احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، يناير 01، 2010

عن 2009 و 2010 اتحدث

من عمايل ايد .... мαησηα بالظبط الساعة 1:34 ص






من الاخر كده البوست ده طويييييييييييييييييييييل جدااااااااااااااااااا





سالخييييييييييير ..

انا جه 

ازيكوا يارب تكونوا كلكم بخير 

اسفة ع التاخير عليكم بس بجد ماكنتش قادرة اكتب حاجة 

هو انا المفروض اتكلم ف ايه ههههههه 

هاتكلم عن السنة اللى فاتت كالعادة 

2009 

سؤال سالته لكل الناس هل 2009 كانت حلوة 

الكل قال انها كانت سنة مطينة بطين هههههههه 

يلا الحمد لله انها راحت لحالها 

رغم ان ده مش رأى الشخصى 

رأى انا انها كانت سنة جميلة جدااااااااا 

اينعم خسرت حاجات فيها كتير بس كبت حاجات اكتر 

وبما انى محاسبة وكل بحسبها ف انا راى بما ان المكسب اكتر 

اذن هى كانت سنة مربحة 

طيب ما تيجوا نشوف انا كان نفسى ف ايه السنة اللى فاتت 

كل حاجة هنا 



 الامنيات اللى اتحققت ف 2009

السنة دى احم احم ربنا رد فيا الروح شوية وتخطيت مرحلة عود الكبريت وبقيت 
 مليانة شوية ع الاقل لم اصبح صاحبة لقب مسلوعة ههههههههه 
الحمد لله 

اخدت اخيرا كورس ال I C D L 
وانها حقا لمعجزة وتحققت هههههه
الحمد لله

الشغل اتظبط خالص وماشاء الله مرتبى زاد زيادة كويسة 
الحمد لله 

اصحاب ربنا رزقنى باصحاب بجد بحترمهم وبقدرهم 
وان كان اغلبهم ماشفتهمش لكن اتمنى حقيقى انى اشوفهم
ونفسى اقعد معاهم ونرغى كتير 

نورا وكيارا وشاهى بونوبنايتى وطبعا سكرة المسكرة 
وبنات كتير ومدونيين ماشاء الله عليهم ربنا يحميهم 
كلهم دماغهم حلوة وكنت بفرحلهم جدااااا لو عرفت عنهم اخبار حلوة 
وبزعل لو حد منهم زعلان او تعبان 
ربنا يديم المعروف يارب 
والف حمد وشكر ع صحبتهم 

اما اصحابى ف الواقع اللى شفتهم يعنى ههههههه 

زيزى الحمد لله كانت من اخر الناس اللى لحقتنا قبل 2009
ماتخلص وربنا رزقها بابن الحلال 
ربنا يكرمك ويهنيكى يا زوزو ويرزقك بالذرية الصالحة 

بطوطة ومحمد ربنا رزقهم بجنى - كانت المفروض ريتاج


بس هى متسمية عند ربنا بقه - 
بنوتة قمر قمر ماشاء الله عليها زى السكر ربى يحميها
ويبارك فيها يارب اللهم اميييين 

امولة واشرف فى انتظار ولى العهد وهتبقى بنوتة باذن الله 
زى القمر زى مامتها 

دودى وعصام .. ربنا كرمهم واحمد بقه بيفهم هههههههههه اخيرااااا 
وبقى شاطر ف اولى ابتدائى 
وزيزو المجرم بقه ممتاز ف الحضانة ماشاء الله ربى يحميهم 
ويخليهم ويبارك فيهم اللهم امين 

دودى ومحمود مستنين الانسة زليخة ههههههههه 
تنور الدنيا كلها الحمد لله فرحانة جدااا  ان ربنا كرمهم 
ربنا يجيبها بالسلامة يارب اللهم اميييين 

جى جى للاسف ماحصلهاش اللى اتمنيته ليها بس بجدد الامنية 
ربنا يكرمك يا جى جى ويرزقك بالذرية الصالحة يارب اللهم امييييييين 

