احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، فبراير 14، 2011

كل يوم واحنا ف حب مصر غرقانين ..

من عمايل ايد .... мαησηα بالظبط الساعة 10:27 م



انا بحب الحب ف اى يوم وف اى وقت 

بحس انه هو اللى بيخلى الواحد يقوم من نومه الصبح 

لو ماكنتش بتحب حياتك ماكنتش صحيت 

مش لازم يكون ليه يوم معين ومش

بقول لاصحابى ف يوم الفلانتين 

او يوم الحب المصرى كل سنة وانتوا طيبين 

علشان اليوم ده 

لا انا بحسه تجديد او وقفة مع النفس شوية 

اللى بيكره حاجة يفكر بيكرهها ليه 

ولو حبها ايه اللى هيخسره

لما كنت ف المدرسة كنت بشترى بمصروفى كامل

بونبونى واشتريه من الرخيص علشان يبقى كتيييييير 

وطول ما انا ماشية اوزع عالناس بونبونات 

لما دخلت جامعة عملت نفس الحكاية 

لقيتهم بيقوللوى ف الجامعة ناس كتير 

اغلبهم مش اصحابى بس بيحبونى من غير مايعرفونى 

قالولى ان البونبوناية دى كانت بترفع من روحهم المعنوية

اوى كانت بتخليهم لو زعلانين يفرحوا

لو محبطين يبقى ف امل عندهم 

انا كنت بعمل كده علشان 

كنت عايزة كل النااس تحب بعضها

مش يحبونى انا 

والله على ماقول شهيد 

لما رحت الشغل السنة

اللى اشتغلنا فيها بحب كلنا كانت

من انجح السنين قعدت احاول اخليهم يحبوا 

بعض بس للاسف دايما الكره والانانية والغيرة 

بتنتصر

او يمكن انا كان نفسى قصير اوى 

ف الشغل ماكملتش

لما لقيت مابقاش فيه حب 

والله على ما اقول شهيد 




مصر وكل الفساد اللى حصل فيها 

كان لاننا مكناش بنحب مصر

حبينا الكرة ونسينا مصر

حبينا  الممثليين ونسينا مصر

حبينا نفسنا ونسينا مصر 

حبينا الانانية  ونسينا مصر 

علشان كده مصر  اوحشت وعجزت شوية 

بس الحمد لله فوقنا ورجعناها 

لابسة توب الشباب من تانى 

انا مابخرجش بس هاسالكم انتوا اكيد شايفين الفرحة 

اللى ف عيون كل المصريين عارفين دى ليه ؟

علشان رجعنا نحب مصر 

عيون كل الفرحانين دى عيون مصر المليانة حب 

عارفين يوم الخميس اللى قبل النصر مافرحناش ليه؟ 

مع اننا كنا مستنينها علشان ربنا 

كان مستنى يشوفنا بجد بنحب مصر

ولا بنعمل كده علشان نفسنا 

ولما حبيناها بجد وزعلنا علشانها بجد 

وبكينا  كلنا قولنا يارب

من قلوبنا وكلنا وقتها اخلصنا النية

والحب لمصر ربنا نصرنا 

والله اعلم انه مجرد تخمين



النهاردة يوم الحب العالمى

جاية اقولكم تعالوا نحب 

مصر بجد 

نجدد حبنا ليها بصدق من قلوبنا مش مجاملة 

وبينا ومعانا الحب هنخلى مصر جنة 

يندم عليها اللى فاتها 

اتمنى ان دعوتى توصل لكل مصرى
وكل يوم واحنا ف حب مصر غرقانين
اما انا  بحب مصر بجد وهاعمل كل اللى هاقدر عليه
علشان تفضل مصر حرة 

فوق جبين الدهر

اغلى درة
والله على ما اقول شهيد 




21 داقوا الشاى وقالولى رأيهم:

Ramy يقول...

(:

بقالى فترة معلقتش

جيت و مصمم ع التعليق

و البوست اجبرنى ع التعليق

و هنفضل غرقانين فى حبها

كل سنة و كلنا فى الحب دة غرقانين

و ربنا يحقق لك كل أمانيكى

أختنا العزيزة منونا (:

فراشة يقول...

وانا عايزة أقولك اني بحبك قوووووي
من قبل الكلام دا والله على ما اقول شهيد :)

يارب يفرح قلبك يا منونتي يارب
واشوفك فرحانه بحق مانتي بتحبي الناس كلها

ربنا يخليكي لكل اللي بتحبيهم
ويخليكي ليا

بحبك ف الله

Baskouta يقول...

انا بحبك يا منونة
ودلوقت بحبك اكتر
:)
انتي اكيد عارفة

Baskouta يقول...

وبما انك بتعتبري التعليقات
هي السكر اللي بيحلي الشاي
فانا هعمل كومنت كمان
علشان يبقا معلقتين سكر
صحيح انا مش بشرب شاي
بس معلقتين سكر يبقوا تمام

انتي عارفة لهفتك عليا النهاردة دي
فرقت معايا قد ايه
طيب والله يا نونتي مش لاقية كلام يوفيكي حقك
هدعيلك بس زي ما وعدتك
علشان تعملي ثورة
ثورة ثورة حتى النصر
هههههههههه
:)

Baskouta يقول...

ممكن كمان اعملك احتياطي من السكر
زي الدول كدة عندها احتياطي
انتي كمان يبقى عندك احتياطي من السكر والبسكوت
اصل محدش عارف الايام الجاية فيها ايه
وعندك واحد تعليق تالت
علشان الاحتياطي البسكوتي السكري

انتي وحشتيني على فكرة

منونة
هسألك سؤال وتعترفي
لازم تعترفي
لان الاعتراف قبل 25 يناير غير الاعتراف بعد 25 يناير
الاعتراف دلوقت بالبسكوت
والسكر
نيجي بقا للسؤال:
هو انت ازاي كدة؟؟؟

انتي ازاي رقيقة كدة؟؟؟

Baskouta يقول...

