احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، أكتوبر 24، 2009

خيابة مصرية 100 %

من عمايل ايد .... мαησηα بالظبط الساعة 1:12 ص


انا جه نتكلم بقه شوية جد

قارفينى ف الفيس بوك حوالى 100 دعوة

لجروبات لمقاطعة الفيس بوك 



يوم 24 اكتوبر ال ايه

علشان الفيس بوك رفض يقفل الجروبات


المسيئة للرسول عليه الصلاة والسلام

وادخل دلوقتى الاقى الفيس بوك فاضى



هههههههههههههه

ومنووووووووووور اه والله منور



وخفيف كده وروش

ماهو ماعليهوش ضغط بقه

كله عمال يبعتلك ك قاطع الفيس بوك

محسسنى انهم بكده هيحلوا الحكاية وهيمنعوا

الناس اللى بتسب رسولنا الكريم

فكرونى بالظبط بايام ماكنوا بيقولولنا قاطعوا

المنتجات اليهودية ومن بعدها 



المنتجات الدنماركية

وتدخل كل بيت تلاقى كيس اريال 



اوتوماتيك منور فوق الغسالة

وكارتين الصابون الكامى ف حمامتهم 



وكل انواع الشامبوهات

والبامبرز الوحيد اللى نوعه 



حلو هو بتاع المقاطعة

والعيال طالعة نازلة بتاكل تشيكلس



ومن قبلهم اهاليهم

فوق ده كله تلاقى الكانز "



بيبسى وكولا ف ايديهم ليل نهار "

و ohhhhhhhh my god

sorry

مابتفارقش لسانهم


ودادى ومامى ده الفلاحين عندا مابقوش 

يقولوا غير مامى ودادى وكى جى 


وان وكى جى توووو

والجبن الدنماركية وكل منتجات



الدنمارك ف مطابخهم

وتلاجاتهم بس فالحين لما



حد يزورهم يقعدوا يخبوا فيها

ال ويقولك نصرة نبينا وقراننا واسلامنا

بلا خيبة اتوكسوا وانتوا شعب مايل

طيب ع راى اللى بيقول بدل ماتقاطعوا



وتجمعوا بعض ف جروبات

كنتوا بلغتوا ان ده جروب مسئ وعلمت



علي العلامة اللى بتقول كده

والا كله لازم يغير الصورة طيب



وتغير الصورة بقه

هيبوظ شكل الفيس بوك



ولا ايه مش فاهمة


هههههههههههههههه

واشمعنى يوم 24 بقه ان شاء الله

هى طقت ف دماغهم كده

وتلاقى بقه نوعين من الناس ناس عايزة


تعمل شهرة وهيصة ويعمل بنى ادم

ويمكن منى الشاذلى تستضيفه 



ف العاشرة مساءا

لو الجروب بتاعه بقه عدده اكبر



من الجروبات التانية

ويطلع ينور التلفيزيون ويبقى مفخرة ابوه وامه

وهو بيقول انا اللى اقترحت وانا اللى عملت

اتوكس بلا خيبة

والنوع التانى منساقين كالانعام 



ولا حد فكر يسأل اشمعنى

ولا حد اصلا سمع عن الجروبات اللى بتسئ دى


كل ما اسأل حد يقولى انا ولا اعرف



باينهم مقاطعين علشان الجروبات اياها

ايه هى الجروبات اياها تلاقى الاجابة .................

