احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، فبراير 12، 2010

طفلة انا ..

من عمايل ايد .... мαησηα بالظبط الساعة 2:09 م


 



طفلة انا  فعملنى كيف احبو بين يديك

علمنى  كيف ابتسم واعيش بامل

علمنى ان احبك لنهاية  الزمن




انا جــــــــــــــه 

نورت اكيد طبعا .. ووحشتكوا طبعا طبعا 

كنت غايبة لظروف معينة ربنا عداها على خير الحمد لله 

كنت محتاجة اوى انى الاقى حد سأل عليا او حتى فكر يبص على المدونة 

لقيت مافيش

  قفلتها ومحدش اصلا اخد باله ماعلينا 

تعرفوا انا بطلت اعاتب اللى مايسألش عنى

بس كمان بطلت اسأل عن اى حد 

مهما كانت غلاوته عندى 

زمان 

جدو قالى اللى هيتعبك طول عمرك قلبك 

مافيهوش وسط يا ابيض يا اسود 

بطلى تفتحى قلبك لكل الناس وبطلى تقسى على كل الناس خليكى وسط 

وكانت  اول مرة اسمع فيها الحديث الشريف " خير الامور الوسط " 

صدق رسول الله عليه افضل الصلاة والسلام 

والف رحمة ونور عليك يا جدو 

المهم بقه عــــــــــــــــــــــــدنــــــــا 

وبعودتى اعتذر عن التعليقات اللى ماكنتش برد عليها لان جوجل كان 

محسسنى انى مرات ابوه وكان مستقصدنى 

وبعتذر ع عدم ردى عند ناس كتير كنت متباعهم قراة فقط 

وده طبعا بعد حدوث معجزة وتحميل مدونتاهم عندى 

وكل غيبة وانتوا طيبين واحسن ما انتوا عليه

واقعدوا بعافية 




 

21 داقوا الشاى وقالولى رأيهم:

غير معرف يقول...

الحمدلله على السلامه

كل سنه وانتى طيبه

نورتى مدونتك

متغبيش تانى

حلوه اوى كلماتك
تسلم ايدك

blue-wave يقول...

حمدالله على السلامه
ولينا كلام بعدين

غير معرف يقول...

حمدالله على السلامه

والحمد لله انها عدت على خير :)

معلش والله انتى عارفه ان الاغلبيه حالتهم وحشه وكلهم مكتئبين زىنا كده :D

الف سلامه عليكى وما تغبيش علينا تانى

Cute Kitty **sookra يقول...

لالالالالالالالالا وربنا سألت بس انا كمان كنت عامله حادثه وكنت مقصره مع ناس كتير
اعذرينى حبيبتى
بجد اسفه

قلم رصاص يقول...

حمدلله على السلامة يامنونا
بجد نورتي مدونتك من تاني

ومبرووووووك على اليتمبليت الجديد للبلوج
حلو جدا والله

وايه الكلمات الرائعه دي
ما احنا بنكتب شعر اهه

واسأل الله العظيم ان يوفقك لما يحب ويرضى به عنك

تقبلي مروري وتحيتي

Aиgel يقول...

أنا جــــه بردو
:$
والله يا منونتي أنا كمان لما قفلتها اكتشفت أن محدش خد اله ولا سأل مالها دي ألا أنت ومحدش كان بيسأل غيرك بردو بيسألأوا بعد ما رجعت بس

ما علينا
الحياة مشاغل وكل واحد مننا أكيد عنده اللي الله يعينه عليها فيا حبيبتي التمسي لأي حد العذر وأنا على رأسهم
:$
ونورتي مدونتك وحلو اوي الاستايل بتاعها بجد


والكلمات اللي في الأول بجد رائعة أوي أنتي دايماً مختصرة الحياة والحالات المزاجية في كلمتين
يا مستعجل أنت يا مستعجل D:

متزعليش يا حبيبتي من حد
ومرة تانية نورتي مدونتك ومعلش ع اللي بيعملوه فيكي جوجل امحسيها في المرة دي وأنا هشدلك ودانه D:

بحبك أوي في الله

Angel love

sony2000 يقول...

حمدلا علي السلامه واول مره اجي انا هنا وبأذن الله موش هتبقي اخر كره
يارب اشوفك بخير ديما
تقبلي مروري وتحياتي

hend mossallam يقول...

welcome back :D

حلو البوست

عرفه انا الوقت ده مريت به اللي هو مفيش حد بيسال و الناس بتزعل مني عشان مش بسال و كده بس عرفه في الاخر ان الصحاب الي بجد مش هتفرق معاهم بتكلميهم قد ايه اللي هيفرق غلوتهم في قلبك و ده خلاني اشوف ناس كتير علي حقيقتهم
و بعدين فكري اكيد هتلاقي ناس كتير انتي في حياتهم حاجه حلوه و مهمه حتي لو هم مسالوش
و بعدين لما تزعلي ان حد كنتي مستنياه يسال و ميسالش كلميه لوميه و عتبيه فهيفهم قد ايه انتي مهتمه و هتلاقيه اتغير و رجع يسال تاني
رغي كتير انا عارفه بس فعلا انا حبيت عندك اوي (البلوج) وبعدين مش بحب اشوف حد مضايق :]

Baskouta يقول...

