كل سنة وانتوا بخير

كل سنة وانتوا طيبين وبخير وبصحة وسلام


ويارب السنة الجايةنكون كلنا صحبة بنحج بيت الله الحرام


يارب اللهم امييييييييييييين


معلش عارفة انها متاخرة بس بلوجر


 عنده عسر هضم من قبل الوقفة


 بيوم ولا راضى يخلينى اعلق عند حد ولا بيحمل المدونات اصلا


كل حاجة بتابعها من الياهو اللى بردو بيفتح بمعجزة من الله


وجربت ابعت البوست اللى فات من حاجة كده عندى واتبعت تخيلوا


يلا خيييييييييييييييييييييير


المهم بقه عارفين احلى حاجة ف العيد ايه ؟


ان الواحد بينااااااام هههههههه اصلى بعز النوم اوى


وكمان اللمة الحلوة بتاعة العيلة هى اينعم بتبقى يومين يوم لعيلة بابا ويوم لعيلة ماما


بس انا بحبها جدااااااااا واينعم ببقى متدغدة ومش قادرة استمتع من السفر وتنظيف الشقة هنا وهناك


بس بحب اقعد ف جنب ع كرسى كده واتفرج ع كل حبة بيعملوا ايه


اينعم بيفتكرونى كائن منطوى وكئيب هههههههههه بس مش مهم انا ببقى مستمتعة بكده


عارفين بقه اكتر حاجة بكرهها ف العيد هى ايه ؟


المطبخ عاااااااااااااااااااااااااااااااااااا


ايه ده المواعين مابتخلص يدوبك انضف المطبخ الاقى اتملى تانى عااااااااااااااااااااااا


ع راى محمد اخويا امبارح دخل عليا المطبخ وبالليل


بعد ماعمتو مشيت هى واولادها من عندنا والدنيا برررررد


وانا مابعرفش انام والبيت مش ع سنجة عشرة


لقيته بيقولى هههههههههههههه انتى مالك يا منمن عاملة زى عبده القهوجى كده ليه ؟؟


ههههههههههههه


كان شكلى بائس وربنا بس بحب العيد بردو


=============


كل عيد اضحى بفتكر فيه الرئيس صددام حسين


الله يرحمه ويغفر له ويسكنه فسيح جناته


والاقينى حزنت عليه جدااااااااا لان الراجل ده بالذات انا بحبه جدااااااااا


يلا بقه ببياى لانى ع وشك الدخول ف غيوبة




كل سنة وانتوا طيبين وسامحونى ع التاخير


 ف الردود ع التعليقات لانى عندى  انفلونزا شديدة


وزورى مش طايقاه ومقضية العيد بين المطبخ والسرير


 

على بالي..

على بالى على بالى ابن بلدى على بالى
وعلى بالى على بالى حبيبى على بالى
على بالى على بالى ابن بلدى على بالى

لا يا مصرى لا ولا لا والف لا
تهجر بلدك وتسبنا بلدك بيك اولى
لا يا مصرى لا لا ولا لا والف لا
ليه تهجرنا وقلبك يقسى ليه تبعد وحبايبك تنسى
ليه يبن بلدى ليه آه آه
فين الجواب فين الرساله
هتبعتهم قوام قوام
نسيت هوانا وبعته

على بالى على بالى حبيبى على بالى
على بالى على بالى ابن بلدى على بالى
وعلى بالى على بالى حبيبى على بالى
على بالى على بالى ابن بلدى على بالى

فين تلاقى الضحكه الحلوه
ضحكه من القلب والعين سوا
فين تلاقى العيون السوده
جمالهم غنوه والكلام عنهم حقيقه

على بالى على بالى حبيبى على بالى
على بالى على بالى ابن بلدى على بالى
وعلى بالى على بالى حبيبى على بالى
على بالى على بالى ابن بلدى على بالى

مين يصحى فى الفجريه يأدنلك
قوم يا مؤمن قوم واشكر ربك
مين فى المحنه يقف جنبك
ويقولك ربك بكره يعدلها فى اوانها
لا يا مصرى لا ولا لا والف لا
تهجربلدك وتسيبنا بلدك بيك اولى
لا يا مصرى لا ولا لا والف لا

على بالى على بالى حبيبى على بالى

انا مبسوطة .. الحمد لله

سالخييييييييييييييييييييير عليكوا .. 

