احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، يناير 17، 2010

طيب ليه كده ؟؟

من عمايل ايد .... мαησηα بالظبط الساعة 8:18 م





سالخير عليكوووووووووا

ازيكوا يارب تكونوا دايما بخير 

احب اولا اطمن الناس ع سموى 

ههههههه انا الحمد لله بخير 

بس يظهر هى الشتاء اللى بتعمل فيا كده 

عاااااااااااااااااااااااااااااااااااااااااااااااا

انا بكره الشتاء زى ما بكره اسرائيل بالظبط

المهم ماعلينا ندخل ف عماميك الموضوع 

الموضوع هو اننا ليه كلنا كده على بعض شبه بعض اوى 

بصوا بجد انا حسيت انى حاجة من اتنيين يا اما انا شخصيتى مش واضحة لنفسى 

يا اما بردو انا مش فهمانى مثلا ..  ممكن ليه لأ 

السبب الوحيد اللى  خلانى يبقى ليا مدونة انى حبيت الجو ده 

وحبيته علشان لقيت ناس كتير شبهى اوى اوى بشكل بجد مبالغ فيه 

كنت بفتكرنى انا لوحدى كده وبعدين اديت لينك لواحدة صاحبتى تقراه 

مش مدونتى ع فكرة لأ مدونة هاجر زعبل 

لقيتها بتقولى ايه الاسم الغريب اللى مسمية نفسك بيه ده 

ولقيت بجد مش هى لوحدها بتقولى دى شبهك

انا ف ناس تعرف عنى حاجات انتوا ماتعرفوهاش

هاجر حكياها بالتفصيل الممل حصلتلها بس هى

كمان حصلتلى والله بجد انا اصلا زهلت من الشبه القوى ده بيننا

مش كشخصية لا كاحداث بنمر بيها  ف الحياة

ولو انى بجد كنت اتمنى انى اكون  حتى ربع هاجر الجميلة

ماعلينا من يومين كنت عند شريف باشا لقيته كاتب بوست وبيقول انه مالوش بلد 

" شكلى بسيحلك يا شريف ههههههههههههههه 

وبفضحك فضيحة بجلاجل ههههههههه 

انا مارضيتش اقولك ف التعليق انى انا كمان 

ماليش بلد بس لقيت مش احنا بس اللى كده 

ده تلات اربع المدونيين مالهموش بلد

يروحوها ف العيد والاجازات والافراح والمأتم 

قلت يالهوتى هما شبهى اوى كده ليه ؟؟ 

كل ما ادخل مدونة من المدونات اللى بدخلها ومابعلقش بلاقى نفسى 

مش عارفة اعلق منا كأنى انا اللى كتبت الكلام ده ومستنية اشوف تعليقات الناس 

الغريب ان كل دى افكار ف دماغى بس انا بكسل اكتبها الاقى ناس سبقت وكتبتها 

هو مش بكسل الحق يتقال انا مابعرفش اعبر لغويا عن الحاجات دى 

وهما بيسبقونى عاااااااااااااااااااااااااا

طيب ايه انا كده تهت .. كل الناس دى متربيين نفس التربية نفس الافكار 

نفس المبادئ نفس القيم والاخلاق 

ايه بقه انا اللى شبهكوا ولا انتوا اللى شبهى ولا احنا كلنا

شبه بعض علشان كده اتجمعنا ف المجتمع ده ولا ايه؟

وربنا بقيت اتكسف من كتر مابدخل اعلق واقول ياكذا انت ليه شبهى 

ولا انا اللى خلطبيتة ومش محددة ملامح لشخصيتى وتايهة 

ومتخبطة وبفتكرنى شبهكوا ولا ايه ؟

عاااااااااااااااااااااااااااااااااااااااا عايزة حد يفهمنى بقه 

او ريحونى وقولولى ان انتوا كمان شايفنى شبهكوا

وانا كده تمام مش خلطبيتة ولا حاجة




20 داقوا الشاى وقالولى رأيهم:

قلم رصاص يقول...

