احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الثلاثاء، سبتمبر 28، 2010

فاكر ..

من عمايل ايد .... мαησηα بالظبط الساعة 1:39 ص





فاكر لما قولتلى وحشتينى والدنيا مالهاش طعم من غيرك  .. 

كنت بتكدب وانا صدقتك

فاكر .. لما قولتلى بحبك قولتلى انا قد الكلمة دى ومش هاسيبك تضيعى منى 

وانا صدقتك 

طيب فاكر لما قولتلى انا شايف فيكى حلم حياتى 

ونفسى اكمل معاكى حياتى وتبقى ام عيالى 

كنت بتقول كلام وخلاص وانا صدقتك 

فاكر لما بمنتهى البساطة نسيت كل كلامك اللى فوق ده 

وكنت مبسوط بنفسك اوى  

لما افتكرت انك كسرتنى ووجعتنى واثبت لنفسك رجولتك 

وافتكرت ان مافيش بنت تعصى عليك 

فاكر انا كنت عاملة ازاى ؟ 

طبعا مش فاكر .. لا اصلا انت ما اهتمتش تعرف  ..

طبعا  ولا همك جرحى ولا وجع قلبى 

جاى دلوقتى  وانت فاكر انه علشان انا طيبة وغلبانة بمنتهى البساطة 

هافتحلك قلبى من تانى واقولك اهلاااااا بيك من تانى 

وكانك ولا جرحتنى ولا وجعتنى 

فاكر انه انا زيى زى اى بنت عادية  انت عرفتها قبلى

ونسيت انى قولتلك ف يوم انى انا مختلفة وانى ماببكيش ع راجل 

اى راجل ف حياتى .. وانت ساعتها كنت فاكرنى بقول كلام وخلاص 

افتكر بقه كويس اوى دلوقتى انى مش عادية 

 واعرف ان انانيتك هى سبب تعاستك ف كل حياتك 

اما انا 

فــ " لست للحب فقط "

 و حياتى من غيرك احلى :)




ملحوظة مهمة جدااااا 

انا برج السرطان والمراة السرطانية لمن لا يعلم 

لما بتتجرح بتتجرح اوى  من اقل حاجة 

يمكن بتفتكرها سامحت وسكتت 

لكن لأ مابترتاحش غير لما تنتقم 

وانتقامها بيبقى وحش اوى

مابتقدر تسامح لانها مش بتبدأ بالاذية ابدا 

ومابتعرفش تبدأ حياة جديدة غير لما تصفى حساباتها 

وانا دلوقتى بصفى حساباتى 

علشان باذن الله هابدا حياة جديدة

وباذن الله هتبقى حياة سعيدة

 محدش يقولى سامحى علشان انا لاغية الكلمة دى من قاموسى

***

مش كل حاجة بكتبها ممكن تكون تخصنى 

بتعرض لحكاية بشوفها من منظورى انا 

وبيطلع البوست 



21 داقوا الشاى وقالولى رأيهم:

sony2000 يقول...

بصي
المهم انك تكوني مستريحه
دي اهم حاجه
ماشي؟

sakayar يقول...

البعض لا يفرق معهم سواء سامحتي أو لم تسامحي
ولكن الأهم ... أن يفرق معنا "غلاوة قلبنا" ... منسمحش لحد يجرحه من البداية
:)
مش لازم يا أستاذة على فكرة توضحي حاجة في كتابتك ... أسلوبك واضح ومباشر جداً وجميل ... لكن أقصد بتوضيح الكتابة مسألة توضيح ان الموضوع نفسه شخصي أو لأ ... أحياناً بيساعد على نجاح الكتابة إن كل شخص بيقرأ بيتبّع السيناريو اللي جه ف خياله ... لكن محدش بيعرف إيه هو السيناريو الحقيقي ... وده نجاح
:)
دمتي مصانة القلب ... عالية الاحساس ... مبدعة الكتابة
تحياتي
:)

esraa_mokaidam يقول...

الله حلوة اوى .............تعرفى انك حسستينى بصاحبة البوست
اقصد الحد اللى انتى بتحكى الحكاية بلسانها
حسستينى بيها اوى لدرجة انى اتوجعتلها
بوست اكتر من تحفة يا منونة

Kiara يقول...

جبارة في بوستاتك يامنون


جدعه انك بتصفي القديم عشان الولاده الجديده تكون نقية مش فيها اي تلوث من عبده تلوث بتاع الفول :)

VÖltaa يقول...

مفيش احلى من تصفية الحسابات والبدء من جديد

Unknown يقول...

