وكمان بيجى ف بالى انا عرفتكم ازاى 

النهاردة هاقولكم انا عرفت منامينو وتيمو ازاى 

اول ماكنت هاعمل المدونة دى كنت لسه شايفة

فيلم فتى احلامى ههههههه احمد حلمى

اسف ع الازعاج 

فقلت هاسميها كده جيت اختار الاسم معرفش طلعلى ان الاسم ده متاخد قبل كده 

مهمدتش طبعا قعدت ادور مين اللى عامل بقه اسم زى بتاعى لقيته

تيمو عجبتنى مدونته بس مش بعرف

ارد ع الكلام عندك يا تيمو كله شعر بس بيعجبنى

اوى والله مدونة جميلة جدااااااااااا بس بقه 

سامحتك انك اخدت الاسم بتاعى هههههههههههههه 

قلت مابدهاش بقه انا هاعمل مش اسف ع الازعاج ههههههههه 

طلع منامينو  قلت لا بقه ده استقصاد 

المهم عجبتنى مدونتك بردو جداااااااا 

ماشاء الله تسلم ايدك وبتكتب ف الصميم

بس وسامحتك بقه انك اخدت الاسم بتاعى هههههههههههه 

وكانت فرصة سعيدة 

استمروا بقه وانا هاستمر وهاقول كل حد عجبتنى مدونته 

عرفتها ازاى 

بس جاتلى فكرة ايه رايكم كل واحد مننا يحكى هو عرف التانى ازاى  ؟؟




9 داقوا الشاى وقالولى رأيهم:

لــــ زهــــــراء ــــولا يقول...

سالخييييييييييييير يا عسل

كلامك جميل اوى اوى
بس محتاج تركيز علشان اتفكر انا عارف المدونات ازاى
ان شاء الله نرجع تانى ونحكى ونتكلم براحتنا
بس برضه عاوزين واحد شاى لا اقصد 2 شاى علشان احنا اتنين

Unknown يقول...

انا نفسى بتتبع التعليقات
السكر كتير
هو محطوط كام معلقة

Cute Kitty **sookra يقول...

يامساء الفل والشيكولاته
تصدقى انا موش فاكره عرفتك ازاى
هههههههههههههههههههه
انتى فاكره قوليلى طيب
وتيمو ومنامينو ناس حلوين اوى بجد
انا فكره اول مدونتين دخلتهم فى حياتى
مدونه ايوه انا خدامه
مدونه كوكب ابى ومنها رحت لخيخه وهكذا وهكذا
وحشانى موت ويارب تبقى احسن على طول
ادعيلى عندى امتحان بكره

Mina يقول...

تصدقي بايه
انا مافاكر انا اكلت ايه الصبح
الصبح ده اللي هو من ساعتين
بس يعني عليالعموم انا متشكر قوي علي كلامك الحلو علي المدونة بتاعتي اللي انا فسي اصلا بانسي اني عندي مدونة ساعات ومش بازورها كتير
هههههههههههههههههههههههههه
ربنا يكرمك ويسعدك يارب
وبصراحة بصراحة انا مش فاكر عرفت مدونتك متي وازاي
انت وكل المدونين طبعا
ماهو الواحد لو حب يفتكر هو عرف كل الناس اللي بيحبهم امتي اكيد مش هايعرف
يعني انت مثلا تقدري تفتكري انت عرفتي انك بتحبي بابا امتي
او عرفتي انك بتحبي ماما امتي
اكيد مش هاتفتكري
الواحد ساعات بيلاقي نفسه يعرف حد او بيحب حد بس اكييييييد مش عارف من امتي
لدرجة انه بيتهيأله انه يعرفه من يوم ما اتولد
ايه الكلام الكبير اللي انا باقوله ده
يالله
هاروح انام بقي
تصبحوا علي خير

мαησηα يقول...

لولا وزهراء كيفكم وحشتونى ..

احلى اتنين شاى ف الدنيا ليكم

انا مش قصدى تحكوا عندى انا قصدى تحكوا عندكوا

يعنى كل واحد ف مدونته يحكى هو عرف الناس ازاى بس

نورتونى وميرسى ع متابعتكم

мαησηα يقول...

العيسوى الصغير .. اهلا بيك منور واحد شاى

اها كتير اوى بتتبع التعليقات بنعرفهم لكن انا قصدى الناس اللى عرفتهم بصدفة يعنى زى منا حكيت كده

мαησηα يقول...

سكرتى الجميلة .. انا فاكرة انتى عرفتينى منين
انا عرفتك الاول من عند ضد ودخلت عندك علقت فانتى جيتى هنا بقه ههههههههههه شفتى اللفة دى بس حلوة وكانت فرصة سعيدة جدااااااااا

мαησηα يقول...

منامينو .. ده احلى كلام اللى قلته

ربنا يديم المعروف والمحبة ف الله ويزيد من

احبابك يارب اللهم امييييييييييين

واهتم بالمدونة شوية صدقنى هى جميلة اوى وكفاية انها هى اللى خليتك تعرفنا

يلا بوست جديد بقه علشان تاخد شوكولاته هههههه

Mina يقول...

علي فكرة انا نزلت بوست جديد من يومين
انت ماشوفتيهوش ولا ايييييييييييه

 

ೋ واحــد شـاى ♨ Template by Ipietoon Blogger Template | Gift Idea