"او ريحونى وقولولى ان انتوا كمان شايفنى شبهكوا"

شبهنا ازاي .. احنا هنتلززززق في بعض بقى .. مليتو البلد !

ههههههههههههههههههه
ههههههههههههههههههه

ازيك يامنونا .. حمدلله على سلامة مزاج سيادتك .. يارب تبقي رايقه على طول كده
وفكك بقي من الكأبه اللي انتي وبقية بنات حوا واخدينها مقاوله
ههههههههههههههههههههههههه

زي ما انتي بتقولي انك بتحسي انك شبه ناس كتير اوي في افكارهم او طريقة كتاباتهم او التعبير بتاعهم .. تعرفي بقى ان كلامك النهاردة انا كنت عاوز اقوله انا كمان ههههههههههههههه

يعني زي ما انتي بتقولي انك بتبقي عاوزه تقولي كلام حد قاله في مدونته بس هو او هي سبقوا وقالوه وانك بتحسي ان الموضوع بتاعك وبتنتظري التعليقات عليه قبل ما انتي تعلقي حتى .. نفس الاحساس انا مريت بيه احياااااااانا مش دايما وبرضه بعض المدونين بيمروا بيه

انا فعلا بجد بحس ان عالم التدوين ده الوحيد اللي على الانترنت اللي بحس انه يكاد يكون أسره واحده.. وبيختلف عن اي تجمعات تانية على النت زي المنتديات او أو حتى الفيس بوك
التدوين بجد حاجة تانيه خااااااااالص

انا في المدونات بحس بألفه ودفء جميل
عكس مثلا الفيس بوك .. بحس وانا عليه اني قاعد في شارع فيصل هههههههههههههه

والله حتى لو بكلم عليه نفس اللي بقرالهم ع المدونات ..

عشان كده احساسك بالشبه دا يامنونا بين وبين كتير من المدونين والمدونات مش جي من فراغ ابدا

تشكر جدا ياعم جوجل على تقديم الخدمة العظيمة دي لينا .. والنبي انت في الحته اللي في الشمال على رأي الزعيم محمد سعد
هههههههههههههههههههه

من فضلك بقى واحد شاي مظبوط
هههههههههههههههههههههه

ربنا يوفقك يامنونا يارب وتحققي كل احلامك .. ونحضر فرحك
ومع الوقت نشيل عيالك وانتي جايباهم معاكي في لقاءات المدونين بقى
هههههههههههههههههه

سلاموا عليكم

بطوط حبوب يقول...

انا مش شبهكم الا لو كنتم امورين :P :P :P :P

P A S H A يقول...

أخيـــراً ظهرتِ .. حمداً لله ع السلامة .. كنا قربنا نأجر منادي .. ينده عليكي ههههههههه

بقى بذمتك بذمتك .. حد يبقى عنده بنوته زي القمر زي بنوتك العسوله دي - باسم الله ما شاء الله والله أكبر عليها - ويتضايق ويكتئب ؟؟

ده لولا إن أنا أديت لريم كلمة .. إني أخطب كنزي بنتها .. كنت اتقدمت لبنوتك .. ربنا يحفظها لك يا رب من كل سؤ ويفرحك بيها ويجعلها ذرية صالحة إن شاء الله . آمين

نيجي بقى للبوست !!

