.jpg)
صباح الفل عليكوا
زمان كنت بزعل من بابا اوى لما كان بيقسى عليا
هو كان بيقسى عليا علشان مصلحتى
وخصوصا لما كان بيغصبنى اكل السبانخ وشوربة الخضار
كان علشان انا ضعيفة ومحتاجة اقوى مناعتى باكل الخضار
مكنتش اعرف ان كل ده علشان مصلحتى
جه الوقت وكبرت انا
وجه الوقت اللى قسيت ع اللى بحبهم
قسيت علشان يفوقوا ويقدروا ياخدوا قرار بدون تردد
قسيت علشان لو خايفين عليا من قرار الفراق مايخافوش
انا قادرة ع كل حاجة الحمد لله
زى ماعندى حنية عندى اضعافها قسوة للاسف
قافلة موبايلى ماتقلقوش عليا
بس يومين كده لحد ما يبقى فيه قرار محدد يتنفذ
انا الحمد لله لسه بخير
8 داقوا الشاى وقالولى رأيهم:
المهم تكونى انتى حاسمه قرارك
ايا كان هذا القرار
تحياتى
يابنتى كام مرة اقولك "تيييييييييييييييت" دى مش حلوة خالص
اسمها "بيييييييييييييييييييب" P:
قولت اهرج مدام الدنيا كآبة بقى و فى قرار فراق وبتاع و انا مش فاهمة بقى ايه بيحصل
يعنى علشان انا تعبانة و غايبة .. يوم مااقول ارجع شوية و انسى التعب الاقى بوست كده
v_v
مالك يامنونة بس ؟؟؟
طمنينى عليك لو سمحت بقى هه
v_v
منونه
موش قلتلك مقلقانى عليكى
يارب اللى بفكر فيه موش يطلع صح واطلع انى فهمت غلط
يارب
منونه
انتى عارفه احنا قربنا من بعض اد ايه فعشان خاطرى وخاطر حنونه
بلاش تأسى على نفسك
اوك ياقلبى
طمنينى
وبعدين انا اتصل موش تردى
هاقتلك لما اقابلك
ليه طيب كدة
مش دي منونا اللي نعرفها
علي العموم منتظرينك بعد العودة
ومتأكدين انك هاترجعي اقوي باذن الله
دعمرو .. حاسمة قرارى من زمااااااان اوى
سويتى .. حبيبتى معلش انا عارفة انى دايما جيبالك احباط كده ههههه
اللى بيحصل خير ايا كان فهو من عند ربنا وهو خير
سلامتك يا ضد الف مليون سلامة عليكى
ان شاء الله العدويين
انا الحمد لله بخير وزى الفل
سكرة .. يا احلى سكرة ف الدنيا
تصدقى نفسى اقابلك بجد .. ووحشتنى حنونة اوى
ماتقلقيش يابنتى انا جبل
والجبل مايهزه ريح هى الدنيا كده
عمرها ماهتخليكى طول الوقت سعيدة
خييييييير كل اللى بيحصل خيييييير
واللى جاى احلى بكتير من اللى راح
منامينو .. عارف انا بجد بوقفكم جنبى هارجع اقوى ان شاء الله
علشان خاطركم هابقى كويسة وانا بقاوم اهون اه والله اهون مش شايف هههههههههه
هابقى زى الفل وراجعة راجعة اكيد احسن دعواتك
إرسال تعليق