احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، أبريل 28، 2010

وافتكرت ...

من عمايل ايد .... мαησηα بالظبط الساعة 7:30 ص




سنة تانية شاى

المفروض الناس بتحتفل بيوم ميلاد مدونتها

يوم ماتخط فيها اول حرف 

انا لأ انا بحتفل بمدونتى مع اول

يوم حياتى اتغيرت فيه 

وواحد شاى اصلا اتغيرت فيه

كانت مهجورة ومكنتش ليها شهرة

بقت حلوة بيكوا وليكوا
انا كنت زعلانة كان بقالها سنة مفتوحة وبتنش

ههههههههههه

يوم مايجى تعليق يجى بالفارسى هههههههه

وكانوا بيفهموا اللى بكتبوا سبحان الله

سنة غيرت فيها اسمها من لحن الفرح ل واحد شاى 

سنة اتغيرت فيها منونا من حد حزين كئيب فاقد الامل ف الحياة 

لحد شعلة نشاط وحيوية يبث الامل ف قلوب كل اللى يقابلهم

ويدفعه انه يتغير للاحسن

سنة عشت فيها احاسيس جميلة يا عالم هتفضل لاخر العمر 

ولا هتبقى دى اخر واول سنة 

سنة نكدت عليكوا فيها بما فيه الكفاية ههههه 

وضحكت معاكوا فيها بما فيه الكفاية

سنة حيرتكوا فيها اووووووى 

بس حبتونى اوى وانا حبيتكوا اوى 

سنة عرفت  فيها ناس بجد بجد بجد ربنا مايحرمنى منهم

ومش هاقول اسماء علشان الحسد ليس الا

هما عارفين نفسهم كويس

كل سنة وانتوا معايا بتقروا نفس البوست 

ف نفس اليوم وتفتكروا 

كل سنة وانا بحبكم ف الله اكتر من اللى قبلها 

كل سنة واحنا دايما متجمعين ف الخير  وعلى الخير

كل سنة وانتوا مظبطين دماغكوا با حلى واحد شاى 




خلص ابريل :)

وجه مايو :) 




لــــــــــــــسة ..  بردو   لـــــــــــسة .. 






البوست بكتبه قبل ميعاده بيومين 

لانى باذن الله هاكون مسافرة 

الله اعلم هاكون عايشة ولا ميتة 

لو مت ادعولى بان ربنا يغفرلى ذنوبى 

اللى محدش يعرفها غيرى 

واى حد يعرفنى مايزعلش عليا 

كل مايفتكرنى يبقى يدعيلى وبس انا اكيد هاكون كويسة 

ده انا عند اللى خلقنى ارحم منى ومنكم عليا 

سلام بقه 


هتوحشونى اوى على فكرة اه والله 




39 داقوا الشاى وقالولى رأيهم:

صيدلانيه طالعه نازله يقول...

كل سنه و انتى طيبه يا منونا
كل سنه و انتى السبب فى سعاده اللى حواليك

كل سنه و انتى معانا وويانا
بحبك

م. حجاز يقول...

كـــــــل سنة وانتى ومدونتك طيبه يامنونة ويارب السنة الجايه تكون اجمل واجمل من السنة ويكتر زوارها ويكتر برده حسادها وتبقى سكر زياده زياده يعنى

بس مش عارف ليه يامنونة وانا بقأ البوست ده كنت حاسس انك هاتيجى فى اخر البوست وتقولى هيهيهيهيه ضحكت عليكم ودا مش عايد ميلاد ولا حاجه

يالله كل سنة وانتى طيبه تانى وتالت وررابع والليله عيد والعريس بيتجوز هههههههه

هوبتي يقول...

كل سنننننننننننننه و واحد شاي طيب
ممكن فنجان شاي ونبي ؟؟

عقبال مدونتي لما احتفل بعيد ميلادها

Unknown يقول...

احم احم
سلامو عليكو

اولا انا بقول للمدونة كل سنة وهي طيبة
واعقبال ميت سنة واكتر ان شاء الله
ودايما ناجحة

ثانيا بالنسبالك انتي بقي
ليه الكلام ده يارب تكوني كويسة وبخير
والاعمار دي بايد ربنا
بلاش تبصي لها من ناحية متشائمة
وزي ما قال الرسول صلي الله عليه وسلم في معني الحديث
اعمل لدنياك كأنك تعيش ابدا واعمل لاخرتك كأنك تموت غدا
يعني حاولي تعملي اللي عليكي بس وسيبي كل حاجة علي ربنا
وباذن الله هتبقي كويسة واحسن الف مرة
يارب يكون كلامي فرق معاكي في حاجة ولو شئ بسيط
وان شاء الله نطمن عليكي وتبقي في احسن حال

في حفظ الله

sony2000 يقول...

