احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، يناير 09، 2012

♥ لفتة حبنا ♥

من عمايل ايد .... мαησηα بالظبط الساعة 1:12 م







سالخيييييييييييييييير عليكوا كلكوا 

الحقيقة انتوا وحشتونى 

وانا بصراحة دماغى بقت عاملة زى البطيخة مافيهاش جديد 

حاجة فاضية كده معرفش ليه ؟

المهم 

انا جيت اقولكم على خلاصة تجربة رهيبة مريت بيها 

ايون ماهو الواحد لازم يفيدكم بردو من تجاربه 

هاكلمكم عن اللفت اه والله 

ايه اللفت المخلل ماتعرفهوش ؟؟؟؟

الله يباركلكم محدش يجى يقولى 

يييييييييييييييييييع ويايايايا

لحسن بتنقط ماله اللفت مش نعمة ربنا

وكلنا بناكله بقه محدش يكدب  ... 

المهم

بعد ما قطعت حبة لفت محترمين

اكتشفت ان الطريقة المثلى لتقطيع اللفت هى انك تقطعيه 

ثلاثة اجزاء مش نصين 

لان عمرك ماهتقدرى تظبطيه على نصين 

وبعدين مش هيبقى شكله حلو 

انما لو قطعتيه على تلاتة هتلاقى شكله بقه ظريف كده وصغنن 

انا توصلت للحكاية دى مع اخر لفتاية قطعتها والله العظيم 

بعد ما اتذليت وصوابعى اتقطعت مع كل لفتاية قطعتها

 بس كله يهون فداء مخلل اللفت اللى انا بعشقه 

واحب انوه ان دى اول تجربة ليا مع المخلل وربكم يسترها وتنجح 

من غير تدخل امى العزيزة ربنا خليهالى ويباركلى ف عمرها 

قولوا امين 


استنوا استنوا انتوا هتمشوا كده تؤ 

مش تعرفوا الاول فوائد اللفت 

مافيش حاجة ربنا سبحانة وتعالى بيخلقها كده 


كل حاجة ليها لازمة وفوائد عظيمة كمان

القفوا بقه فوائد اللفت :

الكلام اللى جاى ده للناس اللى صحتهم على قدهم زى حلاتى كده :))

يفتت الحصى ، يمنع انحباس الماء بالجسم والتنفخ  الاستسقاء.

 منشط للكبد ، يعالج اليرقان ، ويمنع امراض حصى المرارة.
يعالج امراض الفقرات والحوض.

 يعالج ضعف البصر لما فيه من فيتامين أ ومشتقاته.

مقشع يعالج امراض الرئة خاصة

Bronchitis .

 - ينفع لآلام النقرس.

 ينشط الدورة الدموية بالكلى مما يساعد على التخلص من اليوريك اسيد

الناس بقه اللى بتهتم ببشرتها والحاجات دى القفوا ده 

يعتني بالبشرة وينعمها، يمنع الكلف 

( الكلف ده بيطلع للستات بقعكده من أثر الحمل الولادة تقريبا )

والناس الغشاشة بينفعها بردو ااااااااااااااااااااه والله شوفتوا 

بيغشوا بيه المربات ( جمع مربى )

ليه بقه علشان مالوش طعم ولا ريحة لما بيتسلق شوفتوا بقه 

انى نفعتكوا اهى دى معلومة جديدة محدش ينكررررررررررر 


سلاموا عليكوا بقه 






6 داقوا الشاى وقالولى رأيهم:

MR.PRESIDENT يقول...

أولا ربنا يخلي لك الست الوالدة يا ستي.
ثانيا مقصر مع كله
ثالثا اللفت يع أنا مش بقول يع على اللفت أنا بقول يع على تأثيراته الغازيه اللي بيعملها.
رابعا ما أنزل الله من داء إلا جعل له دواء وأنا شايف إن أي حاجة في الكون طبيعيه دوا ولو بنسبه معينه.

Tarkieb يقول...

دي لفتة حلوة منك...

أع ـقل مـ ج ـنـونــة يقول...

انا بحب اللفت يا منووونة
بس مبعملهوش
ماماهي اللي بتعمله:))
ربنا يخلي لينا مامهاتنا

мαησηα يقول...

بسام ...

اولا اللهم امييين يارب ويخليلك مامتك يارب

ثانيا ولا يهمك يا بسام والله انا كمان مش فاضية اتابع حد كتر خيرك والله انك بتجيلى

ثالثا ههههههههههه ماهى كل الناس بتقول يع علشان تأثيراته الغازية الناتجة عنه , انا عارفة بس فى ناس بيزودوها حبتين تلاتة على اساس انهم كائنات لا تخرج روائح سواء باللفت او غيره :)


رابعا صح تمام الكلام

خامسا من عندى نورتى جداا والله كانت وحشانى كومينتاتك :)

мαησηα يقول...

تركيب : ميرسى مرورك الاحلى

بالمناسبة انا بروح عندك كتير بس معرفش ليه مبعرفش اعلق على اى بوستات :)

мαησηα يقول...

ريمو حبيبتى ...

اها شاطرة يا ريمو والله برافو عليكى

ياااارب اللهم امين


عايزةاقولك ان امى تدخلت ف الموضوع لانى كترت الملح جداا ونسيت احط بنجر :)

 

ೋ واحــد شـاى ♨ Template by Ipietoon Blogger Template | Gift Idea