احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، نوفمبر 08، 2009

بحااااااااااااار ...

من عمايل ايد .... мαησηα بالظبط الساعة 8:38 م


بحار خايف من المشوار

 ف البحر وانت بعيد الموج تملى يزيد

 ويخبى ف الاسرار

 محبوب ومافكش اى عيوب


 مهما تغيب ع العين نورك ع الشطين

حبك قدر مكتوب

وناس بتحب كل الناس صوتك يونسنى 

من نظرة تهوسنى وعنيك قمر بالناس
 
وبدور وبعدى اى بحور

تندهنى وانا اروحلك

تحضنى وابوحلك

ده الحب عصفور لون

محبوب ومافكش اى عيوب

  مهما تغيب عن العين
 
 نورك ع الشطين حبك قدر مكتوب


14 داقوا الشاى وقالولى رأيهم:

Saso يقول...

منونه حبيبه البى
دا اول تعليق ولا ايه

Saso يقول...

منونه
قوليلى مالك فيكى ايه
قلقانه عليكى اوى ياحبيبتى
طمنينى عليكى

Saso يقول...

منونه
ليه البحار خايف يامنونه
ازاى يخاف وانتى معاه
صحيح المشوار طويل لكن لو البحار شاطر وامين البحر موش هيغدر بيه
عاوزه اكلمك

๓คภ๏ภค يقول...

يس ههههههههههههه اول تعليق كالعادة يا ساسو

ماليش حبيبتى شوية اكتئاب وهيروحوا لحالهم ان شاء الله

البحار مرعووووب مش خايف .. الدنيا ملطشة فيه ومعاه وحاجة اخر خنقة يعنى

معلش سامحينى ف موضوع الكلام ده دلوقتى

حبيبتى انا مشكلتى انى بحب ابعد عن الناس لما بكون مخنوقة ومكتئبة

ادعيلى لو بتحبينى ان ربنا يكرمنى ويحققلى اللى بجد بتمناه من كل قلبى

sookra يقول...

ربنا يكرمك يارب ويحققلك كل احلامك وامانيكى يارب يامنونه
ويهديلك الحال وتتحقق كل امنياتك يارب وتخرجى من خنقتك دى عشان منونه حبيبتى بنوته زى السكر وربنا يبعد عنك اى حاجه وحشه يارب

๓คภ๏ภค يقول...

تسلميلى يا احلى سكرة يارب اللهم اميييييييييييييييييين

انا وانتى يارب وكل اللى باله مش مرتاح ومشتاق للامان والحب اللهم امين

حلو النيو لوك يا حبيبة قلبى انتى يا سكرة فعلا

شاب فقرى يقول...

كلماتك حلوة اوى

ياريت الواحد يعرف يقراها ويحسها تجاه اى حد ولو حتى نفسه

تحياتى

شاب فقرى

فكرة من الزمن ده يقول...

جميلة اوي
كلامها بسيط وسلس وحاسة اني عايزة اسمعها بتتغنى على السمسمية
بجد حلوة اوي


ومش عارفة انتي زورتيني قبل كده ولا لالكن انا عجبتني مدونتك ده اللي فاكراه
تحياتي

Angel يقول...

منمونه..

تشرّفت بهذا النبض

دمتِ هادئة إلا على الحرف..!!

Angel love
or
Bonbona
(:

دموع كابر يقول...

مساء الخير
انا مدونه لسه نونو ويسعدنى انك تشرفينى وتزورينى

๓คภ๏ภค يقول...

كريم .. للاسف كان نفسى افرحك مش كلماتى دى اغنية من اغانى بلاك تيما اسمها بحار

اعمل عنها سيرش وشوفها هتعجبك ع فكرة جميلة وهى مسموعة


منوووووور وربنا بفرح بوجودك ف واحد شاى

๓คภ๏ภค يقول...

فكرة من الزمن ده ..

هى فعلا متغنية بس مش ع السمسمية اعملى سيرش عنها ف جوجل اسمها بحار لفرقة بلاك تيما

تحفففففففة بجد وهى مسموعة

انا حاسة انى جيت عندك قبل كده وربنا بس انا ظروف دماغى صعبة شويتين
ههههههههههههههه
ان شاء الله هاجيلك كتييييير حبيبتى بس افووووووق كده

ادعيلى حبيبتى

๓คภ๏ภค يقول...

انجل .. حبيبتى انا اللى اتشرفت بيكى

بتجيبى الكلام الحلو ده اللى مش عارفة ارد عليه منين يا اوختى هههههههه

ميرسى يا احلى بونبوناية وعايزة اقولك انى باجى عندك كتيييييير

بس مكنتش بعلق معرفش ليه ؟؟

هابقى افتكر واقولك امووووووواه

๓คภ๏ภค يقول...

كابر من غير دموع ان شاء الله

مساء النور حبيبتى

انتى مدونة زى العثل اكيد هاجى عندك بس سامحينى شوية لحد العيد بس اخلص من الغمامة اللى ف حياتى دى وجايلااااااااك دونت وورى

نورتينى ويارب ماتكونش اخر مرة تيجى عندى فيها حبيبتى

 

ೋ واحــد شـاى ♨ Template by Ipietoon Blogger Template | Gift Idea