احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، أكتوبر 01، 2009

اصعب يوم ف حياتى

من عمايل ايد .... мαησηα بالظبط الساعة 7:42 م







النهاردة انا ف حالة نفسية صعبة جدااااا


اكتر حاجة ف حياتى بكرهها هى الفراق

تخيلوا


حد انت بتحبه جداااا ومتعلق بيه


كل يوم بتشوفه وتصطبح بوشه اللى زى السكر


وفجاة بدون مقدمات يمشى ويسيبك


النهاردة سماء باباها قرر فجاة انها تسيب الحضانة وتروح


حضانة المدرسة التجريبية


ما تتخيلوش انا اول ماعرفت عملت ايه انا انهرت


وكنت حاسة ان روحى بتروح منى


***


النهاردة كانت لابسة شيك اووووى

كنت عايزة اصورها وبعدين مافضيتش اصورها للاسف 


الصور دى صورها من سنة بالظبط



كانت لابسالى طقم العيد علشان تفرجنى عليه


كانت جميلة زى ماهى جميلة ع طول


جابتلى سندويتش جبنة فيتا


علشان عارفة انى بحبها


وقعدت ع رجلى وتقولى


ميس منى لو مشيت ورحت التجربية مش هينفع تيجى معايا


قلتلها مش هينفع حبيبتى


سماء ماتمشيش وتسيبينى


قالتلى مش هامشى غير لما تتجوزى


علشان اجى فرحك وهاخلى بابا يشتريلى فستان


جميل زى بتاعك بالظبط


اخدتها ف حضنى قالتلى بحبك


قد السما وقد الارض


انا ع فكرة مش قادرة اكمل ...


انا اسفة


سلام








4 داقوا الشاى وقالولى رأيهم:

بحلم ورجلي علي الارض يقول...

begad 2na dam3t fe3lan el fora2 dh shee2 sa3b ,,

мαησηα يقول...

ربنا مايكتبه ع حد ابدااااا

ويخليكى لاحبابك يارب ومايفرقهم عنك ابدا

اللهم اميييييييييييييين

شاب فقرى يقول...

ان شاء الله ترجعلك تشوفيها تانى

وربنا يفرحك وينسيكى الحزن

طبع الحياة الفراق

تعودى على وجوده فى حياتك فى اى لحظة

تحياتى

شاب فقرى

мαησηα يقول...

نورتنى يا شاب مش فقرى .. للاسف عارفة ان طبع الحياة الفراق وللاسف مش قادرة اعود نفسى عليه

ربنا يسمع منك يارب وترجعلى واشوفها تانى يارب اللهم امييييييييييين

 

ೋ واحــد شـاى ♨ Template by Ipietoon Blogger Template | Gift Idea