حمدالله على السلامة
اول مرة ازور مدونتك
جيت اقولك
Happy Valentine's day
وكل ايامك حب
تحياتي البسكوتية

اللى موش عارف يتغير يقول...

اول مره ازرو المدونة دى
عايز شاى بس بقرنفل
عشان كده موش هعلق
انا بس جاى اشرب شاى ونتعرف
بعد كده نبقى نعلق
تقبلى مرورى

Ana keda يقول...

ويلكم باك

حلوة اوى اوى

يا رب ما يفرق اتنين بيحبوا بعض ويجمعهم على خير ان شاء الله
هاااااابى فالانتين

мαησηα يقول...

حنين .. وانتى طيبة يا حبيبة قلبى

النور نورك والله

حاضر مش هاغيب بس بشرط انتى كمان تبقى كويسة وبخير

تسلميلى يا حنيين ...

мαησηα يقول...

د.عمرو .. الله يسلم عمرك يارب

حاضر لينا كلام بعدين

мαησηα يقول...

مستخلص افندى .. الله يسلم عمرك يا مصطفى

الحمد لله انها عدت اينعم ليها توابع بس خير

الله يسلمك يارب وحاضر مش هاغيب تانى باذن الله

мαησηα يقول...

قلم رصاص .. الله يسلم عمرك يا ريس

النور نورك والله

الله يبارك فيك ده من زوقك والله

حاجة على قدى من بعض ماعندكم يا ريس

اللهم امييييييييييين ميرسى على زوقك

мαησηα يقول...

بونبونايتى ... نورتى بردو هههههه

لا ولا هالتمس ولا مالتمسش مافيش احسن من الطناااش
ههههههههههههههه بيقولك طنش تعيش تاكل قراقيش

تسلمى وميرسى على زوقك يا بيرو
استايلك انتى كمان اروع

ههههههههه ايون مع انى رغاية اوى بس بينى وبينك لما بكتر
وانا بكتب حاجة بعك فبسكت واجيب المفيد ههههه

والله مش زعلانة يا بيرو ولا فرحانة انا عندى لامبالاة وفقدان احساس بما يدور حولى ههههههه
تايهة يعنى من الاخر

هامسح فيكى ايه ولا ايه جوجل ولا الفيس ولا ياهو

انا قربت ابقى زلبطة من كتر شد شعرى منهم

انا بحبك اكتر

мαησηα يقول...

سونى .. يا زمل يا جميل انت لذيذة انتى وطبيعية كده

وده محليكى اوى خليكى زى ما انتى

اول كوباية شاى عجبتك الحمد لله ههههه

مستنياكى تانى وتسلميلى يارب على زوقك نورتينى حبيبتى

мαησηα يقول...

I'm The CraZy One ..

تسلميلى حبيبتى .. والله معاكى حق

والصحاب بجد بيعذروا ويسامحوا

ما اتعقدش انى ف حياة اى حد مهمة

رحم الله امرئ عرف قدر نفسه

تعرفى هتضحكى اوى لما بعاتب انا اللى بتلام

هههههههه عادى بقه والله مابقت تفرق يا اختى

لا والله مش رغيتى كتير ده انتى سكر وكلامك كله بجد تمام

ربنا يكملك بعقلك يا قمر

мαησηα يقول...

بسكوتة .. الله يسلم عمرك يا حبيبتى

بجد انا مبسوطة انك جيتى هنا

على فكرة انا باجى عندك كتير بس مابفهمش حاجة من العنجليزى

عااااااااااااااااااااااااااااااااااااااااا فبلقط اللى بقدر عليه

وطبيعى مابعلقش منا بخاف اكون فهمت غلط

كل عمرك يارب حب ف حب

اللهم امييييييييييين

نورتينى وبجد انا مبسوطة اوى انك شرفتينى

يارب يكون الشاى عجبك

мαησηα يقول...

اللى موش عارف يتغير .. ههههههههههههه

كل مرة بتقولى انا اول مرة ازورك

وكل مرة بتطلب شاى وبتنسى انك شربت الشاى يا عم

انت شكلك اللى مش عايز يفتكر هههههههههههه

ان شاء الله انا مستنية تعليقك وربنا

نورتنى واسعدنى مرورك

мαησηα يقول...

انا كده .. على فكرة انا متابعة مدونتك من زمان وبحبها اوى

انتى احلى والله

وامييييييييييييييين يارب على دعوتك الجميلة دى

ربنا يخليلك نصك الحلو حبيبتى يارب ويحميه ويحفظه ويباركلك فيه

قولى اميييييييييييييييييين

نورتينى وشرفنى مرورك الطيب

 

ೋ واحــد شـاى ♨ Template by Ipietoon Blogger Template | Gift Idea