كلام مظبوط بس ليا تعقيب على كلمه الابراج هي موش بالابراج فرأيي وتعقيب تاني على الانتقام انا فرأيي اه انا اتجرحت بس موش معنى كده ارد الجرح بجرح انا هاكون اكرم من الشخص ده واحسن منه وعمرى ماهاجرحه وانزل بنفسي لمستواه اجرحو زي ماعمل فيا على الاقل عشان في يوم من الايام كان في يوم من الايام فيه عشره بيننا احترمها و يعرف اني موش زيه غداره جراحه بياعه

موناليزا يقول...

بصى يا منونة أنا متفقة مع كل كلماتك وحساها أكتر مما تتخيلى بس الغريب أنى برج الحمل:)

قصدى أقولك أن حكاية الابراج ملهاش علاقة بالموضوع لان كل بنت وحسب شخصيتها ونشأتها وظروف تربيتها والدليل ان ممكن يكونوا اتنين توأم والاتنين فرق السما من الأرض

ولكن بعيدا عن هذا أنا أحيي البطلة جدا لانها فكرتنى بنفسى:)

ghada mOhsen يقول...

مؤثرة كتيير كلماتك ...

بس حبيت نهايتها أوووي

لأن فعلا الحياة بتبقى أحلى من غير الناس إللي مابتستحقش الحب الصافي ده ...

.............
سلمت يداك ِ منمونتي
وربنا يكرمك ويسعد قلبك ياااارب

تحياتي الملونه لعيونك
^_^

Unknown يقول...

منونه...


حتى لو الموضوع مش يخصك بجد الكلام حلو

انا بحب اوى الثقه بالنفس ف كلامك

موضوع حلو اوى وكلام طالع من القلب

اوى وبجد بقى وحشتينى اوى يا منونه

يا مطنشانى والله انتو يا اهل البلوجر

الكرام مفكمش خير خالص كده بردو كل

ده متسأليش عن منه خالص ولا هو مفيش

بنا عيش وكومنتات وتوبيكات يا وحشه

انتى يارب تكون بخير وربنا يسعدك

ويوفقك......منه

adel يقول...

حلوة الصراحة و انك جيبتي من الاخر يعني
ومش مهم تخصك ولا لا
المهم الكلام و المعني و بس

Kholoud Kamal يقول...

في البداية استغربت اوي و كانت حاسة اني قصاد مراية
بس ف الاخر عرفت انا ليه مستغربة
نفس (السرطان) دا بيتحكم فيا و في تصرفاتي :) حساكي اوي و فهماكــــــي
بوست جمييييييييييييييل بجد
تقبلي مروري ..

غير معرف يقول...

وعود الحب كتير وكلامه اجمل
بنفتكر حاجات كتير ونقول هى راحت فين وراح معاها كلامها المعسول
خليكى انتى الأحسن وبلاش كلمة إنتقام دى لانها صعبة ومش هتقدرى عليها لان قلبك حنون
القلب الحنين ميعرفش كلمة انتقام
الحب عمرة ما كان حرب بين الاحبه
هو مفتكرش اى شىء من كلامه ولا راعى الشعور يبقه لا يستحق هذا الحب ويمكن راجع نفسة وشاف انه هيخسر حب كبير
ولو فى لسه ذرة حب واحده بدون ما تشعرى هتسمحى
أسألينى أنا ...
ربنا يسعد ايامك
وتبتدى حياة جديده مليانه حب وحنان وسعادة
وحشتينى ياروح قلب الحب الجميل
وحشنى صوتك
بحبـــــــــك

جايدا العزيزي يقول...

هى الحاجات دى فيها سماح

لا دهلازم ينجرح زى ما ملاكى جراح

يالاه خد الشر وراح

ههههههههههههههه

ايه رائيك راضيه عنى كده

على فكره انا برج الحمل عكسك خالص


ممكن اسامح مليون مرة

وبكتب زيك اى شئ يأثر فيا

حلو اووووووى البوست يا قمر

ايوه كده خليكى راجل وقلبك جامد

اصل اختك خايبه اوووووووى


تحياتى

richardCatheart يقول...

الللللللللللللللللللللللللللله

ياصباح الانتقام ايوااااااااااااااااا

سرطان سرطان هما كده هايعرفو ان السرطان

مش غدار بس بيدى فرصه هى واحده وبيكونقبلها مسبق شدته حظن الظن فادا بيبقى رد فعل منه مش فعل فابيستغربو ازاى ياخد موقف قوى بيشفوه مننا اسى بس بيبقى الرد الوحيد لحفظ كرمتنا وحسان لحسن الظن اللى ابتدنا به

تحياتى على البوست الجميل واتمنى الصراحه بطلتنا ماتسمحش بادمت مش قادره ههههههههههههههه سرطان بقى

فاتيما يقول...