بقالى كتير مش كتبت حاجة تخصنى 

النهاردة بقه حاسة ان القفص الصدرى هيتفتح

ويخرج منه قلبى هههههههه

عارفين الكارتون لما كانوا بيجيبوا واحد قلبه

طالع من جسمه بجناحين انا كده دلوقتى

الحمد لله الف حمد وشكر ليك يارب 

سمعت خبر فرحنى جدااااااااااا  ربنا يتممه ع خير يارب 

وكمان اختى واعز صديقة ليا  النهاردة وتحديدا دلوقتى بينكتب كتابها 

وهتبقى احلى عروووسة ف الدنيا كلها ..

الاجمل انها بجد ربنا ربنا رزقها ببنى ادم زوج صالح عن جد

وبجد ربنا عوض صبرها خير بيه .. عقبالى يارب ماربنا يجمعنى

باللى عشت طول عمرى اتمناه  ع  كتابه وسنة سيدنا محمد رسول الله

شيرى انا اسفة انى مش معاكى دلوقتى الله يلعن الظروف .. 

لكن اقسم بالله انى معاكى بقلبى بجد وحاسة بيكى 

ربنا يكرمك يا حبيبتى ويتمم فرحك ع خير اللهم امييييييييييييييييييين 

عايزة اقول ان العيد ده هيكون احلى عيد عندى بجد بجد 

يارب انا بحبك اوووووووووووى 

يارب تمم لشيرين فرحتها وعوضها خير عن صبرها 

واكرمنى انا كمان يارب 

وادى كل مسلم اللى بيتمناه يارب 

اللهم امييييييييييييييييييين

إلقى لك حد...

ألحان: أمير عبد المجيد

إلقى لك حد .. لو ضاقت بيك يفتح لك قلب
يبقى لك صحبة و أهل و بيت
يناديك لو إنت في يوم ضلّيت
و يشوفك لو ع الخلق داريت
و يحسّك رغم البين و البعد

إلقى لك حد

إلقى لك حلم من الأحلام
ماتسيبش سنينك للأوهام
دي الدنيا ما بين أفراح و آلام
الشوك تسقيه يطرح لك ورد

إلقى لك حد

إلقى لك قلب يحن إليك
و حبيب يشتاق و يروح يرضيك
لو طالت في الأيام لياليك
يبقى لك فجر و شمس و غد

إلقى لك حد

كلمات: ناصر رشوان

من كتاب الحب ..

انت الثرى والسماء .. وقلبك اخضر 

وجزر الهوى فيك مد فكيف اذن لا احبك اكثر 

وانت كما شاء لنا حبنا ان اراك 

نسيمك عنبر وارضك سكر 

وقلبك اخضر 

وانى طفل هواك على حضنك الحلو انمو واكبر

..

نزار قبانى

صباح الخير ..

من اجمل قصائد واحد معرفوش
 

قالت لهُ...
أتحبني وأنا ضريرة ...
وفي الدُّنيا بناتُ كثيرة ...
الحلوةُ و الجميلةُ و المثيرة ...
ما أنت إلا بمجنون ...
أو مشفقٌ على عمياء العيون ...
قالَ ...
بل أنا عاشقٌ يا حلوتي ...
ولا أتمنى من دنيتي ...
إلا أن تصيري زوجتي ...
وقد رزقني الله المال ...
وما أظنُّ الشفاء مٌحال ...
قالت ...
إن أعدتّ إليّ بصري ...
سأرضى بكَ يا قدري ...
وسأقضي معك عمري ...
لكن ..
من يعطيني عينيه ...
وأيُّ ليلِ يبقى لديه


...
وفي يومٍ جاءها مُسرِعا ...
أبشري قد وجدّتُ المُتبرِّعا ...
وستبصرين ما خلق اللهُ وأبدعا ...
وستوفين بوعدكِ لي ...
وتكونين زوجةً لي ...
ويوم فتحت أعيُنها ...
كان واقفاَ يمسُك يدها ...
رأتهُ ...
فدوت صرختُها ...
أأنت أيضاً أعمى؟!!...
وبكت حظها الشُؤمَ ...
لا تحزني يا حبيبتي ...
ستكونين عيوني و دليلتي ...

فمتى تصيرين زوجتي ...
قالت ...

أأنا أتزوّجُ ضريرا ...
وقد أصبحتُ اليومَ بصيرا ...
فبكى ...
وقال سامحيني ...
من أنا لتتزوّجيني ...
ولكن ...
قبل أن تترُكيني ...
أريدُ منكِ أن تعديني...

