احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، نوفمبر 28، 2009

كل سنة وانتوا بخير

من عمايل ايد .... мαησηα بالظبط الساعة 11:17 م

كل سنة وانتوا طيبين وبخير وبصحة وسلام


ويارب السنة الجايةنكون كلنا صحبة بنحج بيت الله الحرام


يارب اللهم امييييييييييييين


معلش عارفة انها متاخرة بس بلوجر


 عنده عسر هضم من قبل الوقفة


 بيوم ولا راضى يخلينى اعلق عند حد ولا بيحمل المدونات اصلا


كل حاجة بتابعها من الياهو اللى بردو بيفتح بمعجزة من الله


وجربت ابعت البوست اللى فات من حاجة كده عندى واتبعت تخيلوا


يلا خيييييييييييييييييييييير


المهم بقه عارفين احلى حاجة ف العيد ايه ؟


ان الواحد بينااااااام هههههههه اصلى بعز النوم اوى


وكمان اللمة الحلوة بتاعة العيلة هى اينعم بتبقى يومين يوم لعيلة بابا ويوم لعيلة ماما


بس انا بحبها جدااااااااا واينعم ببقى متدغدة ومش قادرة استمتع من السفر وتنظيف الشقة هنا وهناك


بس بحب اقعد ف جنب ع كرسى كده واتفرج ع كل حبة بيعملوا ايه


اينعم بيفتكرونى كائن منطوى وكئيب هههههههههه بس مش مهم انا ببقى مستمتعة بكده


عارفين بقه اكتر حاجة بكرهها ف العيد هى ايه ؟


المطبخ عاااااااااااااااااااااااااااااااااااا


ايه ده المواعين مابتخلص يدوبك انضف المطبخ الاقى اتملى تانى عااااااااااااااااااااااا


ع راى محمد اخويا امبارح دخل عليا المطبخ وبالليل


بعد ماعمتو مشيت هى واولادها من عندنا والدنيا برررررد


وانا مابعرفش انام والبيت مش ع سنجة عشرة


لقيته بيقولى هههههههههههههه انتى مالك يا منمن عاملة زى عبده القهوجى كده ليه ؟؟


ههههههههههههه


كان شكلى بائس وربنا بس بحب العيد بردو


=============


كل عيد اضحى بفتكر فيه الرئيس صددام حسين


الله يرحمه ويغفر له ويسكنه فسيح جناته


والاقينى حزنت عليه جدااااااااا لان الراجل ده بالذات انا بحبه جدااااااااا


يلا بقه ببياى لانى ع وشك الدخول ف غيوبة




كل سنة وانتوا طيبين وسامحونى ع التاخير


 ف الردود ع التعليقات لانى عندى  انفلونزا شديدة


وزورى مش طايقاه ومقضية العيد بين المطبخ والسرير


 

8 داقوا الشاى وقالولى رأيهم:

فراشة يقول...

كل سنة وانتى طيبة يا منمن

ويارب يكتبلك حج وعمرة يارب

عيد سعيد عليكى وعلى كل الاسرة يارب
وسلامتك ربنا يشفيكي

sookra يقول...

ازيك يامنمن
ولايهمك ياحبيبتى
روحى نامى يابت وسيبك من المطبخ
مع انى زيك موش بعرف انام غيرلما البيت يبقى على سنجه عشره واصبح الصبح الاقيه على سنجه سالب 100
هههههههههههه
سلامتك من البرد ياقمر انتى

romansy يقول...

كل سنه وانتى طيبه
ويارب دايما دايما
تحققى كل اللى تتمنيه
وبعدين احنا معاكى
اننا زعلنا على الريس صدام الله يرحمه
وياريت ياريت
نحقق كل اللى نتمناه

blue-wave يقول...

معلش
الف مليون سلامه عليكى
وكل سنه وانتى بالف الف خير
ورب ضارة نافعه اهو التعب دا هايرحمك من المطبخ ولا ايه؟:))

๓คภ๏ภค يقول...

سكرة

ههههههههه نفس المأساة اللى بصحى

الاقيها الشقة والمطبخ حاجة عجيبة يابنتى

تسلميلى حبيبتى كل سنة وانتى بخير ياقلبى

๓คภ๏ภค يقول...

رومانسى

تسلملى يارب يا احمد .. وانت طيب وبخير يارب

الله يرحمه هو انا ع طول زعلانة عليه والله

انا اصلى مولودة هناك فعندى حنين للبلد كلها بحلوها ومرها

سين سؤال : هو انت احمد الدسوقى اللى ع الفيس بوك ؟؟

๓คภ๏ภค يقول...

يافراشة يا قمراية اللهم اميييييييين يسمع منك ربنا حبيبتى انا وانتى وكل المسلمين نكون صحبة باذن الله

وانتى طيبة وبخير حبيبة قلبى وتسلميلى حبيبتى ع مرورك الرقيق ده

๓คภ๏ภค يقول...

د عمرو للاسف مش بيرحمنى

تخيل بقه تعبان ولازم تتطحن هههههه هو ده العيد عند البنات ههههه

كل سنة وانت بالف صحة وخير

 

ೋ واحــد شـاى ♨ Template by Ipietoon Blogger Template | Gift Idea