وايموشن عبيط هههههههههه

وبعدين تعالى كده مع بعض

ابسط حاجة محسسنى ان الفيس بوك ده بيالكنا



ويشربنا ويشغلنا وبيربى عيالنا

يالهووووووووى ده احنا هنقاطع



الفيسبوك ياخرااااااشى

ده هنقاطعه يوووووووووووم بحاله

اتوكسوا تانى وتالت ورابع

ايه يعنى الفيس بوك ده اللى هتقاطعه



علشان رسولك الحبيب

ايه يعنى يوم


هى قيمته عندكوا يوم

ياربى انتوا مابتفكروش خالص كده ولا انا اللى عندى

بدل امخاخ البنى ادمين حاجة مختلفة لاسمح الله

دى لو هيفاء اللى اتشمت كان



زمان الفيس بوك منهااااااااااااااااااار

ومش هتدخلوه خااااااااااااااالص

مش يوووووووووووووووم



ومحسسنى انها تضحية كبيرة

وبعدين تعالالى ياللى بتقول 



انتى خاسسس عليكى ايه

ماتقاطعيه زينا وخلاص

معلش مين دول اللى قاطعوا 



الشباب الحلو اللى بيتنافس

ع جمع اكبر عدد من الناس علشان



يخلوا تامر حسنى يعتزل

ولا الشباب اللى بيطالبوا تامر حسنى



يحلق شعر صدره

ولا الشباب اللى بيجرى ورا هيفا الهيفا 



وهى بتشتم فينا علشان احنا شعب

يستاهل كل اللى يجراله

ولا الشباب اللى عامل جروبات محبى الشيبسى 



ومحبى البيبسى ومحبى الخ والخ والخ

ياختى هاتشل او هاموت بالنقطة من ده 



شعب لا فاهم حاجة ولا عمره هيفهم

ماشى ورا اللى ماشيين لو حتى رايح جهنم



اهم ماشيين

بالله عليكوا مرة واحدة ف حياتكوا اعملوا حاجة

حااااااااااااااااااااااااااااااااااااجة يا ناس حاجة



الكل يقول دى مصر ودول المصريين

انا اسفة مش مقاطعة الفيسبوك 



واللى مش عاجبه يركب اعلى مافى خيله

انا عمرى ماكنت ولا هابقى مجرد دابة مسحوبة

واحد عايز يعمل لنفسه اسم يعملوا ع حسابى

ولا كنت ولا هابقى مجرد رقم ف لستة وخلاص

زى بالظبط زى المثل اللى بيقول عد 



غنمك واكون واحدة من الغنم دول

ياجماعة ده احنا مسخرة العالم بعد مكنا مفخرة

كل حاجة هبلة وعبيطة بنعملها شغلانة



بقينا شعب بينضرب بيه المثل ف

الهبل والعبط عييييييييييب



اوى بجد اللى بيحصل ده

فوقوااااااااااااااااااااا



بقه وارحمونى

مع احترامى طبعا لكل اللى عايز يقاطع 



وكل اللى شايف ان كلامى غلط

ياااااااااااااااااااااااارب نفسى قبل ما اموت 



اشوف مصر عملت حاجة كويسة

يارب ده اكتر طلب محتاجة 



انه يتحقق قبل ما اموت



12 داقوا الشاى وقالولى رأيهم:

Cute Kitty **sookra يقول...

قلت اجى احجز اول تعليق
وارجع جرى اقرا البوست
امووووووووووه

Cute Kitty **sookra يقول...

والنبى ياختشى يامنى تشيلى موضوع موافقه مالك المدونه دا
اصل بتغاظ لو معرفتش انا اول تعليق ولا لا
وعموما هااحجز للحلوه ضد احسن تفسخ عقد الايجار بتاعى
وانا ياختى موش ادها
هههههههههههههه

Sweet Violet يقول...

امممم
افهم من كده ان انا و انتى بس اللى على الفيس
نيهاهاهاهاهاهاهاها
هعملك جو رعب دلوقتى عوووووووووووو
ههههههههههههههههههه

فعلا دول عايزين زى ماقولتى فرقعه
الصراحة لو فعلا هيحصل مقاطعه بسبب الاساءة للدين و الرسول يبقى اول ناس المفروض نقاطعهم هما المسلمين الجدد اللى عندهم الدين مظهر و اسم فقط لانهم و للأسف اكتر ناس اساءوا للاسلام
v_v

Sweet Violet يقول...