نورا وطه ربنا رزقهم بالاستاذ يوسف اللى مغلب مامته 
هههههههه ولد فرنساوى زى مااتمنيته هههههههه 
ربنا يبارك فيه ويكرمهم فيه ويحميه اللهم امييييين 

شيرى روح قلبى 
ربنا رزقها بالزوج الصالح وفرحت بيها جداااااا 
وفعلا طلع جواهرجى ممتاز عرف قيمة اللؤلؤة اللى ف بيته 

وحشتينى يا شيرى اوى 

الاختين الطعمين  ...هبة وداليا

هبة وسامح اتجوزوا وفرحنا بيهم وف انتظار ولى العهد ينور الدنيا كلها 
باذن الله 

دودو ومحمد مازال عرض تطليع عين محمد وتغليبه 
لحد مايقول حقى برقبتى مستمرا ومعرفش ليه بتعمل فيه داليا كده 
مع انه وربنا غلبان 
ههههههههههه 
ربنا يكرمهم وافرح بيهم بقه ف 2010 باذن الله 

سمورة .. ابو سمرة حبيبتى هههههههههه 
سمر مازالت سينجل يا حبيبتى 
وبذلك هى قررت تخطبنى من دادى هههههههههههههههههه
ربنا يرزقك يا سمورة بالزوج الصالح يا حبيبتى اللى يهنيكى ويعرف قيمة 
العسل اللى معاه قولى امين يابنت 

نيجى بقه للحب .......... 
مش عارفة حاسة ان ف حد بينده عليا هناك صح 
انتوا كمان سامعينه 
ههههههههههههههه 


المال ..... 
عااااااااااااااااا كانت سنة خراب بجد مصاريفها كتيييييييير جدااااااااااااا 
جدااااااااااااااااااااااااااااااااااااااااااااااااااااااا

الصحة .. الحمد لله ع كل حال 
هى دى بجد الحاجة اللى نكدت عليا عيشتى 
انامن اول السنة لحد شهر 10 اللى فات وانا بموت ومحدش عارف انا عندى ايه ؟ 
لدرجة انى شكيت ف نفسى انى خلاص جالى كانسر ف المخ 
صداع رهيب وتنميل ف وشى وفيروس محدش عارفله اصل ولا فصل 
ف الاخر طلعت التهابات مزمنة ف الجيوب الانفية
ادت كمان الى حساسية ف صدرى
+
عصبيتى
حالتى النفسية التى ساءت بسبب ان محدش عارف ايه اللى عندى 

كل ده دمرنى صحياااااااااااااا
وكنت مش طايقة حد خااااااااالص 
وطبعا ناس كتير زعلت منى جدااااااااااااااا 
بس بجد محدش شاف اللى انا شفته ادعولى بالشفاء 
الحمد لله ع كل حال

نيجى لاهم حاجة ف حياتى علاقتى بربنا 
للاسف حساها بردو مش قد كده 
مابقتش اقدر اقوم اصلى الفجر بسبب الادوية لان فيها منوم
وده بجد مزعلنى من نفسى اوى 
كنت بدات احفظ قرأن وبعدين بردو وقفت 
بسبب الدوا اللى بيخلينى اغلب الوقت نايمة 
اتمنى بجد ان ربنا يقوينى ويقدرنى اكون احسن 
ادعولى بردو بالهداية يارب يخليكوا دى اهم عندى من الشفاء 

 الخسارة 

نودى .. عارفة ان الكلام هيوصلك صدقينى مش بعدى عنك سببه شيرين 
بعدى عنك سببه صدمتى فيكى اللى عمرى بجد ماتصورتها 
تعرفى ان انا لحد ددلوقتى بتتقتل كل مابشوفك 
متخيلة انتى ازاى حد يكون بيموت فيكى وتصدميه الصدمة اللى حصلت دى
والمشكلة انك بتنكرى وصدقتى واحدة 
الكل اجمع انها كدابة وشخصية اقل حاجة تتقال عنها انها زبالة
ربنا يهديكى ويصلحلك الحال ورغم كل حاجة حصلت بتمنالك 
زوج صالح يكرمك ويسعدك ويهنيكى 
وانك تاخدى الماجستير والدكتوراه زى ماكنتى دايما بتتمنى


