سامحنى ..

احساسى بأنى حِمل تقيل عليك تاعبنى

ســــامحنى !!

 

اوقاتى بتحلو معاك ..

اوقاتي بتحلو
  

تحلو معاك 

وحياتي بتكمل برضاك 

وبحس بروحي بوجودي 

من اول ما بكون وياك 

ويا روحي ساعة ما القاك 

مش بس اوقاتي بتحلو 

دي العيشة والناس والجو 

والدنيا الدنيا بتضحكلي معاك

من كتر حلاوة الأيام 

ونعيمي وسعدي بلياليك 

مش بحسب فات منهم كام 

ولا بقدر افكر غير فيك 

والليل وياك يساوي زمان 

واليوم وياك يساوي زمان 

واكتر يازمان من 100 بكرة 

ده الليل بلقاك انوار وامان 

حتى ولو كان من قمره

وان جاني حسود هي هواك وعذول 

يقولوا يا عين هسيبوا يقول 

وانا خاف من ايه وانت معايا 

والعالم ايه ما انت كفايه

يا سلام يا سلام يا سلام يا سلام 

يا سلام لما الأيام تضحك وتروح 

عين يا ليل يا ليل 

والحب لما بيحيي الأرواح مع كل شروق 

وانا بلمح بكره معاك فتان مليان افراح 

وجمال اشكال والوان 

وانت اللي ب تدي القلب النور 

وتخلي نجوم لياليه تدور 

وتملى حياتي ورود وزهور 

واناا اخاف من ايه ما انت معاي

والعالم ايه العالم ما انت كفايه 

يا روحي ساعة ما القاك 

مش بس اوقاتي بتحلو 

العيشة والناس والجو 

والدنيا بتضحكلي معاك

اسفة مش قادرة اسامحك

مش قادرة اسامحك

على كل طعم حلو كان نفسى ادوقه وحرمتنى منه

ولسه بتحرمنى منه

مش قادرة اسامحك 

على كل احساس جميل كان نفسى احسه وحرمتنى منه

ولسه بتحرمنى منه 

مش قادرة اسامحك

على كل لحظة حلوة كان نفسى اعيشها وحرمتنى منها 

ولسه بتحرمنى  منها

مش قادرة اسامحك 

على انك خلتنى مش قادرة اسامح .. 

لا انت ولا غيرك 

اسفة مش قادرة اسامحك

 

احلى طريق فى دنيتى..

يالللى الزمان بعتك ليا تملى الحياه حب عليا

لا قبل منك قابلنى قلب

ارق من قلبك ما القى

ولا بعد منك شغلنى شئ

فى الدنيا عنك ولو ثوانى

*****

يا اللى بقيت فرحتى همستى دمعتى

احلى طريق فى دنيتى

شفت كل الدنيا فيك

وخدتنى حنيه عنيك

على دنيا جديده عليا

دنيا ما شافتها عنيا

جايه وياك تنادينى

يا ارق ما شافت عينى

 

 

 

 

 