...
أن تعتني جيداً بعيوني

 ===

مش متاكدة من اسم القصيدة ولا الشاعر ولا اى حاجة

ومافيش وقت اتأكد دلوقتى  

حلووووووة يا بلدى

بفرح لما بلاقى مصر فرحانة .. والله باى حاجة

مكنتش عايزاها تخسر .. ولا انا مش وطنية ومش حابة بلدى

بس زعلاااااااااااااانة اوى من الاهتمام الزايد ده بالكورة

طيب ليه مابنقفش الوقفة دى ف اى حاجة


تنفعنا كشعب

ليه سايبين ولادنا وشبابنا متبهدل بره


مصر ومتغرب ويارجع يا مرجعش

ولو رجع بيرجع خردة ايوة خردة كائن كله امراض

وشمعة احلامه انطفت من اللى شافه ف الغربة

ليه مانلمش بعض كده وندفع حق التذاكر اللى اندفعت

دى ونعمل بيها مشروع لشبابنا 


من جهودنا احنا الذاتية

ليه مانلمش بعض ونقف الوقفة 


دى قدام الحكومة اللى  مستغلة

هبلنا كشعب وعمالة تاكل ف لحمنا لما هنبيع هدومنا

وعيالنا بعد سنة من النهاردة ف احسن الظروف

ليه مانبطلش نرغى شوية ف التليفون سواء موبايل 


او عادى ونلم فلوسنا دى ونعمل بيها حاجة مفيدة

ليه مانبطلش نجيب لب وسودانى 


واكل مالوش لزمة ف الفاضية


والمليانة ونعمل حاجة تنفعنا

ليه بقيت الشعوب احسن مننا ؟؟

احنا الفراعنة اللى بنيننا الاهرام

ياااااااااااااااه يا مصر كنتى هتبقى


حلوووووة يا بلدى واحلى البلاد

فعلا لو كنتى بتشغلى دماغك اكتر ما بتشغلى هيافتك

امضاء / مصرية نفسها فعلا تفرح لبلدها وبيها

اكتر حاجة بكرهها ف حياتى ..

عارفين ايه هى اصعب حاجة ف الدنيا مش الموت لأ 

الناس اللى الميت فارقهم .. اهله وناسه واحبابه .. 

الصعب بقه انك ماتكونش قادر تواسى الاهل دول هتقولهم ايه ؟؟ 

ربنا يصبركم .. ولا ايه ولا ايه .. ولا حاجة بتقدر تبرد نار الفراق وقتها 

عارفة انك مش هتقرا الكلام ده يا شريف بس بجد انا عايزة اقول ده 

انا مش عارفة ازاى اصبرك ولا اهون عليك فراق ماما 

بس بجد بدعيلك من قلبى ان ربنا يصبرك 

وربنا يغفرلها ويرحمها وانت اكتر واحد عارف


هى ارتاحت من العذاب اللى كانت شايفاه 

ربنا يجعل مثواها الجنة ويلهمك الصبر والسلوان 


يارب اللهم امييييييييييييييين 

عهد الهوى ..

اما انا  مهما جرى هافضل اصون عهد الهوى

وان غبت يوم ولا سنة هافضل انا هافضل انا 

انا بردو انا

احلفك بعذابى اللى انت عايش فيه متهنى

واحلفك بشبابى اللى ماناباك يوم ولا نابنى

ان جيت ف يوم وماحبتنيش اكدب عليا ولا تقوليش




****


من فيلم : اخر الدنيا

اعتذار وتنويه ..

السلام عليكم ورحمة الله وبركاته

كيف الحال يارب تكونوا بخير

اولا بعتذر وبشدة لكل اللى بيتابع المدونة وبيعلق عندى ع التاخير ف الرد ع التعليقات

معلش سامحونى .. بس بجد انا ماعنديش وقت اليومين دول خالص لحد العيد

لان رجعت اكمل كورس ال icdl 

وطبعا بكمله ف الوقت اللى كنت ببقى فاضية فيه

فسامحووووووووونى بجد

ممكن اعملهم ببلش والرد يجى متاخر

لانى برجع مرهقة بخرج من الصبح الساعة 8.5

الصبح وبرجع 7 بالليل وسفر وبتاع

فربنا يسهل واقدر ارد واحط جديد

لانى عندى كلاااااااااام كتير عايزة احكيه واقوله

اشوفكم ع خير قريبا جدااااااااااااااااا

بحااااااااااااار ...

