احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، أبريل 17، 2010

شوية حـــــــاجــــــــات كــده ..

من عمايل ايد .... мαησηα بالظبط الساعة 12:38 ص



 
أبغيك تقطف لي حلم تطّاوله وأتناوله

ونصير ملجأ للوفا ونعيش واقعنا شعار


لي حلم أطمن عليك أشل عبء المرحله وياك

وأتنافس على نيل الصداره والوقار


ملّيت من عرس الألم

والدرب ضيّع أوّله

ف الليل ياكلني الوله،

والصبح يحرقني انتظار

كلام لقيته تحت الصورة دى !!




النهاردة الصبح جالى تليفون من رقم غريب


وانا قاعدة مع ماما بقول لماما


 ايه ده رقم غريب اوى


قالتلى ردى يابنتى يكون حد عايزك من اصحابك


 اللى بره


رديت لقيت واحد صوته عمرى ماسمعته


قلت سلامو عليكو لقيته بيقول ايوة يا منى


وانا متنحة وبقول ميييييين ؟؟


قالى انا جوزك نورت الاراضى المصرية من ساعة


وبعدييييييييييييييييييييييييييييييين




الخط قطع


صحيت من النوم بقه اقول لماما


ماتعرفيش يا اوختى طيب كان اسمه ايه ؟؟


هههههههههه


ماما تقولى هو مين ؟؟ قلتلها جوزى ههههههههه


كنت بحلم يا ابو على مش مركز معايا


 انت خااااااالص ههههههههههههههه


بس نستنتج من ده ايه ؟؟


انا انا قربت اتخطب وحد هيكون بيسافر بره


وبيجى على شهر ابريل ده يبقى بيشتغل ايه ده


يا اخواتى ؟؟


وكمان نستنتج انه شخصية ذات دم خفيف


 وبيحب يعمل مفاجات وانا نفسى فى ده يا حزومبل


بس صوته مش زى ما انا توقعته


ومش عارفة هو حلو ولا وحش هو صوت وخلاص


الصحيان من النوم ده رخم اوووووووى



 بيجى ف اوقات غير مناسبة خالص يا ساتر 






  بابا بيقولى انتى مش محتاجة تتكلمى انتى عينك بتقول كل حاجة


  ماما بتقولى انتى عنيدة اووووى يا منى يا ربى عليكى


بحب اسمع ماما وهى بتحكيلى وانا صغنونة ببقى


مبسوطة بشقاوتى ولماضتى


 اصحابى بيقولولى انا حنينة اوى بس انا بحس انى جامدة


وبقسى على الناس اوى



  انا معقدة ايوووووووون لما بحب حد اوى بخاف لحسن يجراله حاجة

ويموت بخاف من الموت ليخطف منى حبايبى فبقسى عليهم وببعد عنهم

وبكرهم فيا بكل وسيلة ممكنة ..  عذرا لو لقيتونى بكرهكم فيا

ده علشان انا بحبكم جداااااااا

انا مش عارفة اتخلص من العقدة دى والمشكلة انى بحاول انساها

بلاقينى بتصرف من غير ما احس

انا اسفة لو كنت اتصرفت تصرفات خلت حد يكرهنى من غير

 مايكون عملى حاجة او اذانى



 من صغرى وانا مابعملش غير اللى انا شايفاه مريحنى وكنت بتعاقب


وكنت بتحمل العقاب وما اقولكمش بقه انا كنت بتعاقب عقاب وربنا ما فى


طفل شافه ههههههههههههههه اصلى انا من صغرى عنيدة وماحدش


بيعرف يمشى عليا كلمة


==============================

بفرح لما الاقى الناس بتقولى ربنا يبارك فيكى

اول يقولولى انا نفسى بنتى تبقى زيك

بحس ساعتها انى جميلة جداااااااااا وببقى فخورة اوى ان امى ربيتنى

 

كده وطلعتنى كده وان طريقتها ف تربيتنا مش غلط

وبقولها فلان بيقولى كذا وفلانة بتقولى كذا علشان افرحها


 انا نفسى اطلع ماما تحج .. اممممم مش عارفة ازاى وامتى ؟؟

بس بعون الله هيحصل


 نفسى جوزى يحبنى جدااااااااااااااااااااااااااااااااااااا

اه انا عايزاه يبقى مجنون بيا

عارفة انه ممكن يخوننى وعارفة انه هيكدب عليا

 مش مهم بس ف الاخر يرجعلى

ده اذا ما افتكرهوش رب كريم فجاتنا كده واحنا بناكل اثر تناول وجبة

مسممة ههههههههههههه
ماهو اصل انا مش  هاسيبه هاحط السم ف الاكل لينا احنا الا تنين علشان ابقى وراه