طيب ليه كده ؟؟

سالخير عليكوووووووووا

ازيكوا يارب تكونوا دايما بخير 

احب اولا اطمن الناس ع سموى 

ههههههه انا الحمد لله بخير 

بس يظهر هى الشتاء اللى بتعمل فيا كده 

عاااااااااااااااااااااااااااااااااااااااااااااااا

انا بكره الشتاء زى ما بكره اسرائيل بالظبط

المهم ماعلينا ندخل ف عماميك الموضوع 

الموضوع هو اننا ليه كلنا كده على بعض شبه بعض اوى 

بصوا بجد انا حسيت انى حاجة من اتنيين يا اما انا شخصيتى مش واضحة لنفسى 

يا اما بردو انا مش فهمانى مثلا ..  ممكن ليه لأ 

السبب الوحيد اللى  خلانى يبقى ليا مدونة انى حبيت الجو ده 

وحبيته علشان لقيت ناس كتير شبهى اوى اوى بشكل بجد مبالغ فيه 

كنت بفتكرنى انا لوحدى كده وبعدين اديت لينك لواحدة صاحبتى تقراه 

مش مدونتى ع فكرة لأ مدونة هاجر زعبل 

لقيتها بتقولى ايه الاسم الغريب اللى مسمية نفسك بيه ده 

ولقيت بجد مش هى لوحدها بتقولى دى شبهك

انا ف ناس تعرف عنى حاجات انتوا ماتعرفوهاش

هاجر حكياها بالتفصيل الممل حصلتلها بس هى

كمان حصلتلى والله بجد انا اصلا زهلت من الشبه القوى ده بيننا

مش كشخصية لا كاحداث بنمر بيها  ف الحياة

ولو انى بجد كنت اتمنى انى اكون  حتى ربع هاجر الجميلة

ماعلينا من يومين كنت عند شريف باشا لقيته كاتب بوست وبيقول انه مالوش بلد 

" شكلى بسيحلك يا شريف ههههههههههههههه 

وبفضحك فضيحة بجلاجل ههههههههه 

انا مارضيتش اقولك ف التعليق انى انا كمان 

ماليش بلد بس لقيت مش احنا بس اللى كده 

ده تلات اربع المدونيين مالهموش بلد

يروحوها ف العيد والاجازات والافراح والمأتم 

قلت يالهوتى هما شبهى اوى كده ليه ؟؟ 

كل ما ادخل مدونة من المدونات اللى بدخلها ومابعلقش بلاقى نفسى 

مش عارفة اعلق منا كأنى انا اللى كتبت الكلام ده ومستنية اشوف تعليقات الناس 

الغريب ان كل دى افكار ف دماغى بس انا بكسل اكتبها الاقى ناس سبقت وكتبتها 

هو مش بكسل الحق يتقال انا مابعرفش اعبر لغويا عن الحاجات دى 

وهما بيسبقونى عاااااااااااااااااااااااااا

طيب ايه انا كده تهت .. كل الناس دى متربيين نفس التربية نفس الافكار 

نفس المبادئ نفس القيم والاخلاق 

ايه بقه انا اللى شبهكوا ولا انتوا اللى شبهى ولا احنا كلنا

شبه بعض علشان كده اتجمعنا ف المجتمع ده ولا ايه؟

وربنا بقيت اتكسف من كتر مابدخل اعلق واقول ياكذا انت ليه شبهى 

ولا انا اللى خلطبيتة ومش محددة ملامح لشخصيتى وتايهة 

ومتخبطة وبفتكرنى شبهكوا ولا ايه ؟

عاااااااااااااااااااااااااااااااااااااااا عايزة حد يفهمنى بقه 

او ريحونى وقولولى ان انتوا كمان شايفنى شبهكوا

وانا كده تمام مش خلطبيتة ولا حاجة

اشتقتلك !!

طولت الغيبة  ..

انا بقيت كده ..

انا بقيت كده .. اللى هو ازاى يعنى اللى هو مش عايزة الناس 

مش عايزة اى حد 

وانا رايحة الشغل الصبح باخدها مشى 

من البيت لحد الشغل من ع الترعة كده وسط الزرع 

الطريق يخوف وخطر بس انا قلبى جامد بمشى 

من هناك علشان مش عايزة اشوف الناس 

مش عايزة اشوف كل طنطات اللى هما جيرانى 

مش عايزة اسلم عليهم رافضة الناس 

خالتو بتتصل مابردش عليها مش عايزة اكلمها 

عمو بيتصل مش برد عليه 

عمتو تتصل بردو مابردش 

خالو بردو مافيش فايدة

 ************

زمان لما جت سنة 2000 اتفقت انا واصحابى اننا لما تيجى سنة 2010 

نتقابل ونشوف وصلنا لاية 

اتصلوا بيا واتجمعوا وقعدوا يتحايلوا عليا

يابنتى تعالى ده يوم جمعة كلنا اجازة 

ونشوف بعض بقالنا  سنين مشفناش بعض 

مقضينها تليفونات ..  وانا ماليش نفس اروح 

يمكن اكون لانى الوحيدة اللى زى منا الجديد

عندى هو انى اشتغلت وده مش جديد اوى يعنى

هو مش ده السبب بس انا قلت لنفسى كده

  انما السبب انى مش عايزة اشوف الناس ولا اكلمهم 

====================

صاحبتى اللى بجد بموت فيها سافرت السعودية وقعدت سنة 

ورجعت مصر وسافرت تانى من غير ما اشوفها

ولا اروح اسلم عليها تتصل مابردش تبعتلى مسجات

انتى وحشانى ردى عليا حتى ماكلفتش نفسى

ارد عليها المسج اقولها انى كويسة ماتقلقيش

منتهى قلة الزوق بس مش عايزة اعمل كده مش عايزة اكلمها

===================

صاحبتى التانية اخر مازهقت اتصلت ع تليفون ماما تقولها منونا مالها 

مابتردش ليه ؟ 

عايزة اجيلها خليها ترد عليا تتفق معايا ع ميعاد ماردتش مش عايزاها تيجى 

  

