احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، سبتمبر 19، 2009

كل سنة وانتوا طيبين وف الكحك غرقانيين

من عمايل ايد .... мαησηα بالظبط الساعة 1:33 ص





خلاص خلص رمضان

وماشى وسايبنا بجد الواحد زعلان اوى

كان فرصة جميلة اوى كل يوم واحنا واقفين

 بين ايدين ربنا وبندعى وواثقين ان ربنا هيستجيب

لاننا ف اللحظة دى احب خلق الله اليه

كنت مبسوطة اوى انى بعمل حاجة حلوة لربنا

 اللى مغرقنى ف نعمه ومش عارفة اشكره عليها ازاى

حاولت اصوم رمضان السنة دى بجد

والحمد لله يعنى اقدر اقول انه فعلا

احلى واحسن من رمضان اللى  فات

حاجات كتير اوى حصلت ف رمضان ده فرحتنى

من ضمنها اول يوم رمضان هلال اتصل بيا يقولى

 كل سنة وانت طيبة يا طنط منى

كنت طايرة من الفرحة بيه

كمان حفظت جزء من القرأن الكريم لا بأس به

الحمد والشكر ليك يارب

الجمال ان سماء كانت بتسمعلى كل يوم

ههههههه وكانت اشطر منى

  لانها سبقانى بمراحل

وكانت بتديلى هدية لو سمعت صح

كانت بتدينى حضن جامد اوى وتلات بوسات

هههههههههههه

ربنا مايحرمنى منها ابداااا يارب

كمان انبسطت اوى انى اقمت ليلة القدر

ودعيت لكل الناس اللى بحبهم ونفسى بجد

ربنا يكرمهم مانسيتش حد السنة دى الحمد لله

واول مرة ف حياتى ابكى وانا بقرأ القران كانت ف رمضان ده

واول مرة ابكى وانا ساجدة وبطلب من ربنا انه يقبل توبتى عن ذنوبى

واحس انى خايفة اوى اوى من عذاب القبر وعذاب يوم القيامة

الحمد لله  .. ربنا يارب يعيد علينا الايام دى

 تانى بالخير والبركة والصحة والسعادة يارب

ويتقبل دعائنا طول الشهر الكريم

ويتقبل صيامنا ويرزقنا رضاه

 وعفوه ورحمته يوم الحساب

كل سنة وانتوا طيبين وف الكحك غرقانين 

ويصبر يارب كل المتغربين ويرجعهم لاهلهم بالسلامة

ويفرحهم ويهون غربتهم يارب اللهم اميييييييييييييييين




10 داقوا الشاى وقالولى رأيهم:

shams el7aya يقول...

كل سنه وانتى طيبة ياقلبى ويارب احلى عيد عليكى وبوسلى سما كتير كتير كتير
وان شاء الله يكون ربنا عفا عنك وتقبل طاعاتك وزاد من حسناتك فى رمضان امييييييييييييييييييييين يارب

أبــــو ضـــيــاء يقول...

كل سنه وانتي طيبه , يارب تقبل منا صيمنا وقيامنا وصالح اعمالنا, وتوفنا مع الصالحين

๓คภ๏ภค يقول...

منمن حبيب قلبى .. اهو دلوقتى بقه العيد جه هنا ههههههه
يارب حبيبتى عليا وعليكى ان شاء الله

وان شاء الله لو كلمتها او شفتها هابوسهالك واسلمل عليها كتيييييير

نورتينى حبيبة قلبى

๓คภ๏ภค يقول...

وانت طيب وبخير وصحة يا ابو ضياء

اللهم امييييييييييين يارب

ويجعله عيد سعيد ع الكل يارب

نورتنى يا احمد

Sweet Violet يقول...

اللهم امين

كل سنه و انتى طيبة ياقمر
وعيد سعيد عليكم
^_^

Pilland يقول...

______████ _
_____██████ _
____████████__________ ▌
___███____███_________ █
___██_______██__________▌
__███________█__________▌
__▌●█________█_________█
__███_______ █_________█
___██_______█________██
____________██_______██__▌
____█______██______███_ █
_____▌_____██_____████_█
__________███___█████_█_█
________███__██████__█_█
______███__████____██_█
_____███_█████_████_█
____████_██████_███_█__▌
___████_█ █__███ _█__██_▌
__█████_████_▌_█_███_▌
_█████_██___██___██_█
_█████_███████_███__█__██
_███_▌███___██____██_███
_███_▌█████___███__█__█
_████_▌▌___█__█_██████
__██████_████__▌_████
___█████_____████████
._=--███████████████
_=--=_-████████████
=--_=-_=-█████████
_______,-(''-.,(''-.,*♥*,.-''),.-'')-,________
¯¯¯¯¯¯¯¯'-(,.-''(,.-''*♥*''-.,)''-.,)-'¯¯¯¯¯¯¯
Best wishes from an Estonian living in Italy

الحــ ــزين يقول...

الحــ ــزين
كل سنة وانتى طيبة ياست الناس ..بصى دى اول مرة اتشرف بحضرتك ومش اخر مرة اتمنى انتى كمان تعبرينى ..هههههههه
دومتى سعيدةالحــ ــزين

3mr wa2el يقول...

كل سنة و انتى طيبة و رياب يجعل ايامك كلها عيد

و نشوفك كدة مبسوطة و فرحانة

و مني عدية خمسة جنية من الجداد عشان ننشرها ههههههههههههه

SHEMOooo يقول...

وانت طيبة ولو انها جت متأخرة
بس بجد كلامك كلة في كتير انا حسيتة ومريت بية
بس تعرفي اكتر حاجة مش حبتها السنة دي
ان برغم اني حسيت زيك
بس محستش بطعم رمضان زي مثلا من سنتين او حتي السنة اللي فاتت
مش عارفة لية فرحتي بي كانت مطفية شوية
مش عارفة السبب حقيقي
يمكن لأن كل حاجة اتغيرت مش عارفة..!!!

๓คภ๏ภค يقول...

نورا : يا حبيبتى يا قمرة

وانتى طيبة يا سكر ويارب يكون عيد عليكى انتى كمان جميل
==========

pilland كل سنة وانت طيب وبخير ويارب

وميرسى ع مرورك الجميل ده اتمنى تكراره

===============
الحزين :
تسلملى يا حزين انا الاسعد بمرورك وشرفنى

انا جيت عندك ع فكرة بس التعليقات

مش شغالة ف مدونتك فمعرفتش اعلق

تسلم ياباشا

==========
عمرو :

اللهم امين تسلملى يا حزين ويارب

يسعد ايامك كلها يا جميل

وميرسى ع العيدية الجميلة دى ههههه

=======
شيمو : حبيبة قلبى كل سنة وانتى طيبة وبخير

وف احسن حال يارب

اها لا معاكى حق رغم كل الاحاسيس الحلوة

دى لكن الاحساس برمضان كان شبه

مش موجود عند ناس كتير

مش انتى وانا بس كل الناس كانت مفتقدة

رمضان الحلو بتاع زمان اللى كان كله

فعلا بركة وخير وحب وفرح

يمكن بسبب كل التقنيات الحديثة اللى

طرات ع مجتعنا واستخدامتنا السيئة ليها

خلانا بقينا مش حاسين بطعمه زى زمان

تسلميلى ويسلملى مرورك يا سكرة

 

ೋ واحــد شـاى ♨ Template by Ipietoon Blogger Template | Gift Idea