ريحه فيييين بسي
بصي...بجد
ربنا معاكي ويحميكي يارب
ولينا رغي اما ترجعي بأذن الله

فاتيما يقول...

إيه يا منونا البوست المليان حاجات كتير و احاسيس كتير دا ؟؟

طب يعنى اولا الغنوة دى تثير شجن و مشاعر أى حد يسمعها ..فمتهيألى الكل هيقولك اختيار هايل و الجميل انك بتفكرك بموقف مش وحش و بحد بتحبيه كدا

ثانياً كل سنة و واحد شاى فى تألق
انا من مرتين تلاتة جيت هنا حبيتها و حبيت صاحبتها و شدنى الوانها و تصاميمها و الروح اللى بتعكس شخصية صاحبتها و ان شاء الله ابقى هنا دايما و واحد شاى لآخر العمر موجودة و ناجحة

ثالثا عاجبنى جدا نظرتك الإيجابية دى و بتفكرينى شوية بروحى لأنى اول ما بدأت التدوين كنت نكدية النزعة جدا و بعدين سبحان مغير الاحوال و كأن التدوين كان باب و انفتح و غير حاجات و حالات كتير جوايا ..نعمة التواصل مع البشر بس المهم يكون التواصل دا ف الخير عشان تلاقى نفسك بقيتى أحسن و اظن دا ما حدث ليكى و ليا انا كمان و لناس تانية كتير أكيد غيرنا قالوا و لا مقالوش

رابعا
تسافرى بألف سلامة و هترجعى إن شاء الله بألف سلامة بلاش الفال دا دنا لسه بقول إنتى إشراقة و تفاؤل ..و بعدين كان نفسى تيجى البؤجة و نشوفك
مش هينفع طبعا مش كدا ؟؟؟

معلش
المهم تكونى بخير
و ان شاء الله تكونى

خلى بالك بس من نفسك
و ربنا الحافظ يا حبيبتى

انا ممتنة لأنى عرفتك
و ربنا يديم الود علطول
بوسات و حضونات يا منمن

غير معرف يقول...

اولا بقي

تروحي وتيجي بألف سلامه ..:)

ثانيا
البلوجايه هنا وحشاني اوي ..

انا بحب اغنية حماقي دي .. بس مبقاش ليا موود اسمعها خااالص ..


كنت هنسي اقولك
كل سنه والبلوجايه اجمل واجمل بيكي :)

من كل بستان زهرة يقول...

كل سنة وانت الخير كله معاكي

وتعيشي كده وتفتكري كل شئ سعيد

وترجعي بألف سلامه

سمع هوص (Abo 3li) يقول...

يخيبك يامني... ما البوست كان ماشي زي الفل... ايه شوية الكلام ال ملهوش لازمة ال في الاخر ده؟؟؟
يستي الف بعد الشر عليكي... ربنا يحفظك لينا...

وكل سنة وانتي والبلوج بخير.. يااحلي منونة في الدنيا..

beautiful mind يقول...

يارب تعيشي اكتر وتفتكر اكتر
معلش مكنتش موجود لما كنتي بتحتفلي بمدونتك
بس ملحوقه
كل سنه وانتي بخير وطيبه
ومدونتك الجميله بخير
وتقبلي مني كل تحيه

Ana keda يقول...

كل سنة وانتى طيبة يا حبيبتى
وانتى والبلوج مع بعض ومنورانا
واحنا مرخمين عليكى كده
وحشتينى يبنتى انتى
وبعد الشر عليكى ربنا يديكى طولة العمر يا اوختى

Ramy يقول...

اوك
هههه
دى مش اول امر على المدونة

هى جميلة جدا

بس دى اول تعليق ليا

طبعا ذكريات جميلة وجميل قوى ان احنا نتذكر اول حاجة تربطنا بحد

ويارب تفضل ذكريات جميلة دايما

ويدمها نعمة

نعمة الذكريات الجميلة

وهنا تخلص الرسالة

بس ابقى غيرى نغمة الصفارة

ههههه

شكرا

هناء محمود يقول...

إيه الإحتفالية الجامدة دى

يعنى بعد الغيبة دى آجى اقرالك الاقى كمية الأحاسيس المتضاربة دى إللى مش فاهمة منها حاجة

يا ستى عقبال مليون سنة للمدونة وتكونى احسن من كدة بكتير وهو كمان إللى انا معرفوش

وربنا يطول فى عمرك يا جميل وميحرمناش منك أبد ومن روحك الجميلة

P A S H A يقول...