طب تصدقي بالله
لا إله إلا الله محمد رسول الله

أنا كنت باكتب من يومين تلاته بوست عن الشبه ده !!
والله العظيم تلاته .. وكنت باخد رأي ناس فيه على النت .. ولميت فيه شوية أفكار .. بس كسلت أكتبه .. بس هاكتبه برضه ههههههههه

فعلاً عندك حق .. إحنا كلنا بنكمل بعض هنا ع النت مش بس لإننا شبه بعض في حاجات معينة .. زي الوحدة والفراغ أحياناً والملل الكثييييير هههههه
لأ ده لإن كمان طريقة تعبيرنا عن الشبة دي واحدة .. التدوين .. مساحة الحرية من الفضفضة اللي بنفتقدها في حياتنا اليومية .. التعليقات اللي بتشاركك أحزانك وأفراحك وهمومك بتبقى - بالنسبة لي أنا على الأقل - في أوقات كتير أحلى بكتير من كلام ناس تعرفيها في الواقع .. لإنه بيبقى كلام من القلب .. من غير هدف ولا مصلحة .. من غير ما نعرف بعض .. الكلام بتبقي أنتِ فعلاً محتاج إنك تسمعيه .. لإنه كلامك .. مش كلام اللي بيعلقوا .. بيطبطب عليكي ويرقص معاكي .. عشان كده بيلمسك قوي .. وبتحسيه قوي .. وبتنفعلي معاه قوي !!

وزي ما أنتِ قلت كلنا شبه بعض :))

تحياتي على "موضوعي" الجميل

تسلم إيدك .. وحمداً لله ع السلامة .. وسلامي لبنوتك القمرايه .

:))

winner يقول...



كلنا بشر.
و مهما اختلفنا نتفق.

لينا نفس الجينات.
و نفس التركيب الجسماني التشريحي.
لينا نفس الأنسجة و أجسامنا بتشتغل بنفس الطريقة.
عايشين على كوكب واحد بناكل و بنشرب منه.

دايما فيه تقاطع طريق ما بين الحيوات المختلفة.

Angel يقول...

صباحه نادي إن شاء الله

ايه يا منمن يا حبيبي
اهدي بس
اه احنا شبه بعض
....
استني الأول .. كنت هموت على نفسي من الكومينت بتاع سيد ههههههههههههه..

..................
نكمل تاني
اه شبه بعض وممكن حالتنا وافكارنا تبقى واحدة كمان
يعني مثلا انتي لما كتبتي البوست بتاع حب بلا حدود لنزار قباني انا كنت لسه مختارة أجزاء من القصيدة عندي في المدونة
ولما انتي نزلتي بوست سلام يا صاحبي
تقريبا إلى حد كبير أنا قبلها بيومين كنت كتبت بوستين كده او تلاتة عن حالة مشابهه لسه هبقى انزلهم
(: أنا حاسه انك اختي اللي تاهت من سنين D:

بصي هو مش وحش اننا نلاقينا شبه بعض دي حاجة حلوة اوي يعني مثلا انا ممكن ابقى حاسه إحساس ومش قادرة اعبر عنه وادخل عندك الاقيكي كاتبة كلام معبر اوي عن احساسي (:

..............
بس في حاجة مفهمتهاش هي ازاي معندكوش بلد مش انتي من محافظة بردو وكده وكل واحد من محافظة ولا انا فهمت غلط :(

...............
بحب اوي لما ادخل عند حد والاقيه بيفضفض وبيقول اللي جواه من غير ما يرتبه وده بلاقيه عندك هنا (:
وتقدري تقولي ان ده بيخلي في تواصل ما بينا
تواصل فكري (: وروحي

يارب دايماً تبقي بخير وسيبك من جو الشتا ده منتشر بصفة عامة ومستديمة كل سنة
ربنا ينورلك طريقك وقلبك وبصيرتك يارب

أختك

Angel love

Timo.. يقول...

ياااااااااااااه..
بوستك المرد دي محتاج كلام وكلام..!!
وانا مش باحب اعمل احتلال بس ده اللي لقيت نفسي مضطر ليه ...سامحيني بقى :)

Timo.. يقول...