بموت فيها وف اولادها وهما يكلمونى خالتو عازين نشوفك بس بجد مش عايزة اشوف حد 

=====================

صاحبتى التانية اما صدقت خطوبتها جت علشان ابقى معاها ف اللحظة دى 

مارحتش وزعلت وقالتلى هيبقى اخر يوم اعرفك فيه ورغم انها 

بجد بعتبرها اختى واكتر ماروحتش واعتذرت وهى سكتت بس ماسابتنيش

ولسه لحد اللحظة دى بتتصل ببص للتليفون 

وحتى ماكلفتش نفسى ابعتلها مسج

او اردلها الرنة 

 

================

كل يوم الصبح كنت لازم اصبح ع كل اصحابى برنة ع الموبايل

كل اصحابى حوالى 360 اسم لازم اصبح عليهم اصحابى وعيلتى

مابقتش بعمل كده مابقتش بلمس الموبايل حتى لو حد رن ببص وخلاص 

 ===============

فااتحة ايميلى بقالى اسبوع اونلاين ودى مش عادتى 

شايفة الناس داخلين خارجين واحشنى اوى نفسى اكلمهم 

مابكلمهمش مش عايزة اكلمهم وخلاص طيب ليه معرفش  

 ===================

شوية شوية بدأت اخسر كل الناس .. كله بدأ يفهم انى مش عايزاهم

مع انهم والله وبجد بحسد نفسى عليهم بيدادوا فيا زى العيال الصغيرة 

محدش ضايقنى محدش عملى حاجة اذتنى اوى يعنى للدرجة دى 

معرفش انا جرالى ايه حاسة انى استكفيت من الناس  

ليه بقه انا بقيت كده ؟؟ حد عنده تفسير للحالة دى ؟؟ 

لانى بجد بجد قرفت من نفسى وزهقت وعايزة حل للى انا فيه ده 

عاااااااااااااااااااااااااااااااااااااااااااااااااااااااااااااااااااااااا

   

   

 

سلام ياصاحبى ..

فاكر لما سألتك بعدنا ليه ؟

وايه جرالنا 

كنا اصحاب اوى

كنت فعلا الوحيد اللى بيخرجنى من اى حالة بكون فيها

معرفش اذا كنت فعلا اعز صديقة ولا لأ

بالنسبة لك

بس كنت انت فعلا اعز صديق 

بعدنا .. وسيبنا المسافة تكبر 

ولما سألتك كدبت ولما سالتنى انا بردو كدبت 

نبقى متعادلين 

واحد واحد 

بعدى عنك لانى حسيت انى خلاص مبقاش ليا فايدة عندك 

لانك خلاص مابقتش محتاج لى 

بعدك عنى انت ماقلتش عليه بس هو صح 

وانت عارف انى اكتر حد فاهمك 

على فكرة وحشتنى ياصاحبى 

بس مابقاش ينفع نرجع ولا ينفع نتكلم 

خلاص 

سلام يا صاحبى

Only to my dear friend ..With thinner wishes of happiness

علشان يشبهلك ..

كان نفسي أناديلك أشكيلك

أسمع منك أبكيلك

كان نفسي أنورلك قمري

وأعملك بإيديا الشاي

أحكيلك في الليل حكاياتي

و أغني لعنيكي بناي

كان نفسي أضمك و بقوة

أضمك إنت مش هو

كان نفسي أناديلك أحكيلك

أسمع منك أبكيلك

علشان يشبهلك

  !!

الـــحب كـــده ..

حبيبــي

  ..... 

لمـا يوعدنـي تبات الدنيــا ضحكالــــــي

ولما وصله .. . يسعدنـــي ما فكر باللـي يجرالــــي

ينسينــي الوجـود كلـــــه ولا يخطر علــى بالـــــي

ولمـــا طبعـــه

...