ف جهنم بردو واتفرج عليه وهو يتعذب بردو معايا هههههههههههه
شريرة انا ؟؟؟ اه انا شريرة او تقدروا تقولوا كائن

غيووووووووورجداااااااا


 لما بكون مريضة مابحبش حد يخدمنى ف مرة كنت تعبانة جدااااااا

وماما متذنبة جنبى طول اليوم صعبت عليا ف الاخر على بالليل قولتلها

قومى نامى بقه انا بقيت كويسة تقولى طيب ادخلك الحمام قلتلها لأ انا

كويسة ومش عايزة ادخل الحمام انا هنام خلاص اهو يدوب دخلت وانا

جرى ع الحمام قبل ما اوصل كنت دريييييييييييييييييييييب على الارض

وشى كله ازرق وورم لانى وقعت على وشى وكنت ف غيبوبة يوم بحاله

ماما يا عينى زعلت اوى بس انا مابحبش احس انى بقيت عالة مابحبش

اضايق حد بيا

انا حتى لو متضايقة ما بقولش ماتفتكروش انى لما بحط بوست متضايق


انا بكون متضايقة تؤ انا بكون خلصت خلاص مود الاستضايقة ده


ههههههه اه وربنا .. ماعلينا منونا بقه هتقولوا ايه


اصحابى وماما لما بتكلم معاهم عن حياتى مع جوزى كما اتخيلها وحد

يفاجئنى بتصرف خنيق من احد ازواجهم بقولهم طيب وايه يجبرك على

كده ما تسيبيه يقولولى اصلك مش مجربة ولسه على البر 

ماما بقه بتحط ايدها على قلبها وتقولى يا خووووووفى هلاقيكى

راجعالى من اول يوم هههههه

لما بروح اكشف بقه الدكتور يقولها بنتك دى صبوووووووورة
بتستغرب اوى


 انا محدش بيسمعنى وانا بقول اه ابدااااااااااا

حتى لما الدكتور بيكشف

ويقولى قولى اه بعملها لكن مابقولهاش اصل محدش هيحسها غيرى

ف هاقولها ليه ؟؟




 دى شوية حاجات عنى ..

مش عارفة ليه حبيت احكيها مع انها تعتبر من اسرارى مع نفسى

بس انتوا مش اغراب بقه

تصبحوا على حقايق كانت احلام امبارح ..










 

22 داقوا الشاى وقالولى رأيهم:

هي وظروفها يقول...

ايه يا منونه
هتتكسي يعني هتتكسي

وباذن الله هيجيلك عريس قريب بس ربنا يكون في عونه تعرفي ان اكتر شيء يخنق الراجل لو كان راجل ان مراته او حبيبته تبقي عنديه وساعتها بقي يا معلم دب طخ ددددددددددددددششششششششش

وعينك بقي ما تشوف الا النور

وربنا يتولاكي برحمته

وبخصوص انه يكون جااااي من سفر وجايلك ملهوف فاعتقد لو كان جاي ملهوف فاول ما يقرا بوستك ده هيقول لا يا عم هو العمر بعزقه واحب اقوله من هنا يا ابني متقلقش دي بتهرج وكل الكلام ده خده علي العكس من صلاح سالم تاني يمين
يا بنتي بلاش الصراحه اللي تطفش العرسان عايزين نخلص من منونه ونقرالها بوست منونه والزواج والكفاح مع المطبخ والاكل اللي اكيد هتعمليه من هنا وهو هياكل بره من هنا

ربنا يوفقك يا منونه ويبارك في عمر والدتك ويحققلك امنتيك وتحج عن قريب باذن الله

سمع هوص (Abo 3li) يقول...

عيب عليكي... وانا اقدر اقرأ غير وانا مركز... ههههههههههههه...

علي فكرة انتي فعلا منونة... بس جميلة اوي لانك علي طبيعتك اوي اوي..

ربنا يقدر وتقدري تطلعي مامتك الحج... وتكوني معاها انتي كمان..