اولا ليه بتكرهي الشتا..؟؟ حرام عليكي

ده الشتا هو اجمل فصول السنة لانه بيعرفنا معنى الهدوء والدفء ويعني ايه اضاءة الدفاية ولونها البرتقالي اللي بيدفينا من غيرما نقرب منها..
يعني مطر برة وبرد وعواصف ..ودفا هنا..جوة..ما يتعوضش ابدا لو خرجنا وسيبناه...يعني اللمة..يعني المشاعر..
يعني اخر نوفمبر اللي باحبه..
يعني حاجات كتير حلوة..

انا لو ها اتكلم عن الشتا ممكن اعمل بوست جوة بوستك. (';')

Timo.. يقول...

حكاية اننا شبه بعض..يمكن عشان مجتمع النت اتلوث..لكن التدوين لسه فيه افكار حلوة بتخرج هنا ومش اتلوثت..!!

انا نفسي اعمل تأريخ للعشر سنوات الاخيرة..وتطور تعامل الناس على الانترنت وازاي العدد زاد والبراءة قلِت..!!

او يمكن عشان شغلي بيخليني اطلع على افكار ناس كتير بتتعامل مع تكنولوجيا المعلومات..
فا ببساطة شديدة اقولك ان البدايات المتشابهة تؤدي لنتائج متشابهة..وعشان كده احنا هنا عشان نشأتنا ممكن شبه بعض..لسه الناس الوحشين الل مش يشبهونامش وصلوا لعالمنا الجميل ده...
بس للاسف مسيرهم ها يوصلوا و يبقى التدوين عك زي الشات..!!

Timo.. يقول...

ازاي كمان بتقولي انك مش بتعرفي تعبري لغويا مع انك لسه حالا في البوست بتاعك معبرة عن كلام جوايا وانا كمان ((بأكسل اكتبه)) :)

Timo.. يقول...

اخيرا انصحك تسمعي الاغنية العبقرية والخالدة والرقيقة والسخيفة معا..
(انا مش عارفني)
(';')

Timo.. يقول...

آآآآآآخر حاجة..
سوووري ع الجلاجل اللي عملتهالك :)
آآآآآآ....قصدي ع الاحتلال اللي فات..
ومش..
ها..
اعمل
كده
تااااااني (وش مكسوف)

мαησηα يقول...

الريس .. ههههههههههههههه
الله يسامحك وانتوا تطولوا اصلا
انى ابقى شبهكوا ههههههههههههه

الحمد لله انا بخير ياريس .. الله يسلمك
يارب يا ريس دعواتك معايا

اها هنتلزق بقه اهو هههههههههه

والله معاك حق اقولك انا انت حاسس ان التدوين عالم هادئ مش زحمة

وكله بيمر من سكات مافيهوش دوشة

ههههههههه حلوة الفيس شبه شارع فيصل دى وربنا انت مشكلة

هههههههه والله فعلا جوجل ف الحتة الشمال

الشاى خلص ياريس ههههههه والماية قاطعة

ربنا يكرمك ياريس يارب وافرح بيك انت كمان قريبا جداااااااااااااااااا
وعيالك يطلعوا زى العثل زيك كده قول اميييييييين

وعليكم السلااااام ورحمة الله وبركاته

نورتنى ياريس

мαησηα يقول...

بطوط الحبوب جداااااا ..

هههههههههه انا امورة معرفش الباقيين امامير ولا لأ

نورت يا سى حودا

мαησηα يقول...

شريف باشا .. ايون انا جـــــــــه اهون

هههههههههه الله يسلم عمرك يا شريف ميرسى

بالنسبة لسماء هى مش بنتى بس انا اللى مربياها هى بنت صاحبتى

وبعدين لعلمك سماء كانت من ضمن اسباب اكتئابى

لانها بمنتهى البساطة وحشتنى جداااااااااااااااااااااااا

جداااااااااااااااااااااا وباباها خايف عليها من البرد مش

راضى يجيبهالى عااااااااااااااااااااااااااااا

وانا ماعنديش وقت اروح للاسف

ربنا يارب يسمع منك كل الدعاء الجميل

اللى دعيته ليها ده يارب ولك مثله يارب

نيجى للبوست .. لا اله الا الله سيدنا محمد رسول الله

هههههههههههه بردو بصرة طيب كنت هاكتب

انا بوست البلد وانت كتبته

انا كتبت ده بالنيابة عنك ..