يتغيـــــر وقلبـي يبقـى متحيـــــــر

مع الأفكار أبات في نــــار وفــي حيــرة تبكينــــــي

واهو من ده وده .. الحب كده 

انت الدفا ..

ازاى بتقولى

خايف لو قلتى بردانه

أغطيكِى بإحساسي ما تتدفيـــــــــــش

وانا عمرى ما حسيت بالدفا غير وانا معاك

عن 2009 و 2010 اتحدث

من الاخر كده البوست ده طويييييييييييييييييييييل جدااااااااااااااااااا

سالخييييييييييير ..

انا جه 

ازيكوا يارب تكونوا كلكم بخير 

اسفة ع التاخير عليكم بس بجد ماكنتش قادرة اكتب حاجة 

هو انا المفروض اتكلم ف ايه ههههههه 

هاتكلم عن السنة اللى فاتت كالعادة 

2009 

سؤال سالته لكل الناس هل 2009 كانت حلوة 

الكل قال انها كانت سنة مطينة بطين هههههههه 

يلا الحمد لله انها راحت لحالها 

رغم ان ده مش رأى الشخصى 

رأى انا انها كانت سنة جميلة جدااااااااا 

اينعم خسرت حاجات فيها كتير بس كبت حاجات اكتر 

وبما انى محاسبة وكل بحسبها ف انا راى بما ان المكسب اكتر 

اذن هى كانت سنة مربحة 

طيب ما تيجوا نشوف انا كان نفسى ف ايه السنة اللى فاتت 

كل حاجة هنا 

 2009

 الامنيات اللى اتحققت ف 2009

السنة دى احم احم ربنا رد فيا الروح شوية وتخطيت مرحلة عود الكبريت وبقيت 

 مليانة شوية ع الاقل لم اصبح صاحبة لقب مسلوعة ههههههههه 

الحمد لله 

اخدت اخيرا كورس ال I C D L 

وانها حقا لمعجزة وتحققت هههههه

الحمد لله

الشغل اتظبط خالص وماشاء الله مرتبى زاد زيادة كويسة 

الحمد لله 

اصحاب ربنا رزقنى باصحاب بجد بحترمهم وبقدرهم 

وان كان اغلبهم ماشفتهمش لكن اتمنى حقيقى انى اشوفهم
ونفسى اقعد معاهم ونرغى كتير 

نورا وكيارا وشاهى بونوبنايتى وطبعا سكرة المسكرة 

وبنات كتير ومدونيين ماشاء الله عليهم ربنا يحميهم 

كلهم دماغهم حلوة وكنت بفرحلهم جدااااا لو عرفت عنهم اخبار حلوة 

وبزعل لو حد منهم زعلان او تعبان 

ربنا يديم المعروف يارب 

والف حمد وشكر ع صحبتهم 

اما اصحابى ف الواقع اللى شفتهم يعنى ههههههه 

زيزى الحمد لله كانت من اخر الناس اللى لحقتنا قبل 2009
ماتخلص وربنا رزقها بابن الحلال 

