احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، مارس 01، 2014

أول سنة لـــ " عُمر" الهنا

من عمايل ايد .... мαησηα بالظبط الساعة 1:01 ص



النهاردة

 "عُــــــــــــــــمــــــــــر

بقه عنده

♥♥♥ ســــ 1 ــــنة ♥♥♥


Mohammed Darwish كل سنة وانتوا طيبين وبخير وعمر فرحة قلبكوا يارب انت ومامته

 للاسف مكنتش موجودة يوم ما اتولد معاهم والاروبة سارة هي اللي كانت هناك 




ــ وعمر يعني فرحة كده ملهاش وصف .. يعني طبطبة ربنا علينا كلنا


يعني حياتي وقلبي وعقلي .. يعني بحبه اكترررررررر من عيالي 


عمر يعني لما ابقى محتاجه حضن يرجعني للدنيا الاقيه بيدهوني من غير ما اطلبه منه

 عمر يعني فرحة اول ضحكة .. 

 يعني فرحة اول سِنة .. 

يعني فرحتي اللي بتبقى مش نافعة تتوصف لما ياخد بأيدي ويتسند عليا علشان يمشي 

يا الله .. يا الله .. يا الله ع ده احساس 

يعني الشقاوة اللذيذة اللي واخدها مني .. يعني الجنان والهيبرة لما بنكون سوا 

يعني بابا .. اللي بتبقى منه سكر .. 

يعني عياطه لما انزل واسيبه ... يعني مسكته فيا كأني انا اللي أمه مش عمته 

عمر  باختصار يعني "حياتي "  ♥



ربنا يحميه ويبارك فيه وينبته نبات حسن يارب .. ويجعله قرة عين وقلب باباه ومامته


♥***** ♥ ***** ♥ ***** ♥

* واد يا عمر اوعى لما تكبر وتقرأ البوست ده تتريق عليا وديني اقرصك ساعتها  

ابوك وعمتك ياماااااااا اتعملهم قبلك اعياد ميلاد هنا 

اصل هنا انا بعتبره ارشيف لحياتي من بعدي ♥

♥♥♥

* عمورتي حبيبي معلش هنأجل عيد ميلادك اسبوع لان عمتك منونة اللي هي انا عيانة واحتمال تودع 

كان دور برد بعيد عنك منتشر اياميها في مصر بس كان فيه خطورة لانه كان ممكن يقلب لانفلوزا الخنازير 

ماعلينا المهم كل سنة وانت حبيبي ♥

5 داقوا الشاى وقالولى رأيهم:

P A S H A يقول...

بسم الله ما شاء الله ولا قوة إلا بالله والله أكبر ، ربنا يبارك فيه ويحفظه وينبته نبتاً حسناً ويجعله من الذرية الصالحة إن شاء الله
:)
كل سنة وأنت طيب يا عمر باشا وعقبال مليون سنة يا جميل ، عمتو جابتلك هدية ولا ضحكت عليك بالبوست ده ؟؟
D:

Ramy يقول...

أزيك يا أختنا العزيزة

(:

و كل سنة و عمر بكل خير و سلامة و تفرحوا بيه دايماً

(:

يارب دايماً فى فرحة عندكم و يديم عليكم النعمة دى

أنا أنبسطت فعلاً يوم معرض الكتاب أنى شوفتك أنتى و الأميرة سارة (:

و يا رب دايماً أشوفكم بخير أنا اسف انى معرفتش أقعد معاكم

و أهلأ بيكى فى قاهرة المُعز و يارب متتخنقيش من الزحمة (:

سلامى لعُمر كتييييييير ((:

ربنا معاكم دايماً

Unknown يقول...

كل لحظة وهو بألف خير

فاتيما يقول...

كل سنة والعثل طيب وحلو ومالى عليكو الدنيا
وعقبال عمورى بتاعك انتى بقى
خلصونااااااااااا
(فاتيما تهتف)

وألف سلامة عليكى يا حبيبتى
انفلونزا خنازير ايه
انتى انفلونزاتك تبقى انفلونزا كتاكيت
عصافير
قطط صغننة
حاجة كدا

:-* وحضن كبييير
وميهمكيش انا عاوزة إتعدى

:))

فاتيما يقول...

نسيت السلام أمانة لجدة عمورة
ولعمته والنبى
ولخطيب عمته التانية
ولباباه ومامته بالمرة .. هيه
يلا شالله ما عن حد حوش

:))

 

ೋ واحــد شـاى ♨ Template by Ipietoon Blogger Template | Gift Idea