احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، أغسطس 02، 2010

تتر النهاية ..

من عمايل ايد .... мαησηα بالظبط الساعة 1:37 م






سالخير عليكوا

اخبار الاكتئاب ايه ؟ ان شاء الله يارب يكون

جاله وباء ومشى من عندكم

النهاردة شايفة الناس سعيدة كده ياهادى يارب

مافيش حاجة اقولها غير انى بقيت قليلة الزوق بشكل

بشع بسبب عدم الرد ع التعليقات

حوشتهم وقلت مش هانشر الا لما ارد ع التعليقات

السابقة لكن واضح انى بقيت كسولة جداااااا

******

نهى صالح هاكتبلك بوست طويل

ماتقلقيش حبيبتى الايام جاية كتير

ولو نفسك تشوفى طويل

قلبى ف الكوبايات القديمة هتلاقى طويل بالهبل

*********

فاتيما ف بوست بخصوصك هينزل يعنى هينزل

وهتخرجى من مود الاكتئاب يعنى هتخرجى ايون

منونتك قمورتك حطتك ف دماغها

هههههههههههه

*********


"ثمة نوعان من الشقاء.

الأول الا تحصل على ما تتمناه.

والثاني أن يأتيك وقد تأخر الوقت

وتغيرت أنت

وتغيرت الامنيات

بعد ان تكون فد شقيت بسببها بضع سنوات

"— أحلام مستغانمي

للاسف كلام مظبوط مية مية


**********

رسالة الى كل حبيب فارق حبيبته علشان

مايسمى بالظروف

نفسى تعرف انه جميل اوى انك تتعب وتلاقى

حد جنبك مقدر تعبك

نفسى تعرف ان شقة حبيبتك ومستواها اللى باباها

معيشها فيه دلوقتى

ما اتولدتش لقت نفسها فيه

نفسى تعرف انك وانت بعيد عنها

بتتعبها اكتر من وانت قريب منها ومحسسها

 انك بتتعب علشانها

وهتوصل علشانها

نفسى تفهم انها علشان بتحبك ممكن اوى

تتنازل عن حاجات كتير انت متخيل ان حياتها

بدونها صعبة

نفسى تفهم ان لما تيجى ف اخر اليوم وتقولها

 كلمة حلوة مش شرط كلمة حب

حتى لو قلتلها شكرا بس صدقنى دى عندها احسن

 من شقة ع النيل وعربية اخر موديل

يارجاله نفسى تفهموا معنى جملة

 " رفقا بالقوارير "


*******


تتر النهاية

دى حتة حلوة اوى من ميسرة صلاح الدين

انا حبيت اقولها لحد معين

ويارب توصله


 " مكنتش فيكى المشكلة

ولا فى الظروف الصعبة

ولا طيش الشباب

المشكلة فيا أنا

أنا والنهايات السعيدة مش صحاب "


*********

ادى كل الحكاية المشكلة مش فيك  ولا ف الظروف انا

 اللى عمرى ما هاصاحب النهايات السعيدة وعلشان كده

انا خلاص وقفت ومش هادخل ف اى حكايات

اوفر ع نفسى التجربة مادمت عارفة اخرتها

 

******






خلص يوليـــــــــو :) 

وبدا اغسطس :) 

وانا لـــــــسه .. 

بردو لــــــــسه .. 

مهمـــا حصل لســـــه :)

*****

بحبكم علشان مستحملنى اوى

بحكبم علشان كل اللى بعمله فيكم ومعاكم ولسه

واقفين جنبى

ربنا مايحرمنى منكم ابدااااااا

*********

8 داقوا الشاى وقالولى رأيهم:

أنا - الريس يقول...

بعد السلام والتحايا
هرد وبرضوا قلبي هيفضل جوايا
الردود الله يكون في العون وانا بالمثل
والله واتمني انها متكونش بتزعل الناس .

ثانيا انا معرفش غير فاتيما في المدونين المذكورين بس والله تستاهل كل خير ويارب لا يمر علي بيتها الحزن وكذلك الجمع قادر ياكريم .

أما الإكتئاب يعني بنحاول نقاول وبتسم ونضحك ونهئهئ واحب أقوله مهزوم يا ولدي مهزوم .

أما بقي الحبيبه انا لا اعترف بالحب قبل الزواج لذا اتمني أن يكون كل إنسانين بيحبوا بعض إنهم يتجوزا ولو متجوزين أتمني أنهم يعشوا سعداء حتي مقابلة الكريم .

تحياتي

غير معرف يقول...

منونه صباحك جميل
يارب تكونى احسن وبخيررررر

مش تقولى كدا على نفسك كل واحد فينا عنده ظروف واحنا مقدرين
المهم انك فى الاخر بتيجى وتنورينا تانى
ربنا يديم كل الحب بينا يا اهل البلوجرررررررررر

من اصعب شىء على الانسان عدم حصوله على اللى بيتمناه ونفسه فيه اون ان اللى بيتمناه يجي لحد عنده ويكون هو فعلا خااالص الظوف وكل حاجه اتغيرت يا اما هو نفسه اتغير

معدله صعبه

اما بخصوص فاتيما ربنا يسعدها يارب وتخرج من اللى هى فيه ويرجع يوسف لحضنها يارب وتعيش سعيده مع اللى يتمناه قلبها وهى فعلا تستاهل بوست لانها مش بتنسى حد فى فرحه او حزنه
ربنا معاها ويكرمها كل الخير

وانتى كمان والله من غير ما اشوفك حبيتك من كلامك
ولا يحرمنا منك يارب
دمتى فى حفظ الرحمن

فاتيما يقول...