لأ هوه البوست صادم و جامد شوية شويتين

بس انا حساه قوى
لأنى شايفة صاحبه يستاهل ينقسى عليه
لأنه من بدأ بالقسوة اكيد

بس انا دايما يا منونتى بسال روحى
السؤال دا
و بساله لأى واحدة
بتنجرح من صديقاتى و حبايبى اللى زى بطلة البوست

يا ترى
يا هل ترى
السخص دا كان قاصد و متعمد ؟

يعنى

هل و هوه بيدأ الحكاية كان مستهتر بصاحبتها و عارف انها هتخلص كدا و بيسلى نفسه شوية على ما تيجى ف الأفق واحدة تانية

و لا هوه مريض بالتردد
و مريض كمان بنفسه
و زى انتى ما قولتى كدا
انانى ؟

انيس منصور بيقول
القلب الانانى يستحق كل ما يلقاه من عذاب

يا سرطانية لو سمحتى
صفة الإنتقامية دى من شيم البرج صحيح بس قابلة للتغيير مع قلب دافى و حنون زيك

اصلاً اصلاً
انتى انتقمتى خلاص
حرمان لسخص ما .. من اطيب قلب (زى قلبك)و مش هيلاقى فى حنانه و عطائه
يبقى اشد انتقام يا قمورتى

بوسات و حضونات
و حاولى و النبىىىىىىى
ف مشوار اسكنكرية




قبل ما انسى
النيولوك حلو قوى
و لونه مناسب جدا للشااااى
فيه سخونة و دفا و احنا داخلين ع الشتا كدا

و شيلى يا بنتى الصورة .. محتفية بيها و هيا يعنى مش مقامك
دنا بعتاها بس عشان اقول بحبك
و كانت ف فولدر عندى ف الشغل سريعا بعتتها ..انتى عاوزالك صورة مخصوصة تليق بيكى و انا معرفش ف شغل الفنانين بتاعك ..محسسانى انى عملت حاجة و انتا اغلى من من كدا الف مليون مرة يا بنتى

حـــــروف متــبعترة " عــمرو الشــايب يقول...

حلو الكلام بجد و فعلا احساس طالع من جوة القلب
بيقول انه مش هيستسلم للهم و بكرة هيعملوا الكلام من اول و جديد و من تاني اكيد راجعين
و اسمعي فضل شاكر لما كان بيقول الحته مش فاكره
لما انه في قربه حياته صحب و هو مرتاح و حبيبه ف بعضه

hend mossallam يقول...

3arfa sa3at mabyenfa3sh nesame7 keda sa3at bteb2ii 3ayza tea5dii 7a2ek 3ashan sekatek f nafsek terga3 aw terdi 3an nafsek ... w msh ma3na 2nek msh mesam7a 2nek msh tayeba la2 5ales :)

Remas يقول...

منونا حبيبة قلبي
بيعجبنى كلامك اوى
وترتيب افكارك

بطلة القصدة كمان عجبنى اوى اوى اعتزازها بنفسها وثقتها العاليه

بصراحة عندها حق لان اصعب حاجة ان الحبيب يعامل حبيبته على انها زيها زى اى بنت

لانها لازم تعامل على انها مختلفة
ملكة متوجة على عرش قلبه

سلمت يداكى يا منونا يا حبيبة مامى ياقمر

ويكا يقول...

ما اشد النساء اذا ما كرهوا او ابغضوا ....... :(

محمد التركى يقول...

السلامو عليكم

والله وحشـــــــــــــانى مدونتك
مووووووت

والشاى بتاعك طعمه هو هو متغيرش
الله الله
جميل

أولآ أنا اسف على طول غيابى عن مدونتك اللى انا شخصيآ بموت فيها
بس والله كنت بعيد خالص عن عالم التدوين وعن النت وعن الدنيا كلها

ثانيآ وحشنى شايك اللى بعدل دماغى ثم انا دخلت صحيح اول مارجعت لقت التعليقات مقفوله كلها
كنت عايز اسلم عليكى
واعرف اخبارك
المهم انك تكونى بخير يارب

انا سعيد جدا بوجودى عنك يامنونه
تحياتى لقلبك الطيب
وبهديكى أجمل ورده من أجمل بستان فى أجمل بلد فى العالم

محمـــد التركـــى

Ramy يقول...

من لايحترم المشاعر الصادقة

لا يطلب ان يحترمه الأخرين

شخص زى دة يستحق أكتر من كدة

 

ೋ واحــد شـاى ♨ Template by Ipietoon Blogger Template | Gift Idea