كل سنــــة وأنتِ طيبة وبألف خير وصحة وسلامة وسعادة وأمان وطمأنينة ورضا وراحة بال إن شاء الله .

كل سنة ومدونتك مليانة فرحة وبهجة ومكان يلم الأحباب بإذن الله .. ودايماً للأحسن

:))


خالص تحياتي وعميق تقديري واحترامي

تقلبي مروري

:))

ســـلام

العلم نور يقول...

جميل أن نفتكر حياتنا وسط الزحام .. وقلة يستطيعون أن يصلوا لهذه المرحلة.

تحية لك .. وسلمت اناملك

Tamer Moghazy يقول...

عارفة يا صديقتي..
انت مختارة اغنية من اجمل الاغاني اللي بحبها..
وكمان وصفك للسنين اللي مرت والتغيرات اللي حصلت فيها..
اجمل حاجة صدقيني هي الذكريات (الوحشة قبل الحلوة).. اصلها عدت خلاص ومش بايدنا نرجعها..
لكن بايدنا (نفتكرها)..
البوست ده حلوة قووووي.. (';')

Kiara يقول...

طب اعيط ولا اعيط

المفروض اني اهني وابارك وحاجات كتير كدا

بثي

انا مبثووووووطة اني شفتك ياقلبي

وربنا يسعدك ياااااااااااارب ويريح بالك

IIOrganzAII يقول...

شدني الاسم وعجبتني المدونة جداا
كل سنة وانتي والمدونة بألف هنا سعادة

يارب أكون صديقة خفيفة :)

IIOrganzAII

غير معرف يقول...

منى
ازيك
معلش تهنئه متاخره
بس اعذريني
كل سنه وانتى طيبه
ويارب كل سنه تكون احسن من اللى قبلها

والسنه الجايه تكوني محققه امانيكي الكويسه كلها
ربنا يكرمك ويسعدك

мαησηα يقول...

لولى ..

وانتى طيبة يا نور عيون منونا

وانتى كمان سبب ف سعادتك كل الناس يارب

انا بحبك اكتر منك والله العظيم حتى هاتى عينى ف عينك كده

هههههههههههه

мαησηα يقول...

الباحث عن الصفر ..

ههههههههههه اللهم اميييييييييين يا محمد

تسلملى يارب على كلامك ودعواتك الجميلة

هههههههه والله معلش انا عارفة انى زودت عيار

المقالب شويتين بس بحب اعمل جو لذيذ كده

وانت طيب وبخير ومنورنى دايما يارب يا محمد

мαησηα يقول...

هبة الحياة ..

هههههههههه وانتى اطيب يا هبة

لا مافيش شاى النهاردة فى بيبسى هههههههه

يارب وعقبال ماتفرحى بيها وهى منورة الشمعة

ال 100 يارب

ميرسى يا هبة

мαησηα يقول...

عبدووووو ..

وعليكم السلام ورحمة الله وبركاته

يارب اللهم امييييييين وانت اطيب واحسن يا عبدو

اكيد فرق يا عبدو

ربنا يخليك يارب بس انا بحب اوصى لما اكون ع طريق

خصوصا وان الطرق دايما مش مضمونة

عارف انا كنت متاكدة انى مش هاموت

هههههههه هاموت لما ما اوصيش هههههههه

تسلملى يارب ويخليك ليا يا احلى اخ ف الدنيا

ف امان الله

мαησηα يقول...

سونى ..

انا كنت رايحة كايروووووو

انا جييييت يا سنسن ورغينا مستنياه حبيبتى

بس مش عارفة ليه كل ماتبعتيلى باكون مش موجودة ههههههههه

فقر انا معلش

يارب تكونى بخير

мαησηα يقول...

فاتيمااااااا..

روح قلب منونا ..

انا مبسووووووووووطة اوى بجد بكلامك ليا يا فاتيما

انا بجد بحبك جدااااااا ربنا يديم المعروف والحب بينا

مش عارفة اعلق على كلامك بجد جميل وحقيقى مية ف المية

كل سنة وانتى اطيب من اللى قبلها واجمل

وانا جييييييت اهو البؤجة الحمد لله بجد اول مرة اتمنى حاجة وتحصل

انا اللى اتشرفت بجد بمعرفتك وحبك وقلبك الجميل ده

يارب ربنا يفرح قلبك يارب انا دايما بدعيلك والله

ميرسى ع البوسات والحضونات الجميلة دى

мαησηα يقول...

