احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، أكتوبر 01، 2010

ثلاث سبعات ..

من عمايل ايد .... мαησηα بالظبط الساعة 12:33 ص




سالخير عليكووووا

ده تاج جايلى من سارة المشد 
صاحبة مدونة قالت سارة

اللى اصلا كان جايلها من فدوى فريد

صاحبة مدونة حبل غسيل

*******

ونقول بسم الله الرحمن الرحيم

7 حاجات نفسى اعملها : 


1. نفسى ابطل عصبية وتسرع وتردد 
2. نفسى اقاوم النوم 
3-  نفسى اتعلم عنجليزى يعنى الوكلوك بيه وافهمه لما يتقال قدامى 

4 -  نفسى ما اشتريش لبس غامق :(

5-  نفسى ما استلفش ال 9 جنيه بتوع فودافون


6-  نفسى اسامح.

7-  نفسى احب المكرونة




******




7 حاجات مبعرفش اعملها :

1- مبعرفش ارقص ولا عمرى هاعرف

2- مبعرفش ادارى انطباعاتى او ردود افعالى

3-  مبعرفش انام وفيه نور ف اى مكان ف الشقة حتى لو بعيد عنى :(

4- مابعرفش اتمايص واتسهوك

5- مبعرفش اكوى الجلاليب الرجالى

6- مبعرفش اشرب غير ماية ساقعة متلجة صيفا وشتاءا

7- مبعرفش اركز ف اكتر من حاجة ف نفس الوقت .


*******

7 حاجات بقولها كتير :

1- يا ختتتتتتتتى .. بعلو صوتى ف اى مكان وبتطلع اذ فجأتن كده هههههههه

2- بطل استعباط او بطلى هبل وطبعا 
ف ناس بتبقى اول مرة تكلمنى بتتصدم من الكلمة :)


3- يانهااااااااااااااار اسود ومنيل بستين نيلة ع دماغك  :))) 
. حتة واحدة كده


4- غباء مستحكم وربنا .. ههههههه
دايما بقولها للسواقيين ف الشوارع او
البنى ادمين اللى بيخبطونى .


5- ان شاء الله كونداليزا رايز يجيلها ف روكبها قولوا اميييييين
بجامل اى حد عيان :)

6- يخرب بيت سنينك السودة .

7- يا حيوووووووووووان .



بس خلاص  خلصت اللى عليا


حد بعتلى تاجات تانى وانا مش عارفة ؟


6 داقوا الشاى وقالولى رأيهم:

Alaasalim2 يقول...

السلام عليكم

التاج جميل بجد وإجاباتك أجمل
وكالعاده أسلوبك جميل ودايماً بترسمي الإبتسامه على وجه القارئ.

Sweet Violet يقول...

اممممممم
ممكن اعمل انا تاج و ابعته ينفع :)

بس نفسى اعرف التاجات بتيجي عندك و تقصر ليه و يحصل اختفاء لاسئلة
ايه العنصرية دي
:((

أنا - الريس يقول...

ههههههههه

اجاباتك جامدة

تسلمي

Unknown يقول...

تاج جامد اخر خمس حاجات وبجد اجاباتك دمها خفيف موت زى كلام اكيد الشاى بتاعك مش بيحتاج سكر يدوب تحطى صباعك ف الفنجان وتقولى كلمتين قدامو هيبقى مسكر اوى وحشتينى موت يا منمونه طمنينى عليك يا قمرى

Tamer Moghazy يقول...

هههههههههههههه...
بجد يعتبر اجمل تاج واجمل ردود قريتها..

"نفسى ما استلفش ال 9 جنيه بتوع فودافون" مفييييش فايدة :)

"مابعرفش اتمايص واتسهوك " هههههههه

Ramy يقول...

مبعرفش أكوى الجلاليب الرجالى

ههههههههههههههههههههههههههههههههههههههههههههههههههههههههههه

جامد التاج على فكرة

(:

ربنا معاكى و يوفقك

 

ೋ واحــد شـاى ♨ Template by Ipietoon Blogger Template | Gift Idea