احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، نوفمبر 14، 2009

حلووووووة يا بلدى

من عمايل ايد .... мαησηα بالظبط الساعة 10:55 م


بفرح لما بلاقى مصر فرحانة .. والله باى حاجة

مكنتش عايزاها تخسر .. ولا انا مش وطنية ومش حابة بلدى

بس زعلاااااااااااااانة اوى من الاهتمام الزايد ده بالكورة

طيب ليه مابنقفش الوقفة دى ف اى حاجة


تنفعنا كشعب

ليه سايبين ولادنا وشبابنا متبهدل بره


مصر ومتغرب ويارجع يا مرجعش

ولو رجع بيرجع خردة ايوة خردة كائن كله امراض

وشمعة احلامه انطفت من اللى شافه ف الغربة

ليه مانلمش بعض كده وندفع حق التذاكر اللى اندفعت

دى ونعمل بيها مشروع لشبابنا 


من جهودنا احنا الذاتية

ليه مانلمش بعض ونقف الوقفة 


دى قدام الحكومة اللى  مستغلة

هبلنا كشعب وعمالة تاكل ف لحمنا لما هنبيع هدومنا

وعيالنا بعد سنة من النهاردة ف احسن الظروف

ليه مانبطلش نرغى شوية ف التليفون سواء موبايل 


او عادى ونلم فلوسنا دى ونعمل بيها حاجة مفيدة

ليه مانبطلش نجيب لب وسودانى 


واكل مالوش لزمة ف الفاضية


والمليانة ونعمل حاجة تنفعنا

ليه بقيت الشعوب احسن مننا ؟؟

احنا الفراعنة اللى بنيننا الاهرام

ياااااااااااااااه يا مصر كنتى هتبقى


حلوووووة يا بلدى واحلى البلاد

فعلا لو كنتى بتشغلى دماغك اكتر ما بتشغلى هيافتك

امضاء / مصرية نفسها فعلا تفرح لبلدها وبيها

6 داقوا الشاى وقالولى رأيهم:

romansy يقول...

اكلنا نتمنى ان مصر تبقى احلى بلد فى الدنيا
والله بنحبها قوى قوى

Cute Kitty **sookra يقول...

انا التانى
طلعت اوت المره دى
المهم قلتى كل اللى انا عاوزاه يامنونه وربنا
بس تعرفى انا مخنوقه بجد جدا
الماتش لاكان فارق معايا يكسبوا او لا
انا مخنوقه يامنونه
الغربه وعمايلها
اه منها

فكرة من الزمن ده يقول...

للاسف كل كلامك صح
وياريته يتنفذ
لكن اكيد فرحتنا بالفوز كبيرة النهاردة
ومشامتش ابلة طاظا فيا

لكن قوليلي مين العثل اللي صورتها مكتوبعليها سما
سكرررر ماشاء الله ربنا يحميها

мαησηα يقول...

@ رومانسى مش كفاية اننا يبقى نفسنا ونبقى بنحبها بس ف الاغانى يا رومانسى بلدنا محتاجة مننا وقفة راجل واحد

мαησηα يقول...

@ سكرة .. سلامتك من الخنقة يا سكرة ياقمر انتى .. الماتش مكنش فارق معايا ولا معاكى ولا مع ناس كتير بس فارق عند ناس تانية اكتر .. شعبين عربيين مسلمين بيتخانقوا ع حتة كرة بلاستيك حاجة تقرف

فارق معايا تضيع الوقت ف الهيافة بس

мαησηα يقول...

@ فكرة من الزمن ده .. اكيد الفرحة كبيرة وربنا دايما يفرحنا كده بس الموضوع مش مستاهل اللى بنعمله ف بعض يابنتى والله

ماعلينا

السكرة دى تبقى بنتى حبيبتى سماء

روح قلبى انا وحياتى انا شفتى جميلة ازاى ... ماشاء الله عليها ربنا يحميها ويحفظهاويخليهالى يارب

 

ೋ واحــد شـاى ♨ Template by Ipietoon Blogger Template | Gift Idea