احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، يوليو 29، 2010

شئ ف قلــــــبى ..

من عمايل ايد .... мαησηα بالظبط الساعة 5:52 ص

فجر الخميس 29 / 7 / 2010





معرفش فيه ايه بس بقالى تقريبا اسبوع

حاجة خنقانى معرفش هى ايه ؟

حاجة مخليانى قلبى موجوع اوى

بقالى اسبوع ماببكيش

حتى ف وفاة جدتى

عيونى وارمة كأنى كنت ببكى

وصوتى ضايع ومش قادرة اقوم اقف

فاقدة احساس الوجود

انى اكون كائن موجود

عمالة افتكر ف حاجات حلوة حصلتلى

مع ناس افترقت انا وهما

قرايب واصحاب جامعة واصحاب شغل واصحاب نت

بحاول اضحك واخرج نفسى من اللى انا فيه ده

مش عارفة اخرج

محبوووسة جوه قفص الحزن والخنقة دى

زعلانة ومخنوقة ع ناس بحبهم اوى

مخنوقيين وحصلتلهم حاجات مزعلاهم

ومش عارفة اعملهم حاجة

عارفين حتى مش قادرة اسمعهم زى زمان

كنت زمان بسمعهم

مش قادرة استقبل لوم ولا عتاب ولا شكوى من اى حد

النهاردة جبت اسمائهم وحطيت الحالة اللى هما فيها

كلهم مخنوقيين

طيب يمكن تكون خنقتى دى ببسببهم

اصل انا كده اى حد بعرفه بيبقى ف وصلة غريبة

بينى وبين قلبه

وعقله

لو متضايق او مخنوق بحس بيه اوى

تخيلوا انا كده مع كل اصحابى وكلهم تعبانين

يكونش هو ده السبب

طيب اعملهم ايه علشان يرتاحوا وبالتالى ارتاح انا ؟

اول مرة اكره الصيف ..

 المرة دى جاى كئيب ورخم وطويل وحزيييييييييييين اوى

اوى اوى

يارب يارب بحق اسمك المرفوع ف كل مكان دلوقتى

بحق فجر اليوم الجميل ده

خفف عن كل اللى جوه قلبى احزانهم وهموهم

افرجها عليهم يا كريم

يسر امورهم واطرح الفرحة ف ايامهم اللى جاية

يارب اهديهم للخير

يارب وفقهم وبارك ف رزقهم

يارب ارزقهم رزق حلال طيب يغنيهم ويعافيهم ويرضيهم

يارب انت الوحيد العالم بحالهم وحالى

حقق لنا كل اللى بنتمناه واجعلنا الخير ف كل خطوة نخطيها

يارب انت عارف بحبهم قد ايه

ع قد حبى ليهم اديهم فرح وهنا

يارب اللهم اميييييييييييييييييييييين



----------

اخواتى .. يا اصحابى .. ارجوكم افرحوا وغيروا المود ده

ارجوكم هونوا ع نفسكم

يا اخواتى الهم بياكل عمرنا وهو اصلا قصير مش ناقص اكلان

ارجوكم فوقوا منه قبل ما نصبح نلاقيه قافل ع قلوبنا


******



شيروه علشان يوصل لكل حبايبى

 ساعدونى اتخلص من الوجع اللى ف  قلبى


انا بحبكم ف الله جدااااااااا جدااااااااااااا

ربى يجعل صباحكم ســــــكـــــــر





 

16 داقوا الشاى وقالولى رأيهم:

Noha Saleh يقول...

لاحول ولا قوة الا بالله
يعنى يوم مالاقى البوست اللى باتمناه يبقى بالشكل ده
انتى انسانة جميلة اوى والله بجد
عارفة انا كمان بقالى فترة مخنوقة ومكتئبة لدرجة انى احيانا بحس انى بدور على الحاجات اللى تزعلنى وافتكرها
هقولك حاجة يمكن اكون مش بطبقها على نفسى بس هو المفروض انه يحصل
اننا لازم نعيش اللحظة زى ماهى خصوصا لو حلوة نعيشها فى وقتها وننبسط لكن احنا مش بنعمل كده للاسف بندور على اللى يزعلنا ونفكر فيه

ربنا يريح بالنا وبال اللى بنحبهم ويفرجها علينا وعليهم ومايجعلنا نحزن ابدا يارب

Ramy يقول...