وربنا يبعتلك ابن الحلال ال يستاهلك ويحبك... و .. ويخونك بس يطلع ناصح وميتكشفش...
والبيسافر وممكن يجيي في شهر اربعة ... اكيد طيااااار... او شغال في الكويت ومن مؤيدي البرادعي...

سلامات يامنمونة ياسكر..

مصعب صلاح يقول...

السلام عليكم
حلوة الحاجات الكده اللي حضرتك كتباها
أول زيارة وان شاء الله مش الاخيرة

صيدلانيه طالعه نازله يقول...

صباح الفضفضات و الاعترافات

انتى حد شرير يا منى طب الطيبين ايه مواصفاتهم بقى

انا اول الناس اللى بقول يارب شادن تطلع زيك

كمان انتى شبههى فى انى باخاف على اللى بحبهم قوى و مبستحملشش عليهم الهواالطاير

بخاف اجرحهم و اخاف ازعلهم

انتى كمان حنينه قوى و لو نسيتى افكرك برساله عيد الام اللى خلتنى اعيط منن كتر الحنيه و الكلام الحلو

ربنا يبارك فيكى يا حبيبتى و يحقق الحلم و اجى بنفسى ابوسك و اباركلك

ليس فقيرا من يحب يقول...

هههههههههههههههههه

انتى عسوله اوى يا بت

حبى نفسك يا منمن بكل عيوبك ومميزاتك

وعقدك وكلاكيعك عادى خالص

انا شخصيا باحب نفسى بكل عيوبها

انتى فيكى منى شويه كتار ولا انا اللى فيا منك

ربنا يسعدك ويفرح قلبك يااااااااااارب

A32L MaGNoNa يقول...

عارفة العسل والسكر والشربات والقمر ؟

عارفة الحاجات الحلوة اللى بتكون موجودة ف الدنيا وصعب ان الواحد يلاقيها بسهولة؟

عارفة الطيبة والحنية والجدعنة ؟

كلهم انتي بجد

من غير ما اشوفك ومن مرتين تلاتة كلمتك بس دا انطباعي وشعوري عنك

ربنا يحميكي ويبارك فيكي

ويرزقك الزوج والذرية الصالحة

كيــــــــــــارا يقول...

هو ممكن اقول

اني بحبك

بس قولتها وخلاص

قلقتيني عليكي امبارح :)

الشاعر الفنان أحمد فتحى فؤاد يقول...

الله على الأحلام الجميلة

عموما ربنا يحقق لك كل الأحلام الجميلة و الحلوة و يبعد عنك أى شىء مش كويس
على فكرة أنا كمان باخاف من الموت جدا ... نفس العقدة
ربنا يرحمنا برحمته و يغفر لنا و يسعدنا
أمين يا رب العالمين

دمتى بخير

Boky يقول...

انا معقدة ايوووووووون لما بحب حد اوى بخاف لحسن يجراله حاجة

ويموت بخاف من الموت ليخطف منى حبايبى فبقسى عليهم وببعد عنهم

وبكرهم فيا بكل وسيلة ممكنة .. عذرا لو لقيتونى بكرهكم فيا

ده علشان انا بحبكم جداااااااا

...........................
بفرح لما الاقى الناس بتقولى ربنا يبارك فيكى

اول يقولولى انا نفسى بنتى تبقى زيك

بحس ساعتها انى جميلة جداااااااااا وببقى فخورة اوى ان امى ربيتنى
...........................
انا محدش بيسمعنى وانا بقول اه ابدااااااااااا

حتى لما الدكتور بيكشف



ايه دة الللللللللللللللله انتى يا منوش بجد جميلة أووووووووووووى
ايه دة
بجد مش عارفة أقولك عملتيلى بالبوست دة حالة شكلها ايه

ماشاء الله عليكى ربنا يحميكى وتفضلى دايما كدة ويبارك فيكى
وتفضلى كمان تكتبى حلو كدة وأنا أفضل اقرالك
وأقول ايون هى دى أخلاق البنت السرطانة :)
تسلم ايدك وقلبك يا سكر

انت تسال والكمبيوتر يجيب يقول...

مدونه ظريفه...سررنا بالمرور ولذلك نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

sweet angel يقول...

انا معقدة ايوووووووون لما بحب حد اوى بخاف لحسن يجراله حاجة
ويموت بخاف من الموت ليخطف منى حبايبى فبقسى عليهم وببعد عنهم

هههههههههههه
ومين سمعك

ربنا يرزقك السعاده

تحياتي

мαησηα يقول...