انا هنااااا تاني
بعمل ايه؟؟
لا مبعملش حاجة؟؟؟

مستنية الاجابة بس

وبدور على حاجة تانية تتشرب في مدونتك
اصلي يا بيبي مش بشرب شاي
اعمل ايه
بليز ابقي اعملي حسابي في عصير

ميرسي
:)

Baskouta يقول...

اااااه
وبما اني مشردة
والفيس بوكي ضايع مني
فانا لاجئة عندك
ما اصل انتي الوحيدة اللى كنتي بتعبريني على الفيس توك
فجيتلك هنا بقا
مانا وراكي وراكي
هتروحي مني فين
؟؟؟
تعرفي مفتقدة
الجروب بتاعنا موت

كنت ببقا متاكدة انى بكلمك وهتردي عليا ... اي وقت بس المهم هتردي

وحشتيني كلاكيت عاااااشر مرة

Baskouta يقول...

وادي تعليق كمان

لالا مفيش اي حاجة يعني
انا بس كنت جاية اقولك انى خلصت تعليقات
يلا سلام بقا

model يقول...

كلنا بنحب بلدنا و الغريب ان العالك العربي كله طلع بيحبها جدا
ربنا ينصرنا و يولي من يصلح
تسلم ايدك

موديل

عاشــــــ النقاب ـقــــة"نونو" يقول...

ربنا يبارك لك يا جميلة ويجزيكي كل الخير

мαησηα يقول...

رامى ..

:) ولكم باك

تسلم يارب وربنا مايحرمنا

من تعليقاتك ابدااااااااا

يا رامى

يارب نغرق كمان وكمان ف حب مصر

كل سنة وانت بخير وطيب ويارب السنة

الجاية بقه تبقى معا حبيبتك

ياااااااارب

وانت كمان يارب :)

ماتغيبش عننا

мαησηα يقول...

فراشتى ..

منمن حبيبتى

هههههه ونا عارفة والله يا منمن وانا كمان بحبك جدااااا وربى الاعلم يا قمرتى


وانتى كمان يارب يا حبيبتى اشوفك اسعد قلب ف الدنيا يارب

تسلميلى حبيبتى يارب ويخليكى ليا مش بيحرمنى منك ابدااااا

احبك الذى احببتنى فيه

:* :*:*:*:*

мαησηα يقول...

بسكوتى

الجميلة جداااااا

انا مش عارفة اقولك ايه ع كومينتاتك الحلوة دى بجد

خليتينى دمعت

ياحبيبتى والله نورتى وكتير عليا كلامك الحلو ده بجد تسلميلى وربنا مش يحرمنى منك ابداااااا يارب

وحاضر يا ستى هامل حسابك بعد كده ف عصير مانجاااااااا

اممم هاعترف يابيه من قبل اول قلم .. والله يا بسكوتى انا ولا رقيقة ولا نيلة انتى بس علشان مش شوفتينى قبل كده لما تتعاملى معايا هتلاقى حد تانى خاااااااالص بعيد عنك يا اوختى ههه

انتى كمان وحشتينى جداااااااا جداااااااا

انا جاى قريب مش تقلقى

بحبك انا

мαησηα يقول...

موديل ..

اه معاكى حق كلنا بنحبها وحتى العالم العربى كمان كله وهى تستاهل يا موديل

يارب اللهم امييييين

تسلميلى يا قمر

мαησηα يقول...

نونو ..

ازيك وحشتينى جدااااااا

يارب تكونى بالف خير يا حبيبتى

ويبارك فيكى يا قمر

ahmed_k يقول...

طب أنا مليش دعوه انا عايز بونبونايه من اللي كنتي بتوزعيهم ،
وفعلا بدون الحب يتحول المجتمع لمجتمع فاشل ومتأخر
لذلك ديننا الحنيف أكد على الوسائل التي تنشر الحب بين أفراد المجتمع فقد قال النبي عليه الصلاة والسلام ( أفلا ادلكم على شيئ إذا فعلتموه تحاببتم ، أفشوا السلام بينكم )
موضوع رائع اهنئك عليه
خالص تحياتي

حلم بيعافر يقول...

لازم نحافظ على مكاسب الثورة ومنرجعش ورااااااااااااااااااااااااااااااا


يعنى نحب قدام ونكره ورا

والله على ما اقول شهيد

حلم بيعافر يقول...

برضه عاملة موديريشن؟


حسبى الله ونعم الوكيل

мαησηα يقول...

احمد ..

هههههههههه

عدى علينا بكرة طيب هههه

صدقت وصدق رسول الله صلى الله عليه وسلم

تسلملى يارب مرورك اروع

мαησηα يقول...

تميمى ..

هههههه صح يا تميمى بس ف مقولة لاحلام مستغانمى بتقولك ايه ؟

ما تكرهمش اصل كون انك تكرهم يعنى بتعترف بوجودهم وانا بعتبرهم انتهوا اتمسحوا من حياتى فلا بكرهم ولا بحبهم

نسيتهم تعالى ننساهم ونحب بكرة الحلو ومصر الحلوة


والله انت بتنورلى واحد شاى

والله ع ما اقول شهيد

мαησηα يقول...

تميمى .. لزمن اعمل مودريشن اسيبها سبهللة كده وحد يرمى حاجة تأذيكم يعنى ماينفعش خصوصا انى اوقات كتير مش بقدر اتابع المدونة

 

ೋ واحــد شـاى ♨ Template by Ipietoon Blogger Template | Gift Idea