احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، ديسمبر 17، 2009

مافيش فايدة ..

من عمايل ايد .... мαησηα بالظبط الساعة 1:17 ص






يظهر ان 2009 بعد ماكانت حلوة وجميلة يظهر ماليش نصيب افرح فيها بردو 

ويظهر انى مش مكتوبلى افرح ابدا لازم فرحتى تتخطف 

ويظهر ان ختامها هيبقى مش حلو مع انى كنت متفائلة جدااااااااااااا 

بس زى ماقلت لازم فرحتى تتخطف 

يارب ماتتختم خاتمة وحشة 

كل سنة وانتوا طيبين ايام وهنودع عام مليان الحلو والمر 

***********

مسافرة النهاردة بس الصبح مش دلوقتى والله اعلم هارجع ولا لأ 

الجو مش مبشر باى حاجة حلوة 

عزائى انى لو مت هتبقى اخر واحدة شفتها سماء روح قلبى

لو مت اللى مزعلاه يسامحنى واللى فاهمنى غلط يفكر تانى

ويدور ف كل اوراقه اكيد هيلاقينى مش وحشة اوى كده 

واطلبولى الرحمة وادعولى ربى يغفرلى لانى

بجد مليانة ذنووووووووووووووب 

لو رجعت اكيد هاحكيلكم عن يوم حلو اوى من ايامى ف 2009 

اشوفكم بخير 

استودعكم الله الذى لا تضيع ودائعه 

تصبحوا ع خير وهنا 

سلام 

بحبكم كلكم


10 داقوا الشاى وقالولى رأيهم:

Aaya يقول...


منونة ..
مالك بس يا حبيبتي كلامك مش يطمن خالص تفاءلي خير وأنا مش هرد على كلامك غير .. بــ حفظك ربي في حلك وترحالك وإن شاء الله ترجعوا [الف خير وسلامة (:

بحبك في الله يا منونة

sookra يقول...

منونه
خير انشاءالله
وبعدين فى القلق دا يعنى
فى ايه طمنينى
وارجوكى رد على التليفون

Timo.. يقول...

سنة عدت وراح..بحلوها ومرها
المهم نعمل للسنة الجاية
ربنا يجعل سنواتك كلها سعادة

blue-wave يقول...

مش عارف ليه مش عاجبنى الكلام
عموما ربنا معاكى

Angel يقول...



أنا اللي كتبت أول كومينت باسم آية

بس ده حساب اختي اللي بنجرب فيه

(:

๓คภ๏ภค يقول...

احلى ايه او انجل انتوا الاتنين اكيد زى السكر وبحبكم اكتر ف الله

وتسلميلى يا حبيبتى ع دعواتك الجميلة دى

انا اسفة انى بقلقكم عليا انا بس محبطة وتعبت بجد من كتر ماكل شوية الفرح يروح منى مش بلحق افرح فزهقت ادعيلى ربنا يغفرلى ويسامحنى ويهديلى نفسى

๓คภ๏ภค يقول...

سكرتى اللى مدوخاكى معايا انا بجد اسفة انا ماسمعتش تليفونك لما اتصلتى ومش معايا كريدت خلصان ع الدولى رصيدى :)

انا ككويسة حبيبتى مافييش حاجة ماتقلقيش عليا والله انا بخير بس شوية تعب وزهق وخنقة وهيروحوا لحالهم وزى ماقلت تعبت من كتر منا مابلحقش افرح

๓คภ๏ภค يقول...

تيمو .. بقالك كتير مش جيت كنت غطساااااااان فيييييييين ههههههه

اها راحت بحلوها ومرها .. وبنعمل للسنة الجديدة بس مش ايامى بتبقى سعيدة للاسف

يمكن يارب دعوتك ليا تجاب ادعيلى كتير الله يكرمك ومش تغيب وتغطس كده كتير

๓คภ๏ภค يقول...

د. عمرو .. علشان حالة الاحباط اللى انا فيها

بس والله من زهقى

قلت مش هابقى متشائمة وهابقى متفائلة ع الاخر بس مافيش فايدة الدنيا مصرة تعاندنى وتعبت من المقاوحة والله تعبت
ادعيلى ربنا يهدينى

๓คภ๏ภค يقول...

انتوا الاتنين واحد يا انجل احلى اختين بجد ويشرفنى ان اول تجربة لاية تكون عندى بوسيهالى وميرسى بجد ع متابعتك ليا

ادعولى ربنا يهدينى

 

ೋ واحــد شـاى ♨ Template by Ipietoon Blogger Template | Gift Idea