بحار خايف من المشوار

 ف البحر وانت بعيد الموج تملى يزيد

 ويخبى ف الاسرار

 محبوب ومافكش اى عيوب

 مهما تغيب ع العين نورك ع الشطين

حبك قدر مكتوب

وناس بتحب كل الناس صوتك يونسنى 

من نظرة تهوسنى وعنيك قمر بالناس
 

وبدور وبعدى اى بحور

تندهنى وانا اروحلك

تحضنى وابوحلك

ده الحب عصفور لون

محبوب ومافكش اى عيوب

  مهما تغيب عن العين
 

 نورك ع الشطين حبك قدر مكتوب

كل يوم وانتوا ف الحب غرقانين ..

انا جــــــــــــــه .. ههههههههه اه وربنا جــــــه


ان شاء الله يارب تكونوا كلكم بخير


النهاردة يوم الحب المصرى


تعرفوا كل سنة كنت بحس ان اليوم ده عادى السنة دى لأ


يمكن حصلتلى حاجة حلوة السنة دى فده السبب


او يمكن لانى بجد انببسطت اوى لما دخلت الفيس بوك


ولقيت كل الناس هناك بيهنوا بعض


مش شرط يكون حبيبن لا كله اصحاب واخوات وقرايب


بجد حسيت بروح حلوة اوى اتمنيت


انها تكون ع الواقع بين بين المصريين كلهم


ماعلينا اهو حلم والسلام ههههههههه


المهم بقه انا استنيت اليوم ده اينعم


استنيته علشان فى ناس انا بحبهم جدااااااااا


كان نفسى اقدملهم اى حاجة تعبر عن حبى ليهم بجد


ناس جدعان اوى ماقابلتهمش


لكن عجبتنى روحهم ودماغهم وجدعنتهم


اولهم بالترتيب اللى انا عرفتهم بيه


ضد التيار " السكرة نورا "


او سويتى


اعثل واعقل بنوتة عرفتها بجد بتعجبنى مدونتها جدا


وكمان شخصيتها


واحب اقول للاستاذة ضد انى ف يوم الحب


هاعترفلك باعتراف خطييييير الا وهو انى بموووت فيكى


وجبتلك هدية صغنتوتة يارب تعجبك


ويارب يا حبيبتى دايما اشوفك بخير وصحة


وسعادة وغرقانة ف الحب ايووون غرقانه فيه هههههههههه


اتفضلى بقه الهدية







بيرسون نمبر تووووو


الاستاذ " شاب فقرى "


وهو انسان جميل جداااا


مدونتك لفت انتباهى ليها احمد حلمى


اه والله كنت بدور ع صور ليه


هههههههه لانى بحبه كثيرا الراجل ده 

المهم عجبنى كمان البوست اللى كنت كاتبه ساعتها


وقعدت اقلب فيها بقه لقيتك راجل محترم بجد ومجتهد


وبدعيلك بجد من كل قلبى انك تلاقى بنت الحلال


الطيبة الحنونة اللى تكون سبب من اسباب دخولك الجنة


وتخلى حياتك ف الدنيا كمان جنة


قول اميييييييييييييين بس وان شاء الله الدعوة مجابة


وف هذا اليوم بقولك بجد انا مبسوطة انى عرفت انسان كويس زيك


ومعاك ف فريق انا جدع ع فكرة


عجبتنى الفكرة وعجبنى انك بتشجع الناس


وان مهما حصلك ف الدنيا مش بتستسلم


استمر يا ابنى والله هيكون لك شأن عظيم


وادى هديتك ياباشا









جميع انواع الشوكولاته اهو


سلملى ع حبيبة قلبك بقه اوك


بيرسون رقم ثرى


ايون انها انتى يا ساسوووو


مورننج دوف


هههههههههههه


عثولة ورقيقة بجد ودماغها حلوة اوى


وشقية شقاوتها طفولية كده


ربنا يحميكى حبيبتى ويسعدك ويهنيكى


واشوفك احلى ماما لاحلى بنوتة ف الدنيا


قولى اميييييييييييييين يا بنتى قووووووووولى









ايون كلها ليكى ادى واحدة بس لحنون


بس بشررط


عايزاكى تفضلى قوووية ع اى ظروف مهما كانت


فى مقولة بتقولك


لا تحزن الان فالاسوأ لم يأت بعد


هههههههههه


ببشرك بالخير صح هههههه


لا بجد معناها ان كل اللى بيحصل ف الدنيا

ممكن اوى يكون ف ابشع منه


كل ده اختبار من ربنا واللى هيصبر بجد


ربنا هيكافأه مكافأة حلوة اوى


ع قد ماصبرتى هتنولى حبيبتى


هاااااااااا هتوعدينى بكده ولاهتوعدينى بردو


هههههههههههههههههههه


لسه


بيرسون نمبر فووووور


كيارا " عالم مولان"


