احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، أكتوبر 21، 2009

يوم من اجمل ايامى مع سماء ..

من عمايل ايد .... мαησηα بالظبط الساعة 11:30 م

امبارح كنت وصلت لقمة

خنقتى نمت من الساعة 9 بالليل

وطبعا بما انى من اعداء النوم او اللى ربنا

ابتلاهم بالمرض اللعين القلق

صحيت الساعة 1 صباحا فايقة بقه 



وعادى ممكن

ابدأ اليوم عادى جداااااااا

بس لقيت لسه احنا نص الليل ماينفعش اعمل حاجة

غير انى اكمل قلق ف سريرى

وفجاة اكتشفت انى ببكى

بانهيار وعمالة افكر ف كل حاجة

وكنت هاقوم اكتب حتة بوست يكره

العالم كله ف عيشته هههههههههه

وبعدين استغفرت ربنا وقعدت اقول لنفسى

بدل ماتفكرى وتشيلى الهم ادعى ربنا

وانتى بتعيطى كده

كنت هاقوم اصلى لكن نظرا لوكعتى الصحية



ماقدرتش

لان كان مش ميعاد الدوا

المهم قعدت ادعى ربنا يحققلى امنيتين

انى اشوف سماء لانها وحشتنى جداااااااا


وامنية كمان ان شاء الله هتتحقق

 



*********

صحيت طبعا بضرب الشوز علشان



اروح شغلى

وصلت الشغل اصطبحت بلجنة تفتيش 



وكلام زى السم

الراجل ريحة الفنيك والديتول



جابتلى حساسية ع صدرى

ويقولى هو فين الفنيك ده

حرق دمى بصراحة

وانا اصلا حاسة الشم عندى قوية 



ودخان قش الرز مبهدلنى

بدل مايروحوا يشوفوا القرف ده جايين



يقرفونا احنا

وشيرين كمان ماقعدتش معايا النهاردة

راحت تشترى البدلة وتختار فستان فرحها



مع خطيبها

يعنى كان يوم عثل عثل ههههههههه

اذ فجأتن وسط كل الزهق ده الاقى التليفون يرن

ايون وسمعت احلى خبر ف حياتى كلها

( ايوة يا منى انا مامة سماء ينفع نيجى نزورك النهاردة

طبعن طرت من الفرحة

قلتلها امتى قالتلى العصر

عايزة اقولكم انا اتجننت من الفرحة اه والله

رحت اشتريتلها عروسة

وشوية لعب من ضمنهم زرافة 



معرفش ليه هههههههههه

الوقت كنت عايزة اقتله علشان ينجز والعصر يجى بقه

ونزلت استناهم ع اول الشارع لان مامة سماء اول مرة تيجى عندى

انا واقفة مستنية وشفتها جوة " التوكتك

معرفش كتبتها كده صح ولا ايه ههههههههههه " "

وهى قاعدة تقول لمامتها ايوة يا ماما بيت ميس منى

اهو ايوة هنا وقف ويقف يا عمو ههههههههه

من فرحتها ماشافتنيش

سلمنا على بعض بقه واكيد انتوا متخيلين السلام كان عامل ازاى

تخيلوا الاقيها جايبالى ايه ؟؟

جايبالى شوكولاته علشان عارفة انى بحبها

" انا جبتهالك ف علبة كبيبرة علشان بعد ماتاكلى

الشوكولاته تشيلى العلبة وتفضلى فاكرانى

"انا كمان جبتلها عروسة علشان هى بتحب العرايس اوى

ولعبنا سوا واتصورنا فيديو مش بس صور كده

صورتها وهى بتقولى انا بحبك



قد السما وقد الارض وقد الحمام

اللى بيطير ف السماء كله

كانت لابسة شيك اوى انا هانزل صورها

مع البوست دلوقتى بس مش واضحة اوى

وجبتلها حاجات وفواكه كلها بتحبها و حاجة جديدة

اول مرة تعرفها جوميز هههههههههههه 



هى نطقته كده هههههه

كان نفسى تبقى بتحب النسكافيه



بس قالتلى لا مش عايزاه

وعايز جوميز من غير وساخة 



من فوق هههههههههههههه

قصدها ع الحتة السودة 



اللى فيه من فوق دى

سماء دى مشكلة

اها صحيح ورسمنا ولعبنا 



صلح ولعبنا بيس وزغازيغ

وهنا ولا هنا واللى يخسر



يزغزغ التانى جامد جداااااااااااا

كل ده ومامتها قاعدة بتتفرج علينا



وبس وكانت بتلعب معانا بردو


=================

النهاردة سماء خلصت طبقها كله



علشان عرفت انها جايالى

الحضانة التانية مش حلوة علشان 



انا مش فيها بتاعتى انا احلى

اول مرة قالت لمامتها بحبك قالتلها



انا بحبك قد الزبالة


ههههههههههههههههه

تعبير غريب وعجيب 



هههههههههههههههههه

بس له سبب انها وهى مروحة



بتشوف مقلب زبالة كبيييييييير

اوى تحس كده انه مالوش اخر

فالبنت بتحب مامتها اوى فقالتلها 



كده هههههههههههههههه

================


اها كمان سمينا العروسة " حنين "



