احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، ديسمبر 18، 2009

ان الله مع الصابرين اذا صبروا ...

من عمايل ايد .... мαησηα بالظبط الساعة 1:11 ص



زمان كانت الناس فاكرة ان الفلوس دى اصعب حاجة ممكن الواحد يلاقيها 

دلوقتى اكتشفت ان اصعب حاجة ممكن تلاقيها هى 

حد يحبك بجد ويخاف عليك بجد 

حد مش عايز يشتريك بفلوسه 

عايز يشتريك بقلبه 

حد يكونلك الامان والفرحة والاستقرار 

حد يكون سترك وغطاك 

حد يكون نصك يقبلك بمرك قبل حلوك 

حد يكون نفسه تكون انت سنده وهو يكون سندك 

حد يساعدك تقرب اوى من ربنا مش تبعد عنه 

للاسف صعب انك تلاقى ده 

بس انا مش هاستسلم ومش هاكون مجرد تحفة

يتباهى بيها شوال فلوس بيركب عربية وعنده فيلا

انا قوية وعندى مبدأ وهدف وهافضل عايشة لحد ما احقق هدفى ده 

انى اعيش مع نصى الحلو .. ع الحلوة والمرة 

انى اعرف اربى ولادى مع راجل يحترم عقليتى ويحترم ذاتى 

وهلاقيه مهما طالت الايام والسنين 

هلاقيه بدعائى لربنا اللى عمره ماهيخيب ظنى فيه 

هلاقيه بقوة ارادتى 

هلاقيه باملى ف ربنا اللى قال ان الله مع الذين صبروا 

وانا صبرت ولسه عندى استعداد اصبر 

الحمد لله 

ع كل حال .. الحمد لله ع نعمة الايمان والعقل والدين 

الحمد لله الذى لا يحمد ع مكروه سواه 

حمدا كثيرا طيبا مباركا فيه 

استحملونى مستنية قرار صعب ف حياتى 

وحالتى النفسية اندر زيرو بمليون درجة

9 داقوا الشاى وقالولى رأيهم:

Cute Kitty **sookra يقول...

منونه
ربنا يثبتك ياحبيبتى يارب
ويقويكى
وطبعا موش هاسالك ايه القرار الصعب دا
بس هادعيلك ربنا يسهلك الصعب
ويقويكى ياحبيبتى وتكملى وتلاقى حلمك وربنا يحققهولك يارب
منونه
وحشانى والله
ونفسى بجد اسمع صوتك
ربنا يفرج كربكويرزقك باللى بتتمنيه

Ahmed Fayez يقول...


عارفة ان كلمة (احقق ذاتي) دي بتخوف كتير من الشباب!
و كلمة (يحترم عقليتي) بتحسس الواحد ان ايامه هتبقى كلها نكد!

تخيلي لو واحد عاوز يتجوز واحدة و هو طول الوقت متخيلها فتحي سرور!

الكلام الكبير ده بيخوف.
مع ان بكل البساطة الراجل اللي بيحجر على كلمة الست. و الراجل اللي بيهين الست. و الراجل اللي مايهموش سعادة الست. دول قليلين.

افتكر الناس بقت بتخاف او بتكسل تدور على النص الحلو. و يمكن لما بيلاقوه بتكون نفسهم مسدودة و مش عاوزينه. و يمكن الناس تعبت و زهقت و مبقتش عاوزة حاجة.

تفاءلي و ابتسمي.
مفيش حاجة في الدنيا يستاهل البكا عليه و لا شيل الهم.
الدنيا بسيطة و تعقيدها من صنعنا. الواحد لو عاوز ينام و يستمتع و فيه حرب فوق دماغه هيقدر ينام و يستمتع.
لكن اللي عاوز يتخانق ممكن يتخانق مع دبان وشه.

Tamer Moghazy يقول...

ايه ده..؟؟
اول بق..؟؟
قصدي اول تعليق؟

Tamer Moghazy يقول...

ربنا يديلك على قد نيتك الحلوة دي وسلامتك الف سلامة من الحالة اللي تحت الصفر وربنا يديلك الحد اللي بتحلمي بيه ويقدر يوفر لك الامان والسعادة والدفء ويطلع بيك لفوق السحاب مش بس فوق الصفر :)

blue-wave يقول...

وانا متأكد ان طول ما دا تفكيرك
ربنا هايكرمك باللى بتحلمى بيه
وهافكرك بكلامى دا

мαησηα يقول...

تسلميلى يا سكرتى .. ربنا يكرمك ويسعدك انتى كمان

وسامحينى ف موضوع التليفون ده بجد مش قادرة افتحه اصلا تقدرى قولى خايفة افتحه تيجيلى مسج ما استحملهاش

ادعيلى ع قد مابتحبينى

мαησηα يقول...

احمد ..

مش قصدى احقق ذاتى يعنى اشتغل بالعكس انا من شروط جوازى ان ربنا يرزقنى براجل مايخلينيش اشتغل

انا بقول يحترم ذاتى ويعاملنى ع انى شريكته مش خدامة اشتراها بفلوسه

والله كلامك مظبوط الناس بقت بتكسل حتى تفكر ربنا يرحمنا

وهحاول اتفائل رغم ان السنة دى كانت اكتر سنة انا تفائلت فيها

وبردو مافيش فايدة ههههههه

تصدق باينى زهقت

мαησηα يقول...

تيمو لا تالت بق ههههههههههههه

يارب ربنا يرزقنا ويرزقك يارب

تسلملى ع الدعوات الجميلة دى

мαησηα يقول...

د. عمرو صدقنى هتكون اول المعزومين وع الله ساعتها تقولى مش جاى ههههههههههه

هاشتكيك لبنوتك انا بقولك اهو

ربنا يكرمك يا دكتور ويوفقك باذن الله

ادعيلى دائما ادعيلى

 

ೋ واحــد شـاى ♨ Template by Ipietoon Blogger Template | Gift Idea