احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، يناير 02، 2009

ســــــــــمــــــــاء

من عمايل ايد .... мαησηα بالظبط الساعة 4:02 م




عدت سنة بسرررررررعة على اول مرة شفتها فيها



كان زعلانة وبتعيط وعندها حالة رعب من الحضانة ومنى بشكل خاص


لانى بزعق


اجمل بنت شفتها فى حياتى .. مش جميلة لانها جميلة الشكل


_ مع انها سبحان الخالق فعلا جميلة _



هى جميلة علشان بتسمع كلام ماما وبابا وتيتة عايدة


فى يوم خرجت على الطريق فجريت عليها وزعقتلها جامد


وطبعا البنت جالها زعر مش رعب المهم بعدها قعدت معاها


وقلتلها انا بحبك وكنت خايفة عليكى .. ممكن ماتزعليش منى


قالتلى انا كنت هاروح اشترى حاجة ماكنتش اعرف انى بعمل غلط


وبعدين اتصالحنا واكتشفت انها صورة من بنتى زى ما احب اشوفها


وبقينا اصحاب وروحى بقت فيها اكتر واكتر من الاول


وعزمتنى عندهم فى بيتها ولعبنا بكل اللعب وعملتلى محشى ورق عنب


علشان احنا الاتنين بنحبه .. وكمان بنحب الترمس بقشره ..


وبنحب الشطة جداااااااااا


والاحلى بنحب نرسم ونلون


بنرسم سماء وفيها حمام بيطير


حمام كتيييييييييييير على قد ما سماء بتحبنى


فى مرة كنت بكلم نفسى وبقول ياربى انا نفسى اجيب بنوتة زيك يا سماء اعمل ايه ؟؟


قالتلى بمنتهى البراءة روحى للدكتور وهو هيفتحلك بطنك كده ويطلع منها سماء


_ وملامحها كلها الم _ هيوجعك شوية بس هو هيديلك دوا هتخفى ع طول هههههههه



دايما كنت بقول انى مش مقتنعة ان فى حد يحب حد لدرجة انه يحبه اكتر من نفسه


بس اكتشفت انى بحبها حب جنونى وانى بحبها اكتر من نفسى


النهاردة كان يوم ميلادها الرابع العمر كله ليها يارب


كانت غايبة لانها تعبانة شوية بس ماما عملتلها حفلة ميلاد حلوة


وهتجيبلى تورتة من اللى فيها كريمة ..

ولو خلصت هتجيبلى كيكة عادية


بس بشرط مارجعش اقولها انا عايزة تورتة


ربنا يخليكى ليا يااجمل بسمة فى عمرى .. ويبارك فيكى ويحفظك


واشوفك احلى عروسة وام وجدة كمان





2 داقوا الشاى وقالولى رأيهم:

... amr يقول...

ربنا يبارك لك فيها و تشوفيها اجمل و احسن بنتوتة في الدنيا و يرزقك بنوتة زيها ان مكنش اجمل :)

..............

ممكن تسلميلي عليها ؟ اصلي مش بمسك نفسي قدام الاطفال بصراحة :(((

мαησηα يقول...

اللهم امين ياعمرو

ويرزقك انت كمان بالذرية الصالحة

تسلم من كل شر

وسلامك يوصل ان شاء الله

 

ೋ واحــد شـاى ♨ Template by Ipietoon Blogger Template | Gift Idea