بس اكيد اسلوبك الذ واكيد الافكار هتبقى احلى باذن الله

اه ع فكرة رغم انى ماشفتش الناس اللى بتعلق عندى دى

بس بجد بحسها صادقة اوى ومن القلب حتى لو كلمة بسيطة

اه كلنا شبه بعض بس انا احلى طبعااااااااااا هههههههههههه

تسلم يارب .. الله يسلمك .. ويوصل ان شاء الله هابلغها

هى لما بتجيلى بتقعد معايا ع النت وبتشوف المدونة

هاشورلها عليك واقولها شريف باشا بيسلم عليكى هههههههه


نورت ياباشا

мαησηα يقول...

احمد فايز ... قعدت افكر ف كلامك كتييييير اوى بجد

بس مش مقتنعة المرة دى بيه هاقولك ليه .. طيب منا مثلا

نفس الناس معايا ف الشغل ليه كل واحدة ف وادى مش زى هنا

هنا احنا كلنا شبهه بعض اوى كافكار ومبادئ واخلاق

( طبعا بتكلم عن كل الناس المحترمة اللى بتدون ماليش دعوة بالناس الفسفس اللى بتدخل تهبل دى )

لو كلنا زى مابتقول نفس الجينات والحاجات الكتير دى

يا احمد هههههههه

( كلعتلى نفسى وانا مش ناقصة كلكعةهههههانا بتاعة شاى ياعمنا )

كنت ع الاقل حسيتهم بردو شبهى لكنهم مش شبهى اه متفقين ع الاخلاق

لكن كتفكير ودماغ لأ

يا اما انا مافهمتش كلامك عاااااااااااااااااااااااااا

نورتنى يا ابو حميد

мαησηα يقول...

بونبونايتى حبيبة قلبى .. هههههههه ريسنا ده عثل

نكمل ياست الكل ..

ههههههههههههههه انا اطول يا قلبى انى اكون اختك

طيب لاقينى وخدينى بقه

انا عندى حسنة ع فكرة عندك حسنة هههههههههه

لا انا مش زعلانة ع فكرة انا مبسوطة انى شبهكوا

انا كمان حاسة انكوا اخواتى اوى وده مقربنى منكم وحابة ده

حاسة بدفا وسطكم بامان كده كفاية بجد انى بشتكيلكم انا من النوع الكتوم

انا امى واخواتى مابيعرفوش عنى حاجة بعيط واكتئب وبس

كون انى افتح قلبى معاكوا فده معناه انكوا بجد غاليين عليا جدااااااا

ربنا مايحرمنيش منكم ابداااااااا ويديم المعروف دايما يارب اللهم امييييين

--------------

هههههههههههههه اه انا قاهرية بس عايشة ف طنطا ف السنطة تحديدا

هى مدينة تبعد عن طنطا حوالى 25 كيلو تقريبا

تعتبر امتداد ليها لكن هى مش بلدى احنا

اخترناها لاننا كنا مسافرين بره

وكنا عايشين ف بلد شبهها حيث انها كانت هادية

وكانت نضيفة وكانت فاضية

واحنا بنحب الهدوء والنضافة والامان بس لكن

انا معنديش بلد انا سألت جدى بردو زمان لما كنت صغيرة

وقالى اننا صعايدة من سوهاج ده اصل بابايا اما مامتى من المنوفية

بس ياستى ولا بروح هنا ولا هنا العيليتين

استقروا ف القاهرة وخلاص بقالهم يجى 50 سنة

عااااااااااااااااااااااااااااااااااااااا انا معنديش بلد عااااااااااااااااااااااا

-----------
تسلميلى حبيبة قلبى انا كمان برتاح لما بدخل

عندك بس لانك منظمة ومرتبة افكارك

سبحان الله انا بحس انى منحكشة ههههههههه

خييييييير مش مهم مدام بنرتاح مع بعض صح ؟؟

-----------

تسلميلى ياقلبى انتى ويارب يبعد عننا الاكتئاب والقرف والملل

ولكى مثل مادعيتيلى بيه ياقمر اللهم امييييييييييييييين

мαησηα يقول...

