اتفرج على نفسك ..

من بين الناس بحالها ..

احساسى بيك ...

نفسى اعيش ايام حياتى وعمرى بيك ..

احساسى بيك .. خلانى اعيش اجمل ليالى واحس بان العمر غالى

ومهما كان عمرى مايغلاش عليك ..

احساسى بيك .. خد قلبى ليك ياحبيبى لو مش حبيبى هاقول لمين ياحبيبى

ياحبيبى ما انت عارف قد ايه ؟؟

انا عايزة اشوفك تانى ليه كل اللى كان وحلمت بيه

لقيته فيك وانا بين ايديك

من يوم لؤاك انا حاسة بيك دايما معايا

ومهما اقولك مش كفاية نفسى اول فرحة ليا تبقى بيك

من يوم لؤاك انا نفسى اقولك الف حاجة واكون لك كل حاجة

واشوف حقيقة روحى فيك


*** *** ***

ده بوست لسه هاكمله بس مش النهاردة

مش لاقية لها عنوان ..

كل سنة وانتوا طيبين بمناسبة يوم عاشورا

امبارح والنهاردة وفى كل مناسبة دينية

تلاقى شعب الشحاتين كلهم بيلفوا ويدورا على الابواب

وبيشحتوا لما كرهوا الواحد فى عيشته

امبارح فى الشغل واحدة شحاته دخلت وقعدت بقه

انا مرات فلان العلانى وهو عيان ومرمى فى المستشفى بمرض كذا وكذا

بنتى عندها امراض كذا وكذا وكذا ومحتاجة عملية علشان معرفش ايه وايه ؟؟

ماشى يعنى انتى سيادتك صحيتى من النوم النهاردة فجأة كده لقيتى كل بلاوى الدنيا عمدك

لا اله الا الله .. ليه كده ليه بيستغلوا اى مناسبة دينية ويبقوا زى التتار على البيوت

وعشرات من امثالها بقه عايزة اقولكم بيبقى الموضوع واخد تلات ايام

ماقبل المناسبة ويوميها وبعدها ..

سبحان الله يعنى هى البنى ادمين متبقاش عطوفة غير فى المناسبات الدينية

اللى غاظنى بقه المدرسات اللى معايا قعدوا يقولولى انتى قلبك حجر انتى قلبك جامد

انتى مافيش اى احسايس عندك .. طيب بالله عليكوا دى حاجة حد يعقلها

وبعدين معلش انا شفت حالات ممكن تموت من الجوع ولا انهم يروحوا يزعجوا الناس بالمنظر ده

معرفش انا شايفة انى عقلانية شوية وواقعية مش بفكر بقلبى وبصراحة نفسى نقف كلنا واقفة صح

ونخليهم يبطلوا يعملوا كده ..

المحتاج مابيروحش يطلب بيبقى عنده حياااااااااااااااااااااااء ياناس

انا بصراحة اى شحات بيقف قدامى والله لو هو ايه بيموت قدامى مابتهزش

لانى واثقة انه بيكدب .. وان ليهم اساليبهم الخاصة فى انهم يقنعوك بالبؤس

كمان معلش انتى واحدة ست واقفة قدامى بكامل صحتك تعالى اشتغلى عندنا

دادة للاطفال احنا محتاجين دادة .. وهتروحى بيتك معززة مكرمة الساعة 2 الضهر

وتروحى تشوفى بيتك واولادك .. تقولك لأ عايزة تاخد فلوس ع الجاهز وخلاص

طيب دى تستاهل بقه .. وغيرها والله رجالة وبابا يقولهم تعالوا اشتغلوا يقولوا

لأ انا ايه اللى يبهدلنى .. ينفع بقه تعطف على الناس دى ..

وفى الاخر يقولولى انتى قلبك حجر ..بالله عليكوا لو انا غلط حد يقولى انتى اكبر غلطانة

ولوصح قولولى ايه الحل اللى نقدر نقنع بيه الناس دول

ان العمل عبادة وان الشغل اكرم لهم من اللى بيعملوا ده

..لعل وعسى الواحد يقدر يغير حاجة ويعمل حاجة مفيدة فى دنيته

محدش بيفكر غير فى لذاته ..