ربنا يكرمك ويهنيكى يا زوزو ويرزقك بالذرية الصالحة 

بطوطة ومحمد ربنا رزقهم بجنى - كانت المفروض ريتاج


بس هى متسمية عند ربنا بقه - 

بنوتة قمر قمر ماشاء الله عليها زى السكر ربى يحميها

ويبارك فيها يارب اللهم اميييين 

امولة واشرف فى انتظار ولى العهد وهتبقى بنوتة باذن الله 

زى القمر زى مامتها 

دودى وعصام .. ربنا كرمهم واحمد بقه بيفهم هههههههههه اخيرااااا 

وبقى شاطر ف اولى ابتدائى 

وزيزو المجرم بقه ممتاز ف الحضانة ماشاء الله ربى يحميهم 

ويخليهم ويبارك فيهم اللهم امين 

دودى ومحمود مستنين الانسة زليخة ههههههههه 

تنور الدنيا كلها الحمد لله فرحانة جدااا  ان ربنا كرمهم 

ربنا يجيبها بالسلامة يارب اللهم اميييين 

جى جى للاسف ماحصلهاش اللى اتمنيته ليها بس بجدد الامنية 

ربنا يكرمك يا جى جى ويرزقك بالذرية الصالحة يارب اللهم امييييييين 

نورا وطه ربنا رزقهم بالاستاذ يوسف اللى مغلب مامته 

هههههههه ولد فرنساوى زى مااتمنيته هههههههه 

ربنا يبارك فيه ويكرمهم فيه ويحميه اللهم امييييين 

شيرى روح قلبى 

ربنا رزقها بالزوج الصالح وفرحت بيها جداااااا 

وفعلا طلع جواهرجى ممتاز عرف قيمة اللؤلؤة اللى ف بيته 

وحشتينى يا شيرى اوى 

الاختين الطعمين  ...هبة وداليا

هبة وسامح اتجوزوا وفرحنا بيهم وف انتظار ولى العهد ينور الدنيا كلها 

باذن الله 

دودو ومحمد مازال عرض تطليع عين محمد وتغليبه 

لحد مايقول حقى برقبتى مستمرا ومعرفش ليه بتعمل فيه داليا كده 

مع انه وربنا غلبان 

ههههههههههه 

ربنا يكرمهم وافرح بيهم بقه ف 2010 باذن الله 

سمورة .. ابو سمرة حبيبتى هههههههههه 

سمر مازالت سينجل يا حبيبتى 

وبذلك هى قررت تخطبنى من دادى هههههههههههههههههه

ربنا يرزقك يا سمورة بالزوج الصالح يا حبيبتى اللى يهنيكى ويعرف قيمة 

العسل اللى معاه قولى امين يابنت 

نيجى بقه للحب .......... 

مش عارفة حاسة ان ف حد بينده عليا هناك صح 

انتوا كمان سامعينه 

ههههههههههههههه 

المال ..... 

