احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، أكتوبر 30، 2009

وحشتنى اوى ..

من عمايل ايد .... мαησηα بالظبط الساعة 12:08 ص


انا اخويا وحشنى اوى وبجد انا بعيط

 دلوقتى معرفش ليه

فجاة لقيت قلبى وجعنى وحسيت انه وحشنى صوته

كل شوية سامعاه طالع ع السلم وبيفتح

باب الشقة وداخل يقول سلاموا عليكوووا

وحشنى خناقه معايا ههههههه وحشنى كمان
 
وهو بيقولى يا زكيييييييييية

لما كعادتى ببوظله حاجة هو كان بيعملها

معرفش بجد الناس اللى اخوتها مسافرة 
 
بعيد بره مصر بيعلموا ايه ؟

ازاى بيتعودوا ع كده

انا هتجنن بجد واقعد معاه شوية

وحشنى النسكافيه اللى هو بيعملهولى ونقعد نشربه
 
سوا وندردش مع بعض ونحكى

وحشتنى ضحكته اووووووى

يارب يجى بقه

ويارب احفظه واحميه لشباب هو
 
واللى زيه ورجعهولى بالسلامة

وهون غربته جوه بلده اللى هى اصعب انواع الغربه

8 داقوا الشاى وقالولى رأيهم:

romansy يقول...

ربنا يرجعه بالف سلامه
ويوفقه
اكيد مسافر يكوم مستقبله زى كل الناس ودا حقه تصدقى لو لقيت فرصه كويسه هسافر برضه
انا صحيح احمد لله بشتغل هنا وكل حاجه الحمد لله نعمه
بس الانسان لوحده مش بيعرف يعمل كل حاجه
السنه بره وبالذات لو فى مكان كويس
بخمس سنين فى مصر

ربنا يوفقه

Sweet Violet يقول...

اللهم امين
ربنا يرجعه لكم بالسلامة ياقمر
بس ليه بتقولى اننا هنستغرب
هو غريبة ان الاخت اخوها يوحشها ولا ايه ؟؟
اما صحيح انتى غريبة ياشيخه ههههههههههههه

فراشة يقول...

ربنا يرجعهولك بالسلامة ان شاء الله


وبجد انا فرحانه ان فيه واحده بتحب اخوها كدا ربنا يخليكم لبعض
انا طبعا حاسه بيكي شوية
عشان انا بابايا بيسافر من زمان

๓คภ๏ภค يقول...

@رومانسى

لا هو مش مسافر بره مصر جوه مصر بس وحشنى جداااا

ع فكرة يا احمد الغربة عمرها ماكانت حلوة ولا فلوس الدنيا بتغنيك عن لحطة تكون محتاج فيها حضن امك

صدقنى احنا طول عمرنا متغربين ولما رجعنا بلدنا بردوا فضلنا متغربين

الغربة مرة امر من الصبر

ركز ف شغلك هنا وانت هتبقى حاجة وماعدتش جايبه همها زى زمااان اللى كان ممكن تعمل فلوس دلوقتى لأ

๓คภ๏ภค يقول...

@ ضد

هههههههه ضحكتينى يا قلبى ربنا يسعدك اصحابى ف الشغل بيقولولى انى بدلع

ايه يعنى مسافر وبقالك اكتر من شهر ماشفتهوش

هما اللى غريبين صح يا سويتى

๓คภ๏ภค يقول...

@ فراشة

يارب اللهم اميييييين يا حبيبتى ويرجعلك باباكى بالسلامة ان شاء الله حبيبتى

نورتينى يا قمر

Saso يقول...

صباح الورد ياقمر
انا كمان اخويا مسافر بره مصر وحاسه باللى بتقوليه جدا
لانه كان الصديق اللى بحكى معاه طول الوقت
بحكيله وانا فرحانه وبحكيله وانا زعلانه ولما بعد حسيتنى اد ايه وحيده
وحيده اوى وبدأت ادور على حد يملى وحدتى وتقريبا لقيته لكن بعد هو كمان
امووووووووووووووووه
اخيرا حالتى اتعدلت شويه ورجعت اتكلم معاكم تانى

๓คภ๏ภค يقول...

صباح الفل حبيبتى ساسو .. معلش اتأخرت عليكى ف الرد بس ماكنتش فاضية ادخل وتصدقى ماشفتش تعليقك الا دلوقتى النت بيهيس عندى اخر حاجة

ربنا ياحبيبتى يرجعلنا كل اللى حبايبنا المتغربين بالسلامة ويطمنا عليهم ويحميهم يارب اللهم اميييييييييييييييييين

 

ೋ واحــد شـاى ♨ Template by Ipietoon Blogger Template | Gift Idea