معلش انا كل شوية مصدعاكوا بحكاياتى مع كتاكيتى

بس انا عايزة المواقف دى تتسجل ..

لانى بعيد عنكوا بقه عندى زهايمر وفى ابشع حالاته

عبد الجواد ابن واحدة صاحبتى عنده تلات سنين .. بس بجد عسوووووووول

اول ماشافنى يقولى انتى مس منى صاحبة مامتى .. انتى عسولة ههههه

بقوله بتعاكسنى يقولى لأ بس انا حبيتك ومامتى بتحبك قلتله الحمد لله

المهم بقه كل يوم يجى يقولى حاجة مبدعة من ابداعاته

فى يوم لقيته جاى بيوزع علينا تذاكر سينما

يقولنا كل واحدة تاخد جوزها وابنها بودى وتروح السينما وتتفسح

ههههههههههه على اساس ان كل الاولاد بودى زيه

المهم بقه امبارح مامته كانت بتشترى لبس للنونو الجديد اللى هيجى

وبعدين دخلت محل اكسسوارات وقعدت تتفرج لقيت بودى واقف بيتفرج على عقد وعمال يكلم نفسه

هيعجبها .. وهيليق عليها .. فقلتله حبيبى انت بتعمل ايه ؟؟

قالها تفتكرى العقد ده هيعجب مس منى .. فالبنوتة اللى فى المحل بتقول مين مس منى

قالها المس بتاعتى فى الحضانة وصاحبة مامى .. مامته والبنوتة مابقوش عارفين يعملوا ايه

معاه غير انهم يبوسوه ويقولوا ربنا يبارك فيك

المهم بقه انا انبسطت اوى .. لسبب انى اخيرااااااا لقيت حد بيفتكرنى

وبيفكر فيا .. مش وانا معاه بس لأ وانا بعيد كمان

بجد احساس جميل اوى انك تلاقى الناس فاكراك وبتفكر ازاى تسعدك

احساس لقيته طالع من طفل مايعرفنيش غير بالظبط من تلات شهور

واقرب الناس ليك ناسيك وبيفكروا ازاى يسعدوا نفسهم على حساب راحتك انت

ايييييييييييييييه دنيا !!

وعلى راى العبقرى صلاح جاهين


ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

عجبي !!

ســــــــــمــــــــاء

عدت سنة بسرررررررعة على اول مرة شفتها فيها

كان زعلانة وبتعيط وعندها حالة رعب من الحضانة ومنى بشكل خاص

لانى بزعق

اجمل بنت شفتها فى حياتى .. مش جميلة لانها جميلة الشكل

_ مع انها سبحان الخالق فعلا جميلة _

هى جميلة علشان بتسمع كلام ماما وبابا وتيتة عايدة

فى يوم خرجت على الطريق فجريت عليها وزعقتلها جامد

وطبعا البنت جالها زعر مش رعب المهم بعدها قعدت معاها

وقلتلها انا بحبك وكنت خايفة عليكى .. ممكن ماتزعليش منى

قالتلى انا كنت هاروح اشترى حاجة ماكنتش اعرف انى بعمل غلط

وبعدين اتصالحنا واكتشفت انها صورة من بنتى زى ما احب اشوفها

وبقينا اصحاب وروحى بقت فيها اكتر واكتر من الاول

وعزمتنى عندهم فى بيتها ولعبنا بكل اللعب وعملتلى محشى ورق عنب

علشان احنا الاتنين بنحبه .. وكمان بنحب الترمس بقشره ..

وبنحب الشطة جداااااااااا

والاحلى بنحب نرسم ونلون

بنرسم سماء وفيها حمام بيطير

حمام كتيييييييييييير على قد ما سماء بتحبنى

فى مرة كنت بكلم نفسى وبقول ياربى انا نفسى اجيب بنوتة زيك يا سماء اعمل ايه ؟؟

قالتلى بمنتهى البراءة روحى للدكتور وهو هيفتحلك بطنك كده ويطلع منها سماء

_ وملامحها كلها الم _ هيوجعك شوية بس هو هيديلك دوا هتخفى ع طول هههههههه

دايما كنت بقول انى مش مقتنعة ان فى حد يحب حد لدرجة انه يحبه اكتر من نفسه

بس اكتشفت انى بحبها حب جنونى وانى بحبها اكتر من نفسى

النهاردة كان يوم ميلادها الرابع العمر كله ليها يارب

كانت غايبة لانها تعبانة شوية بس ماما عملتلها حفلة ميلاد حلوة

وهتجيبلى تورتة من اللى فيها كريمة ..

