احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، يناير 28، 2012

وحشتنى يا صديقى ...

من عمايل ايد .... мαησηα بالظبط الساعة 11:57 ص





اسبوع يا جدو عدى هوا 

وحشتنى ...



_ صباح الخييييييييييييير يا جدووووووووو 

_ صباح الخير يا حبيبتى ... كل ده نووووووووووم 

_ اوووووووووبا  قال وانا كنت فاكراك هتقف معايا قصاد ماما وتدافع عنى 

_ ادافع عنك ايه انتى واخده حقك وزيادة انتى بتنامى كتير اوى 

_ :(  خلا ص هاصحى بدرى يا جدو 

_ اصلك بتوحشينى ماتزعليش 




عارف انت وحشتنى قد ايه دلوقتى وحشتنى كتير اوى 

مش قادرة اقولك وحشتنى قد ما بحبك 





عارف انا بحبك اوى ليه ؟

علشان انت عملتلى كل حاجة نفسى فيها 

 فاكر لما قولتلك  انا نفسى تخف وتبقى زى الحصان علشان انا عايزاك تحكيلى 

حكايات كتير من بتاعة زمان علشان انا بغير من صحابى لما بيحكوا عن جددودهم ؟

وانت ماهنش عليك تزعلنى 

انت ماخفيتش بس وانت بتطلع ف الروح قعدت تحكيلى علشان انا ما ازعلش 

علشان انا كمان احكى لاصحابى عنك وعن حكاويك 





فاكر لما روحت كلمت صحبتى ورجعت زعلانة ومش قلتلك حاجة 

ولقيتك بتقولى تعالى اقعى جنبى هنا 

قولتلى انتى عارفة انا بحبك ولا لأ ؟

قولتلك عارفة يا جدو وانا بموت فيك 

قولتلى طيب ماتزعليش ربنا يكفيكى شر مكر القلوب !!!!! 

استغربتك اوى قوتلك امين وعيطت 

طبطبت عليا وقولتلى انتى اصلك حلوة اوى

لازم يضايقوكى علشان تبقى زيهم وحشة 

انما انتى هتفضلى طول عمرك حلوة 

قولتلك شكرا يا جدو قولتلى ربنا يطمن قلبك يا حبيبتى 

بوفاتك يا جدو انكشفلى مكر القلوب 

وقررت ابعد عن كل القلوب المكارة 

لانهم مايستهالونيش :) 

انا دلوقتى مش زعلانة يا جدو انت بس وحشتنى !!! 





عارف انا كان نفسى تيجى تقعد معانا من زمان 

مكنتش اعرف انك بتحبنا زى ما احنا بنحبك اوى كده 

معرفش ليه اختارت تيجى دلوقتى بس 


بس كأنك كنت عارف ان اخر رحلتك هتكون فى احضاننا 

انا كان نفسى اشبع منك اوى :( 




انا اسفة انى وجعتك لما رديتلك روحك تانى :( 

والله اسفة انا بس مكنش هاين عليا تسيبنى 

انت كنت مونسنى يا صديقى 

كنت واخد بحسى وكنت بتعلم منك كتير

 اوى ف اليوم الف مرة بتعلمنى حاجات 

انا اسفة اوى مكنش قصدى والله بس فراقك

 صعب عليا اوى ومازال !!!!






شكرا يا جدو انك علمتنى حاجات كتير 

علمتنى انى مهما تعبت مش لازم افقد الامل ف الحياة 

ربنا ادانى حاجات حلوة كتير لازم  احافظ عليها واستعملها صح 

انى حتى لو كنت بموت مش لازم اقول غير


  ياااااااااااااااارب

 ارفع عنى وعن كل المسلمين الالم 

ان الواحد لما بيعيش حلو بيموت حلو 

ان الواحد ماهو الا سيرة وريحة حلوة

ماتطلعش ابدا م القلوب حتى القلوب المكارة 

ان الناس حلوين وونسهم حلو وانك كل ماتعمل حاجة حلوة

هتقعدلك وهيشيلهالك الزمن يطلعهالك ف يوم 

تكون محتاج ايد تطبطب عليك وتمسح وجعك 

ان البنى ادم مش فلوس البنى ادم احساس !!! 