يا رب أكون الأول

صباح الخير أختى العزيزة

عارف هتقولى انت لسة كاتب فى الفيس

لالا بس المدونة ليها وضع خاص (:

يا رب يديكى على قد دعواتك الجميلة و قلبك الطيب

منى لو قريتى حاجة عندى متضايقيش أرجوكى بس المدونة هى المكان الوحيد اللى بيربطنى بيها

انا صدقينى مش مضايق

بس بكلمها من المدونة يمكن يوم تحن عليا

اختى العزيزة

هسيبك دلوقت فى حفظ الله

و انا على وشى ابتسامة

صدقينى

و يا رب يكون عندك نفس الأبتسامة (:

ربنا معاكى و يوفقك دايما

العلم نور يقول...

أحيانا تصبح الأحزان هي المنفذ الوحيد لنا رغم اختناق الدموع كان الله في عونك وفرج همك وهم كل المسلمين اللهم آمين

راء يقول...

على فكرة انتي جميلة اوي

اللهم امين

sony2000 يقول...

لاتقلقي
فتره وتعدي بأذن الله
يارب
اللهم امين

أنا - الريس يقول...

بعد السلام والتحية
ربنا يخفف عنك انتي وكل معارفك وكل الناس
ويهدي كل الناس .
انا مش عارف هل هنا وقت للنصح ولا لاء
بص نصحيتي حجتين
في أوقات مش كويس نفكر كتير ثانيا افصلي دماغك حاليا واقطعي المية والكهربا عن اللي شغك ومزعلك ايا كان وانا عارف انه صعب بس بالتدريب هتعملي اللي انتي عايزها وبالتوفيق
ولو عايزة تنسطي وتخرجي من مودك ساعدي اي حد من الناس تقدر تسعيده مساعدك عينية ولا شعورية .
ربنا يخفف عنك .. ودي ظروف اعتقادي اني مريت بيها في وفات ستي بس امر الله الإيام بتخفيف جميع الآلام ولله المنه والحمد

Unknown يقول...

آآآآآمين يا رب...

غير معرف يقول...

شايك ماله طعمه مر ليه المره دى
انا مريت بجد بكل ده وباللى اصعب منه
اولا البقاء لله البركه فيكم انشالله
بجد فوقى حاولى تخرجى
اقولك نصيحه مجربه لما تحس بالمود ده اقعدى فى البانيو كتير فى مايه فاتره بجد ها ترتاحى اوى
واخرجى وتوكلى على الله وانسى التفكير
ربنا يطمناعليكى يارب
تحياتى

رحاب صالح يقول...

صباحك ورد
اولا بشكرك لزيارتك مدونتي
بس انا علي فكرة زرت مدونتك قبل كدة بس مش علقت فيها لان النت كان عندي بطيء ودلوقت غيرت الشركة وبقي تمام يعني شوية مش اوووي
بجد حاسة بكلامك اوووي يمكن انت زي حالاتي في انك حساسة شوية كتير وبتزعلي لزعل اصحابك واحبابك
بتمنالك كل الخير ويارب ترجعي بحاجة كويسة علي الايام الجاية تخلينا فرحانين لفرحك
تحياتي

sara draz يقول...

نفس الشئ اللى فى قلبى والله يا منى
اللهم امين يارب
...
ان شاء الله تبقى فترة قصيرة وتعدى
وركعتين فى جوف الليل لربنا هيخففوا كتير
لانه الوحيد اللى عالم بحالنا
اكتر من اى حد
حتى اكتر من نفسنا
..
حاولى تعيطى يا منى وتطلعى اللى جواكى
متكتميش عشان متتعبيش
..
ربنا يهون عليكى وعلينا يارب
^_^

سَارةٌ يقول...

إيه ده يامنوونه .. هيا شوطة الإكتئاب والخنقه وصلتلك انتي كمان ..

هيا شكلها فتره نكد كده وهتعدي ..

وهيا دي مصر بداية الحكايه .. :(:(

ربنـآ يخفف عن كل النـآس يااارب .. ومش لايق عليكي النكد ده ..

الناس خدت عليكي وانتي مفرفشه وبتضحكي .. يلا ابتسمي كده .. مش صعبه ..!!

وربنا يهونها علينـآ .. :)

لــــ زهــــــراء ــــولا يقول...