لالالالالا
ماقدرش انا على كده ياجودعان
ساسو بتحجز لى تعليق
ربنا يخليك ليا ياقمر
اممممممممممممموة
بوسة كبيرة ليك

و بوسه كبيرة لمنمن
اممممممممممممممموة

صباح الخير عليكم ياقمرات
و تم مد مدة عقد الايجار لساسو و منمن
^_^

Cute Kitty **sookra يقول...

ياحلاوتى ياحلاوتى وانا كدا اول تعليق
كدا بقينا 3 على الفيس بوك
منى وساسو والحلوه ضد
المهم انا كنت كتبت تعليق امبارح لكن النت فصل وموش وصل
المهم على رأى واحد بيقول "الشعب دا عايز يتربى "
وانا اضم صوتى لصوتك واقولوهم جاتكم ستين وكسه يامصريين وعلى رأى عمنا احمد فؤاد نجم "مش انت مصرى جاتك القرف"
تحياتى

بنت قلبى يقول...

اول زياره ليا ياربى تكون فى حاجه ما ليش فيها
طبعا مش هعرف ارد لانى مش من اهل الفيس بووووووك

دنا دخلت المدونه بطلوع روحى
اروح ادخل عالم الفيس بوك علشان روحت تتقطع لا
خلينى هنا احسن اسمع ليكم

أبــــو ضـــيــاء يقول...

انا معاكي في كل كلمة , بس تعرفي انا مقاطع مش عن اقتناع , لكن عشان حاجتين , اولا هي مش هتفرق يوم فعلا , ثانيا ان لو كان ده صح ما اجيش في رينا يسألني ليه ما قاطعتش , واكيد طبعا مش هتسأل ليه قاطعت , انا رأيي الشخصي ان الاسلام دين الحوار , مش دين المقاطعه

romansy يقول...

الحكايه مش حكايه مقاطعه اد ما هى مبدا وبينى بينك فيه كتير قوى قوى مش عندهم مبدا ودا عيب كبير قوى فى شعبنا ماشيين مع اللى ماشين ورايحيين مع اللى رايحيين
بدون وعى ولا اى حاجه

мαησηα يقول...

@ ساسو : هههههههههه ماشى ياقمر

منورة حبيبتى ع فكرة مش برضى اشيل الاشراف ع التعليقات لانى من النوع اللى بينسى جدااا فممكن انسى ابص ف تعليقات ولا لأ

معلش حبيبتك عندها زهايمر ف اسوأ حالاته

وبعدين انتى دايما حبيبتى اول تعليق ماتقلقيش ههههههه

мαησηα يقول...