بيبو .. عارفة انى خسرتك وللاسف خسرتك بس صدقينى 
كان لازم تعرفى ان ف حدود ف الكلام مهما حصل ما تتخطيهاش 
اذا كنتى انتى نفسك لو حد طول لسانه عليكى بالهزار بتزعلى 
وبتعاتبينى انى زعلت منك سبحان الله 
كمان لازم تتعلمى تراعى ظروف الناس 
انا ف اوقات كتيير جداااا 
مبيبقاش طالعلى صوت 
اوقات كتير مابقدر اتكلم وانتى جربتى وكلمتينى قبل كده وانا تعبانة 
وشوفتينى انى مابقدر اكمل كلمة الو 
وعارفة كويس اوى ايه اللى بيحصلى 
بكرة تجربى لما تشتغلى ان الوقت مابيبقاش ملكك 
ودماغ الواحد مابتبقاش طالبة كمان 
عتاب من حد انه ماسألش 
وهتعرفى ازاى تحطى موبايلك ف الشنطة الصبح
وماتفتكريش ان ليكى تليفون الا لما تيجى تنامى 
علشان تظبطى المنبة للصحيان الصبح 
ربنا يكرمك يا بيبو ويرزقك بالزوج الصالح ويوفقك ف حياتك كلها
ع فكرة انتى وحشتييييييييييييينى اوى 

ناس تانية كتير بحبهم بس زعلانة منهم 
عايزة اقولهم كلمتين وبس 

يمكن اكون انا بعدت عنكم ف وقت كنتوا محتاجين لى فيه 
بس محدش فيكوا فكر يسأل عنى ويقول ياترى ايه اللى بعدها 
محدش فيكوا كلف نفسه وافتكر انى ياما سألت وياما وقفت جنبكوا 
وياما قدرت ظروفكم وياما اتحملت عصبيتكم ونرفزتكوا عليا 
ياما تعبت بسبب زعلى علشانكم 
محدش افتكر غير بس ان منونا وقت شدتنا مكنتش موجودة 
مابحبش افكر حد انى عملتلوا حاجة حلوة ف يوم من الايام 
بس كمان انا تعبت نفسيا من كلامكم معايا وعتابكم سواء ع المكشوف او ع المتدارى 
بانى مش صديقة اصيلة وانى نسيتكم وقت الشدة 
فقلت افكركم انى مش وحشة اوى كده ليا بردو حسنات 
اسفة مش هاقدر ارجع منونا بتاعة زمان معاكم 
ع رأى جنات 
كان ف خيط رفيع بينى وبينكم 
واتقطع 
وحشتوووووووووونى بجنون وبتمنالكم كل خير ف 2010 والسنين اللى جاية 
هافضل ع طول فكراكم وبفتكرلكم الخير 

خلاص خلصت كلامى عن 2009 

بتمنى ف 2010

اتجووو وووووووووووووووووووووووووز من حبيب القلب بقه 
هههههههههههههههههههه 
ان اخويا كمان يتجووووووووووز من حبيبة القلب بردو 


ان اختى تاخد الليسانس بتقدير امتياز ولو انى عارفة ان ده رابع المستحيلات 
بس مافيش حاجة بعيدة عن ربنا هههههههههه 


ان مامتى ودادى يفرحوا بولادهم احنا يعنى ههههههه 
ويرزقهم ربنا بالحج او العمرة ايهما هيفرحهم 
وان ربنا يديهم الصحة وطولة العمر يباركلى ف عمرهم وصحتهم يارب
  
ان كل الناس اللى ببحبهم يحققوا كل اللى بجد بيتمنوه
ان محدش ابدا يحزن ولا يترفد من شغله ولا يرسب ف دراسته 
واللى نفسه يحب يلاقى نصه الحلو 
واللى بيحب يتجوز بقه واللى نفسه يشتغل يشتغل احسن شغلانة 
من الاخر محدش يبقى ناقصه حاجة 
ومافيش حاجة بعيدة عن ربنا ابداااااااااا 


يارب انت عارف انا بحب كل الناس اللى ف بالى دلوقتى قد ايه 


حققلهم كل اللى بيحلموا بيه واكرمهم واسعدهم يارب انت ع كل شئ قدير


بس خلاص بقه بيباى 2009 يا حلوة 
ياللى مخلفتيش ظنى فيكى 
وولكم 2010 
مستنياكى بكل الفرح اللى فيكى 
 

23 داقوا الشاى وقالولى رأيهم:

romansy يقول...