عااااااااااااااااا كانت سنة خراب بجد مصاريفها كتيييييييير جدااااااااااااا 

جدااااااااااااااااااااااااااااااااااااااااااااااااااااااا

الصحة .. الحمد لله ع كل حال 

هى دى بجد الحاجة اللى نكدت عليا عيشتى 

انامن اول السنة لحد شهر 10 اللى فات وانا بموت ومحدش عارف انا عندى ايه ؟ 

لدرجة انى شكيت ف نفسى انى خلاص جالى كانسر ف المخ 

صداع رهيب وتنميل ف وشى وفيروس محدش عارفله اصل ولا فصل 

ف الاخر طلعت التهابات مزمنة ف الجيوب الانفية

ادت كمان الى حساسية ف صدرى

+

عصبيتى

+ 

حالتى النفسية التى ساءت بسبب ان محدش عارف ايه اللى عندى 

كل ده دمرنى صحياااااااااااااا

وكنت مش طايقة حد خااااااااالص 

وطبعا ناس كتير زعلت منى جدااااااااااااااا 

بس بجد محدش شاف اللى انا شفته ادعولى بالشفاء 

الحمد لله ع كل حال

نيجى لاهم حاجة ف حياتى علاقتى بربنا 

للاسف حساها بردو مش قد كده 

مابقتش اقدر اقوم اصلى الفجر بسبب الادوية لان فيها منوم

وده بجد مزعلنى من نفسى اوى 

كنت بدات احفظ قرأن وبعدين بردو وقفت 

بسبب الدوا اللى بيخلينى اغلب الوقت نايمة 

اتمنى بجد ان ربنا يقوينى ويقدرنى اكون احسن 

ادعولى بردو بالهداية يارب يخليكوا دى اهم عندى من الشفاء 

 الخسارة 

نودى .. عارفة ان الكلام هيوصلك صدقينى مش بعدى عنك سببه شيرين 

بعدى عنك سببه صدمتى فيكى اللى عمرى بجد ماتصورتها 

تعرفى ان انا لحد ددلوقتى بتتقتل كل مابشوفك 

متخيلة انتى ازاى حد يكون بيموت فيكى وتصدميه الصدمة اللى حصلت دى

والمشكلة انك بتنكرى وصدقتى واحدة 

الكل اجمع انها كدابة وشخصية اقل حاجة تتقال عنها انها زبالة

ربنا يهديكى ويصلحلك الحال ورغم كل حاجة حصلت بتمنالك 

زوج صالح يكرمك ويسعدك ويهنيكى 

وانك تاخدى الماجستير والدكتوراه زى ماكنتى دايما بتتمنى

بيبو .. عارفة انى خسرتك وللاسف خسرتك بس صدقينى 

كان لازم تعرفى ان ف حدود ف الكلام مهما حصل ما تتخطيهاش 

اذا كنتى انتى نفسك لو حد طول لسانه عليكى بالهزار بتزعلى 

وبتعاتبينى انى زعلت منك سبحان الله 

كمان لازم تتعلمى تراعى ظروف الناس 

انا ف اوقات كتيير جداااا 

مبيبقاش طالعلى صوت 

اوقات كتير مابقدر اتكلم وانتى جربتى وكلمتينى قبل كده وانا تعبانة 

وشوفتينى انى مابقدر اكمل كلمة الو 

وعارفة كويس اوى ايه اللى بيحصلى 

بكرة تجربى لما تشتغلى ان الوقت مابيبقاش ملكك 

ودماغ الواحد مابتبقاش طالبة كمان 

عتاب من حد انه ماسألش 

وهتعرفى ازاى تحطى موبايلك ف الشنطة الصبح
وماتفتكريش ان ليكى تليفون الا لما تيجى تنامى 

علشان تظبطى المنبة للصحيان الصبح 

ربنا يكرمك يا بيبو ويرزقك بالزوج الصالح ويوفقك ف حياتك كلها

ع فكرة انتى وحشتييييييييييييينى اوى 

ناس تانية كتير بحبهم بس زعلانة منهم 

عايزة اقولهم كلمتين وبس 

يمكن اكون انا بعدت عنكم ف وقت كنتوا محتاجين لى فيه 

بس محدش فيكوا فكر يسأل عنى ويقول ياترى ايه اللى بعدها 

محدش فيكوا كلف نفسه وافتكر انى ياما سألت وياما وقفت جنبكوا 

وياما قدرت ظروفكم وياما اتحملت عصبيتكم ونرفزتكوا عليا 

ياما تعبت بسبب زعلى علشانكم 

محدش افتكر غير بس ان منونا وقت شدتنا مكنتش موجودة 

مابحبش افكر حد انى عملتلوا حاجة حلوة ف يوم من الايام 

بس كمان انا تعبت نفسيا من كلامكم معايا وعتابكم سواء ع المكشوف او ع المتدارى 

بانى مش صديقة اصيلة وانى نسيتكم وقت الشدة 

فقلت افكركم انى مش وحشة اوى كده ليا بردو حسنات 

اسفة مش هاقدر ارجع منونا بتاعة زمان معاكم 

ع رأى جنات 

كان ف خيط رفيع بينى وبينكم 

واتقطع 

وحشتوووووووووونى بجنون وبتمنالكم كل خير ف 2010 والسنين اللى جاية 

هافضل ع طول فكراكم وبفتكرلكم الخير 

خلاص خلصت كلامى عن 2009 

بتمنى ف 2010

اتجووو وووووووووووووووووووووووووز من حبيب القلب بقه 

هههههههههههههههههههه 
ان اخويا كمان يتجووووووووووز من حبيبة القلب بردو 


ان اختى تاخد الليسانس بتقدير امتياز ولو انى عارفة ان ده رابع المستحيلات 
بس مافيش حاجة بعيدة عن ربنا هههههههههه 


ان مامتى ودادى يفرحوا بولادهم احنا يعنى ههههههه 

ويرزقهم ربنا بالحج او العمرة ايهما هيفرحهم 

وان ربنا يديهم الصحة وطولة العمر يباركلى ف عمرهم وصحتهم يارب

  

ان كل الناس اللى ببحبهم يحققوا كل اللى بجد بيتمنوه

ان محدش ابدا يحزن ولا يترفد من شغله ولا يرسب ف دراسته 

واللى نفسه يحب يلاقى نصه الحلو 

واللى بيحب يتجوز بقه واللى نفسه يشتغل يشتغل احسن شغلانة 

من الاخر محدش يبقى ناقصه حاجة 

ومافيش حاجة بعيدة عن ربنا ابداااااااااا 


يارب انت عارف انا بحب كل الناس اللى ف بالى دلوقتى قد ايه 


حققلهم كل اللى بيحلموا بيه واكرمهم واسعدهم يارب انت ع كل شئ قدير


بس خلاص بقه بيباى 2009 يا حلوة 
ياللى مخلفتيش ظنى فيكى 
وولكم 2010 
مستنياكى بكل الفرح اللى فيكى