تيمو .. ازيك يا جميل كنت فيييييييييييين غطسان

ولا يهمك يا تيمو البيت بيتك ..

كل اللى قلته جميل بس انا مش عندى كده

ماعنديش دفا جوه بيتنا بااارد اوووووووووى

واللمة والحاجات الحلوة دى كلها بتبقى عندنا ف الصيف

دلوقتى كله مسافر كله بعيد كله قافل ع نفسه وسقعان

بس قول كده بقه اخر نوفمبر هه فريدة وكده هههههههههه

اعمل ياسيدى ولا يهمك

-------------

يااااااه .. تصدق لما قلت اخر 10 سنين اكتشفت

انى فعلا بدخل نت بقالى 10 سنين بحالهم ياااه ده زمن ياراجل

وللاسف كلامك مظبوط .. هيتلوث للاسف المجتمع ده كمان

وان كان بدأ ع فكرة ناس ربنا يهديهم يغزو هذا العالم الجميل

والمشكلة ان الواحد بجد ساعتها مش عارف هيعمل ايه ؟

ربنا يستر ..

--------------
ههههههههه ياسيدى ربنا يكرمك لا بجد

انا بتعقد لما بدخل عندك وعند غيرك

بجد انا بيبقى جوايا الاحساس ومش عارفة اكتبه

الاقيكم ببساطة كده قولتوه ف كلمتيييييين وبس خلصت ههههههه

لا انا اكتشفت ان ف بلوجر ممنوع الكسل هتكسل غيرك هيكتبه

فقلت كل اللى هاحس بيه واعوز اكتبه هاكتبه وزى ما تيجى

قابلوا بقه مش احنا اخوات استلموا منى هههههههههه

-----------------

ههههههههههه لا ولا يهمك جلاجل ده اتمرمط معانا والله

البيت بيتك يا تيمو ومش تغيب عننا تانى

تاكد ان الواحد بيحس كان اخوه مجاش بقاله كتير البيت

ميرسى لاحتلالك الجميل ده تسلم وربنا مايحرمنى من مرورك يا جميل

ঔღঔ نـــوارة ঔღঔ يقول...

ههههههههههههههه

سلامة عقلك ياقمر

انا مليش شبه على فكرة انا نادرة الوجود ههههههههههههههه

والشبه دا فعلا كلنا بنحسه احيانا تحسي انه احاسيسنا وحدة وبتحصلنا مواقف متشابهة جدا

يمكن لاننا عايشين بنفس المحيط او ارواحنا قريبة من بعضها

يعني هي حاجة تحير بجد

بس برضوا انا قمر ومحدش يشبهني بقولكم اهو هههههههههههههه

امر بالستر طبعا ههههههههههه

ربنا يسعدك ياقمر

ђager ZaǮbal يقول...

كنت مقصره معاكي بس انا رجعت تاني وهاجي هنا علي طوووول :)

ђager ZaǮbal يقول...

عارفه .. انا كمان ساعات بلاقي نفسي هنا .. وفي مدونات تانيه ..
ساعات بيبقي الواحد مننا جواه احساس كبير اوي او حاجه بس مش عارف يعبر عنها .. كلماته مش عارفه تعبر عن اللي جواه ، وفجأه يلاقيها عند حد تاني .. قدر يوصفها ويعبر عنها .. ساعتها بيتجنن :)

بس انا زعلت عشان بحب الشتا :((((

 

ೋ واحــد شـاى ♨ Template by Ipietoon Blogger Template | Gift Idea