انى انا صح .... لما اعمل للناس حاجات حلوة

هتتردلى فى يوم مش من الناس نفسها  

تؤ من ناس تانية اجدع واحن وعندهم اصل !!! 









مبسوطة  انك جيتنى وطمنتنى عليك  

مبسوطة انك هنا معايا فى كل لحظة وفى كل وقت 

ريحتك لسه هنا فى قلبى وفى بيتنا .

مبسوطة انك لمتنا كلنا من تانى 

مبسوطة انك انت كنت إنصاف ربنا ليا انا وامى واخواتى 

وانا اللى كنت فاكرة الانصاف ده هيجى فى حاجة تانية 








انا رغيت معاك كتير معلش يارب ما اكون صدعت 

بس اكيد دلوقتى صوتى مش بيتعبك

ولا المناهدة معاك بتتعبك 

انا بس كنت عايزة اقولك وحشتنى !!! 






20 داقوا الشاى وقالولى رأيهم:

أع ـقل مـ ج ـنـونــة يقول...

:((

يارب يرحمه ويغفرله يارب
أكيد الجمال دا في مكان احسن من هنا كتير

خلتيني ابكي !

P A S H A يقول...

لا إله إلا الله محمد رسول الله

البقاء لله يا منى .. ربنا يرحمه برحمته الواسعة ويفسح له في قبره مد بصره ويغفر له ذنبه ويجعل عن يمينه نوراً وعن شماله نوراً ومن فوقه نوراً ومن تحته نوراً ويبدله داراً خيراً من داره وأهلاً خيراً من أهله ويلهمكم الصبر والسلوان اللهم آميــن

Baskouta يقول...

انتي حبيبتي يا منونة
ماتزعليش
انا كمان بابا وحشني اوي اوي
وبكلمه
وحشني اكتر ما ممكن حد يتصور
وفاهمة اوي انتي حاسة بايه

ربنا يرحمهم ويغفر لهم ويصبرنا على فراقهم

وزي ما جدو قالك انتي حلوة وهتفضلي كدة على طول

همس الاحباب يقول...

البقاء لله وحده
ربنا يرحمه ويسكنه فسيح جناته
عنده حق فى كل نصايحه ليكى
ربنا يصبرك ويجعلها اخر الاحزان
خالص التعازى

мαησηα يقول...

ريمو .. حبيبتى انا اشفة بكيتك :(

بس والله كان تنفيس لابد منه :(

سامحينى

اه الحمد لله بجد هو فى مكان احسن من

هنا بكتير مكان يستحقه

مكان كله نور بعمله الطيب

ربنا يرحمه ويرحم جميع اموات

المسلمين يارب اللهم امين

мαησηα يقول...

شريف باشا...

ونعم بالله يا شريف :(

اللهم امييييييييييين يا رب العالمين

ميرسى ربنا يخليك يارب

ما اعزيك فى غالى عليك ابدا يارب

سلملى على بنت قلبك :)

мαησηα يقول...

انتى كمان حبيبتىيا بسكوتى :)

عارفة اللى مضايق الواحد انه واحشك

وانتى مش طايلاه :(

ربنا يطبطب على قلبك وقلبى بايده

الحنينة يا بسكوتى

ويرحمهم ويغفرلهم ويرزقهمالجنة هما

وكل اموات المسلمين يارب

انا حلوة بيكى :)

мαησηα يقول...

ونعم بالله يا ابيه خالد ...

يارب اللهم اميييييين

ما نعزيكش فى غالى عليك ابدا يارب

تسلملى يا ابيه

طمنى عليك ؟؟؟ يارب تكون دلوقتى بخير

سارة درويش يقول...