ولو خلصت هتجيبلى كيكة عادية

بس بشرط مارجعش اقولها انا عايزة تورتة

ربنا يخليكى ليا يااجمل بسمة فى عمرى .. ويبارك فيكى ويحفظك

واشوفك احلى عروسة وام وجدة كمان

2009

كل سنة وانتوا طيبين

ويارب السنة الجاية تكونوا محققين كل اللى بتتمنوه

كل سنة بنقول نفس الجملة ونفس الامنية

وفى حاجات كتير بتحقق وحاجات اكتر مابتتحققش

حبيت اعمل كشف حساب لنفسى

واشوف ايه اتمنيته واتحقق السنة اللى فاتت

لقيت انى ماحققتش حاجة من اللى اتمنيته

كان نفسى اتخن بدل منا عود كبريت كده ومحصلش ..

كان نفسى اشتغل فى بنك ومحصلش ...

. كان نفسى اخد كورسات انجلش

وابقى بيرفكت فيه ومحصلش ..

كان نفسى احج وماحصلش ..

كان نفسى القى الحب واكمل عمرى معاه ومحصلش

كان نفسى اعمل لينسز خضرا

وماحصلش ههههههههههههه ..

كان نفسى اروح اسكندرية ومحصلش


بس مش معنى كده انى خسرت

لأ بصراحة انا كسبت كتيييييييييييييييييييييير

كان نفسى اجيب موبايل سامسونج وجبته ههههههههههههههه


نقول على المستوى الاسرى ..

علاقتى ببابا اتحسنت كتييييير


الحمد لله



سيبك من البيت .. وتعالى نروح للشغل



زى الايام دى السنة اللى فاتت كنت

بعيط من الناس اللى معايا فى الشغل


ماكنش معايا ناس كويسين فى الشغل

اغلبهم كان انانى وكانوا بيحاولوا باى

شكل يثبتوا انى مش قد انى اكون مديرتهم

السنة دى بقيت الكل ف الكل

هههههههههههه

احم احم هههههههههه

لا بجد بنهاية 2008

بقينا كلنا اسرة واحدة



واولنا صاحب الشغل قلب واحد

بيحقق هدف واحد ازاى ننتج

للمجتمع اطفال متربين حلو اوى

وفى نفس الوقت سويين نفسيا


والحمد لله فى تقدم مهووووووووووول ..

وانا مبسوطة وراضية عن نفسى فى النقطة دى


ونسيب الشغل ونروح على فيييييييييييييين ؟؟


المستوى الشخصى ..

اصحاب 100% بجد كسبت اصحاب ممتازين

جدعااااااااان جدااااااا

وقلبهم عليا قبل مايكون ع نفسهم

وبحبهم ويحبونى اووووووووى

كسبت حوالى امممممممم مش عارفة

عدد معين بس حابة انى اذكر اسمائهم

او بمعنى اصح بحاول اشكرهم ع الهوا مباشرة ههههههه

بطوطة .. امولة .. نودى .. دودى

.. دودو .. جى جى .. روئا .. نورا ..

شيرى ..الاختين الطعمتين .. سمورة


بجد ميرسى ليكم على احلى ايام عشتها

فى حياتى كفاية صباحكم اللى زى الورد

نودى .. انت عمرى ياقمر ..

