احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، أغسطس 05، 2010

الله لو نرضى ..

من عمايل ايد .... мαησηα بالظبط الساعة 12:40 م






الله لو نرضى

ومحدش فينا

يخاصم حد يزعل حد آه يفارق حد

الله لو نرضى

وان ضاقت بينا نحن لبعض

 نحس ببعض آه نخاف على بعض

الله لو نرضى

 ترتاح قلوبنا ويهون عذابنا

 الخوف يسيبنا نرضى بنصيبنا

ونخاف على بعض

الله لو نرضى الله

 لو نرضى باللى جالنا

واللى مقسوم لينا

الله لو نرضى

 باللى عدى واللى جاى علينا

 الله لو نرضى من قلوبنا

 الله يرضى علينا

الله لو نرضى

كلنا وبقلب تايب

نغلب غرورنا فى نفسنا

 نبقى حبايب

 ونقول ما يرضى ربنا

فى حق اللى غايب

 الله لو نرضى

 ترتاح قلوبنا ويهون عذابنا

 الخوف يسيبنا نرضى بنصيبنا

ونخاف على بعض

 الله لو نرضى


*****

على فكرة الســـــــعادة

ياللى بتسأل عن السعادة 

هى الرضــــــــــا 

فكر فيها كده مع نفسك 

هتلاقى ان اللى منغص عيشة كل واحد فينا 

قلة رضاه عن حاله 

علشان كده احنا مش سعداء 

وانا اول اللى مش راضيين :(( 

انا نفسى ابقى راضــــية 





 

17 داقوا الشاى وقالولى رأيهم:

سَارةٌ يقول...

فعلاً الرضا نعمه كبيره ..

مـاهو الإنسان لو كان راضي من جواه .. مكنش حد غلب ..لكن هتجيبي الرضا منين

لما تحسي وتكوني فعلا مش واخده حقك .. هنجيب الرضا منين ؟

لما كل اللي حواليكي وشوشهم عابسه .. الإبتسامه بتطلع منهم بالعافيه كإنك بتشحتيها .. نلاقي الرضا فين ؟

لما كل واحد حسس لا ومتأكد كمان ان حظه قليل فـ الدونيا .. هيعرف الرضا إزاي ؟

نعمه كبيره جداً جداً كمان .. يـآريت الواحد يقدر يكون راضي .. :)

لــــ زهــــــراء ــــولا يقول...

منوناااااااااااااا

عارفه يقال ان الرضا بالمقسوم عباده لكن للاسف نحن دائما ما نتطلع الى ما هو بعيد عنا ...
فى جمله مره سمعتها بتقول ان كل واحد فينا شايف السعاده بعيده عنه اوى وهى هناك عند المنعطف الذى لا يجئ ابدا
لما تسالى حد عن حاله ويقولك الحمد لله ياترى فعلا بيكون بيحمد ربنا بجد او كلمه احنا اتعودنا عليها ونكررها من غير ما نفهم لها اى معنى ...

الله لو نرضى على حياتنا وعلى ناسنا واصحابنا ونرضى كمان على قدرنا لانه من اختيار ربنا سبحانه وتعالى

الله لو نرضى و ماحدش فينا يجيب سيرة حد بأى حاجه وحشه
اسهل طريقه لكى تسعد الناس هو ان تتركهم فى حالهم

رغايه اوى ههههههههههههه وباتكلم فى حاجات كتيره بعيد عن بعضها

تسلمى يامنونا
ربنا يرضيكى بكل ما هو مقسوم ليكى


زهــــراء

sara draz يقول...

الله لو نرضى
اغنية جميلة
وكلماتها اجمل
^_^
فعلا الرضا والقناعة همه سبب السعادة وراحة البال
..
الواحد لما يبص للى اقل منه هيحس ان قد ايه هوه فى نعمة
وان ربنا عمره ما بيعمل حاجة وحشة لاى حد من عباده
وان الفقير ده ربنا خلاه فقير لان الفقر ليه افضل من الغنى وهكزا..^_^
وربنا يرزقنا الرضا ياااااارب والسعادة..^_^
بوست رائع وتحياتى اليكى

محمد التركى يقول...

السلامو عليكم

أيه السعاده والرضا ده كله
ربنا يزيد عليك الرضا قولى أمين

أنا بحب جدا محمد فؤاد وكل أغانيه
كلماتها كلها رضا وأمل

بس مين بقى اللى يسمع

يالهربنا يوعدنا بارضا

تقبلى تحياتى

محمد التركى

اقصوصه يقول...

جميل جدا ما خط قلمك

استمتعت بالقراءه

لك ودي :)

adel يقول...

لو بقي يامن :)

فتــافيت (رحاب الخضري) يقول...

رغم اني ما بحبش الشاي لكن عجبني اسم البلوج
ولما دخلت عجبني الاقتباس بتاع عمر طاهر
مبسوطة اني عرفت مدونتك


الرضا شيء جميل.. بس صعب
لو كل انسان رضي باللي ربنا قسمه له
كل مشااااااااكل العالم هاتتحل
مافيش قتل
مافيش سرقة
مافيش حروب

يارب ربنا يقدرنا اننا رضا ونشكره ونحمده

Ramy يقول...

الرضا

هنا السر أذاى أكون سعيد برضى الواحد ع اللى فيه

رضاه مش معناه الأستكانه لكن بنحاول و ربنا الموفق

ونخاف على بعض

أأأأه لو نخاف على بعض

جميلة قوى يا أختى العزيزة

يا أختى العزيزة


انتى راضية (: صدقينى

ربنا معاكى دايما و يوفقك

الغاردينيا يقول...

يارب ترضي ^_^

انا عن نفسي راضية الحمد لله

كلامك جميل واسلوب اجمل

تحية

همس الاحباب يقول...

اممممممممم
اكيد عندك حق
متفق معكى قلبا وقالبا
الرضا اساس الراحة النفسية
والقناعة بالرضا عن احوالنا شىء عسير
اللهم اسالك الرضا فى الدنيا والاخرة
كل سنة وانتى طيبة
ورمضان كريم
تحياتى

sony2000 يقول...

بصي
هترضي لما تسيبها علي اللي خلق الكون
وتسلمي ان مفيش حاجه هتحصل الا وهو الي كاتبها
صدقيني وقتها هتستريحي:)

Kiara يقول...

الحمد لله علي كل شئ

Tamer Moghazy يقول...

عارفة يا منونا..
اول ما شوفت العنوان بتاع البوست ومن قبل ما انزل تحت لقيتني بادندن بالاغنية اللي باحبها جدا ..

ربنا يديكي على قد نيتك الطيبة ويرضيك بما اعطى.

ستيتة يقول...

كل عام وانتي بألف خير وسعادة
ربنا يتقبل منا ومنك رمضان
ويعيده عليكي وعلى اسرتك الجميلة بكل خير وسعادة يارب
تحياتي

بيطرية ومش بايدى يقول...

انتى عارفة ان انا كان نفسى
اكتب الاغنية دى من زماااااان اوووى
جميلة اووووى

فعلا لو رضينا خلاص مش هيبقى فى حاجة تانية نشتكى منها

تحياتى وسلامى الحاااااار جدا
:))))))))

غير معرف يقول...

كل سنه وانتى طيبه يا منى وبخير يارب
واسرتك كلها بخير
يارب تقبل منك ومنا يارب العالمين

romansy يقول...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

 

ೋ واحــد شـاى ♨ Template by Ipietoon Blogger Template | Gift Idea