من غير ما تقولى احنا حاسين بيكى
كل سنه وانتى طيبه
يا ارق واجمل انسانه
كل سنه وانتى دايما بالخير مليانا
كل سنه وانتى طيبه

Angel يقول...

Happy New Year 2010

كل سنة وأنتي طيبة يا حبيبتي
وألف سلامة عليكي

Angel love

Angel يقول...

منونة حبيبتي
مدونة لحن الفرح
أنا مش عارفة أرد خالص
):

هي المشكلة من عندي ولا ايه ؟؟

انا بدوس كومينت بس البوكس بتاع الكومينت مش نشط مش بيتقبل اي كلك من الماوس ):

وبس يا قمري (:

blue-wave يقول...

هههههههههههه
ماشى
كل سنه وانتى بالف خير

sookra يقول...

منونه خير مالك
كل شويه تقلقينى عليكى
حرام كدا يابنتى
هابى نيو يير

sookra يقول...

منونه
ممكن لو موش تضايقى تبقى تردى على تليفونى مره واحده بس اطمن عليكى واسمع صوتك عشان انت واحشانى يادزمه
ههههههههههههههه
وحشانى بجد

قلم رصاص يقول...

كل سنة وانتي طيبة
ويارب تكو نالسنة دي سعيدة عليكِ وعلى كل الناس ان شاء الله

تقبلي مروري وتحيتي

في حفظ الله

๓คภ๏ภค يقول...

احمد .. ربنا يخليك يارب كل سنة وانت اللى بجد جميل وف احسن حال
ويارب السنة دى تبقى زى السكر عليك يارب اللهم امييييييين

๓คภ๏ภค يقول...

بونبونايتى .. احلى بونبونة ف الدنيا
الله يسلمك ياقمرى الحمد لله بقيت انا احسن

๓คภ๏ภค يقول...

بونبونايتى هاشوف واقولك حبيبتى المشكلة من فين بس فى ناس كتير بيعلقوا عادى :(

استعملى فايرفوكس يمكن الحكاية تتظبط معاكى

๓คภ๏ภค يقول...

د. عمرو .. ابو منى القادم هههههه

كل سنة وانت بخير يارب وف احسن حال انت وحبيبتك ونور عينك
وان شاء الله منمنة هيكون وشها حلو عليك وتبقى سنة 2010 زى السكر عليك يارب

๓คภ๏ภค يقول...

سكرة يا احلى سكرة ف الدنيا كل سنة وانتى بالف خير

عارفة بجد بجد نفسى السنة دى تبقى حلوة عليكى اوى يارب ربنا يحققلك كل اللى بتتمنيه

ومعلش سكرتى انا ع طول ف الشتا تعبانة لانالجو بيكون برررررد اوى وانا خارجة الصبح

وكمان الشغل بيعصبنى كتييييير
فشكلى كده عمرى ما هابقى كويسة زى زماااان عااااااااااااا

بس الدوا جايب نتيجة هايلة الحمد لله مش تقلقى عليا يا قلبى

winner يقول...


ربنا يعوّض في الراح
و يبارك في اللي جاي
يجعلها سنة سعيدة عليكوا إن شاء الله .. و صبح صبح يا عم الحاج.

๓คภ๏ภค يقول...

قلم رصاص .. تسلملى يا باشا ربنا يخليك يارب

وتكون علينا كلنا سنة سعيدة يارب وبجد يارب ربنا يحققلك كل اللى بتتمناه ان شاء الله

๓คภ๏ภค يقول...

د. احمد فايز .. صح ربنا يعضو اللى راح ويبارك ف اللى جاى باذن الله

كل سنة وانت بالف صحة وهنا وخير يارب ويحققلك كل اللى بتتمناه يارب

P A S H A يقول...