ولييييد ..

ههههههههههههههههههه ياراجل

لا ماهو انا مش عندية بشكل مستفز انا بس بحب اقتنع وبعاند لما الاقى اللى قدامى عايزنى اعمل حاجة على مزاجه ومش على مزاجى او مش مناسبة ليا

لكن عندى مع الرجاله من نوع العند اللذيذ اللماضة كده يعنى

ههههههههههههههه يا وليد مايقدرش هو يطووووول يا خويا ده انا عثل وربنا هههه

يارب اللهم اميييييين
تسلملى يارب ويحققلك انت كمان كل اللى انت عايزه وبتحبه يارب اللهم اميييين

мαησηα يقول...

ابو على ..

هههههههههههه والله انت سكرة فعلا

تسلملى يا ابو على ده من زوقك والله

اكيد انت اجمل بكتير منى

يارب اللهم اميييييييييين يسمع منك ربنا

ههههههههههههههههه لا هيتكشف يا ابو على

يعنى يرضيك اختك تبقى مغفلة هههههههههه

ههههههههههههه طياااااار الله انا عايزة من ده يا حزومبل

لكن من مؤيدى البرادعى يبقى عليه العوض ف موضوع العيال

هههههههههه يبقى بلاش منه احسن

تسلملى يا ابو على ربنا يخليك ومايحرمنى ابداااا من مرورك الطيب الجميل اللى بيفرحنى اوووووى

мαησηα يقول...

مصعب صلاح .. وعليكم السلام ورحمة الله وبركاته

تسلم يارب مرورك احلى

ان شاء الله نورتنى وشرفنى مرورك الطيب

мαησηα يقول...

لولى ..

هههههههههههههههه بردو زى نفس مواصفاتى

تسلميلى يا حبيبتى بس اعتقد ان شادن هتطلع اجدع منى باذن الله

علشان انتى مامتها هتطلعلك حبيبتى باذن الله

لا انتى احن وبعدين دى كانت حاجة بسيطة جداااااااا

انا بحبك من زمان اصلى ههههههه وكان اليوم ده يوم الاعتراف بحبى

يارب اللهم امييييييييييييين يسمع منك ربنا يا لولى

мαησηα يقول...

رنووون ..

هههههههههه انتى اعثل يا رنون والله

وربنا بحبها يابنتى مشكلتى انى متنيلة وبحيها عااااااااااا

هههههههههه حاضر بس انا اصلى مغقدة عقد كتير اوى هههه

احنا الاتنين فينا من بعض :)

يارب اللهم امين وانتى كمان يارنونتى

мαησηα يقول...

ريمو ..

اه عارفاهم .. دول انتى كلهم على بعضهم هههههه

يا حبيبتى لا والله العظيم انتى احلى منى بكتيييير

الله يخليكى يا حبيبتى ده انتى اللى عثل وسكر وكل حاجة انا بحبها

ربنا مايحرمنيش منك ابدااا قولى اميين

мαησηα يقول...

كيارتى ..

هههههههههههههه انا اللى بمووووت فيكى بجد

ربنا مايحرمنيش منك ابدا يا كيارتى ويخليكى ليا

تعيشى تنورى الدنيا كده باحلى اشراقة هههههههههه

мαησηα يقول...

الشاعر احمد فتحى ..

يارب اللهم اميييييييين ولك مثل مادعوت لى به

يارب يسمع منك ربنا

دمت متواجد بمرورك العطر :)

мαησηα يقول...

بوكى ..

يا حبيبتى انه لمن بعض ما عندكم

انا اجى ايه ف اللى بتكتبيه يا بوكى

ههههههههههههه حبيبتى يا قرينى يا زوواوى

وتسلميلى يا نور عيون منونا

بحبك اكتر منك

мαησηα يقول...

انت تسأل والكمبيوتر يجيب ..

اهلا وسهلا منورين

وميرسى لمتابعتكم

мαησηα يقول...

احلى ملاك ..

ههههههههههههههه الله مش انا لوحدى

تسلميلى يا ملاك يا جميلة

اللهم امين ولك مثل مادعوتى لى به

مودتى :)

 

ೋ واحــد شـاى ♨ Template by Ipietoon Blogger Template | Gift Idea