بجد انا بحبك جدااااااااااااااااااا

فوق ماتتصورى وبدعى ربنا مايفرقنى عنك ابدااااااااااااااااا

بطوطة .. ربنا يهنيكى انتى ومحمد وريتاج تنور بالسلامة حياتكم

امولة .. ربنا يسعدك انتى واشرف وتجيبيلى

عيال ولادى يقطعوهم من الضرب

بالشبب اللى انتى ماسكاهولنا ع طول ده ههههههههه

دودى .. ربنا يخليلك عصام وتفرحى

بزياد واحمد ويطرح فى دماغ احمد

البركة بقه ويبقى ذكى ع غفلة من حيث لاتدرى ههههههه

دودو .. ربنا يرجعلك محمود بالسلامة وتملوا

البيت اولاد مقطقطين كده ولمضين زى

جى جى .. ربنا يرزقك انتى وعمو عونى

بالذرية الصالحة ويكرمك

وماتجوعى ابدا زى مانتى كده ما اكلنا محشى ع طول

روئا .. حبيبى ياقمر انتى ربنا يكرمك

واشوفك متهنية كده ومخلصة دراستك ع خير

نورا .. ربنا يسعدك انتى وطه ويكرمكم

واشوف عيال فرنساوى كده يشرحوا القلب

شيرى .. الحب كله ههههههههه

الهى ربنا يكرمك بزوج صالح يستاهلك ويقدر اللؤلؤة

اللى معاه وتطلعى عينه

هههههههههه وانتى فاهمة طبعااااا

الاختين الطعمتين ..

يمكن انتوا مسكتوا فى ديل 2008

بس بجد كنتوا مسك الختام ربنا

يسعدكم ويكون فى عون سامح ومحمد هههههههههه

بلوتين منورين بيتهم هههههههههههههه

لا طبعا اجمل اختين عرفتهم وبحبهم جدااااااااا

سمورة القطقوطة .. استاذة سبرتاية

بتتمنى لك احلى سنة وشهرين كده

وتكونى فى بيت عدلك ياختى يارب قولى اميييييييين

يااااااااااااااااه بجد احلى ناس واحلى صحبة ربنا يخلينى ليكم

ويديم بينا المعروف وتفضلوا

كده ماليين حياتى باحلى فرحة

نيجى بقه للحب .. المنطقة الخطر فى حياة كل انسان ..

يمكن اكون لقيته ويمكن اكون مش لقيته

بس اللى متأكدة منه دلوقتى انى مش لقيته هع هع ..

والله ماضحكة خبيثة

علشان فى حد لمض بيقول كدابة

سمعاك بس انا بطلت اكدب من زمان

بجد لسه مش لقيت اللى احبه اكتر من نفسى ..

عموما لو لقيته اكيد هتلاقونى اختفيت

لانى هابقى ليه لوحده بعيدا عن النت

وعن اى حاجة تشغلنى عنه

وعن بيتنا واولادى .. بس هابقى اجى

ابص عليكوا بردو ماتقلقوش ههههههه

الماااااااااااااااااااال وده بقه بجد بحبه اوى هههههههههههه



اصل انا برج السرطان بيحبوا الفلوس

ههههههههه

الحمد لله مستووووووووووووورة

ونلت زيادة مجزية فى مرتبى المتواضع

غير بقه الخبرات الحياتية اللى كسبتها

ومجموعة لا بأس بها من الحكم

والامثال هههههه من سمورة


تيجوا نشوف خسرت ايه ؟؟


خسرت اربع بنانيت لانهم اشتروا الخيانة

والكدب بارخص تمن والغيرة اكلت قلوبهم

( مش غرور منى بس ده اعتراف منهم )

كمان كنت اطمع فى ان علاقتى بربنا تكون

احسن مماهى عليه بس مش عارفة ايه

اللى مانعنى ربنا يهدينى يااااارب

خسرت كمان ناس اقدر اقول عليهم

اعز الناس بسبب المرض اللعين

عبد الرحمن ابن اختى وعمو عبد الواحد صاحب بابا

الله يرحمهم ويحسن اليهم ويسكنهم جنات الخلد

بس بكده اعتقد ان انا اللى كسبانة والسنة

اللى فاتت ماقدرتش تضحك عليا وتخسرنى

اكتر من اللى اخدته فى ايامها

رغم انها كانت سنة كبيسة

وسودة مخططة كحلى على كل

الناس بس حسيتها سنة غريبة

كانت سنة تصفية حسابات

وكل حد عمل حاجة وحشة كان

ربنا بيخلصها منه فى وقتها

وعلى قد ماهى كانت حزينة

بس فرحت فيها كتير اووووووووووى



خلاص نودعها ونقولها فى ستين سلامة بوردك وشوكك



ونقول ل 2009 اهلا بيكى واتمنى ع الله انك تكونى


بمبى بقه وكلك ورد وفرح وخير ع الناس كلها


وهابى نيو يييييييييييير فور افرى وان