كل سنة وحضرتك طيبة وإن شاء الله سنة سعيدة عليكي وعلى الأسرة جميعاً وتحققي فيها كل اللي بتتمنيه.

سلام

Angel يقول...

سالنوووووووووور

أنا جه :$ هستلفها منك النهارده

والله بحبك أووووووووي في الله

بجد هايل أوي بجد البوست قلتي فيه
كلام حلو أوي تقريباً منستيش حد ألا وطلعتي اللي في قلبك وده إن دل فهو بيدل على أنك انسانة بجد طيبة يا حبيبتي ..

وبجد بجد ألف ألف ألف ألف سلامة عليكي ويارب متشوفيش شر أبدا يا منى
وربنا يسعدك يا حبيبتي ونفرح بيكي في 2010 (:

وربنا يحقق لك كل أمنياتك يارب ويخلي ليكي بابا وماما ويحقق أمنيتهم وفرحتهم بيكوا ويخليهم ليكوا يارب وتفرحي بأختك وأخوكي
وتعيشي في سعادة وحب وهنا وخير وراحة بال وتتهني مع اللي ربنا كاتبه ليكي يارب

ومتزعلش أبداً من حد كلنا بنعتب على بعض وبيتعتب كتير علينا بس الأهم أننا نصفي قلوبنا ونسامح كل الناس بقلوب صافية واللي يفهمنا في يوم غلط نسيبه في سلام ونعامل كل واحد لوجه الله (:

وبس وبردو بحبك أوي في الله وأنتي وبنات كتير كان معرفتي بيكم من أحلى أمور 2009 (:

مع انها فيها حاجات مش تمام بس يللا اهي سنة وخدت الشر وراحت D:

وسلام يا أرق البنات

Angel love

๓คภ๏ภค يقول...

بونبونايتى .. ربنا وحده اعلم انا بحبك قد ايه ؟ والله مش مجاملة ربنا يسعدك حبيبتى يارب ويحققلك كل اللى بتتمنيه يارب

واول ماتنزلى مصر باذن الله هحاول ارتب معاكى ونتقابل يارب تطلعى ف مكان قريب علشان اعرف اشوفك يارب

๓คภ๏ภค يقول...

باشا .. باشا هههههه نورتنى جدااا

تسلم يارب وكل سنة وانت بالف خير وهنا ويارب نفرح بيك ف 2010 وتحقق كل اللى بتتمناه وتحلم بيه اللهم امين يارب

الحياة حلوة يقول...

كل سنه وانتى طيبة ياحبيبتى وان شاء الله السنه دى ربنا يقدرك وتقدرى تحققى كل اللى مقدرتيش تحققية فى السنين اللى فاتت ويجمعك دايما بكل احبابك ويشفيكى من اى مرض
ويرزقك الزوج الصالح اللى يعوضك عن كل سنين حياتك

سمو الأميرة سارة يقول...

وانااااااااااااااا انا عايزة اتجوز حبيب القلب اشمعنى انتي ومحمد يعني ؟؟
هو هتبقى انتي وماما وبابا كمان عااااااااااااااااااااااا

ربنا يسعدك يا منونتي ويفرح قلبك واشوفك متهنية ومرتاحة في بيتك ياااااارب

ويحقق كل احلامك امييييييييين يارب

мαησηα يقول...

الحياة حلوة .. تسلميلى يا حبيبة قلبى

ربنا مايحرمنيش منك ابدااااا

ع فكرة التعليقات عندك بايظة اكتر من مرة

احاول اعلق عندك وللاسف مش بعرف بياريت تظبطيها

مدونتك جميلة جداااااااااااا

ربنا يخليكى ويحميكى ويحفظك وميرسى ع دعواتك الجميلة دى

мαησηα يقول...

سمو الاميرة سارة بذات نفسها عندنا يا مرحبا يا مرحبا

هههههههه وانتى كمان يارب تتجوزى حبيب القلب يا ستى

ويارب يا حبيبتى السنة دى اشوفك اجدعها صحفية ف مصر كلها

قولى امييييييييييييين

 

ೋ واحــد شـاى ♨ Template by Ipietoon Blogger Template | Gift Idea