استغربت انها اختارت الاسم ده

بس قلت ف بالى فعلا والله دايما 



هيبقى بيننا حنين يا سماء

اه وسمت الزرافة " منى " المجرمة



ههههههههههههه

اسم بعيد تماما عن وصفى البنت كأنها

بتذلنى بقصر قامتى



هههههههههههههه

طبعا ماكنتش عايزة تمشى بس مشيتها

وقعدت اقولها الحضانة جميلة والله يا سماء

وكده يعنى اقنعتها

سماء كانت عيانة بسبب بعدنا عن بعض

انا كمان تعبت جدااااااا بسبب الموضوع



ده وكانت حالتى صعبة

مامة سماء تعبت من منظرنا وقالتلى عمرى

ف حياتى ماتخيلت ان بنتى بتحبك كده

ضحكتها النهاردة كانت مش معقولة بجد لدرجة

ان مامتها قالتلها وحشتنى ضحكتك دى

انا بحب سماء اوى مش 



عارفة بجد ومش مصدقة

ان البعد هينسينى ايامها



وكل ذكرياتنا مع بعض

من كتر حبى ليها خايفة عليها

الناس كانوا فاكرينها بنتى سايبة



مامتها وماسكة فيا انا

لحد دلوقتى بعد مامشيت بخمس ساعات

انا شامة ريحتها وسامعة ضحكتها ف ودنى

يارب ماتحرمنى منها ابداااااااااااا يارب

احميها واحفظها وبارك



فيها وخليها يارب


اللهم اميييييييييييييييين

انا بحبك يارب جدااااااااااا



لانك رزقتنى بيها وسط

كل اللى شايفاه من الدنيا الصعبة دى

الف حمد وشكر ليك يارب







11 داقوا الشاى وقالولى رأيهم:

Cute Kitty **sookra يقول...

yeeeeeeeeeees
اول تعليق
انا حاسه بيكى لانى اشتغلت فتره فى حضانه واتعلقت بااطفال وحزنت على بعدى عنهم
المهم كويس ان حالتك النفساويه بقت احلى
دايما كدا يارب
اوعى مااكونش اول تعليق
اصل لازم تجبيلى شيكولاته لو طلعت الاول

Cute Kitty **sookra يقول...

يانا ياغلبى
دا فيه اشراف على التعليقات
يعنى ممكن موش اكون الاول
ماعلينا بقى ربنا يستر عشان الشيكولاته ماتروحش عليا

мαησηα يقول...

ههههههههههههههههههه اول تعليق فعلا يا حبيبتى

ربنا يخليكى يا ساسو بجد مش عارفة اقولك ايه

http://www.chocolatetradingco.com/images/fullsize/gold.box.large%281%29.jpg

ادى الشوكولاته شبه اللى سما جابتها بالظبط والله

عارفة انى دلوقتى والله العظيم ماعارفة احب اى حد ولا اصلا عارفة اشتغل

كتر خير صاحب الحضانة انه مستحملنى بجد

يلا خيير كله بيعدى هههه

يارب دايما منورانى ياحبيبتى

Cute Kitty **sookra يقول...

الله دى تجنن يامنى
خليتى ريقى جرى على الشيكولاته واحنا نص الليل ومعرفش اخرج اجيب شيكولاته

мαησηα يقول...

يا حبيبتى معلش سامحينى صبرى نفسك بصور الشوكولاته لحد بكرة الصبح ان شاء الله ههههههه

Sweet Violet يقول...

ربنا مايحرمكم من بعض ياااارب
و دايما يارب تكونى فى الحالة الاخيرة مش الاولى فى البوست

و عايزة انا كمان شوكولاته بقى هه
اشمعنا ساسو يعنى
عاااااااااااااااا
عااااااااااااااااااا
عاااااااااااااااااااااااااااا
انا هغرقلك المدونة لو مش جبتى شوكولاته بقى و نسكافيه كمان هه بس

و تعالى هنا ايه توكتيك ده
اختراع جديد ولا ايه
اسمه توك توك
هنفضل نعلم فيكم لحد امتى بس
P:

أبــــو ضـــيــاء يقول...

ان شاء الله هتشوفوا بعض كتييييييييير

мαησηα يقول...

ههههههههههههه منورة يا ضد

وادى ياستى الشوكولاته

http://images1.fanpop.com/images/photos/2300000/Box-of-Chocolate-Candy-chocolate-2317057-1024-768.jpg

انتى تؤمرى ..

وادى النسكافيه

http://up4.m5zn.com/9bjndthcm6y53q1w0kvpz47xgs82rf/2009/8/10/01/940s58rq9.gif

ولو انه المفروض كان يبقى واحد شاى هههههه

يارب يسمع منك ربنا يا سويتى يارب

мαησηα يقول...

ابو ضياء .. تسلم يارب .. يسمع منك ربنا يا جميل منورنى والله

أع ـقل مـ ج ـنـونــة يقول...

يااااااااه بجد
تصدقي دمعت من كلامك عن احساسك بيها
لدرجة اني حسيت انها بنتك بجد !!!

وضحكت ضحك سمع اخر الشارع علي كلمة بحبك اد الزبالة ..

بجد بنوتة سكر ربنا يحميها ويخليكو لبعض يارب ^_^

мαησηα يقول...

اعقل مجنونة .. هههههههه هى فعلا بنتى

جيالى وهى عمرها 2 سنة يعنى انا اللى مربياها

يعنى اول مافتحت عنيها ع الدنيا لقيتنى

هههههههههههههه طالعالى فقر زى

انا كمان بحبها اكتر من الزبالة ههههههه

اللهم امييييييييييييييييييين

ربنا يرزقنى ويرزقك بالذرية الصالحة اللى

زى سماء يارب اللهم اميييييين

 

ೋ واحــد شـاى ♨ Template by Ipietoon Blogger Template | Gift Idea