:"(

كان نبيل يا منى.. حتى حزننا عشانه بمذاق نبله.. ربنا يرحمه

أع ـقل مـ ج ـنـونــة يقول...

مني
متتأسفيش !!

عارفة انا بكيت ليه؟
ان في زمننا دلوقتي النقي الطاهر اللي زي جدك رحمة الله عليه .. بيخلصوا بسرعة
بيمشو بسرعة اوي
هيفضلو كدا يمشو واحد ورا واحد
لحد مانبقي لوحدنا فالدنيا الظالمة دي

مممممم
بكيت عشان حسيت بكل كلمة
حسيت بحنية جميلة اوي
حسيت بحب كبيرررررر مبقتش اسمع عنه او اشوفه الا ف الافلام بس
حب نقي اوي

يااا ربي
لو ربنا كتبلي واتجوزت وخلفت وبقالي احفاد .. هحاول احبهم اوي كدا زي ماجدك حبكو / جايز يفتكروني ويحبوني زي ما انتي وسارة حبيتوه !

ربنا يرحمه ويغفرله
وبرده أكيد هو في مكان أحسن من الغابة اللي احنا فيها دي مليون مرة

في الجنة بإذن الله <3

وكالعادة بحب اقولك اني بحبك اوووي

richardCatheart يقول...

قلبى معاكى يا قلبى ربنا معاكى ويصبرك ويطول عمرك هو فى الجنه ان شاء الله عليكى ويطمنه ربنا يتقبله ويرحمه ويسكنه فسيح جناتة يارب

ياره عبدالله يقول...

السلام عليكم ورحمه الله وبركاته

كلامك وجعنى قوى وأثر فيا بجد
ربنا يرحمه يارب ويجعل مثواه الجنه
ويصبرك على فراقه

نيللى على يقول...

وحشتننننننني جدا يامنووووش

الجد ده حاجة متتعوضش ولا بكنوز الدنيا بيكون بير من الحنان والأمان والدفئ
ربنا يصبرك وتعيشي وتفتكري علي طول
آمين.

L.G. يقول...

رزق كبير ان ربنا يرزقك جد أو جدة أو جارة أي حد يحبك من غير مصلحة
انا افتقدت ده في حياتي قوي
ربنا يرحمه

мαησηα يقول...

سارورة ..

صح كان فعلا نبيل

الله يرحمه ويحسن اليه

мαησηα يقول...

سارورة ..

صح كان فعلا نبيل

الله يرحمه ويحسن اليه

мαησηα يقول...

ريمو حبيبتى ...

اها معاكى حق للاسف فعلا بيخلصوا

بس هنعمل ايه هى دى زى مابيقولوا

سُنة الحياة :(

والله يابنتى الحمد لله ان كلامى بكاكى مدام حسيتى كده

علشان هو فعلا حصل وهو فعلا طالع من القلب فوصل للقلب


ان شاء الله حبيبتى ربنا يبارك فيكى وفى عمرك ويرزقك زرية صالحة تدعو لك دايا يارب ويفرحك برؤيتهم وونسهم يارب


اللهم امين يارب

انا كمان بموت فيكى اوى :* :*

мαησηα يقول...

قطتى ...

اللهم امين حبيبتى

تسلميلى يارب و عمرى ما اعزيكى فى غالى عليكى ابدا يارب

мαησηα يقول...

ياره عبد الله ...

وعليكم السلام ورحمة الله وبركاته

:( معلش انا اسفة :(

بس والله ده انا حساه فعلا

يارب اللهم امين يارب

وان شاء الله عمرى ما اعزيكى فى غالى عليكى ابدا يارب

мαησηα يقول...

نيللى ..

اهلا اهلا اهلا بالحلوة الجميلة

انتى كمان وحشتينى اوى ماتشوفيش عمرك وحَشة يارب

اها معاكى حق خصوصا انى عشت محرومة منه طول سنين عمرى :(

يارب اللهم امين

 

ೋ واحــد شـاى ♨ Template by Ipietoon Blogger Template | Gift Idea