سكرة اوى وبحبها اوى


وبجانب عشقها للمصاصة فهى تعشق الشوكولا


ولهذا


اتفضلى يا كيكى





بس خلاوووووويص 

عايزة اقول ان بجد كل الناس اللى عرفتها السنة دى انا اعتزيت بيها 

لان السنة كانت غير كل سنة كانت سنة اختيار للمعارف بدقة شديدة


وبجد بحبهم كلهم من كل قلبى


مش عايزة اذكر اسماء علشان محدش يزعل


لكن اكيد الكل ف بالى


كل سنة وانتوا ف حب وكل سنة


ف حب اكتر من اللى قبلها 

سلامووو عليكوووووا بقه

طيب ليه ؟؟

صباح الخييييييييييير 

مش عارفة بصراحة ابدا كلامى ازاى 

لكن  انا فعلا مصدومة اغيب يوم الاقى الدونيا اتقلبت كده 

كل الناس عمالة تنزل بوستات عن ان المدونات بيتهكر عليها 

وان فى واحد بينتحل صفة احد المودونين وبيرد

بالفاظ وحشة من الاخر عايز يوصلنا ان فلان مش كويس

نفسى افهم  حاجة يعنى احنا كمدونين 

عملنالك ايه علشان تأذينا وتضايقنا 

احنا ناس مع نفسنا كده  لاقيين نفسنا هنا 

ف المجتمع الصافى ده اللى محدش بيفكر يأذى حد فيه 

ليه طيب تعمل كده 

واحد زى شاب فقرى اللى فهمته انه تم انتحال شخصيته 

ليه تختاره هو دون عن الناس كلها 

والمشكلة انك جاى ف واحد فعلا محترم 

والكل اجمع دون استثناء ع كده 

ادينا كلنا اكتشفنا عملتك المهببة دى وكلنا

اكدنا ان لايمكن حركة زى دى

تخلى صورة حد مننا تتهز قدام الباقيين 

واديك فشلت حتى ف انك تعمل الحاجة الوحشة

اللى كنت عايز تعملها  

استفدت ايه بقه ؟؟ 

متهيالى انك انسان مريض مش قادرة افسرها غير كده 

الافضل انك بدل ماكنت تفكر تعمل كده

كنت فكرت ف انك تبقى واحد مننا

واحد بيحاول يقاوم كل الظروف اللى حواليه 

ويكون انسان كويس 

واحد عنده مبادئ بيحاول يحافظ عليها 

انا بجد اسفة عليك جدااااااااا 

لو .. عترت ع مدونتى وحاولت تعمل  فيها حاجة 

انا هاقولك بس المدونة دى بالنسبة لاى حد مننا كمدونين ايه 

هى عبارة عن بالظبط ياما صديق صدوق مستحيل تلاقيه 

او البعض بيعتبرها ابن له والله 

انا عن نفسى بعتبرها بنتى وصاحبتى فيها ذكريات حلوة 

وكلام جميل صعب الواحد يقدر يفتكره 

فياريت يعنى قبل ما تعمل ف اى حد حاجة وحشة 

حط نفسك مكانه وشوف لو حد عمل فيك حاجة وحشة وانت اصلا 

ما اذيتهوش بل تكاد تكون ماتعرفوش اكيد هتتضايق 

وبلاش تنتحل حد فينا لاننا كل واحد

له طابع بيميزه صعب تقلده لانك مش هتقدر ومش هتعرف 

فبلاش كل شوية تبين خيبتك التقيلة

دى وانت فاشل كده ف كل حاجة 

ربنا بجد ينتقم منك بقالى كتييييييييييير

مادعيتش ع حد كده بس انت استفزتنى حقيقى 

واخيرا .. ياشاب فقرى 

احسن حاجة تقولها حسبى الله ونعم الوكيل 

وان شاء الله ربنا هينصرك وينجدك