@ احلى ضد .. ههههههه يافرحة ما تمت

كان نفسى يابنتى مش لقيت حد قاطع يعنى

هههههههههه

والاحلى بقه كنت بكلم بنات ع الايميل

وبقولهم هتقاطعوا قالولى طبعن لنصرة

نبينا فقلتلهم اتوكسوا هو اللى

انتوا بتعملوه ده حاجة

لقيتهم دخلوا علقوا وحطوا

استاتيوهات عادى جدا وبيهاجموا كمان

المقاطعين يعنى كل الحكاية انهم معانا

معانا علينا علينا مافيش مبدأ

استفزونى اووووووى يا ضد

والله كلامك تمام يا ضد يا عسل .. ربنا

يكتر من امثالك يارب

هههههههه وميرسى ع تمديد مدة الايجار يا

حبيبتى هههههه

=============

@ ساسو هههههههه

انتى فين بقه ع الفيس اجيبك

ازاى دورت ع ايميلك مش لقيته

دورى انتى عليا وضيفينى بس

قوليلى انتى

مين علشان ممكن اعملك اجنوور

هههههههههه

ده ميلى اللى مسجلة بيه ف الفيس

mano0ona@yahoo.com

اه والنبى يااوختى عايزين يعاد تربية

افكارهم والله الواحد مكسوف من اللى

بيحصل يلا ربنا يهدى


======================

@ بنت قلبى

هههههههههههه والله انتى عثل

ورحت شفت مدونتك

جميلة ورقيقة زيك يا صغنونة

يا سكرة هاقراها بس ع رواقة كده

ومستنينك ف الفيس بوك

هتيجى هتيجى يعنى هتروحى

فيييييييين ههههههه

نورتينى ويارب ماتكونش اخر

زيارة ليا

===============

@ ابو ضياء

اكبر غلط انك تعمل حاجة

مش مقتنع بيها يا ابو ضياء

ايه اللى صح ؟

اصلا ربنا هيسالنا كلنا

انتوا اصلا ضيعتوا وقتكوا

ف الفيس بوك ليه وع ايه ؟؟

مش ماقاطعتوش ليه يا ابو ضياء

انا عن نفسى بعترف ان اغلب

وقتى بضيعه ف حياتى

ع الفاضى

وهنتسأل عليه وهنتحاسب عليه مش

هنتسأل قاطعنا ليه

ورأيك الشخصى تمام اسلامنا دين

حوار فعلا بس اللى بيعرف بقه يحاور

ربنا يرحمنا ويهدينا يارب اللهم

امييييييين

===================


@ رومانسى

فعلا كلامك مظبوط الحكاية مسألة مبدا

للاسف هو ده عيب شعبنا الاساسى يكاد

يعتبر سمة من سمات المصريين

ربنا يهدى ويكرمنا ويطلع لشعبنا

عقل اذ فجأتن كده

شاب فقرى يقول...

انا قريت الكلام دا

وعجبنى

بس ببص للناس دى على اساس انهم اكيد كالتالى

يا اما عايزين يعملوا شهرة

يا اما عايزين يقاطعوا فعلا عشان خاطر النبى عليه الصلاة والسلام بس مش قادرين يا عينى بسيبوا الفيس بوك

انا فى مرة بسأل واحدة

قالت لى الدراسة جايه وانا حزينة اوى

بقولها ليه

قالت لى هسيب الفيس بوك وكدا يعنى

فهوا بيعتبر ملجأ لناس كتير مووووووووت

وبالنسبة للمقاطعة

انا واحد صاحبى عامل مقاطعة من ايام انتفاضة الاقصى

حتى كوباية البيبسى مش بيشربها

اه والله

مقاطعة بجد مش اشتغالات

تحياتى

شاب فقرى

мαησηα يقول...

تسلم يا شاب مش فقرى

من بعض ماعندكم ياباشا

مش قادرين ازاى يعنى بص لو واحدة

منهم مرتبطة بواحد وقالها ماتكلميش

فلان قاطعيه وفلان ده ابوها هتقاطعه

يا فقرى

عارف مش قادرين ليه لان الرسول عليه

الصلاة والسلام مش ف قلوبهم زى مما

المفروض يكون للاسف فى حاجات تانية

واخدة مساحة اكتر من حب الرسول

بس هما زى ما قلت لازم يبقوا

مع الهوجة الاكبر

الكتير هنقاطع يبقى يلا نقاطع ويغيروا

الصورة وهما يومين وحياتك وكله بيرجع

اسخم من الاول

اه الفيس بوك ملجا انا عن نفسى بحب

اكون موجودة فيه بس عادى ممكن ما

ادخلوش يوم او يومين او شهر عادى مش

ضرورة من ضرورياتى يعنى

هو لذيذ وبياخد الوقت فعلا

بس بردو لو فيه مبدا صح لو فى عزيمة

صح مكنش اصلا حد تجرأ وعمل جروبات

كده يا فقرى

الواحد بس نفسه انهم يبقوا بيعملوا

حاجة صح بس والله وانا مش هتاخر مش

بقه معانا معانا علينا علينا

ربنا يهدى

وصاحبك ده بجد باحييه

وربنا يارب يكتر من امثاله اللهم

اميييييييييييييييييين

نورتنى يا فقرى

 

ೋ واحــد شـاى ♨ Template by Ipietoon Blogger Template | Gift Idea