افرجها عليهم يا كريم

يسر امورهم واطرح الفرحة ف ايامهم اللى جاية

يارب اهديهم للخير

يارب وفقهم وبارك ف رزقهم

يارب ارزقهم رزق حلال طيب يغنيهم ويعافيهم ويرضيهم

يارب انت الوحيد العالم بحالهم وحالى

" اللهم امين يارب العالمين ويفرج هم كل مضايق ويفك كرب كل مكروب ..البقاء الله "
لولا

محمد التركى يقول...

السلام عليكم ورحمه الله وبركاته

أيه ياستى بس الحزن ده كله
ليه كده
براحه على نفسك وأعصابك وقلبك
أولآ أعزيكى فى وفاه جدتك البقاء لله وحده ربنا يرحمها ويدخلها أعلى جناته الفردوس بأذنه ورحمته ويرحم جميع أمواتنا وأموات المسلمين

ثانيا ياستى أنا جاى والله العظيم ووحشانى جدا جدا مدونتك ومن الاخر جاى مخنوق قولت لما أدخل عند مانون وأشرب واحد شاى زاى كل مره
بس قولت المره دى هشرب بتاع أتنين ثلاثه كده علشان أعوض المده اللى فاتت اللى ماكنتش بادخل النت فيها

وبعدين جبتك ياعبد الموعين تعنيى
لقيتك ياعبدو تتعاااااااااااان

طيب وبعدين ايه الحل
شوفى لما أقولك حاجه أنتى طيبه جدا وحساسه جدا وشاعريه بدرجه عاليه جدا
علشان كده بتحسى بكل اللى حواليكى وكل أصحابك وحبايبك وقرايبك
وده فى حد ذاته شئ جميل
بس متعب جدا ومرهق
الحل أنك تتناسى وتعملى زى ما انتى قولتى كده تفتكرى حاجلت حلوة وأنسى الوحش اللى فيها من فراق وزعل وخيانه لو فيه
هتلاقى الدنيا حلوة ولو لمده ساعه كل يوم
ثم على حد علمى أنك بتشتغلى ووظفتك مديره مش صح ولا ايه
ياعنى بتجيبى وقت منين لكل اللى انتى بتحكى فيه ده ده كفايه الشغل عليكى
الله يكون فى عونك

ربنا يبعد الحزن والكرب عن قلبك وقلب اللى فى قلبك
ويجعل أيامك كلها حلوة وسعاده

تقلبى مرورى اللى مش هينتهى بأذن الله

ومتشكرين على الشاى اللى مشربتهوش المره ديه
مستنى زيارتك ومتشوق جدا لرأيك

ودى وحبى وتقديرى لقلبك الحساس,,

ليس فقيرا من يحب يقول...

ايه يا رقيق مالك

يابت هى حاله اصلا منتشرة وماليه الجو

محدش عارف يخرج منها

والوجع والالم ده شىء حتمى علينا

ربنا يسعد ايامك ويريح بالك

وميحرمكيش من كل حبايبك

Alaasalim2 يقول...

السلام عليكم

فعلا معاكي حق لما قلتي إن الآحزان بتاكل العمر والعمر مش ناقص

إحساسك بالناس شيئ جميل لكن حاولي تخليه مش يأثر عليكي بالشكل دا لأن الإنسان بيتحمل همومه بالعافيه فما بالك بهموم كل اللي حواليه

أتمنالك السعاده انتي و كل الناس اللي بتحبيهم وبيحبوكي

ghada mOhsen يقول...

بجد قلبك خيّر كتير ...

وإنتي جميله أوووي ..

من حُبي فيكي إللي نمى بسرعه نفسي أشوفك في أقرب فرصه بجد ...

ربنا يسعد قلبك وأيامك ...

ربنا يطمن قلبك ويريح بالك على كل واحد بتحبيه وتهتمي لأمره ...

لأن فعلا الصيف ده غريب .. بس كلها ايام ربنا وضروري نقضيها بالطول والعرض وبكل إراده كمان ...

بجد ربنا يملي قلبك حب كمان وكمان ويملي حياتك سعاده وخير
وكل سنه وإنتي طيبه يارب
^_^

 

ೋ واحــد شـاى ♨ Template by Ipietoon Blogger Template | Gift Idea