جوجو الجميلة .. احلى دكتورة علاج طبيعى ف مصر

يارب ماتتصوريش مبسوطة اد ايه بوجودك ومرورك الطيب الجميل

يارب مايحرمنى منك ابدااااااااااااا

كل سنة وانا اجمل بوجودك ف حياتى يا حبيبتى انا بحبك خالص خالص والله

мαησηα يقول...

من كل بستان زهرة ..

كل سنة وانتى اجمل ومعايا يا سكرة

الله يسلم عمرك يا حبيبتى

ربنا يسمع منك يا جميل

мαησηα يقول...

ابو على السكرة ..

هههههههههههههههههههههه وربنا انت سكر سكر بجد

الله يخليك يا ابو على تسلملى ودايما يارب معايا ف واحد شاى

ميرسى بجد لكلامك ده يا ابو على حاساه طالع من معاميق القلب كده

ربنا مايحرمنيش منك ابداااااااااااا قول امييييييين

мαησηα يقول...

ابراهيم ..

الله يخليك يا ابراهيم

وانت طيب وبخير ومنورنى دايما

وانت ما اتاخرتش يا جميل البوست هو اللى نازل بدرى :)

تسلملى ويسلمى مرورك الطيب العطر

мαησηα يقول...

مرمر .. احلى ام بيدو ف الدنيا

وحشتييييييييييييينى جدااااااااا حبيبتى

وانتى اطيب واحلى مرم ف حياتى يا حياتى

وانتوا منورنى قصدك وفرحانة بيكوا

تسلميلى حبيبتى انتى كمان و الله وحشتينى

ربنا يطمنى عليكى وتقومى بالسلامة

وتفرحى بحبيبى بيدو يارب اللهم اميين

мαησηα يقول...

سامى ..

نورتنى يا سامى

تسلم يارب على كلامك الجميل ده

يارب اللهم اميييييييييين

هههههههههههه حاضر هابقى اغيرها يا سيدى

تحت امرك راحتك تهمنا ههههههه

نورتنى بجد وبتسعدنى متابعتك العطرة

мαησηα يقول...

ام بوبة .. وحشتييييييييييييييييييييييييييييييييينى بجد جدااااا

ههههههههههههههه يا حبيبتى معلش

انا كدهدايما ملغبطة هههههههههه

وانتى اطيب واجمل واحن ام بوبة ف الدنيا

تسلميلى يا حبيبتى

بوسيلى بوبة كتييييييير بالله عليكى

وخدوا بالكم من بعضيكم

بحبكم جداااااااااااا

мαησηα يقول...

باشا ..

وانت طيب وجميل يا شريف

تسلم يارب وتسلم دعواتك الجميلة دى

نورتنى وبيشرفنى مرورك يا فندم

мαησηα يقول...

دندنة .. جميل اسمك عاجبنى اوى :)

تسلميلى يا حبيبتى شهادة اعتز بيها

ربنا يفرحك زى ما فرحتينى بجد

تسلميلى ويسلملى مرورك واهتمامك

мαησηα يقول...

تيمووووو ..

هههههههههه ايون اى خدعة

ومين مابيحبش الاغنية دى بجد جميلة

اصلها حاجات ماتتنسيش :(

صح ع رايك بايدينا نفتكرها

صح لسانك تسلم ده مرورك الاحلى يا تيمو

نورتنى واسعدنى مرورك الطيب

мαησηα يقول...

كيارتى ..

لا يا حبيبتى سلامتك من العياط

هههههههههههه اهى كانت احلى تهنئة يا منمن

واحلى يوم اننا شفنا بعض فيه :)

يبقى فعلا هو يوم عيدى

اللهم اميييييييييييين انا وانتى وكل حبايبنا يارب اللهم اميييييين

мαησηα يقول...

اورجانزا .. عاجبنى الاسم اووووى

ده من حظى يا حبيبتى انه عجبك

يارب دايما اكون عند حسن ظنك بيا

وانتى طيبة واجمل يا قمر

اكيد انتى صاحبة بيت يا فندم

мαησηα يقول...

م/محمد فوزى

نعم

الحمد لله انا بخير

لا ياخبر ابيض ده انت منورنى

والبيت بيتك يا فندم تنورنى ف اى وقت

كل سنة وانتوا سبب سعادتى

ربنا يخليك يارب ويرزقك نفس مادعيتلى به

نورتنى واسعدنى مرورك الطيب

سمع هوص (Abo 3li) يقول...

امين

 

ೋ واحــد شـاى ♨ Template by Ipietoon Blogger Template | Gift Idea