احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، مارس 23، 2009

بنتى حبيبتى .. دايما رافعة راسى ...

من عمايل ايد .... мαησηα بالظبط الساعة 8:32 م



حبيبة قلبى وعنيا اول ماشافتنى الصبح

لقيتها جريت عليا واديتنى حضن كبيييييييييييير

وقالتلى كل سنة وانتى طيبة يا ميس منى

انا كنت تعبانة وماليش مزاج والله اروح وكان عندى احباط

لانهم قالولى مش جريئة ومش هتعرف تقول قدام الناس الحديث

وهتخاف زى السنة اللى فاتت

بس لما شفتها جت بدرى زيها زى اطفال العرض فرحت وحسيت انها

مش هتكسفنى

وهى رقيقة وصوتها هادى وكل ما اقولها سمعى يا سماء

تقوم تنكسف وتقول بصوت اهدى كمان من صوتها

وشيرين تقولى يا ربببببببببى عليكى حرام يا منى

دى حفلة وقدام ناس محترمة مش هزار ولا قدام الاطفال

وانا شوية وهعيط اقولها يابنتى ماهى زى العسل اهى

تقولى لأ .. انا هاحفظ زين

وخليكى انتى فى سماء انا مش هحفظها ولو طلعت فى الحفلة هتبقى ع مسئوليتك

واسمعلها وهى تقولى والله ما تخافى يا حبيبتى انا بحبك ومش هاكسفك

اول ما قالتلى كده بجد حسيت انى نفسى اوى

اخدها من باباها وماماتها اقولهم ماينفعش تسيبوهالى

حسيت انى مش عايزة حاجة من الدنيا الا سماء

****

وجه باباها ومامتها وباباها يقولها سماء

هتقولى حلو علشان نتفسح وهى تقوله

يابابا ما تقلقش انا هاقول زى ما انت حفظتنى

ويقولها انا عارف بنتى حبيبتى دايما رافعة راسى

مامتها اعصابها كانت بايظة مش قادرة تنطق ههههههههه

****

وحانت اللحظة الحاسمة

وطلعت اجمل بنوتة على المسرح وقالت الحديث الشريف

والبنت ماشاء الله عليها

صوتها معرفش بقى قوى وواضح جدااااااااااا

لدرجة انها اول ماخلصت لقيت الناس بيخطفوها منى

ويشدوها وانا اقولهم ايه بنتى ابعدواااااا

واخدتها فى حضنى وانا بدمع والله من فرحتى بيها

ربنا يحميها ويحفظها ويكرمها واشوفها احلى وارق بنوتة شفتها فى حياتى

****

والحمد لله خدت العين التمام وهى بتتفسح وقعت

واتخبطت خبطة جامدة اصلا المرجيحة فكت وهى عليها وكات هتروح فيها

وسخنت وتعبت

اعوذ بالله من عين الحساد

الحمد لله انها جت ع قد كده

****

اه نسيت اقول انها الوحيدة اللى جابتلى هدية عيد الام

جابتلى ساعة رقيقة اوى حبيبة قلبى ربنا يحميها يارب



3 داقوا الشاى وقالولى رأيهم:

david santos يقول...

Excellent posting. I love it! Happy day!!!

мαησηα يقول...

بما انك شكلك بتفهم عربى ..

وانا عدوى اللدود الانجليزى وبالكاد

فهمت ان البوست عجبك

فانا بشكرك جزيل الشكر ع

تعليقك ومرورك العطر

واتمنى انها ماتكونش اخر مرة ..

واتمنى انك تكون استمعت بمرورك هنا

غير معرف يقول...

جميله منونا
ربنا يوفقك وتكتبي حاجات حلوه
حاولي تالفي قصص قصيره
وحستني تاليفك

 

ೋ واحــد شـاى ♨ Template by Ipietoon Blogger Template | Gift Idea