مكنتش فيكى المشكلة

ولا فى الظروف الصعبة

ولا طيش الشباب

المشكلة فيا أنا

أنا والنهايات السعيدة مش صحاب


تحفففففففة يا منونتى
و يا حبيبتى انا كويسة
و مفيش كآبة و لا حاجة

كل ما هنالك
انى انا زى حالاتك
انا و النهايات السعيدة
برضو مش اصحاب

بس و اللله انا ما زعلانة خالص
أصل كل نهاية و ليها صاحبها
اللى شبهها و بتاعها مينفعش يكون لغيرها و لا هى لغيره

المهم تكونى انتى بخير

و القصة بتاعت الشقة و القوارير اشاركك فيها قلباً و قالبا

و عاوزة اقولك حاجة اكتشفتها

ان غالبا تذهب اغلى الأشياء
لمن يهدرها

بينما من يقدر قيمتها
بينها و بينه الف حجاب

و سبحان الله
له ف ذلك حكمة
يمكن عشان البنى آدم بالخسارة
بيتعلم اكتر
بينما المكاسب سهلة
و مبتعلمشى حد حاجة
يمكن بتبوظه و تفسد روحه غالبا
و تخليه يحس انه فوق الناس
و ان دا العادى


الله اعلم
ادينى بخطرف معاكى

خلى بالك من نفسك يا ريت

امبارح النور قطع
فإفتكرتك ..و قولت ادينى بتضامن مع منونتى قمورتى اهو ..اشمعنى عندهم بس ؟

بوسات و حضونات يا حبيبتى
و سلامى لماما و سارة

sara draz يقول...

احلام مستغانمى
كل ما ادخل عند حد الاقيه كاتبلها حاجة
من الواضح انها تستحق الاهتمام ده فعلا
لازم اقرالها حاجة..^_^
وجميلة اوى رسالة الى كل حبيب
عندك حق طبعا..
وبوست جميل ^_^
ودمتى مبسووطة وبعيدة عن الاوكتئاب..^_^
وكل سنة وانتى طييييييبة

Ramy يقول...

أختى العزيزة
(:

أزيك يا رب تكونى فى أحسن حال

كلنا كسلانين

و انا من امام شاشة الكومبيوتر ليكى

تصريح بعدم الرد ع الكومنت مش هزعل ابدا صدقينى
(:

بس مش علطول ها (:(:

أكيد نهى صالح جديدة فى المدونة

بس عارفة هى أكيد حبت بوستاتك و مكنتش عاوزة تسبها

فأكيد طلبت بوستات أطول علشان تعيش أكتر معاكى (:

فاتيما مامت يوسف

عارفة يا أختى انتى ليكى كل الشكر أنى أكون عرفت

حد زى فاتيما

بجد عارفة أنسانة محترمة أنا عزتها من كلمها و من حب كل المدونين فيها

ومن حبه ربه حبب فى عباده

و هى ربنا بيحبها

من حبها ليوسف أحنا حبيناه

أه صحيح هو ابنها و دة طبيعى

بس مش عارف أنا حاسس حبها ليه حب مش عادى (:

و مستنين بوست فاتيما

(:
***********


يا خوفى من كلام أحلام مستغانمى

هى أسمها ليه كده (:(:(:
****************************

طب أقولها أيه تانى يا أختى

والله هشيل قواررها جوى عيونى (:(:(:

هى تجربنى كده فى قارور واحد و نشوف
هههههههه

*****************

لا يا يأختى متقوليش كدة أبدا

النهايات السعيدة مستنية الحاجات الكويسه اللى تستحقيها

صدقينى ربنا مخليلك الأحسن

و أحنا صدقينى يا أختى العزيزة بنعزك جدا جدا

ربنا معاكى دايما و يوفقك

و بعدين بتعملى فينا أية

أوعى تكونى بتدعى علينا (:(:(:

يارب يجبلك خيرك فى اقرب من ما تتخيلى

دايما سعيدة و متفائلة يا رب

سلامنا للأميرة سارة و مبروك توزيع الكتاب فى القاهرة و يا رب يكون فى حفل توقيع كتاب

علشان نشوفكم قريب تانى (:

و نشوف حبايبنا اللى فى القاهرة (:

ربنا يوفقكم دايما

أع ـقل مـ ج ـنـونــة يقول...

بوست جميل يامنونتي
بس شامة ريحة حزن فيه !!!

يارب تكوني بخير ياحبيبتي

كل سنة وانتي طيبة

خواطر شابة يقول...

تفائلوا بالخير تجدوه فلنتوقع النهايات السعيدة لننجح بدون هذا الامل سنتوقف وستقد الحياة متعتها ولذتها
دمت بكل ود عزيزتي ورمضان كريم

Kiara يقول...

اه والله معاكي حق خالث

بحبك وربنا يسعدك يامنوووووووون

 

ೋ واحــد شـاى ♨ Template by Ipietoon Blogger Template | Gift Idea